Reliance Industries ଚଳିତ ଆର୍ଥିକ ବର୍ଷର ତୃତୀୟ ତ୍ରୈମାସରେ ରେକର୍ଡ଼ ଲାଭ ହାସଲ କଲା

Reliance Industries registers record profit in third quarter | କୋଭିଡ ପ୍ରଭାବ କମି ପରିବେଶ ସ୍ୱାଭାବିକ ହେବା ପରେ ରିଲାଏନ୍ସ ରିଟେଲ୍ ୨୦୨୧ ଡିସେମ୍ବର ସୁଦ୍ଧା ସରିଥିବା ତ୍ରୈମାସରେ ଏଯାବତ୍ ସର୍ବାଧିକ ରାଜସ୍ୱ ଆୟ କରିଛି । ଷ୍ଟୋରଗୁଡିକରେ ସର୍ବାଧିକ ବିକ୍ରି ହୋଇଛି ଓ ଡିଜିଟାଲ୍ ବ୍ୟବସାୟରେ ବୃଦ୍ଧି ଘଟିଛି ।

ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡର ସି.ଏମ୍.ଡି. ମୁକେଶ ଅମ୍ବାନି

ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡର ସି.ଏମ୍.ଡି. ମୁକେଶ ଅମ୍ବାନି

  • Share this:
News18 Odia Digital

ମୁମ୍ବାଇ: ଡିସେମ୍ବର ୩୧, ୨୦୨୧ ସୁଦ୍ଧା ଶେଷ ହୋଇଥିବା ତ୍ରୟମାସରେ ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ ରେକର୍ଡ଼ ଆର୍ଥିକ ପ୍ରଦର୍ଶନ କରିଥିବା କମ୍ପାନୀ ପକ୍ଷରୁ ଘୋଷଣା କରାଯାଇଛି । ଏହି ତିନି ମାସରେ କମ୍ପାନୀର ସବୁ ବ୍ୟବସାୟରେ ଦମ୍‌ଦାର ଅଭିବୃଦ୍ଧି ଘଟିଛି । କମ୍ପାନୀ ଏଯାବତ୍ ସର୍ବାଧିକ କନସୋଲିଡେଟେଡ୍‌ ନେଟ୍ ଲାଭ ୨୦,୫୩୯ କୋଟି ଟଙ୍କା ଓ ଇବିଆଇଟିଡିଏ ୩୩,୮୮୬ କୋଟି ଟଙ୍କା ଉପାର୍ଜନ କରିବା ସହିତ ନିଜ ରାଜସ୍ୱ ଆୟ ସର୍ବକାଳୀନ ସର୍ବାଧିକ ୨୦୯,୮୨୩ କୋଟି ଟଙ୍କାରେ ପହଞ୍ଚିଥିବା ଦେଖିଛି । ଏହାର କ୍ରମାନ୍ୱୟ ଅଭିବୃଦ୍ଧିରେ ଓ-ଟୁ-ସି ଏବଂ ଇଆଣ୍ଡ୍‌ପି ବ୍ୟବସାୟର ସର୍ବବୃହତ ଅବଦାନ ରହିଥିବା ବେଳେ ଉଭୟ ଜିଓ ଓ ରିଟେଲ୍‌ ବ୍ୟବସାୟ ମଜଭୁତ ଅଭିବୃଦ୍ଧି ହାସଲ କରି ଏ ପର୍ଯ୍ୟନ୍ତ ସର୍ବୋତ୍ତମ ତ୍ରୈମାସିକ ଫଳାଫଳ ପ୍ରଦର୍ଶନ କରିଛନ୍ତି ।

