ନ'ଅଙ୍କ ଦୁର୍ଭିକ୍ଷର ୧୫୬ ତମ ବାର୍ଷିକୀ ଅବସରରେ କଟକରେ ଫଟୋ ଚିତ୍ର ପ୍ରଦର୍ଶନୀ

୧୮୬୫ ରୁ ୧୮୬୮ ମସିହା ପର୍ଯ୍ୟନ୍ତ ତିନି ବର୍ଷ ଧରି ଓଡ଼ିଶା ଦେଖିଥିବା ନ'ଅଙ୍କ ଦୁର୍ଭିକ୍ଷକୁ ଫଟୋ, ସ୍କେଚ୍ ଓ ସୂଚନା ମାଧ୍ୟମରେ କଟକ କ୍ଲବରେ "ଇନଟାଚ୍" ପକ୍ଷରୁ ଆୟୋଜିତ ଏକ ପ୍ରଦର୍ଶନୀରେ ପ୍ରଦର୍ଶିତ କରାଯାଇଛି।

ସମ୍ମିଳନୀକୁ ବୁଲି ଦେଖୁଛନ୍ତି ହାଇକୋର୍ଟର ମୁଖ୍ୟ ବିଚାରପତି ଡକ୍ଟର ଜଷ୍ଟିସ ଏସ. ମୁରଲୀଧର

ସମ୍ମିଳନୀକୁ ବୁଲି ଦେଖୁଛନ୍ତି ହାଇକୋର୍ଟର ମୁଖ୍ୟ ବିଚାରପତି ଡକ୍ଟର ଜଷ୍ଟିସ ଏସ. ମୁରଲୀଧର

  • Share this:
News18 Odia Digital

କଟକ: ଓଡିଶା ଇତିହାସରେ ନ'ଅଙ୍କ ଦୁର୍ଭିକ୍ଷ ଥିଲା ଏକ କଳଙ୍କମୟ ଘଟଣା । ଖାଦ୍ୟ ଅଭାବରୁ ୧୦ ଲକ୍ଷରୁ ଉର୍ଦ୍ଧ୍ବ ଲୋକ ଅକାଳରେ ମୃତ୍ୟୁ ବରଣ କରିଥିଲେ । ଯାହାକି ଆଜି ବି ସାରା ବିଶ୍ୱ ପାଇଁ ବିରଳ ଘଟଣା । ୧୮୬୫ ରୁ ୧୮୬୮ ମସିହା ପର୍ଯ୍ୟନ୍ତ ତିନି ବର୍ଷ ଧରି ଓଡ଼ିଶା ଦେଖିଥିବା ଏହି ଦୁଃଖଦ ଘଟଣାକୁ ଫଟୋ, ସ୍କେଚ୍ ଓ ସୂଚନା ମାଧ୍ୟମରେ କଟକ କ୍ଲବରେ "ଇନଟାଚ୍" ପକ୍ଷରୁ ଆୟୋଜିତ ଏକ ପ୍ରଦର୍ଶନୀରେ ପ୍ରଦର୍ଶିତ କରାଯାଇଛି।

ନ'ଅଙ୍କ ଦୁର୍ବିକ୍ଷର ୧୫୬ ତମ ବାର୍ଷିକୀ ଅବସରରେ ଏହି ପ୍ରଦର୍ଶନୀ ଆୟୋଜିତ ହୋଇଛି । ନ'ଅଙ୍କ ଦୁର୍ଭିକ୍ଷ ଘଟଣାକୁ ବହୁ ଶତାବ୍ଦୀ ବିତି ଯାଇଥିଲେ ପ୍ରଦର୍ଶନୀକୁ ବୁଲି ଦେଖିବା ପରେ ସେହି ଅଭିଶପ୍ତ ଘଟଣା ଦେଖଣାହାରୀଙ୍କୁ ବିଚଳିତ କରିପକାଉଛି । ଇତିହାସ କହେ ବର୍ଷା ଅଭାବରୁ ରାଜ୍ୟର ୩ଟି ଅଞ୍ଚଳ ବାଲେଶ୍ଵର, ପୁରୀ ଓ କଟକରେ ଉତ୍କଟ ଖାଦ୍ୟ ଅଭାବ ଦେଖାଦେଇଥିଲା । ଲୋକେ ପ୍ରଥମେ ଘରର ସାମଗ୍ରୀ ବିକି କ୍ଷୁଧା ମେଣ୍ଟାଇଲେ । ପରେ ଭିକ ମାଗିଲେ । ଶେଷରେ ଗଛ ପତ୍ର ଖାଇ ବଞ୍ଚିବାକୁ ଚେଷ୍ଟା କଲେ।

କଟକ କ୍ଲବରେ ଇନଟାଚ୍ ପକ୍ଷରୁ ଆୟୋଜିତ ଏକ ପ୍ରଦର୍ଶନୀ


ଅଦିନରେ ଅକାଳ ବାର୍ଦ୍ଧକ୍ୟରେ ପଡିଲେ ସମସ୍ତେ । ଶେଷରେ ପୋକ ମାଛି ପରି ଲକ୍ଷ ଲକ୍ଷ ସଂଖ୍ୟାରେ ଲୋକେ ମୃତ୍ୟୁବରଣ କଲେ । କୋଲକାତା ଅଧୀନରେ ଥିବା ଓଡିଶାର ଶାସକ ଓ କର୍ମଚାରୀ ମଧ୍ୟ ଦୁର୍ଭିକ୍ଷ ପରିସ୍ଥିତି ନଥିବା କହି ସମସ୍ତଙ୍କୁ ମାରିବାକୁ ଛାଡି ଦେଇଥିଲେ । ମୋଟ ୩୦ ଲକ୍ଷ ଜନସଂଖ୍ୟାରୁ ୧୦ ଲକ୍ଷ ଲୋକଙ୍କ ମୃତ୍ୟୁ ଘଟିଥିଲା । କେବଳ କଟକରେ ୫ ଲକ୍ଷ ଲୋକ ଭୋଗ ସହି ନପାରି ଆଖି ବୁଜିଥିଲେ ।

"ଏହି ଘଟଣାକୁ ନେଇ ଏକ ସ୍ମାରକୀ ହେବା ଦରକାର । ଯେମିତି ଜାଲିଆନା ଓ୍ବାଲା ବାଗ ଘଟଣାର ସ୍ମାରକୀକୁ ଏବେ ବି ସାଇତି ରଖାଯାଇଛି । ଯୁଦ୍ଧ ଜିତିରେ ସ୍ମାରକୀ ହେଉଛି । କିନ୍ତୁ ଯେଉଁ ଘଟଣା ୧୦ ଲକ୍ଷ ଲୋକଙ୍କୁ ମାରି ଦେଲା ତାର ସ୍ମାରକୀଟିଏ ନାହିଁ । ନ'ଅଙ୍କ ଦୁର୍ବିକ୍ଷକୁ ନେଇ ଏକ ସ୍ମାରକୀ ହେବ ନିହାତି ଦାରକାର," ବୋଲି କହିଛନ୍ତି ଆୟୋଜକ ଅନୀଲ ଧୀର ।

ଦୁଇ ଦିନ ଧରି ଚାଲିବାକୁ ଥିବା ଏହି ପ୍ରଦର୍ଶନୀ ୧୯ ତାରିଖ ପର୍ଯ୍ୟନ୍ତ ଚାଲିବ । ଏହି ସମ୍ମିଳନୀକୁ ହାଇକୋର୍ଟର ମୁଖ୍ୟ ବିଚାରପତି ଡକ୍ଟର ଜଷ୍ଟିସ ଏସ. ମୁରଲୀଧର ଉଦଘାଟିତ କରିଥିଲେ ।
Published by:Soumya Das
First published: