- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- ବର୍ଷା ଜଳ ନିଷ୍କାସନ ସମସ୍ୟା ତୁଟିବ ! ମହାନାଳ କାମ ପାଇଁ ଆସିଛି ୧୦ କୋଟି ୨୧ ଲକ୍ଷ ଟଙ୍କା
ବର୍ଷା ଜଳ ନିଷ୍କାସନ ସମସ୍ୟା ତୁଟିବ ! ମହାନାଳ କାମ ପାଇଁ ଆସିଛି ୧୦ କୋଟି ୨୧ ଲକ୍ଷ ଟଙ୍କା
ବାଲେଶ୍ଵର ସହରରେ ୭ଟି ମହାନାଳ ରହିଥିବା ବେଳେ ୧୦ ରୁ ଅଧିକ ନାଳ ରହିଛି । ତେବେ ଜଳ ନିଷ୍କାସନରେ ଡ୍ରେନ୍ ର ଯେତିକି ଭୂମିକା ରହିଛି ସେତିକି ଭୂମିକା ମହାନାଳର ମଧ୍ୟ ରହିଛି। ମାତ୍ର ଏବେବି ମହାନାଳ ଗୁଡିକ ଜବରଦଖଲ ଏବଂ ଅବ୍ୟବସ୍ଥାରେ ପଡିରହିଛି।
ବର୍ଷା ଜଳ ନିଷ୍କାସନ ସମସ୍ୟା ତୁଟିବ ! ମହାନାଳ କାମ ପାଇଁ ଆସିଛି ୧୦ କୋଟି ୨୧ ଲକ୍ଷ ଟଙ୍କା
News 18 Odia Digital
ବାଲେଶ୍ଵର; ସହରରେ ବର୍ଷା ଜଳ ଯୋଗୁଁ ଯେଉଁ ସମସ୍ୟା ଗୁଡ଼ିକ ଉପୁଜୁଥିଲା ଏବେ ସେଥିରୁ ମୁକ୍ତି ମିଳିବ । କାରଣ ମହାନାଳ କାମ ଅର୍ଥାତ ବିକାଶ ପାଇଁ ଖର୍ଚ୍ଚ ହେବ ୧୦ କୋଟି ୨୧ ଲକ୍ଷ ଟଙ୍କା । ସର୍ଭେ ସହ ଓଡ଼ିଶା ୱାଟର ସପ୍ଲାଏ ଏବଂ ସ୍ୱରେଜ ବୋର୍ଡ ଏହି ମହାନାଳର ସମସ୍ତ କାମ କରିବ ବୋଲି ବାଲେଶ୍ଵର ପୌରପାଳିକା ପକ୍ଷରୁ ସୂଚନା ମିଳିଛି । ତେବେ ଖୁବଶୀଘ୍ର ଏନେଇ ସର୍ଭେ ଏବଂ ପରେ କାମ ଆରମ୍ଭ ହେବ ବୋଲି ଜଣାପଡିଛି ।
ସୂଚନାଯୋଗ୍ୟ, ବର୍ଷା ହେଲେ ବାଲେଶ୍ଵରରେ ବଢେ ଜଳ ନିଷ୍କାସନ ସମସ୍ୟା । ଅସରାଏ ବର୍ଷାରେ ସହରର ରାସ୍ତା ଓ ଡ୍ରେନ୍ ଏକାକାର ହୋଇଯାଏ । ସହରର ମୁଖ୍ୟ ରାସ୍ତାରେ ଜମେ ପାଣି । ଫଳରେ ସହରର ମୁଖ୍ୟ ଅଞ୍ଚଳ ଆଜିମାବାଦ, ଅଙ୍ଗାରଗଡିଆ, ସହଦେବଖୁଣ୍ଟା, ଶୋଭାରାମପୁର, ମୋତିଗଞ୍ଜ ବଜାର ସମେତ ତଳିଆ ଅଞ୍ଚଳ ଗୁଡଗଦା, ନୂଆସାହି, ଦରଜିପୋଖରୀ ଆଦି ପାଣି ଭର୍ତ୍ତି ହୋଇଯାଏ । ଫଳରେ ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହୁଅନ୍ତି । ଅନେକ ଜାଗାରେ ଆପେ ଜଳ ନିଷ୍କାସନ ନହେଲେ ପୌରପାଳିକା ମୋଟର ଲଗାଇ ପାଣି ନିଷ୍କାସନ କରିଥାଏ । ଏପରି ପ୍ରତିବର୍ଷ ଜଳବନ୍ଦୀ ହେବାର ମୁଖ୍ୟ କାରଣ ହେଉଛି ଡ୍ରେନ୍ ଓ ମହାନାଳ ଜବରଦଖଲ ଏବଂ ଅବ୍ୟବସ୍ଥା ।
ପୌରାପାଳିକାରୁ ମିଳିଥିବା ତଥ୍ୟ ଅନୁଯାୟୀ, ବାଲେଶ୍ଵର ସହରରେ ୭ଟି ମହାନାଳ ରହିଥିବା ବେଳେ ୧୦ରୁ ଅଧିକ ନାଳ ରହିଛି । ତେବେ ଜଳ ନିଷ୍କାସନରେ ଡ୍ରେନର ଯେତିକି ଭୂମିକା ରହିଛି ସେତିକି ଭୂମିକା ମହାନାଳର ମଧ୍ୟ ରହିଛି । ମାତ୍ର ଏବେବି ମହାନାଳଗୁଡ଼ିକ ଜବରଦଖଲ ଏବଂ ଅବ୍ୟବସ୍ଥାରେ ପଡିରହିଛି । ମହାନାଳ ଜବରଦଖଲ ରହିଥିବା କାରଣରୁ ପାଣି ନିଷ୍କାସନ ପାଇଁ ବାଟ ଏକପ୍ରକାର ବନ୍ଦ ହୋଇଯାଇଛି । ଗୋଟିଏ ପଟେ ସହରର ବିଭିନ୍ନ ସ୍ଥାନରେ ଡ୍ରେନ୍ ନିର୍ମାଣ ହୋଇଥିବା ସତ୍ତ୍ୱେ ତାହା କାମରେ ଲାଗୁନାହିଁ । ଅନ୍ୟପଟେ ଅନେକ ଓ୍ବାର୍ଡରେ ଠିକ୍ ଭାବେ ଡ୍ରେନ୍ ବି ନାହିଁ । ଫଳରେ ବର୍ଷା ହେବା ମାତ୍ରେ ପାଣି କୁଆଡେ ଯାଇପାରୁନି । ଏହାର ଜ୍ୱଳନ୍ତ ଉଦାହରଣ ହେଉଛି ସୁଏଲପୁର ଅଞ୍ଚଳର ମହାନାଳ । ମହାନାଳ ଜାମ୍ ସହ ବିପଦସଙ୍କୁଳ ଅବସ୍ଥାରେ ରହିଛି । ଏହି ମହାନାଳ ୧୦ ବର୍ଷ ପୁରୁଣା । ମହାନାଳ ଅଳିଆ ଆବର୍ଜନାରେ ଭର୍ତ୍ତି । ସ୍ଥାନୀୟବାସୀ ମହାନାଳରେ ଅଳିଆ ଆବର୍ଜନା ପକାଇ ଏହାକୁ ଜାମ୍ କରିଦେଉଛନ୍ତି । ଫଳରେ ପାଣି ଯିବା ଅସମ୍ଭବ ହେଉଛି । ଅଧିକ ବର୍ଷା ହେଲେ ମହାନାଳ ଭର୍ତ୍ତି ହୋଇ ରାସ୍ତାରେ ପାଣି ଜମେ । ଏହି ମହାନାଳ ସଫେଇ କାମ ୨୦୨୧ ମସିହାରେ ଏପ୍ରିଲ ମାସରେ ସ୍ୱୟଂ ସହାୟିକା ଗୋଷ୍ଠୀକୁ ଦିଆଯାଇଥିଲେ ବି କାମ ହୋଇନଥିବା ସ୍ଥାନୀୟ ଲୋକ ଅଭିଯୋଗ କରିଥିଲେ। ଅନ୍ୟ ମହାନାଳର ଅବସ୍ଥା ମଧ୍ୟ ସମାନ । କେଉଁଠି ଜବରଦଖଲ ତ କେଉଁଠି ଅବ୍ୟବସ୍ଥା। ଫଳରେ ବର୍ଷାରେ ଭାସୁଛି ସହର। ତେବେ ବର୍ତ୍ତମାନ ମହାନାଳ କାମ ପାଇଁ ଖର୍ଚ୍ଚ ହେବ ୧୦ କୋଟି ୨୧ ଲକ୍ଷ ଟଙ୍କା । ଓଡ଼ିଶା ଓ୍ବାଟର୍ ସପ୍ଲାଏ ଏବଂ ସ୍ୱରେଜ ବୋର୍ଡ କରିବ କାମ । ସହରର ପ୍ରାୟ ୩୦ କିମି ମହାନାଳର ହେବ ବିକାଶମୂଳକ କାମ । କାମ ପୂର୍ବରୁ ସର୍ଭେ କାମ ହେବ । କାରଣ ମହାନାଳ ବି ଜବରଦଖଲରେ ରହିଛି । ପ୍ରଥମେ ସର୍ଭେ ପରେ ଆରମ୍ଭ ହେବ ମହାନାଳ ବିକାଶ ମୂଳକ କାମ ବୋଲି ଜଣାପଡିଛି।
ପୂର୍ବରୁ ଅର୍ଥାତ କରୋନା ସମୟରେ ଡ୍ରେନ୍ ଓ ମହାନାଳ ସଫେଇ ପାଇଁ ଲକ୍ଷାଧିକ ଟଙ୍କା ଖର୍ଚ୍ଚ ହୋଇଛି । ସେଥିପାଇଁ ଦୁର୍ନୀତି ହୋଇଥିବା ଅଭିଯୋଗ ମଧ୍ୟ ହୋଇଛି । କାରଣ ଟଙ୍କା ଖର୍ଚ୍ଚ ହୋଇଛି ହେଲେ ମହାନାଳ ସଫେଇ ହୋଇନାହିଁ। ତେବେ ମହାନାଳ ପାଇଁ ୧୦ କୋଟି ଟଙ୍କା ଖର୍ଚ୍ଚ ପରେ ଜଳ ନିଷ୍କାସନ ସମସ୍ୟା ତୁଟିଯିବ ବୋଲି ଆଶା ପ୍ରକଟ ହୋଇଛି।
ବାଲେଶ୍ଵର; ସହରରେ ବର୍ଷା ଜଳ ଯୋଗୁଁ ଯେଉଁ ସମସ୍ୟା ଗୁଡ଼ିକ ଉପୁଜୁଥିଲା ଏବେ ସେଥିରୁ ମୁକ୍ତି ମିଳିବ । କାରଣ ମହାନାଳ କାମ ଅର୍ଥାତ ବିକାଶ ପାଇଁ ଖର୍ଚ୍ଚ ହେବ ୧୦ କୋଟି ୨୧ ଲକ୍ଷ ଟଙ୍କା । ସର୍ଭେ ସହ ଓଡ଼ିଶା ୱାଟର ସପ୍ଲାଏ ଏବଂ ସ୍ୱରେଜ ବୋର୍ଡ ଏହି ମହାନାଳର ସମସ୍ତ କାମ କରିବ ବୋଲି ବାଲେଶ୍ଵର ପୌରପାଳିକା ପକ୍ଷରୁ ସୂଚନା ମିଳିଛି । ତେବେ ଖୁବଶୀଘ୍ର ଏନେଇ ସର୍ଭେ ଏବଂ ପରେ କାମ ଆରମ୍ଭ ହେବ ବୋଲି ଜଣାପଡିଛି ।
ସୂଚନାଯୋଗ୍ୟ, ବର୍ଷା ହେଲେ ବାଲେଶ୍ଵରରେ ବଢେ ଜଳ ନିଷ୍କାସନ ସମସ୍ୟା । ଅସରାଏ ବର୍ଷାରେ ସହରର ରାସ୍ତା ଓ ଡ୍ରେନ୍ ଏକାକାର ହୋଇଯାଏ । ସହରର ମୁଖ୍ୟ ରାସ୍ତାରେ ଜମେ ପାଣି । ଫଳରେ ସହରର ମୁଖ୍ୟ ଅଞ୍ଚଳ ଆଜିମାବାଦ, ଅଙ୍ଗାରଗଡିଆ, ସହଦେବଖୁଣ୍ଟା, ଶୋଭାରାମପୁର, ମୋତିଗଞ୍ଜ ବଜାର ସମେତ ତଳିଆ ଅଞ୍ଚଳ ଗୁଡଗଦା, ନୂଆସାହି, ଦରଜିପୋଖରୀ ଆଦି ପାଣି ଭର୍ତ୍ତି ହୋଇଯାଏ । ଫଳରେ ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହୁଅନ୍ତି । ଅନେକ ଜାଗାରେ ଆପେ ଜଳ ନିଷ୍କାସନ ନହେଲେ ପୌରପାଳିକା ମୋଟର ଲଗାଇ ପାଣି ନିଷ୍କାସନ କରିଥାଏ । ଏପରି ପ୍ରତିବର୍ଷ ଜଳବନ୍ଦୀ ହେବାର ମୁଖ୍ୟ କାରଣ ହେଉଛି ଡ୍ରେନ୍ ଓ ମହାନାଳ ଜବରଦଖଲ ଏବଂ ଅବ୍ୟବସ୍ଥା ।
ପୌରାପାଳିକାରୁ ମିଳିଥିବା ତଥ୍ୟ ଅନୁଯାୟୀ, ବାଲେଶ୍ଵର ସହରରେ ୭ଟି ମହାନାଳ ରହିଥିବା ବେଳେ ୧୦ରୁ ଅଧିକ ନାଳ ରହିଛି । ତେବେ ଜଳ ନିଷ୍କାସନରେ ଡ୍ରେନର ଯେତିକି ଭୂମିକା ରହିଛି ସେତିକି ଭୂମିକା ମହାନାଳର ମଧ୍ୟ ରହିଛି । ମାତ୍ର ଏବେବି ମହାନାଳଗୁଡ଼ିକ ଜବରଦଖଲ ଏବଂ ଅବ୍ୟବସ୍ଥାରେ ପଡିରହିଛି । ମହାନାଳ ଜବରଦଖଲ ରହିଥିବା କାରଣରୁ ପାଣି ନିଷ୍କାସନ ପାଇଁ ବାଟ ଏକପ୍ରକାର ବନ୍ଦ ହୋଇଯାଇଛି । ଗୋଟିଏ ପଟେ ସହରର ବିଭିନ୍ନ ସ୍ଥାନରେ ଡ୍ରେନ୍ ନିର୍ମାଣ ହୋଇଥିବା ସତ୍ତ୍ୱେ ତାହା କାମରେ ଲାଗୁନାହିଁ । ଅନ୍ୟପଟେ ଅନେକ ଓ୍ବାର୍ଡରେ ଠିକ୍ ଭାବେ ଡ୍ରେନ୍ ବି ନାହିଁ । ଫଳରେ ବର୍ଷା ହେବା ମାତ୍ରେ ପାଣି କୁଆଡେ ଯାଇପାରୁନି । ଏହାର ଜ୍ୱଳନ୍ତ ଉଦାହରଣ ହେଉଛି ସୁଏଲପୁର ଅଞ୍ଚଳର ମହାନାଳ । ମହାନାଳ ଜାମ୍ ସହ ବିପଦସଙ୍କୁଳ ଅବସ୍ଥାରେ ରହିଛି । ଏହି ମହାନାଳ ୧୦ ବର୍ଷ ପୁରୁଣା । ମହାନାଳ ଅଳିଆ ଆବର୍ଜନାରେ ଭର୍ତ୍ତି । ସ୍ଥାନୀୟବାସୀ ମହାନାଳରେ ଅଳିଆ ଆବର୍ଜନା ପକାଇ ଏହାକୁ ଜାମ୍ କରିଦେଉଛନ୍ତି । ଫଳରେ ପାଣି ଯିବା ଅସମ୍ଭବ ହେଉଛି । ଅଧିକ ବର୍ଷା ହେଲେ ମହାନାଳ ଭର୍ତ୍ତି ହୋଇ ରାସ୍ତାରେ ପାଣି ଜମେ । ଏହି ମହାନାଳ ସଫେଇ କାମ ୨୦୨୧ ମସିହାରେ ଏପ୍ରିଲ ମାସରେ ସ୍ୱୟଂ ସହାୟିକା ଗୋଷ୍ଠୀକୁ ଦିଆଯାଇଥିଲେ ବି କାମ ହୋଇନଥିବା ସ୍ଥାନୀୟ ଲୋକ ଅଭିଯୋଗ କରିଥିଲେ। ଅନ୍ୟ ମହାନାଳର ଅବସ୍ଥା ମଧ୍ୟ ସମାନ । କେଉଁଠି ଜବରଦଖଲ ତ କେଉଁଠି ଅବ୍ୟବସ୍ଥା। ଫଳରେ ବର୍ଷାରେ ଭାସୁଛି ସହର। ତେବେ ବର୍ତ୍ତମାନ ମହାନାଳ କାମ ପାଇଁ ଖର୍ଚ୍ଚ ହେବ ୧୦ କୋଟି ୨୧ ଲକ୍ଷ ଟଙ୍କା । ଓଡ଼ିଶା ଓ୍ବାଟର୍ ସପ୍ଲାଏ ଏବଂ ସ୍ୱରେଜ ବୋର୍ଡ କରିବ କାମ । ସହରର ପ୍ରାୟ ୩୦ କିମି ମହାନାଳର ହେବ ବିକାଶମୂଳକ କାମ । କାମ ପୂର୍ବରୁ ସର୍ଭେ କାମ ହେବ । କାରଣ ମହାନାଳ ବି ଜବରଦଖଲରେ ରହିଛି । ପ୍ରଥମେ ସର୍ଭେ ପରେ ଆରମ୍ଭ ହେବ ମହାନାଳ ବିକାଶ ମୂଳକ କାମ ବୋଲି ଜଣାପଡିଛି।
ପୂର୍ବରୁ ଅର୍ଥାତ କରୋନା ସମୟରେ ଡ୍ରେନ୍ ଓ ମହାନାଳ ସଫେଇ ପାଇଁ ଲକ୍ଷାଧିକ ଟଙ୍କା ଖର୍ଚ୍ଚ ହୋଇଛି । ସେଥିପାଇଁ ଦୁର୍ନୀତି ହୋଇଥିବା ଅଭିଯୋଗ ମଧ୍ୟ ହୋଇଛି । କାରଣ ଟଙ୍କା ଖର୍ଚ୍ଚ ହୋଇଛି ହେଲେ ମହାନାଳ ସଫେଇ ହୋଇନାହିଁ। ତେବେ ମହାନାଳ ପାଇଁ ୧୦ କୋଟି ଟଙ୍କା ଖର୍ଚ୍ଚ ପରେ ଜଳ ନିଷ୍କାସନ ସମସ୍ୟା ତୁଟିଯିବ ବୋଲି ଆଶା ପ୍ରକଟ ହୋଇଛି।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
