ଅନଲାଇନ୍ ଠକେଇ ପାଇଁ ଅନ୍ତର୍ଜାତୀୟ ଗ୍ୟାଙ୍ଗ୍ ଏହି ମହିଳାଙ୍କ ଠାରୁ ଭଡ଼ାରେ ନେଉଥିଲେ ଆକାଉଣ୍ଟ୍

ଏହି ମହିଳା ଦୀର୍ଘ ଦିନ ଧରି ସାଇବର ଅପରାଧୀଙ୍କୁ ବ୍ୟାଙ୍କ ଆକାଉଣ୍ଟ ଭଡ଼ାରେ ଦେଇଆସୁଥିଲେ। ପୋଲିସର ରେକର୍ଡରେ ତାଙ୍କ ପରିଚୟ ପ୍ରକାଶ ପାଇଯିବା ପରେ ପୋଲିସକୁ ଏଡ଼ାଇବା ପାଇଁ ସେ ଅପରେସନ୍ କରାଇ ମହିଳାରୁ ପୁରୁଷ ବି ପାଲଟିଥିଲେ ।

(ପ୍ରତୀକାତ୍ମକ ଛବି)

(ପ୍ରତୀକାତ୍ମକ ଛବି)

  • Share this:
News18 Odia Digital

ନୂଆ ଦିଲ୍ଲୀ: ଦେଶରେ ସାଇବର ଅପରାଧ (Cyber Crime) ମାମଲା ବୃଦ୍ଧି ପାଉଛି । ଏଥିରେ ବହୁ ସଂଖ୍ୟକ ଅନଲାଇନ୍ ଠକେଇ (Online Fraud) ଅଛି । ବିନା କାର୍ଡ଼ ଓ OTP ନମ୍ବରରେ ବି ବ୍ୟାଙ୍କ ଆକାଉଣ୍ଟରୁ ଟଙ୍କା ବାହାର କରିନିଆଯାଉଛି । ନା ପୋଲିସ ନା ବ୍ୟାଙ୍କ, କେହି ସେ ଟଙ୍କା ଫେରସ୍ତ କରାଇବାରେ ସକ୍ଷମ ହେଉନାହାନ୍ତି । ଏବେ ଏମିତି ଜଣେ ମହିଳାଙ୍କୁ ଗିରଫ କରାଯାଇଛି ଯିଏ ଅନଲାଇନ୍ ଠକେଇକାରୀମାନଙ୍କୁ ଭଡ଼ାରେ ବ୍ୟାଙ୍କ ଆକାଉଣ୍ଟ (Bank Account) ଯୋଗାଉଥିଲେ । ଏହି ମହିଳାଙ୍କର ଅନେକ ଅନ୍ତର୍ଜାତୀୟ ଗ୍ୟାଙ୍ଗ (International Gangs) ସହ ସମ୍ପର୍କ ଥିବା ମଧ୍ୟ ଜଣା ପଡ଼ିଛି ।

ଏହି ମହିଳା ଯେଉଁ ଅନ୍ତର୍ଜାତୀୟ ଗ୍ୟାଙ୍ଗ୍‌ ସହିତ କାମ କରୁଥିଲେ ସେମାନେ ଜାଲିଆତି କରି ଲୋକଙ୍କ ବ୍ୟାଙ୍କ ଆକାଉଣ୍ଟରୁ ଅନଲାଇନରେ ଟଙ୍କା ଉଠାଇନେଉଥିଲେ । ସେହି ମହିଳାଙ୍କୁ ଗିରଫ କରିଛି ଉତ୍ତର ପ୍ରଦେଶର ଆଗ୍ରା ପୋଲିସ । ଅଭିଯୁକ୍ତ ମହିଳା ଗାଜିଆବାଦର ବାସିନ୍ଦା । ଆଗ୍ରା ସାଇବର ପୋଲିସ ଦ୍ୱାରା ଏହି ଅନ୍ତର୍ଜାତୀୟ ଗ୍ୟାଙ୍ଗର ପର୍ଦ୍ଦାଫାଶ ହୋଇଛି।

ଏହି ଗ୍ୟାଙ୍ଗ ଠକେଇରୁ ମିଳୁଥିବା ଟଙ୍କାକୁ ଭାରତର ଅନ୍ୟ ବ୍ୟାଙ୍କ ଆକାଉଣ୍ଟକୁ ସ୍ଥାନାନ୍ତର କରୁଥିଲା । ଇନ୍ସପେକ୍ଟର ଶୈଳେଶ କୁମାର ସିଂ କହିଛନ୍ତି ଯେ ଗାଜିଆବାଦର ତରୁଣ ଯାଦବ ନାମକ ସସେହି ମହିଳା ଅନ୍ତର୍ଜାତୀୟ ଅନଲାଇନ୍‌ ଠକ ଗ୍ୟାଙ୍ଗକୁ ବ୍ୟାଙ୍କ ଆକାଉଣ୍ଟ୍‌ ନମ୍ବର ଦେଉଥିଲେ । ଏହି ମହିଳାଙ୍କର ବିଭିନ୍ନ ଅନ୍ତର୍ଜାତୀୟ ଗ୍ୟାଙ୍ଗ ସହ ସମ୍ପୃକ୍ତି ଥିବା ସମ୍ପର୍କରେ ପୋଲିସ ସୂଚନା ପାଇଛି ।

ପଚରାଉଚରା ବେଳେ ପୋଲିସକୁ ତରୁଣ ଯାଦବ କହିଛନ୍ତି ଯେ ଏକଅନଲାଇନ ଠକେଇ ପାଇଁ ସେହି ଗ୍ୟାଙ୍ଗକୁ ଯେତେ ବ୍ୟାଙ୍କ ଆକାଉଣ୍ଟ ନମ୍ବର ଦରକାର ହେଉଥିଲା ତାହା ସେ ସେମାନଙ୍କୁ ଦେଉଥିଲେ । ଏହାର ପ୍ରତିବଦଳରେ ସେ ମୋଟ ଠକେଇର ୧୫ ପ୍ରତିଶତ ପାଉଥିଲେ । ଯଦି କୌଣସି ଆକାଉଣ୍ଟଧାରୀଙ୍କୁ ସିଧାସଳଖ ଗ୍ୟାଙ୍ଗ ସହିତ ସେ ପରିଚିତ କରାଉଥିଲା ତାହେଲେ ଏହି ପରିମାଣ ୭ରୁ ୮ ପ୍ରତିଶତ ମଧ୍ୟରେ ବିଭକ୍ତ ହେଉଥିଲା ।

ପର୍ଦ୍ଦାଫାଶ ହେବା ପରେ ମହିଳାରୁ ପୁରୁଷ ହୋଇଗଲେ

ଇନ୍ସପେକ୍ଟର ଶୈଳେଶ କୁମାର ସିଂ କହିଛନ୍ତି ଯେ ତରୁଣ ଯାଦବ ଜଣେ ମହିଳା । ସେ ଦୀର୍ଘ ଦିନ ଧରି ସାଇବର ଅପରାଧୀଙ୍କୁ ବ୍ୟାଙ୍କ ଆକାଉଣ୍ଟ ଭଡ଼ାରେ ଦେବା କାମ କରିଆସୁଥିଲେ। ତଦନ୍ତ ସମୟରେ ପୋଲିସର ରେକର୍ଡରେ ଥିବା ତାଙ୍କ ପରିଚୟ ପ୍ରକାଶ ପାଇଯାଇଥିଲା। ପୋଲିସକୁ ଏଡ଼ାଇବା ପାଇଁ ତରୁଣ ଅନେକ ଅପରେସନ୍ କରାଇଥିଲେ । ସେ ମହିଳାରୁ ପୁରୁଷରେ ପରିବର୍ତ୍ତିତ ହୋଇଯାଇଥିଲେ । ଖାଲି ସେତିକି ନୁହେଁ, ସେ ଚାନ୍ଦନୀ ନାମକ ଏକ ଯୁବତୀ ସହ ବିବାହ ମଧ୍ୟ କରିଥିଲେ । ଆଇଭିଏଫ୍ ଉପାୟରେ ତାଙ୍କ ପତ୍ନୀଙ୍କର ଏକ ପୁଅ ବି ହୋଇଥିଲା ।

ଏହା ବି ପଢ଼ନ୍ତୁ | ଆସନ୍ତା ବର୍ଷ ଭାରତରେ ମିଳିବ ଏହି କମାଲ୍ ଇଲେକ୍ଟ୍ରିକ୍ କାର୍, ପୂରା ଚାର୍ଜରେ ୪୦୦ କିମି ଚାଲିବ

ଏହା ବି ପଢ଼ନ୍ତୁ | Watch VIDEO: କୋଭିଡ-୧୯ରେ ମୃତ୍ୟୁ ପୂର୍ବରୁ କହିଗଲେ ଆମେରିକୀୟ ମହିଳା: ‘ମାସ୍କ ପିନ୍ଧନ୍ତୁ’

ନାଇଜେରିଆ ଗ୍ୟାଙ୍ଗ ଧରାପଡିଛି

ସାଇବର ପୋଲିସ ଯେଉଁ ଗ୍ୟାଙ୍ଗକୁ ଗିରଫ କରିଛି ସେହି ଗ୍ୟାଙ୍ଗର ନେତା ହେଉଛନ୍ତି ନାଇଜେରିଆରେ ରହୁଥିବା ଜନ୍ ଷ୍ଟାନଲି । ତାଙ୍କ ଲୋକେ ଦିଲ୍ଲୀ ଓ ଗୁରୁଗ୍ରାମରେ ରହି ଏହି ଅନଲାଇନ୍‌ ଠକ ଗ୍ୟାଙ୍ଗ ଚଳାନ୍ତି। ଏହି ଗ୍ୟାଙ୍ଗର କେବଳ ଜଣେ ବ୍ୟକ୍ତି ରବିବା ଦିନ ଗ୍ୟାଙ୍ଗର ନେତାଙ୍କ ସହ କଥାବାର୍ତ୍ତା କରନ୍ତି ।



ପୋଲିସ କହିଛି ଯେ ଏହି ପୂର୍ବରୁ ଯେଉଁ ଗ୍ୟାଙ୍ଗ ସକ୍ରିୟ ଥିଲା ତାହା ୫୦ କୋଟିରୁ ଅଧିକ ଟଙ୍କା ଠକେଇ କରି ନେଇ ଭାରତରୁ ବାହାରକୁ ପଳାଇଯାଇଛି । ଷ୍ଟାନଲି ବର୍ତ୍ତମାନ ସକ୍ରିୟ ଥିବା ଗ୍ୟାଙ୍ଗକୁ ପରିଚାଳିତ କରୁଛି । ପ୍ରତ୍ୟେକ ନୂଆ ଆସୁଥିବା ଗ୍ୟାଙ୍ଗ ତରୁଣ ଯାଦବ ନାମକ ଏହି ମହିଳାଙ୍କ ସହ ଯୋଗାଯୋଗ ସ୍ଥାପନ କରନ୍ତି ବୋଲି ଜଣାପଡ଼ିଛି ।
Published by:Anand Shankar Thankur Das
First published: