ଏନକାଉଣ୍ଟର ଭୟରେ ଆତ୍ମସମର୍ପଣ; ରିମାଣ୍ଡରେ ଆସିବ ଦୁର୍ଦ୍ଦାନ୍ତ ଅପରାଧୀ ରାଜେଶ ମହାପାତ୍ର

ରାଜେଶକୁ ରିମାଣ୍ଡ ଆଣିବା ପାଇଁ ଭୁବନେଶ୍ବର ଏସଡିଜେଏମ କୋର୍ଟରେ ୧୦ ଦିନ ପାଇଁ ରିମାଣ୍ଡ  ଆବେଦନ କରିଛି  ପୋଲିସ। କୁଖ୍ୟାତ ଅପରାଧୀ ଚକରା ଗ୍ୟାଙ୍ଗର ମୁଖ୍ୟ ସହଯୋଗୀ ଥିଲା ରାଜେଶ ମହାପାତ୍ର।

ରିମାଣ୍ଡରେ ଆସିବ ଦୁର୍ଦ୍ଦାନ୍ତ ଅପରାଧୀ ରାଜେଶ ମହାପାତ୍ର (ପ୍ରତୀକାତ୍ମକ ଛବି)

ରିମାଣ୍ଡରେ ଆସିବ ଦୁର୍ଦ୍ଦାନ୍ତ ଅପରାଧୀ ରାଜେଶ ମହାପାତ୍ର (ପ୍ରତୀକାତ୍ମକ ଛବି)

  • Share this:
News18 Odia Digital

ଭୁବନେଶ୍ୱର: ରାଜଧାନୀ ପୋଲିସର ନିଦ ହଜାଇଥିବା ଦୁର୍ଦ୍ଦାନ୍ତ ଅପରାଧୀ ରାଜେଶ ମହାପାତ୍ରଙ୍କୁ ରିମାଣ୍ଡରେ ଆଣିବ ଖଣ୍ଡଗିରି ଥାନା ପୋଲିସ । ଏନେଇ ଭୁବନେଶ୍ବର ଏସଡିଜେଏମ କୋର୍ଟରେ ୧୦ ଦିନ ପାଇଁ ରିମାଣ୍ଡ ଆବେଦନ କରିଛି ପୋଲିସ । ରିମାଣ୍ଡରେ ଅନୁମତି ମିଳିବା ପରେ ରାଜେଶର କ୍ରାଇମ ନେଟୱର୍କ ଖୋଲିବା ପାଇଁ ଯୋଜନା କରିଛି ତଦନ୍ତକାରୀ ସଂସ୍ଥା ।

କୁଖ୍ୟାତ ଅପରାଧୀ ଚକରା ଗ୍ୟାଙ୍ଗର ମୁଖ୍ୟ ସହଯୋଗୀ ଥିଲା ରାଜେଶ ମହାପାତ୍ର । ଚକରାକୁ ଏନକାଉଣ୍ଟର ପରେ ପୁରା ଗ୍ୟାଙ୍ଗ ଖସି ପଳାଇଥିଲା ଗ୍ୟାଙ୍ଗ । ଗୁରୁବାର ରାଜେଶ ଭୁବନେଶ୍ୱର କୋର୍ଟରେ ଆତ୍ମ ସମର୍ପଣ କରିବା ପରେ ଅଧିକ ତଦନ୍ତ ପାଇଁ ରିମାଣ୍ଡରେ ଆଣି ଜେରା କରିବାକୁ ଲକ୍ଷ୍ୟ ରଖିଛି କମିଶନରେଟ ପୋଲିସ ।

ଏନକାଉଣ୍ଟର ଭୟରେ ଆତ୍ମସମର୍ପଣ । ରିମାଣ୍ଡରେ ଆସିବ ଦୁର୍ଦ୍ଦାନ୍ତ ଅପରାଧୀ ରାଜେଶ ମହାପାତ୍ର । ଚକରା ପରେ ରାଜେଶର ଖୋଲିବ କ୍ରାଇମ ଫାଇଲ୍ । ଗେମ୍ ଓଭର ନାମରେ ଗଢ଼ିଥିଲା ନୂଆ ଗ୍ୟାଙ୍ଗ୍ । ଫିଲ୍ମି ଷ୍ଟାଇଲରେ ମାଆ-ପୁଅ ମିଶି କରୁଥିଲେ କ୍ରାଇମ । କେମିତି କେତେ ବେଳେ କେଉଁଠାରେ କାହାକୁ ଟାର୍ଗେଟ କରାଯିବ, ରାଜେଶ ଘରେ ହେଉଥିଲା ବ୍ଳୁ-ପ୍ରିଣ୍ଟ । ଅପରାଧ କରିବା ରାଜେଶର ମାଆ ଜ୍ୟୋସ୍ନାମୟୀ ମହାପାତ୍ର ଦେଉଥିଲା ସାହସ । ମର୍ଣ୍ଣିୱାର୍କ ବେଳେ ଛିନତାଇ, ଲୁଟ, ଡକାୟତି ଥିଲା ରାଜେଶ ଆଣ୍ଡ କୋର କାମ। ଲୁଟ ବେଳେ ବେଳେ ବାଧା ଦେଲେ ସିଧା ସଳଖ ହାଣି ଦେଉଥିଲେ ଏହି ଦୁର୍ଦ୍ଦାନ୍ତ ଗ୍ୟାଙ୍ଗ ।

"ରାଜେଶ ନାମରେ ବିଭିନ୍ନ ଥାନରେ ୪୬ଟି ଅପରାଧିକ ମାମଲା ରହିଛି। ଦୀର୍ଘଦିନ ଧରି ରାଜଧାନୀ ଓ ଆଖପାଖ ଅଞ୍ଚଳରେ ରାଜେଶ ଓ ତାର ଗ୍ୟାଙ୍ଗ ଅପରାଧ ଭିଆଉଥିଲେ। ବିଶେଷ କରି ରାଜେଶ ଓ ତିନିଦିନ ତଳେ ଗିରଫ ହୋଇଥିବା ତା  ମାଆ ଜ୍ୟୋସ୍ନାରାଣୀ ମହାପାତ୍ର ଚଳାଇଥିଲେ କ୍ରାଇମ ସିଣ୍ଡିକେଟ୍ । ଗତ ୫ ମାସରେ ଭୁବନେଶ୍ବର ଘଟିଥିବା ଅପରାଧରେ ଚକରା ସହ ମିଶି କ୍ରାଇମ କରିଥିଲା । ରାଜେଶକୁ ରିମାଣ୍ଡରେ ଆଣି ତାର କ୍ରାଇମ ନେଟୱାର୍କ ବାବଦରେ ଖୋଳତାଡ଼ କରାଯିବ,"କହିଛନ୍ତି ଭୁବନେଶ୍ୱର ଡିସିପି ପ୍ରତୀକ ସିଂ ।

କମିଶନରେଟ ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ, ଦୁର୍ଦ୍ଦାନ୍ତ ରାଜେଶର ଅପରାଧ ଫାଇଲ ଦେଖିବା ପରେ ତା ବିରୋଧରେ ଏନଏସଏ ଲଗାଇବାକୁ ଯୋଜନା କରିଛି ପୋଲିସ । କେବଳ ରାଜେଶ ନୁହେଁ ଅନ୍ୟ ଅପରାଧୀଙ୍କ ମଧ୍ୟ ତାଲିକା ପ୍ରସ୍ତୁତ କରିଛି ପୋଲିସ । ୨୦୧୯ ସୁଦ୍ଧା ୨୦ ଜଣ ଅପରାଧୀଙ୍କୁ ଏନଏସରୁ ବୁକ କରିଥିଲା ପୋଲିସ । ଗତ ଦୁଇ ବର୍ଷ ହେଲା କୌଣସି ଅପରାଧୀଙ୍କ ବିରୋଧରେ ଏନଏସଏ ଲଗାଇନି ପୋଲିସ । ତେଣୁ ପୁଣି ଥରେ ପେଷାଦାର ଅପରାଧିଙ୍କ ବିରୁଦ୍ଧରେ କଠୋର ହେବାକୁ ଅଣ୍ଟା ଭିଡ଼ିଛି ପୋଲିସ ।
Published by:Soumya Das
First published: