ପୁରୀ: ବିବାହ ପୂର୍ବରୁ ପ୍ରେମିକ ସହ ଚମ୍ପଟ ମାରିବା ବେଳେ ଦୁର୍ଘଟଣା; ରକ୍ତରେ ପିନ୍ଧାଇଲା ସିନ୍ଦୂର
ଯୁବତୀ ସାମାନ୍ୟ ଆହତ ହୋଇଥିଲା, ହେଲେ ତା’ ପ୍ରେମିକର ଗୋଡ଼ ଭାଙ୍ଗି ଯାଇଥିଲା । ପାଦର ହାଡ଼ ବି ବାହାରି ଯାଇଥିଲା । ନିଜ ପ୍ରେମ ସମ୍ପର୍କକୁ ଘରେ ନ କହି ତା’ ସହ ଫେରାର ହେବାକୁ ଯୋଜନା କରିଥିଲା ଯୁବତୀ ।
ପୁରୀ ସଦର ମୁଖ୍ୟ ଚିକିତ୍ସାଳୟକୁ ଯୁବକକୁ ପ୍ରଥମେ ଅଣାଯାଇଥିଲା ।
ପୁରୀ: ନିର୍ବନ୍ଧ ସରିଥିଲା । ସୁନା ଗହଣା ଓ ଆସବାବପତ୍ର ବି କିଣା ସରିଥିଲା । ଇନଭାଇଟେସନ୍ କାର୍ଡ଼ ଛପାଯାଇ ବନ୍ଧୁବାନ୍ଧବ ଓ ସାହି ପଡିଶାଙ୍କୁ ବି ଦିଆ ସରିଥିଲା । ମେ ୩୦ରେ ହୋଇଥା’ନ୍ତା ବିବାହ । ହେଲେ ବାହାଘରରେ ରାଜି ନ ଥିଲା କନ୍ୟା, କାରଣ ସେ ଆଉ ଜଣଙ୍କୁ ଭଲ ପାଉଥିଲା, ଆଉ ବିବାହ ପୂର୍ବରୁ ନିଜ ପ୍ରେମିକ ସଙ୍ଗେ ଚମ୍ପଟ ମାରିଲା । ବାଇକରେ ଯାଉଥିବା ବେଳେ ବ୍ରହ୍ମଗିରି ଗିରଳ ଛକରେ ଦୁର୍ଘଟଣା ହେଲା । ଏହି ଦୁର୍ଘଟଣା ସେମାନଙ୍କ ପ୍ରେମ ସମ୍ପର୍କକୁ କରିଦେଲା ଅଧିକ ମଜବୁତ । ଡାକ୍ତରଖାନାରେ ପ୍ରେମିକାକୁ ନିଜ ରକ୍ତରେ ସିନ୍ଦୂର ପିନ୍ଧାଇ ସାରା ଜୀବନ ପାଇଁ ନିଜର କଲା ପ୍ରେମିକ।
ବ୍ରହ୍ମଗିରିର ଏହି ପ୍ରେମିକା ପିଙ୍କି (ଛଦ୍ମ ନାମ)ଙ୍କ କହିବା ଅନୁସାରେ ତାଙ୍କ ପ୍ରେମିକଙ୍କ ଘର ସାତଶଙ୍ଖରେ । ‘‘ମୋ’ ଭଉଣୀ ସାତଶଙ୍ଖରେ ବିବାହ କରିଥିବାରୁ ମୁଁ ସେଠାକୁ ଯିବା ପରେ ସେଠି ମୋ’ର ସୁନୀଲ (ଛଦ୍ମ ନାମ) ସହ ପ୍ରେମ ସମ୍ପର୍କ ଗଢ଼ିଉଠିଥିଲା । ପ୍ରାୟ ସାତ ବର୍ଷର ପୁରୁଣା ସମ୍ପର୍କ ହୋଇଥିଲେ ବି ମୋ’ ପରିବାର କି ଭଉଣୀର ଶାଶୁଘର ଲୋକେ ଜାଣିପାରି ନ ଥିଲେ । ବିବାହ ବୟସ ହୋଇଥିବାରୁ ବାପା ବ୍ରହ୍ମଗିରି ଅଞ୍ଚଳରେ ମୋ’ ବିବାହ ସ୍ଥିର କରିଥିଲେ । ମୁଁ ଜମ୍ମା ରାଜି ନ ଥିଲା,’’ କହିଛନ୍ତି ପିଙ୍କି ।
ପିଙ୍କିଙ୍କ ବାପାଙ୍କ କହିବା ମୁତାବକ ଝିଅ ନିଜ ପୁରୁଣା ପ୍ରେମ ସମ୍ପର୍କକୁ ଘରେ କହି ନ ଥିଲା କିନ୍ତୁ ପ୍ରେମିକ ସହ ଫେରାର ହେବା ପାଇଁ ଯୋଜନା କରିଥିଲା । ‘‘ତେଣୁ ସେ (ପ୍ରେମିକ) ମେ ୨୭ ରାତିରେ ଆମ ଗାଁ ମୁଣ୍ଡରେ ପହଞ୍ଚିବା ପରେ ଫୋନ ଯୋଗେ ଝିଅକୁ ଡାକି ନେଇ ବାଇକରେ ଫେରାର ହୋଇଯାଇଥିଲା । ବ୍ରହ୍ମଗିରିରୁ ପୁରୀ ଫେରିବା ବାଟରେ ଗିରଳ ଛକରେ ହମ୍ପସରେ ପିଟି ହୋଇଯାଇଥିଲା ବାଇକ । ଝିଅ ସାମାନ୍ୟ ଆହତ ହୋଇଥିଲା, ହେଲେ ସେ ପୁଅର ବାମ ଗୋଡ଼ ଭାଙ୍ଗି ଯାଇଥିଲା । ପାଦର ହାଡ଼ ବି ବାହାରିଯାଇଥିଲା । ୧୦୮ ଆମ୍ବଲାନ୍ସ ଯୋଗେ ତାକୁ ସଦର ମୁଖ୍ୟ ଚିକିତ୍ସାଳୟ ଅଣାଯାଇ ଚିକିତ୍ସା କରାଯାଇଥିଲା,’’ ସେ କହିଛନ୍ତି ।
ଯୁବକର ଅବସ୍ଥା ଗୁରୁତର ହେବାରୁ ତାକୁ କଟକ ସ୍ଥାନାନ୍ତର କରାଯାଇଛି ।
‘‘ଝିଅକୁ ଫେରାଇ ଆଣିବା ପାଇଁ ଅନେକ ନେହୁରା ହେଲି । ଗୋଡ଼ହାତ ଧରି ମେଡିକାଲରେ ଝିଅକୁ ବୁଝାଇଲି । ସେ ରାଜି ନ ହେବାରୁ ମୁଣ୍ଡପିଟି କାନ୍ଦିଲି । ତଥାପି ସେ ରାଜି ହେଲା ନାହିଁ,’’ କହିଛନ୍ତି ପିଙ୍କିର ବାପା ।
ବ୍ରହ୍ମଗିରି ଥାନା ଅଧିକାରୀ ମନୋଜ ଶତପଥୀ କହିଛନ୍ତି ଯେ ପିଙ୍କିର ବାପା ଏ ମାମଲା ନେଇ ଥାନାରେ ଅଭିଯୋଗ କରିବା ପରେ ପୋଲିସ ମଧ୍ୟ ଝିଅକୁ ବୁଝାଇଥିଲା । ‘‘ହେଲେ ଝିଅଟି ସାବାଳକ ଥିବାରୁ ତା’ ନିଷ୍ପତ୍ତିକୁ ସମ୍ମାନ ଦିଆଯାଇଛି । ସେହି ସମୟରେ ହସ୍ପିଟାଲ ବେଡରେ ଚିକିତ୍ସିତ ହେଉଥିବା ଯୁବକ ନିଜ ବ୍ୟାଣ୍ଡେଜ ଖୋଲି ସେଥିରୁ ବାହାରୁଥିବା ରକ୍ତ ନେଇ ପାଖରେ ବସିଥିବା ତା’ ପ୍ରେମିକା ମଥାରେ ପିନ୍ଧାଇ ଦେଇଥିଲା । ଆଉ ପ୍ରେମିକାକୁ ନିଜ ସ୍ତ୍ରୀ ବୋଲି ସ୍ୱୀକାର କରିଥିଲା,’’ କହିଛନ୍ତି ଶତପଥୀ ।
ଯୁବକର ଅବସ୍ଥା ଗୁରୁତର ହେବାରୁ ତାକୁ କଟକ ସ୍ଥାନାନ୍ତର କରାଯାଇଛି । ଏହା ପରେ ଯୁବତୀକୁ ଘରକୁ ଫେରିବା ପାଇଁ ପରିବାର ଲୋକେ ଯେତେ ବୁଝାଇଲେ ସୁଦ୍ଧା ସେ ତାଙ୍କୁ ଚିହ୍ନି ନ ଥିବା କହିବା ପରେ ତା’ ବାପା ହସପିଟାଲରୁ ଫେରିଯାଇଛନ୍ତି ।
ଏହା ବି ପଢ଼ନ୍ତୁ:
ହ୍ରିତିକ ରୋଶନଙ୍କ ଭଉଣୀ ବଲିଉଡରେ ଡେବ୍ୟୁ କରୁଛନ୍ତି; ଅଭିନେତା କହିଲେ: ‘ତୁମ ପାଇଁ ଗର୍ବିତ’
ଅଭିନେତ୍ରୀ ପୂଜା ହେଗଡ଼େଙ୍କ ଇନଷ୍ଟାଗ୍ରାମ୍ ଆକାଉଣ୍ଟ ହ୍ୟାକ୍ ହେଲା; ରାତି ଅଧରେ ଟ୍ୱିଟ୍ କଲେ
ଭାରତ ଓ ଚୀନ୍ ମଧ୍ୟରେ ଆମେରିକା ମଧ୍ୟସ୍ଥତା କରିବ ବୋଲି ଟ୍ରମ୍ପ୍ ପ୍ରସ୍ତାବ ଦେଲେ
‘ପାତାଲ୍ ଲୋକ୍’ରେ ‘‘ଲିଙ୍ଗଭେଦ ମନ୍ତବ୍ୟ’’ ପାଇଁ ଅନୁଷ୍କା ଶର୍ମାଙ୍କ ବିରୋଧରେ ଅଭିଯୋଗ
ଇମ୍ରାନ ହାଶମୀଙ୍କୁ ଚୁମା ଦେଉଥିବା ବେଳେ ଏହି ଅଭିନେତ୍ରୀ ନିଜ ମମି ପାପାଙ୍କୁ ମନେ ପକାଉଥିଲେ
ମାତ୍ର ୪ ଦିନର ପୋଷାକ ସହିତ ଆବୁଧାବିରେ ୨ ମାସ ହେଲା ଅଟକି ରହିଛନ୍ତି ଅଭିନେତ୍ରୀ ମଉନି ରାୟ
ଭାରତ ଓ ନେପାଳ ମଧ୍ୟରେ ମାନଚିତ୍ରକୁ ନେଇ ବିବାଦ; ମନୀଷା କୋଇରାଲା ନେପାଳକୁ ସମର୍ଥନ କଲେ
ଅର୍ଦ୍ଧ-ଉନ୍ମୁକ୍ତ ବକ୍ଷ; ଏକ ବ୍ଲାକ୍-ଆଣ୍ଡ୍-ହ୍ୱାଇଟ୍ ଫଟୋସୁଟରେ ସୁପର୍ ହଟ୍ କଙ୍ଗନା ରାଣାୱତ୍
ସନ୍ନି ଲିଓନଙ୍କ ଡ୍ରିମ୍ କାର୍ ହେଉଛି ଅଟୋମେଟିକ୍ ଗିଅର୍ ଥିବା ଗୋଲାପୀ ରଙ୍ଗର ଆମ୍ବାସାଡର୍
ଇଏ ମାଲକାନଗିରିର ବିଶାଖା; ତା’ ପତି ସାଇକେଲରେ ଚେନ୍ନାଇରୁ ଘରକୁ ଫେରିବା ବାଟରେ ମରିଗଲା
କରୋନା ସଂକ୍ରମିତର ଶବକୁ ଅଧା ଜଳେଇ ଛାଡ଼ିଗଲେ ଲୋକେ; କୁଆ ଓ କୁକୁର ଟାଣି ଖାଇଲେ
କରୋନା ଭାଇରସ୍ ସଙ୍କଟ ଉପରେ ୬୧ଟି ଦେଶର ତଦନ୍ତ ପ୍ରୟାସରେ ଭାରତ ଯୋଗ ଦେଲା
୧୫ ଜୁନ୍ ପାଖାପାଖି ସପିଂ ମଲ୍ ଓ ସିନେମା ହଲ୍ ଖୋଲିପାରେ; ଲାଗୁ ହେବ ଏହି ନୂଆ ନିୟମ
