କୁକୁର ଛୁଆମାନେ ମାଲିକାଣିଙ୍କ ସହ ମିଶି ଯୋଗ କଲେ; VIDEO ଭାଇରାଲ୍ ହେଉଛି; ଦେଖନ୍ତୁ

ମହିଳା ନିଜ ଘରେ ଯୋଗ କରୁଥିବା ବେଳେ ତାଙ୍କ ସହ ଥିବା ଚାରିଟି କୁକୁର ଛୁଆ ବି ତାଙ୍କୁ ଅନୁକରଣ କରି ଯୋଗ କରୁଛନ୍ତି । ମହିଳା ସୂର୍ଯ୍ୟ ନମସ୍କାର କରୁଥିବା ବେଳେ ତାଙ୍କୁ ଦେଖି ଛୁଆ କୁକୁରଗୁଡ଼ିକ ବି ସୂର୍ଯ୍ୟ ନମସ୍କାର କରୁଛନ୍ତି ।

କୁକୁର ଛୁଆମାନେ ମାଲିକାଣିଙ୍କ ସହ ମିଶି ଯୋଗ କଲେ; VIDEO ଭାଇରାଲ୍ ହେଉଛି; ଦେଖନ୍ତୁ
ଭାଇରାଲ୍ ଭିଡିଓରୁ ଏକ ଦୃଶ୍ୟ
  • News18 Odia
  • Last Updated: April 16, 2021, 7:19 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ଏବେ ସୋସିଆଲ୍‌ ମିଡିଆରେ ଗୋଟିଏ ଭିଡିଓ ଭାଇରାଲ୍‌ ହେଉଛି ଯାହାକୁ ଦେଖି ଆପଣ ଆଶ୍ଚର୍ଯ୍ୟାନ୍ୱିତ ହୋଇଯିବେ । ଏହି ଭିଡିଓରେ କେତେକ କୁକୁର ଛୁଆ ଏକାଠି ଯୋଗ କରୁଥିବା ଦେଖାଯାଇଛି । ଏହି କୁକୁର ଛୁଆମାନେ ସୂର୍ଯ୍ୟ ନମସ୍କାର ପୋଜ୍ ଦେଉଥିବା ବି ନଜର ଆସିଛନ୍ତି ।

ଆମେ ସମସ୍ତେ ଜାଣୁ ଯେ ପ୍ରାଚୀନ କାଳରୁ ଭାରତରେ ଯୋଗ ଅଭ୍ୟାସ ହୋଇଆସୁଛି । ଯୋଗ କରିବା ଦ୍ୱାରା ଉଭୟ ଶରୀର ଓ ମନ ଶୁଦ୍ଧ ହୋଇଥାଏ । ଯୋଗ କରିବା ଦ୍ୱାରା ବ୍ୟକ୍ତି ମାନସିକ ଓ ଶାରୀରିକ ଭାବେ ସୁସ୍ଥ ରୁହେ । ଯୋଗରେ ଥିବା ଅଦ୍ଭୁତ ସ୍ୱାସ୍ଥ୍ୟପ୍ରଦ ଗୁଣଗୁଡ଼ିକ ଯୋଗୁଁ ସମଗ୍ର ବିଶ୍ୱରେ ଲୋକେ ଯୋଗ କରନ୍ତି । ହେଲେ କୁକୁରମାନଙ୍କୁ କେବେ ଯୋଗ କରୁଥିବାର ଆପଣ ପୂର୍ବରୁ ଦେଖି ନ ଥିବେ ।

ଏହା ବି ପଢ଼ନ୍ତୁ | ଏପ୍ରିଲ ୧୬ ରାତିରୁ ଓଡ଼ିଶାର ୧୦ଟି ସୀମା ଜିଲ୍ଲାରେ ରାତି କର୍ଫ୍ୟୁ ଲାଗୁ; ଅନ୍ୟ ୨୦ଟି ଜିଲ୍ଲାରେ ୧୭ରୁ ଲାଗୁ ହେବ

ଏହି ଭାଇରାଲ୍‌ ଭିଡିଓରେ ସ୍ପଷ୍ଟ ଭାବରେ ଦେଖାଯାଉଛି ଯେ ଜଣେ ମହିଳା ନିଜ ଘରେ ଯୋଗ କରୁଛନ୍ତି । ତାଙ୍କ ସହିତ ଥିବା ଚାରିଟି କୁକୁର ଛୁଆ ବି ତାଙ୍କୁ ଅନୁକରଣ କରି ଯୋଗ କରୁଛନ୍ତି । ଏଥିରେ ମହିଳା ପ୍ରଥମେ ବସି ସୂର୍ଯ୍ୟ ନମସ୍କାର କରୁଛନ୍ତି । ତାଙ୍କ ଦେଖାଦେଖି ଛୁଆ କୁକୁରଗୁଡ଼ିକ ବି ସୂର୍ଯ୍ୟ ନମସ୍କାର କରୁଥବା ଦେଖାଯାଉଛି । ଏହା ପରେ ମହିଳା ଜଣକ ନିଜ ଆରାଧ୍ୟ ଦେବତାଙ୍କୁ ଦଣ୍ଡବତ ପ୍ରଣାମ କରୁଛନ୍ତି । ଆଉ ତାଙ୍କୁ ଦେଖି ତାଙ୍କର ଚାରିଟି କୁକୁର ଛୁଆ ବି ଦାଣ୍ଡବତ୍ ସ୍ଥିତିକୁ ଆସୁଥିବା ଦେଖାଯାଉଛି ।

ଏହା ବି ପଢ଼ନ୍ତୁ | ଫେରାର୍ଗ୍ୟାଙ୍ଗଷ୍ଟର୍ଶେଖ୍ହାଇଦର୍କୁ ତେଲଙ୍ଗାନାରୁ ଗିରଫ କଲା କମିଶନରେଟ୍ ପୋଲିସ

ତା’ପରେ ମହିଳା ଠିଆ ହୋଇ ନିଜ ଆରାଧ୍ୟ ଭଗବାନଙ୍କୁ ପ୍ରଣାମ କରୁଛନ୍ତି । ତାହା ଦେଖି ତାଙ୍କର ଚାରିଟି କୁକୁର ଛୁଆ ବି ଠିଆ ହେଉଛନ୍ତି । ଏହି ସମୟରେ ଗୋଟିଏ କୁକୁର ଠିଆ ହୋଇପଡ଼ି ଉଭୟ ଆଗ ଗୋଡକୁ ହଲାଇବା ଆରମ୍ଭ କରୁଥିବା ଦେଖାଯାଉଛି । ଏହି ଦୃଶ୍ୟ ବହୁତ ସୁନ୍ଦର ।

ଏଇଠି ଦେଖନ୍ତୁ ସେହି ଭିଡିଓ:



ସବୁ କୁକୁର ଛୁଆ ପୋଷକ ପିନ୍ଧିଥିବା ଓ ଖୁବ୍‌ ଆଗ୍ରହର ସହିତ ଯୋଗ କରୁଥିବା ଦେଖାଯାଇଛି । ଭିଡିଓରେ ସନାତନ ଧର୍ମ ଓ ଶିରିଡ଼ି ସାଇ ବାବାଙ୍କ ସହ ଜଡିତ ଏକ ମନ୍ତ୍ର ବାଜୁଛି, ଯାହା ପରିବେଶକୁ ବହୁତ ଶାନ୍ତିପୂର୍ଣ୍ଣ ଓ ସୁଖମୟ କରୁଛି ।

ଏହା ବି ପଢ଼ନ୍ତୁ | ପିପିଲି Bypoll: କରୋନାରେ ପ୍ରାଣ ହରେଇଥିବା କଂଗ୍ରେସର ଅଜିତ ମଙ୍ଗରାଜ ସବୁଠୁ ଧନୀ ପ୍ରାର୍ଥୀ ଥିଲେ

ଏହି ଭିଡିଓକୁ ସୋସିଆଲ ମିଡି଼ଆ ଟ୍ୱିଟରରେ ନିଜ ଆକାଉଣ୍ଟରୁ ଶେୟାର୍‌ କରିଛନ୍ତି ଭାରତୀୟ ପୋଲିସ ସେବାର ଅଧିକାରୀ ରୁପିନ ଶର୍ମା । ସେ କ୍ୟାପସନରେ ସେ ଲେଖିଛନ୍ତି, ‘‘ଯୋଗ ବନ୍ଧୁମାନଙ୍କୁ ସୁପ୍ରଭାତ ।’’



ଏହି ଭିଡିଓଟି ଭାଇରାଲ୍‌ ହେବାରେ ଲାଗିଛି । ଏହି ଖବର ଲେଖାଯିବା ପର୍ଯ୍ୟନ୍ତ ଭିଡିଓଟିକୁ ସାତ ହଜାରରୁ ଅଧିକ ଥର ଦେଖାଯାଇସାରିଥିଲା । ଆଉ ୬୦୦ରୁ ଅଧିକ ଲୋକ ଏହାକୁ ଲାଇକ୍‌ କରିଛନ୍ତି । ଅନେକ ଲୋକ ମନ୍ତବ୍ୟ ଦେଇ କୁକୁର ଛୁଆଗୁଡ଼ିକୁ ପ୍ରଶଂସା ବି କରୁଛନ୍ତି ।
Published by: Anand ST Das
First published: April 16, 2021, 7:19 PM IST