‘ପରୀକ୍ଷା ପେ ଚର୍ଚ୍ଚା’: ଛାତ୍ରଛାତ୍ରୀଙ୍କୁ ପରୀକ୍ଷା ବିଷୟରେ ପରାମର୍ଶ ଦେଇଛନ୍ତି PM ମୋଦି; ଦେଖନ୍ତୁ VIDEO
ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ (Narendra Modi) ଭିଡିଓ କନଫରେନ୍ସ ମାଧ୍ୟମରେ ସାରା ବିଶ୍ୱର ଛାତ୍ରଛାତ୍ରୀ, ଅଭିଭାବକ ଓ ଶିକ୍ଷକମାନଙ୍କ ସହ ପରୀକ୍ଷା ଓ କରିୟର୍ ବିଷୟରେ କଥାବାର୍ତ୍ତା କରିଛନ୍ତି ଓ ସେମାନଙ୍କୁ ଅନେକ ପରାମର୍ଶ ଦେଇଛନ୍ତି ।
ଛାତ୍ରଛାତ୍ରୀଙ୍କୁ ପରୀକ୍ଷା ବିଷୟରେ ପରାମର୍ଶ ଦେଉଛନ୍ତି PM ମୋଦି
- News18 Odia
- Last Updated: April 7, 2021, 8:10 PM IST
- Share this:
ନୂଆ ଦିଲ୍ଲୀ: ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ (Narendra Modi) ବୁଧବାର ସନ୍ଧ୍ୟାରେ ଭିଡିଓ କନଫରେନ୍ସ ମାଧ୍ୟମରେ ସାରା ବିଶ୍ୱର ଛାତ୍ରଛାତ୍ରୀ, ଅଭିଭାବକ ଓ ଶିକ୍ଷକମାନଙ୍କ ସହ କଥାବାର୍ତ୍ତା କରିଛନ୍ତି ଓ ସେମାନଙ୍କୁ ଅନେକ ପରାମର୍ଶ ଦେଇଛନ୍ତି । ସେ କହିଛନ୍ତି ଯେ ଅଭିଭାବକମାନେ ପିଲାମାନଙ୍କ ଭିତରେ ଯେଉଁ ଆଲୋକ ଦେଖିବାକୁ ଚାହୁଁଛନ୍ତି, ସେହି ଆଲୋକ ସେମାନଙ୍କ ଭିତରୁ ପ୍ରକାଶିତ ହେବା ଉଚିତ ।
ମୋଦୀ କହିଛନ୍ତି ଯେ ପିଲାମାନଙ୍କଠାରେ ଏକ ଭଲ ଅଭ୍ୟାସ ସୃଷ୍ଟି କରିବାକୁ ହେଲେ ସେମାନଙ୍କୁ ଏହାର ଉପକାରିତା ବିଷୟରେ କହିବା ଆବଶ୍ୟକ । ସେମାନଙ୍କୁ ଚାପ ଦେବାର କୌଣସି ଆବଶ୍ୟକତା ନାହିଁ ।
ଏଇଠି ଦେଖନ୍ତୁ ମୋଦିଙ୍କ ପରାମର୍ଶ LIVE:
ଏହା ବି ପଢ଼ନ୍ତୁ | ଏବେ କରୋନା ଭାଇରସ୍ ସହ ‘ପଙ୍ଗା’ ନେବେ କଙ୍ଗନା ରାଣାୱତ; ଏପ୍ରିଲ୍ ୨୩ରେ ଆସୁଛି ‘ଥଲାଇଭି’
ମୋଦୀ କହିଛନ୍ତି ଯେ ପିତାମାତାମାନେ ସେମାନଙ୍କ ମନରେ ଲକ୍ଷ୍ୟ ସ୍ଥିର କରନ୍ତି, କିଛି ସ୍ୱପ୍ନ ଦେଖନ୍ତି, କିନ୍ତୁ ସେମାନେ ପିଲାମାନଙ୍କୁ ନିଜ ସ୍ୱପ୍ନର ଉପକରଣ ଭାବରେ ଗ୍ରହଣ କରିବା ଆରମ୍ଭ କରନ୍ତି, ଆଉ ଯେତେବେଳେ ସେମାନେ ପିଲାମାନଙ୍କୁ ସେହି ଦିଗକୁ ଟାଣିବାରେ ଅକ୍ଷମ ହୁଅନ୍ତି ସେତେବେଳେ ସେମାନେ କୁହନ୍ତି ଯେ ପିଲାମାନଙ୍କ ମଧ୍ୟରେ ଉତ୍ସାହର ଅଭାବ ରହିଛି । ପ୍ରଧାନ ମନ୍ତ୍ରୀ ମୋଦୀ କହିଛନ୍ତି ଯେ ଆମ ପରିବାରମାନଙ୍କରେ ପୁଅ ଓ ଝିଅମାନଙ୍କ ସହ ହେଉଥିବା ବ୍ୟବହାରରେ ଅସମାନତା ରହିଛି, ଯାହା ହେବା ଉଚିତ ନୁହେଁ ।
ଏହା ବି ପଢ଼ନ୍ତୁ ଓ ଦେଖନ୍ତୁ PHOTOS | ଢେଙ୍କାନାଳ: ଚାକିରିକୁ ନ ଫେରି ଘରେ ବସିଥିଲା; ସେ କଥା କହିବାରୁ ସ୍ତ୍ରୀ ଓ ୨ ଝିଅଙ୍କୁ ଫାର୍ସାରେ ହାଣିଲା
ଏଥର ଡିଜିଟାଲ ମାଧ୍ୟମ ମାଧ୍ୟମରେ “ପରୀକ୍ଷା ପେ ଚର୍ଚ୍ଚା’’ (ପରୀକ୍ଷା ଉପରେ ଆଲୋଚନା) କାର୍ଯ୍ୟକ୍ରମର ଆୟୋଜନ କରାଯାଇଛି । ଫେବୃଆରୀ ମାସରେ ଶିକ୍ଷା ମନ୍ତ୍ରଣାଳୟ ଦ୍ୱାରା ଏହି କାର୍ଯ୍ୟକ୍ରମର ଘୋଷଣା କରାଯାଇଥିଲା ।
ଏହା ବି ପଢ଼ନ୍ତୁ | ‘ଓଡ଼ିଶାରେ PM ଆବାସ ଯୋଜନାରେ ରାଜ୍ୟ ବି ଖର୍ଚ୍ଚ କରୁଛି; ତେଣୁ ବିଜୁ ପକ୍କା ଘର ଲୋଗୋ ଲାଗିଲେ ଅସୁବିଧା କ’ଣ?’
ପ୍ରଧାନ ମନ୍ତ୍ରୀ ମୋଦୀ ୨୦୧୮ରୁ ପରୀକ୍ଷା ପୂର୍ବରୁ ଛାତ୍ରଛାତ୍ରୀମାନଙ୍କ ସହ ଆଲୋଚନା କରିଆସୁଛନ୍ତି । ପ୍ରଥମ ଥର ଏହା ଦିଲ୍ଲୀର ତାଲକାଟୋରା ଷ୍ଟାଡିୟମରେ ଆୟୋଜିତ ହୋଇଥିଲା । 'ପରୀକ୍ଷା ଉପରେ ଆଲୋଚନା' କାର୍ଯ୍ୟକ୍ରମ ମାଧ୍ୟମରେ ସେ ପ୍ରତି ବର୍ଷ ଛାତ୍ରଛାତ୍ରୀମାନଙ୍କ ସହିତ ଯୋଗାଯୋଗ କରନ୍ତି ଓ ପରୀକ୍ଷାର ଚାପରୁ ମୁକ୍ତି ପାଇଁ ସେମାନଙ୍କୁ ଉପାୟ କହନ୍ତି ଓ ପରାମର୍ଶ ଦିଅନ୍ତି ।
ଏହା ବି ପଢ଼ନ୍ତୁ ଓ ଦେଖନ୍ତୁ PHOTOS | ପୁରୀରେ ସ୍କୁଲ୍ ହତାରେ ଜଘନ୍ୟ କାଣ୍ଡ: ନବମ ଶ୍ରେଣୀର ୨ ଛାତ୍ର ସହପାଠୀର ହାତକୁ ଛୁରୀରେ କାଟିଲେ
ଶିକ୍ଷା ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ଚଳିତ ବର୍ଷ ୧୭ ଫେବୃଆରୀରୁ ୧୪ ମାର୍ଚ୍ଚ ମଧ୍ୟରେ ବିଭିନ୍ନ ବିଷୟ ଉପରେ ନବମ ଶ୍ରେଣୀରୁ ଦ୍ୱାଦଶ ଶ୍ରେଣୀର ପିଲା, ଶିକ୍ଷକ ଓ ଅଭିଭାବକମାନଙ୍କ ପାଇଁ ଅନଲାଇନ୍ ସୃଜନଶୀଳ ଲେଖା ପ୍ରତିଯୋଗିତା ଆୟୋଜିତ ହୋଇଥିଲା।