ରିଲାଏନ୍ସର ଓ-ଟୁ-ସି ବ୍ୟବସାୟ ପାରମ୍ପରିକ ଭାବରେ କମ୍ପାନୀର ମୋଟାମୋଟି ଲାଭରେ ସର୍ବବୃହତ ଅବଦାନ ରଖୁଥିବା ବେଳେ ଏ କ୍ଷେତ୍ରରେ ଉଲ୍ଲେଖନୀୟ ପୁନରୁଦ୍ଧାର ଘଟିଛି ଏବଂ ଇବିଆଇଟିଡିଏ ଗତ ବର୍ଷ ସମାନ ସମୟ ତୁଳନାରେ ୩୮.୭ ପ୍ରତିଶତ ବଢି଼ବା ସହ ୧୩,୫୩୦ କୋଟି ଟଙ୍କାକୁ (୧.୮ ବିଲିଅନ୍‌) ବୃଦ୍ଧି ପାଇଛି ଓ ତାହା ମୁଖ୍ୟତଃ ଉନ୍ନତ ଟ୍ରାନ୍ସପୋର୍ଟେସନ୍‌ ଫୁଏଲ୍‌ କ୍ରାକ୍ସ, ଉଚ୍ଚତର ପଲିଏଷ୍ଟର ଚେନ୍ ଡେଲ୍‌ଟା ଓ ଉଚ୍ଚତର ଉତ୍ପାଦନ ଯୋଗୁଁ ସମ୍ଭବ ହୋଇଛି ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ‘‘ହେ ଭଗବାନ! କାହିଁକି ମୋବାହାଘର କରେଇଲମୋସ୍ୱାମୀ ଖୁବ୍ ଖରାପ…’’ ଭାଇରାଲ୍ ଭିଡିଓରେ କହିଲେ ମହିଳା

କମ୍ପାନୀର ଇଆଣ୍ଡ୍‌ପି ବ୍ୟବସାୟ ମଧ୍ୟ ଉଲ୍ଲେଖନୀୟ ପ୍ରଦର୍ଶନ କରିଛି ଏବଂ ଉତ୍ପାଦନ କ୍ଷେତ୍ରରେ ଉଲ୍ଲେଖନୀୟ ଉନ୍ନତି ଏବଂ ଉନ୍ନତ ମୂଲ୍ୟ ନିର୍ଦ୍ଧାରଣ ବଳରେ ଏହାର ଇବିଆଇଟିଡିଏ ନୂତନ ଶିଖର ୨୦୩୩ କୋଟି ଟଙ୍କାରେ ପହଂଚିଛି । ୨୦୨୧ ଡିସେମ୍ବର ସୁଦ୍ଧା ଶେଷ ହୋଇଥିବା ତ୍ରୟମାସିକରେ ଉତ୍ପାଦନ ଗତବର୍ଷ ତୁଳନାରେ ୮୭ ପ୍ରତିଶତ ବୃଦ୍ଧିପାଇ ୫୩.୩ ବିଲିୟନ୍ କ୍ୟୁବିକ୍ ଫୁଟ୍ ସମାନ୍ତର ହୋଇଥିବାବେଳେ ହାରାହାରି କେଜିଡି୬ ପ୍ରାକୃତିକ ଗ୍ୟାସ ମୂଲ୍ୟ ବର୍ଷକ ପୂର୍ବ ସମୟ ତୁଳନାରେ ୭୪ ପ୍ରତିଶତ ବୃଦ୍ଧି ପାଇଥିଲା ।



ଜିଓ ପ୍ଲାଟଫର୍ମସ ଲିମିଟେଡ ଅଧୀନରେ କମ୍ପାନୀର ଡିଜିଟାଲ ବ୍ୟବସାୟ ମଧ୍ୟ ୨୦୨୧ ଡିସେମ୍ବର ସୁଦ୍ଧା ଶେଷ ହୋଇଥିବା ତ୍ରୟମାସିକରେ ଏହାର ସର୍ବୋତମ ପ୍ରଦର୍ଶନ ସ୍ତରରେ ପହଞ୍ଚିଥିଲା ଏବଂ ଏହାର ଇବିଆଇଟିଡିଏ ୧୦,୦୦୮ କୋଟି ଟଙ୍କା ରେ ପହଂଚିବା ସହିତ ସେଥିରେ ଗତବର୍ଷ ତୁଳନାରେ ୧୮.୧ ପ୍ରତିଶତ ବୃଦ୍ଧି ଘଟିଥିଲା । ଗ୍ରାହକ ସଂଖ୍ୟା ବୃଦ୍ଧି ଏବଂ ଗ୍ରାହକ ପିଛା ମାସିକ ରାଜସ୍ୱରେ ଉନ୍ନତି କାରଣରୁ ଇବିଆଇଟିଡିଏ ପରିମାଣରେ ତୀକ୍ଷ୍‌ଣ ୫୦୦+ ବିପିଏସ୍ ବୃଦ୍ଧି ସମ୍ଭବ ହୋଇଥିଲା ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | କୋହଲି ଟେଷ୍ଟ ଅଧିନାୟକତ୍ୱ ଛାଡି଼ବା ପରେ ଧୋନି ଶାସ୍ତ୍ରୀଙ୍କ ନାଁ ନେଲେ; କହିଲେ ଜାଣନ୍ତୁ

ଆଲୋଚ୍ୟ ତ୍ରୟମାସିକରେ ଜିଓର ଗ୍ରାହକ ସଂଖ୍ୟା ୪୨୧ ନିୟୁତରେ ପହଂଚିଥିଲା, ଯେଉଁଥିରେ ପୂର୍ବ ବର୍ଷ ତୁଳନାରେ ୧୦ ନିୟୁତ ବୃଦ୍ଧି ଘଟିଥିଲା । ଉନ୍ନତ ମିଶ୍ରିତ ଗ୍ରାହକ ଆଧାର ଏବଂ ୨୦୨୧ ଡିସେମ୍ବର ୧ ତାରିଖରୁ ଶୁଳ୍କରେ ୨୦% ବୃଦ୍ଧି ବଳରେ ଗ୍ରାହକ ପିଛା ମାସିକ ହାରାହାରି ରାଜସ୍ୱ (ଏଆରପିୟୁ) ପୂର୍ବ ୧୬ଟି ତ୍ରୟମାସଠାରୁ ସର୍ବାଧିକ ୧୫୧.୬ ଟଙ୍କାକୁ ବୃଦ୍ଧିପାଇଛି ।

ଏହା ବି ପଢ଼ନ୍ତୁ | ଏହି ପେନ୍ସନ୍ପ୍ଲାନ୍ ନେଲେ ଆପଣଙ୍କୁ ପ୍ରତି ମାସ ମିଳିବ ୧୨,୦୦୦ ଟଙ୍କା ପେନ୍ସନ୍‌; ଜାଣନ୍ତୁ ସବୁ କିଛି

ଜିଓର ଗ୍ରାହକ ନିୟୋଜନତାରେ ନିରନ୍ତର ଉନ୍ନତି ଘଟିବା ସହିତ ପ୍ରତି ବ୍ୟବହାରକାରୀ ପିଛା ପ୍ରତି ମାସରେ ହାରାହାରି ଡାଟା ଓ ଭଏସ୍ ବ୍ୟବହାର ୧୮.୪ ଜିବି ଏବଂ ୯୦୧ ମିନିଟକୁ ବୃଦ୍ଧିପାଇଛି, ଯେଉଁଥିରେ ଯଥାକ୍ରମେ ୪୨.୬% ଏବଂ ୧୩.୨% ଅଭିବୃଦ୍ଧି ଘଟିଛି । ଜିଓ ମଧ୍ୟ ଏହାର ଜିଓଫାଇବର ଅଧୀନରେ ଓୟାରଲାଇନ ବ୍ରଡ୍‌ବ୍ୟାଣ୍ଡ ଗ୍ରାହକ ସଂଖ୍ୟା ୫ ନିୟୁତରେ ପହଂଚିଥିବା ଘୋଷଣା କରିଛି, ଯେଉଁଥିରେ ଦ୍ରୁତ ଅଭିବୃଦ୍ଧି ଘଟୁଛି ।



ଜିଓ ୫ଜିର ପରୀକ୍ଷଣରେ ଅଗ୍ରଗତି ହାସଲ କରିଚାଲିଛି ଏବଂ ଦେଶରେ ପ୍ରାୟ ୧ହଜାର ଶୀର୍ଷ ସହରଗୁଡିକ ପାଇଁ ୫ଜି ସେବା ପ୍ରଚଳନ ଯୋଜନା ସମ୍ପୂର୍ଣ୍ଣ ହୋଇଛି । କମ୍ପାନୀ ସଂପ୍ରତି ଏହାର ୫ଜି ନେଟୱର୍କରେ ସ୍ୱାସ୍ଥ୍ୟସେବା ଏବଂ ଶିଳ୍ପକ୍ଷେତ୍ରର ଅଟୋମେସନ ନିମନ୍ତେ ଉନ୍ନତ ବ୍ୟବହାରର ପରୀକ୍ଷଣ କରୁଛି ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ଚିତା ବାଘକୁ KISS କଲେ ଯୁବତୀ! ଏହି VIDEO ଉପରୁ ଲୋକଙ୍କ ନଜର ହଟୁନି; ଆପଣ ବି ଦେଖନ୍ତୁ

କୋଭିଡ ପ୍ରଭାବ ହ୍ରାସ ହୋଇ ପରିଚାଳନା ପରିବେଶ ସାମାନ୍ୟ ସ୍ୱାଭାବିକ ସ୍ଥିତିକୁ ଫେରିବା ପରେ ରିଲାଏନ୍ସ ରିଟେଲ ୨୦୨୧ ଡିସେମ୍ବର ସୁଦ୍ଧା ଶେଷ ହୋଇଥିବା ତ୍ରୟମାସିକରେ ଏଯାବତ୍ ସର୍ବାଧିକ ରାଜସ୍ୱ ଆୟ କରିଛି । ଷ୍ଟୋରଗୁଡିକରେ ସର୍ବାଧିକ ବିକ୍ରି ସହିତ ଡିଜିଟାଲ ଏବଂ ନୂଆ ବ୍ୟବସାୟରେ ନିରନ୍ତର ଅଭିବୃଦ୍ଧି ବଳରେ ସମସ୍ତ ଆହରଣ କ୍ଷେତ୍ରରେ ସର୍ବୋତମ ରାଜସ୍ୱ ଆୟ କରାଯାଇପାରିଛି ।

ଏହା ବି ପଢ଼ନ୍ତୁ | ଏବେ Aadhaar ନମ୍ବର୍ଯୋଡ଼ାଯିବ Voter Id ସହିତ; Election Laws Amendment Bill ପାସ୍ ହେଲା

ରିଲାଏନ୍ସ  ରିଟେଲର ମୋଟ ରାଜସ୍ୱ ଆୟ ୨୦୨୧ ଡିସେମ୍ବର ସୁଦ୍ଧା ଶେଷ ହୋଇଥିବା ତ୍ରୟମାସରେ ଗତବର୍ଷ ତୁଳନାରେ ୫୨.୫ ପ୍ରତିଶତ ବୃଦ୍ଧିପାଇ ୫୭,୭୧୪ କୋଟି ଟଙ୍କାକୁ ବୃଦ୍ଧି ପାଇଥିବାବେଳେ ଇବିଆଇଟିଡିଏ ଗତବର୍ଷ ତୁଳନାରେ ୨୩.୮ ପ୍ରତିଶତ ବୃଦ୍ଧି ସହ ୩,୮୨୨ କୋଟି ଟଙ୍କାକୁ ବୃଦ୍ଧିପାଇଛି ।

ରିଲାଏନ୍ସ ରିଟେଲ ତାହାର ଉପସ୍ଥିତି ସମ୍ପ୍ରସାରିତ କରିଚାଲିବା ସହିତ ୮୩୭ଟି ଷ୍ଟୋର ଯୋଗ କରିଛି ଏବଂ ଏଥିସହିତ ଏହାର ମୋଟ ଷ୍ଟୋର ସଂଖ୍ୟା ୧୪,୪୧୨ରେ ପହଞ୍ଚାଇଛି ଯାହା ୪୦ ନିୟୁତ ବର୍ଗଫୁଟ ପରିମିତ ସ୍ଥାନରେ ଅବସ୍ଥିତ । ଫିଜିକାଲ ରିଟେଲ ଭିତ୍ତିଭୂମି ସହିତ କମ୍ପାନୀ ମଧ୍ୟ ତାହାର ଡିଜିଟାଲ ଉପସ୍ଥିତିକୁ ମଜଭୁତ କରିଛି । କମ୍ପାନୀ ନିଜ ନୂଆ ବ୍ୟବସାୟ ପ୍ଲାଟଫର୍ମରେ ବ୍ୟବସାୟିକ ସହଯୋଗୀ କ୍ଷେତ୍ରରେ ପୂର୍ବବର୍ଷ ତୁଳନାରେ ଚାରିଗୁଣ ଅଭିବୃଦ୍ଧି ହାସଲ କରିଛି । ସେହି ସମୟରେ ଡିଜିଟାଲ ବ୍ୟବସାୟ ପ୍ଲାଟଫର୍ମରେ ଅର୍ଡର ଟିୟର-୨ ଅଥବା କ୍ଷୁଦ୍ର ସହରାଞ୍ଚଳରୁ ଦୁଇଗୁଣ ହୋଇଛି, ଯାହା ଡିଜିଟାଲ ବ୍ୟବସାୟ ଅର୍ଡରଗୁଡିକ ମଧ୍ୟରେ ୫୦%ରୁ ଅଧିକକୁ ପ୍ରତିନିଧିତ୍ୱ କରୁଛି ।

ଏହା ବି ପଢ଼ନ୍ତୁ | Women marriage legal age: ଝିଅମାନେ ଆଉ ୧୮ ବର୍ଷ ବୟସରେ ବିବାହ କରିପାରିବେନି; ବଦଳିବ ଆଇନ

ଏହି ତ୍ରୟମାସିକରେ ରିଲାଏନ୍ସ ଶେଲ୍ ଗ୍ୟାସ ବ୍ୟବସାୟରେ ଏହାର ଅବଶିଷ୍ଟ ଅଂଶକୁ ବିକ୍ରି କରିବା ଦ୍ୱାରା ଏଥିରୁ ଓହରି ଯାଇଛି, ଯେଉଁଥିରୁ ଏହାର ନେଟ୍ ଲାଭରେ ୨,୮୭୨ କୋଟି ଟଙ୍କାର ଲାଭ ମିଳିପାରିଛି ।



୨୦୨୧-୨୨ ଆର୍ଥିକ ବର୍ଷର ତୃତୀୟ ତ୍ରୟମାସିକ ବ୍ୟବସାୟିକ ପ୍ରଦର୍ଶନ ସମ୍ପର୍କରେ ମତ ଦେଇ ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡର ଚେୟାରମ୍ୟାନ୍ ଏବଂ ପରିଚାଳନା ନିର୍ଦ୍ଦେଶକ ମୁକେଶ ଡି. ଅମ୍ବାନି କହିଛନ୍ତି, “ରିଲାଏନ୍ସ ୨୦୨୧-୨୨ ଆର୍ଥିକ ବର୍ଷର ତୃତୀୟ ତ୍ରୟମାସିକରେ ଆଉ ଏକ ଦମ୍‌ଦାର ପ୍ରଦର୍ଶନ କରିଥିବା ମୁଁ ଆନନ୍ଦର ସହିତ ଘୋଷଣା କରୁଛି । ଆମର ସମସ୍ତ ବ୍ୟବସାୟ କ୍ଷେତ୍ରରୁ ମଜଭୁତ ଅବଦାନ ସହିତ ଆମେ ରେକର୍ଡ ପରିଚାଳନାଗଗତ ଫଳାଫଳ ହାସଲ ପାରିଛୁ ।”

ଏହା ବି ପଢ଼ନ୍ତୁ ଦେଖନ୍ତୁ ଭିଡିଓ | Bipin Rawatଙ୍କ ହେଲିକପ୍ଟର୍ ‘‘ଆକାଶରେ ହଠାତ ଗାୟବ୍ ହୋଇଯାଇଥିଲା…’’; ଦେଖନ୍ତୁ ଶେଷ ମୁହୂର୍ତ୍ତର VIDEO

‘‘ଆମର ଡିଜିଟାଲ ସେବା ବ୍ୟବସାୟ ଉନ୍ନତ ଗ୍ରାହକ ନିୟୋଜନ ଏବଂ ମିଶ୍ରିତ ଗ୍ରାହକ ଆଧାରିକୁ ନେଇ ପରିବ୍ୟାପ୍ତ, ଦୀର୍ଘସ୍ଥାୟୀ ଏବଂ ଲାଭଜନକ ଅଭିବୃଦ୍ଧି ହାସଲ କରିପାରିଛି” ବୋଲି ସେ କହିଛନ୍ତି । ଏଥି ସହିତ ସେ କହିଛନ୍ତି ଯେ, “ରିଟେଲ ବ୍ୟବସାୟ କାର୍ଯ୍ୟକଳାପ ସ୍ୱାଭାବିକ ସ୍ଥିତିକୁ ଫେରିଛି ଏବଂ ପାର୍ବଣ ଋତୁ ସହିତ ଦେଶବ୍ୟାପୀ ତାଲାବନ୍ଦ କଟକଣା କୋହଳ କରାଯିବା କାରଣରୁ ପ୍ରମୁଖ ଉପଭୋକ୍ତା କ୍ଷେତ୍ରରେ ଦୃଢ ଅଭିବୃଦ୍ଧି ସାଧିତ ହୋଇଛି ।”

ଏହା ବି ପଢ଼ନ୍ତୁ | CDS Bipin Rawat Death: ‘‘ବିପିନ ରାୱତ ବଞ୍ଚିଥିଲେ, ପାଣି ମାଗିଥିଲେ,’’ କହିଲେ ଜଣେ ପ୍ରତ୍ୟକ୍ଷଦର୍ଶୀ

‘‘୨୦୩୫ ସୁଦ୍ଧା ନେଟ୍ ଶୂନ୍ୟ କାର୍ବନ କମ୍ପାନୀରେ ପରିଣତ ହେବାକୁ ଆମ ଲକ୍ଷ୍ୟ ହାସଲ ଦିଗରେ ଆମେ ନିରନ୍ତର ଅଗ୍ରଗତି କରୁଛୁ । ସୋଲାର ଏବଂ ଗ୍ରୀନ୍ ଏନର୍ଜି କ୍ଷେତ୍ରରେ ପ୍ରଯୁକ୍ତି ଦୃଷ୍ଟିରୁ ଅଗ୍ରଣୀ ସ୍ଥାନରେ ଥିବା କମ୍ପାନୀଗୁଡିକ ସହିତ ନିକଟରେ ଆମର ସହଭାଗିତା ଏବଂ ପୁଞ୍ଜିନିବେଶ ସ୍ୱଚ୍ଛ ଏବଂ ସବୁଜ ଶକ୍ତିକୁ ରୂପାନ୍ତରିତ ହେବା କ୍ଷେତ୍ରରେ ଭାରତ ଏବଂ ସମୁଦାୟ ବିଶ୍ୱ ସହିତ ସହଭାଗୀ ହେବା କ୍ଷେତ୍ରରେ ଆମର ପ୍ରତିବଦ୍ଧତାକୁ ପ୍ରଦର୍ଶିତ କରୁଛି । ଆମେ ଅଭିବୃଦ୍ଧିମୂଳକ ପ୍ରୟାସ ଜାରି ରଖିଛୁ ଏବଂ ଆମର ଗ୍ରହ ପାଇଁ ଏକ ଅଧିକ ଦୀର୍ଘସ୍ଥାୟୀ ଭବିଷ୍ୟତ ମିଳିତ ଭାବରେ ବିକଶିତ କରିବାରେ ଆମ ସହିତ ସମାନ ଲକ୍ଷ୍ୟ ରଖୁଥିବା ବିଶ୍ୱସ୍ତରୀୟ ଅଗ୍ରଣୀ କମ୍ପାନୀଗୁଡିକ ସହିତ ମିଳିତ ଭାବରେ କାର୍ଯ୍ୟ କରୁଛୁ,” ବୋଲି ଶ୍ରୀ ମୁକେଶ ଡି.ଅମ୍ବାନି କହିଛନ୍ତି ।

ଏହା ବି ପଢ଼ନ୍ତୁ | ଦୁଇ ହଜାର ଟଙ୍କିଆ ନୋଟ୍ ବଜାରରେ କାହିଁକି ଦେଖିବାକୁ ମିଳୁନି? ଏବେ ଜଣା ପଡ଼ିଲା କାରଣ

ଏଥିସହିତ ସେ କହିଛନ୍ତି, “ଆମର ତୈଳ ଓ ଗ୍ୟାସ ବିଭାଗ ଉଲ୍ଲେଖନୀୟ ଲାଭ ଉପାର୍ଜନକାରୀ ହୋଇପାରିଛି, ପରିମାଣ କ୍ଷେତ୍ରରେ ଅଭିବୃଦ୍ଧି ସହିତ ସେଥିରୁ ଅଧିକ ଆୟ ମିଳିଛି ।”
Published by:Anand S.T. Das
First published: