ବୟଫ୍ରେଣ୍ଡ ନଥିଲେ କଲେଜ ମନା; ଭାଲେଣ୍ଟାଇନ୍ସ ଡେ ପାଇଁ ଜାରି ହେଲା ଏପରି ଏକ ଚିଠି

No Boyfriend No College: ଭାଲେଣ୍ଟାଇନ୍ସ ଡେ (Valentine's Day) ପୂର୍ବରୁ ଏକ ଚିଠି ଭାଇରାଲ ହେଉଛି। ଯାହାକୁ ନେଇ ସବୁ ମହଲରେ ବେଶ୍ ଚର୍ଚ୍ଚା। ଭାଇରାଲ ହେଉଥିବା ଏହି ଚିଠି ଏକ କଲେଜର, ଯେଉଁଥିରେ ପ୍ରିନ୍ସପାଲଙ୍କ ଦସ୍ତଖସ୍ତ ମଧ୍ୟ ରହିଛି।

ବୟଫ୍ରେଣ୍ଡ ନଥିଲେ କଲେଜ ମନା

ବୟଫ୍ରେଣ୍ଡ ନଥିଲେ କଲେଜ ମନା

  • News18 Odia
  • Last Updated :
  • Cuttack, India
  • Share this:
News18 Odia Digital

ଜଗତସିଂହପୁର: ଆଉ କିଛି ଦିନ ପରେ ଆରମ୍ଭ ହେବ ଭାଲେଣ୍ଟାଇନ୍ସ ସପ୍ତାହ (Valentine's Day)। ଯାହାକୁ ଆଜିର ଯୁବପିଢ଼ି ଖବୁ ଧୁମଧାମରେ ସେଲିବ୍ରେଟ କରିନ୍ତି। ନିଜର ଗର୍ଲଫ୍ରେଣ୍ଡ (Girlfriend) କିମ୍ବା ବୟଫ୍ରେଣ୍ଡ (Boyfriend) ସହ ବୁଲିବା ସହ ଗିଫ୍ଟ ମଧ୍ୟ ପରସ୍ପରକୁ ଦିଆନିଆ ହୁଅନ୍ତି। ହେଲେ ଏହି ଭାଲେଣ୍ଟାଇନ୍ସ ଡେ ପୂର୍ବରୁ ଏକ ଚିଠି ଭାଇରାଲ ହେଉଛି। ଯାହାକୁ ନେଇ ସବୁ ମହଲରେ ବେଶ୍ ଚର୍ଚ୍ଚା। ଭାଇରାଲ ହେଉଥିବା ଏହି ଚିଠି ଏକ କଲେଜର, ଯେଉଁଥିରେ ପ୍ରିନ୍ସପାଲଙ୍କ ଦସ୍ତଖସ୍ତ ମଧ୍ୟ ରହିଛି।

ସୂଚନା ଅନୁଯାୟୀ, ଜଗତସିଂହପୁର ଏସଭିଏମ୍ କଲେଜ୍ (SVM College) ଏକ ଚିଠି ଜାରି କରିଛି। ଯେଉଁଥିରେ ଲେଖା ଅଛି ଆସନ୍ତା ଫେବୃଆରୀ ମାସ ୧୪ରୁ କଲେଜର ପ୍ରତ୍ୟେକ ଛାତ୍ରୀ ନିଜ ନିଜ ସୁରକ୍ଷ ନିମନ୍ତେ ଅତି କମରେ ଜଣେ ପୁରୁଷ ବନ୍ଧୁ ବା ବୟଫ୍ରେଣ୍ଡ ବାଛିବାକୁ ବାଧ୍ୟତାମୂଳକ କରାଯାଇଛି।

ବୟଫ୍ରେଣ୍ଡ ନଥିବା ଛାତ୍ରୀଙ୍କୁ କଲେଜ ଭିତରକୁ ପ୍ରବେଶ କରିବାକୁ ଅନୁମତି ମିଳିବ ନାହିଁ। ଛାତ୍ରୀମାନଙ୍କ ସୁରକ୍ଷା ଦୃଷ୍ଟିରୁ ଏହି ନିୟମ ଜାରି କରାଯାଇଛି। ବୟଫ୍ରେଣ୍ଡ ସହ ଉଠାଯାଇଥିବା ଫଟୋକୁ ଛାତ୍ରୀମାନେ ପରିଚୟ ପତ୍ର ହିସାବରେ କଲେଜରେ ପ୍ରବେଶ କରିବା ସମୟରେ ବ୍ୟବହାର କରିପାରିବେ। ଏହା ସମସ୍ତ ଛାତ୍ରୀଙ୍କ କ୍ଷେତ୍ରରେ ବାଧ୍ୟତାମୂଳକ। ପ୍ରେମର ବାର୍ତ୍ତା ଖେଳାଇବା ନିମନ୍ତେ ଏହା ଉଦ୍ଧିଷ୍ଟ।

ଏହି ଖବର ବି ପଢ଼ନ୍ତୁ: National Girl Child Day: କାହିଁକି ଜାନୁଆରୀ ୨୪ରେ ପାଳନ କରାଯାଏ ଜାତୀୟ ବାଳିକା ଦିବସ? ଜାଣନ୍ତୁ...

ଖାସ୍ କଥା ହେଉଛି କି ଏହି ଲେଟରର ଶେଷରେ ରହିଛି କଲେଜ ପ୍ରିନ୍ସପାଲଙ୍କ ଦସ୍ତଖତ। ତେବେ କଲେଜ କର୍ତ୍ତୃପକ୍ଷଙ୍କୁ ପଚାରିବା ପରେ ଜଣାପଡ଼ିଛି କି ଏହା ସମ୍ପୂର୍ଣ୍ଣ ମିଛ। କଲେଜ ତରଫରୁ ସେମିତି କୌଣସି ଚିଠି ଜାରି କରାଯାଇନାହିଁ ବୋଲି କୁହାଯାଇଛି। ଏହି ଭାରରାଲ ହେଉଥିବା ଚିଠିକୁ ନେଇ ଥାନାରେ କଲେଜ ତରଫରୁ ଅଭିଯୋଗ କରାଯାଇଛି।
Published by:Lipina Das
First published: