ମହାନଦୀରେ ହାତୀ ଉଦ୍ଧାର ସମୟରେ ବଡ଼ ଅଘଟଣ; ଓଲଟି ପଡ଼ିଲା ଉଦ୍ଧାର ପାଇଁ ଯାଇଥିବା ଓଡ୍ରାଫ ଟିମ୍‌ର ବୋଟ୍

News18 Odia Digital

କଟକ: ସାମ୍ନାକୁ ଆସିଲା ବଡ଼ ଖବର । କଟକ ମହାନଦୀ ମଝିରେ ଫସି ରହିଥିବା ହାତୀଙ୍କୁ ଉଦ୍ଧାର କରିବାକୁ ଯାଇଥିବା ଓଡ୍ରାଫ ବୋଟ୍ ସହ ଘଟିଛି ଅଘଟଣ । ଓଡ୍ରାଫ୍ ବୋଟ୍ ଓଲଟି ପଡ଼ିବାକୁ ନେଇ ସବୁ ମହଲରେ ଅଶାନ୍ତ ପରିବେଶ ଦେଖା ଦେଖା ଦେଇଥିଲା ।

ସୂଚାନାଯୋଗ୍ୟ ଯେ ଦୀର୍ଘ ଆଠ ଘଣ୍ଟାରୁ ଅଧିକ ସମୟ ଧରି ହାତୀଟି ମହାନଦୀ ମଝିରେ ଫସି ରହିଥିଲା । ଗହଳି ଯୋଗୁଁ ସେ କୂଳକୁ ଯାଉପାରୁ ନଥିବାରୁ ଉଦ୍ଧାର କାର୍ଯ୍ୟ ଜାରି ରହିଛି । ହାତୀକୁ ଉଦ୍ଧାର କରିବାକୁ ଯାଇ ଓଡ୍ରାଫ ବୋଟ୍ ଓଲଟିବା ପରେ ଉଦ୍ଧାରକାରୀ ଦଳ ଓ ଗଣମାଧ୍ୟମ ପ୍ରତିନିଧିଙ୍କ ଉଦ୍ଧାରର ଦୃଶ୍ୟ ଦେଖିବାକୁ ମିଳିଛି ।

ତେବେ ହାତୀକୁ ଘଉଡାଇବାକୁ ଯାଇ ପାଣି ଭିତରକୁ ପସି ଥିଲା ଓଡ୍ରାଫ ଟିମ୍ । ହେଲେ ଓଡ୍ରାଫ୍ ବୋଟଟି ଓଲଟି ପଡ଼ି ଥିବାରୁ ଓଡ୍ରାଫ୍ ଟିମର ଅଧିକାରୀମାନେ ମଧ୍ୟ ପାଣିରେ ଫସିଯାଇଥିବା ସୂଚନା ମିଳିଥିଲା ।

ଓଲଟି ପଡ଼ିଥିବା ବୋଟରେ ଥିଲେ ଓଡ୍ରାଫ ଟିମ ଓ ଓଟିଭିର ୨ ପ୍ରତିନିଧିଙ୍କ ସମେତ ୮ ଜଣ ଲୋକ । ଏମାନଙ୍କୁ ଉଦ୍ଧାର କରିବା ପାଇଁ ମୁଣ୍ଡଳୀରେ ପହଞ୍ଚିଥିଲେ NDRFର ୨ଟି ଟିମ୍‌ ।