- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- NMAକୁ ନେଇ ତେଜିଲା ରାଜନୀତି; ରାଜ୍ୟବ୍ୟାପୀ ପ୍ରତିବାଦ ପାଇଁ ମନ୍ଦିର ସେବାୟତ ସଂଘର ଧମକ
NMAକୁ ନେଇ ତେଜିଲା ରାଜନୀତି; ରାଜ୍ୟବ୍ୟାପୀ ପ୍ରତିବାଦ ପାଇଁ ମନ୍ଦିର ସେବାୟତ ସଂଘର ଧମକ
ପୁରୀ ଜଗନ୍ନାଥ ମନ୍ଦିର ତଥା ଲିଙ୍ଗରାଜ ମନ୍ଦିରକୁ ପ୍ରସ୍ତାବିତ ଐତିହ୍ୟ ଅଧିନିୟମ ପରିଧି ଭିତରୁ ବାଦ ଦିଆଯିବା ପରେ ଏବେ ଏକାମ୍ର କ୍ଷେତ୍ରକୁ ଏହି ଅଧିନିୟମ ଭିତରେ ସାମିଲ ଉଦ୍ୟମକୁ ନେଇ ବିରୋଧାଭାସ ଆରମ୍ଭ ହୋଇଛି । ଏହାକୁ ଅଲ ଓଡ଼ିଶା ମନ୍ଦିର ସେବାୟତ ସଂଘ ୧୬ ତାରିଖ ରାଜ୍ୟବ୍ୟାପୀ ପ୍ରତିବାଦ କରିବ ।
NMAକୁ ନେଇ ତେଜିଲା ରାଜନୀତି
News18 Odia Digital
ଭୁବନେଶ୍ୱର: ପ୍ରସ୍ତାବିତ ଐତିହ୍ୟ ଅଧିନିୟମ NMA କୁ ନେଇ ବିବାଦ ଥମିବାର ନାମ ନେଉନାହିଁ । ଏକାମ୍ର କ୍ଷେତ୍ରରେ ଏହି ପ୍ରସଙ୍ଗକୁ ନେଇ ରାଜ୍ୟବ୍ୟାପୀ ପ୍ରତିବାଦ କରିବାକୁ ଅଲ ଓଡ଼ିଶା ମନ୍ଦିର ସେବାୟତ ସଂଘ ମଧ୍ୟ ଧମକ ଦେଇଛି । ସଂଘ କହିଛି ଯେ ମିଳିତ ପ୍ରତିବାଦ ପରେ ପୁରୀ ଶ୍ରୀମନ୍ଦିରକୁ ବାଇ-ଲ ପ୍ରତ୍ୟାହାର କରାଗଲା । ତେଣୁ ଏକାମ୍ର କ୍ଷେତ୍ର ସମେତ ସାରା ରାଜ୍ୟରୁ ଏହା ତୁରନ୍ତ ପ୍ରତ୍ୟାହାର ହେଉ । ନେହେଲେ ଏହାକୁ ନେଇ ଆସନ୍ତା ୧୬ ତାରିଖ ମଙ୍ଗଳବାର ଦିନ ରାଜ୍ୟର ସବୁ ମନ୍ଦିରରେ ପ୍ରତିବାଦ କରାଯିବ । ଅନ୍ୟ ପକ୍ଷରେ ଏହାକୁ ନେଇ ମଧ୍ୟ ରାଜ୍ୟର ତିନି ପ୍ରମୁଖ ରାଜନୈତିକ ଦଳଙ୍କ ଭିିତରେ ବୟାନବାଜି ଆରମ୍ଭ ହୋଇଛି ।
ପୁରୀ ଜଗନ୍ନାଥ ମନ୍ଦିର ତଥା ଲିଙ୍ଗରାଜ ମନ୍ଦିରକୁ ପ୍ରସ୍ତାବିତ ଐତିହ୍ୟ ଅଧିନିୟମ ପରିଧି ଭିତରୁ ବାଦ ଦିଆଯିବା ପରେ ଏବେ ଏକାମ୍ର କ୍ଷେତ୍ରକୁ ଏହି ଅଧିନିୟମ ଭିତରେ ସାମିଲ ଉଦ୍ୟମକୁ ନେଇ ବିରୋଧ ଆରମ୍ଭ ହୋଇଛି । ଏହାକୁ ଅଲ ଓଡ଼ିଶା ମନ୍ଦିର ସେବାୟତ ସଂଘ ବିରୋଧ କରିଛି ।
" ଅନନ୍ତ ବାସୁଦେବ ମନ୍ଦିର ଓ ବ୍ରହ୍ମେଶର ମନ୍ଦିର ପାଇଁ ଏଭଳି ନିଷ୍ପତ୍ତି ତୁରନ୍ତ ପ୍ରତ୍ୟାହାର ହେବା ଜରୁରୀ । କାରଣ ଏହା ସେବାୟଙ୍କ ସମେତ କୋଟି କୋଟି ଶ୍ରଧାଳୁଙ୍କ ଭାବାବେଗକୁ କୁଠାରଘାତ କରିଛି । ଏଠି କିଛି ଐତିହ୍ୟ ନୁହେଁ, ସବୁ ଚଳନ୍ତି ଠାକୁର । ତେଣୁ ଲିଙ୍ଗରାଜ ମନ୍ଦିର ସନ୍ନିକଟ ବାସୁଦେବ ମନ୍ଦିର ଓ ବ୍ରହ୍ମେଶର ମନ୍ଦିରକୁ ସେ ପରିସର ଭୁକ୍ତ କରାଯିବା ଅନୁଚିତ । କାରଣ ଏହା ହେବ ଏଠାକାର ପରମ୍ପରା ଓ ଜନ ବିରୋଧୀ । ଯେଉଁ ଉଦ୍ଦେଶ୍ୟରେ ଏହାକୁ ଲାଗୁ କରିବାକୁ ବିଭାଗୀୟ ଅଧିକାରୀ ଉଦ୍ୟମ କରୁଛନ୍ତି ତାହା ଗ୍ରହନୀୟ ନୁହେଁ । ତେଣୁ ଏହାକୁ ତୁରନ୍ତ ପ୍ରତ୍ୟାହାର କରାଯାଉ । ନ ହେଲେ ଆସନ୍ତା ୧୬ ତାରିଖରେ ରାଜ୍ୟର ସମସ୍ତ ୧୮୦୦୦ ମନ୍ଦିର ର ସେବାୟତମାନେ ଏହାକୁ ପ୍ରତିବାଦ କରିବେ, " କହିଛନ୍ତି ସଂଘର ରାଜ୍ୟ ସଭାପତି କାମେଶ୍ବର ତ୍ରିପାଠୀ ।
ସେହିଭଳି ମନ୍ଦିରର ସଂଖାଧିକ ସେବାୟତମାନେ ମଧ୍ୟ ଏହି ପ୍ରତିବାଦ ଡାକରାକୁ ସମର୍ଥନ କରିଛନ୍ତି । "ରାଜ୍ୟର ସବୁ ପୁରୁଣା ମନ୍ଦିରର ସ୍ଵତନ୍ତ୍ର ମାହାତ୍ମ୍ୟ ରହିଛି । ତେଣୁ ଏସବୁକୁ କେବଳ ଐତିହ୍ୟ ଭାବେ ପରିଚିତି ଦେବା ଠିକ ହେବ ନାହିଁ । ସବୁ ମନ୍ଦିର ସହିତ ଲୋକ ଭାବାବେଗକୁ ଗୁରୁତ୍ୱ ଦିଆଯିବା ଦରକାର," କହିଛନ୍ତି ଲିଙ୍ଗରାଜଙ୍କ ସେବକ ସଦାଶିବ ।
ଏକାମ୍ର କ୍ଷେତ୍ରରୁ ବାଇ-ଲ ପ୍ରତ୍ୟାହାର ପ୍ରସଙ୍ଗକୁ ନେଇ ଆରମ୍ଭ ହୋଇଛି ରାଜନୀତି । " ପର୍ଯ୍ୟଟନ ବିକାଶ ପାଇଁ ରାଜ୍ୟ ସରକାର ଯଦି କିଛି ପଦକ୍ଷେପ ନେଉଛନ୍ତି ଏହି ଉନ୍ନତିକରଣକୁ କେହି ବାଧା ଦେବା ଉଚିତ ନୁହେଁ । ଏହାଦ୍ବାରା ରାଜ୍ୟର କ୍ଷତି ହେବ । କେହି ବି ଓଡ଼ିଶାର ଧର୍ମବିଶ୍ୱାସୀଙ୍କ ବିଶ୍ୱାସକୁ କୁଠାରଘାତ କରିବା ଭଳି କାର୍ଯ୍ୟ କରିବା ଉଚିତ ନୁହେଁ, "କହିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ।
ଏହି ପ୍ରସଙ୍ଗରେ ମଧ୍ୟ ବିଜେଡି ସାଂସଦମାନେ ବିଭାଗୀୟ ମନ୍ତ୍ରୀଙ୍କ ପାଖରେ ଦାବି ରଖିଛନ୍ତି । ସେମାନେ ଦାବି କରିଛନ୍ତି ଯେ, ଏଭଳି ନିଷ୍ପତ୍ତିକୁ ପ୍ରତ୍ୟାହାର ହେବା ଦରକାର । ଶୁକ୍ରବାର ମଧ୍ୟ ଏହି ନିଷ୍ପତ୍ତି ପ୍ରତ୍ୟାହାର ପାଇଁ ନିଜେ ମୁଖ୍ୟ ମନ୍ତ୍ରୀ କେନ୍ଦ୍ରର ବିଭାଗୀୟ ମନ୍ତ୍ରୀଙ୍କ ପାଖକୁ ଚିଠି ଲେଖିଥିଲେ । ସେହିଭଳି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଏ ପ୍ରସଙ୍ଗରେ କେଉଁ କେଉଁ ଐତିହ୍ୟ ବାଦ ଦିଆଯିବା ଉଚିତ ତାହା ବିଭାଗୀୟ ଅଧିକାରୀ ଙ୍କୁ ଚିଠି କେଖିବାକୁ ରାଜ୍ୟ ସରକାରଙ୍କ ପାଖରେ ଅନୁରୋଧ କରିଥିଲେ ।
ତେବେ ରାଜ୍ୟର ସ୍ବାର୍ଥ ଦ୍ରୁଷ୍ଟିରୁ ଏହାକୁ ରାଜ୍ୟରେ ମିଳିତଭାବେ ବିରୋଧ କରିବା ବୁଦ୍ଧିଜୀବୀ ମହଲରୁ ସମର୍ଥନ ଉଦ୍ୟମକୁ ମିଳିଛି ।
ଭୁବନେଶ୍ୱର: ପ୍ରସ୍ତାବିତ ଐତିହ୍ୟ ଅଧିନିୟମ NMA କୁ ନେଇ ବିବାଦ ଥମିବାର ନାମ ନେଉନାହିଁ । ଏକାମ୍ର କ୍ଷେତ୍ରରେ ଏହି ପ୍ରସଙ୍ଗକୁ ନେଇ ରାଜ୍ୟବ୍ୟାପୀ ପ୍ରତିବାଦ କରିବାକୁ ଅଲ ଓଡ଼ିଶା ମନ୍ଦିର ସେବାୟତ ସଂଘ ମଧ୍ୟ ଧମକ ଦେଇଛି । ସଂଘ କହିଛି ଯେ ମିଳିତ ପ୍ରତିବାଦ ପରେ ପୁରୀ ଶ୍ରୀମନ୍ଦିରକୁ ବାଇ-ଲ ପ୍ରତ୍ୟାହାର କରାଗଲା । ତେଣୁ ଏକାମ୍ର କ୍ଷେତ୍ର ସମେତ ସାରା ରାଜ୍ୟରୁ ଏହା ତୁରନ୍ତ ପ୍ରତ୍ୟାହାର ହେଉ । ନେହେଲେ ଏହାକୁ ନେଇ ଆସନ୍ତା ୧୬ ତାରିଖ ମଙ୍ଗଳବାର ଦିନ ରାଜ୍ୟର ସବୁ ମନ୍ଦିରରେ ପ୍ରତିବାଦ କରାଯିବ । ଅନ୍ୟ ପକ୍ଷରେ ଏହାକୁ ନେଇ ମଧ୍ୟ ରାଜ୍ୟର ତିନି ପ୍ରମୁଖ ରାଜନୈତିକ ଦଳଙ୍କ ଭିିତରେ ବୟାନବାଜି ଆରମ୍ଭ ହୋଇଛି ।
ପୁରୀ ଜଗନ୍ନାଥ ମନ୍ଦିର ତଥା ଲିଙ୍ଗରାଜ ମନ୍ଦିରକୁ ପ୍ରସ୍ତାବିତ ଐତିହ୍ୟ ଅଧିନିୟମ ପରିଧି ଭିତରୁ ବାଦ ଦିଆଯିବା ପରେ ଏବେ ଏକାମ୍ର କ୍ଷେତ୍ରକୁ ଏହି ଅଧିନିୟମ ଭିତରେ ସାମିଲ ଉଦ୍ୟମକୁ ନେଇ ବିରୋଧ ଆରମ୍ଭ ହୋଇଛି । ଏହାକୁ ଅଲ ଓଡ଼ିଶା ମନ୍ଦିର ସେବାୟତ ସଂଘ ବିରୋଧ କରିଛି ।
" ଅନନ୍ତ ବାସୁଦେବ ମନ୍ଦିର ଓ ବ୍ରହ୍ମେଶର ମନ୍ଦିର ପାଇଁ ଏଭଳି ନିଷ୍ପତ୍ତି ତୁରନ୍ତ ପ୍ରତ୍ୟାହାର ହେବା ଜରୁରୀ । କାରଣ ଏହା ସେବାୟଙ୍କ ସମେତ କୋଟି କୋଟି ଶ୍ରଧାଳୁଙ୍କ ଭାବାବେଗକୁ କୁଠାରଘାତ କରିଛି । ଏଠି କିଛି ଐତିହ୍ୟ ନୁହେଁ, ସବୁ ଚଳନ୍ତି ଠାକୁର । ତେଣୁ ଲିଙ୍ଗରାଜ ମନ୍ଦିର ସନ୍ନିକଟ ବାସୁଦେବ ମନ୍ଦିର ଓ ବ୍ରହ୍ମେଶର ମନ୍ଦିରକୁ ସେ ପରିସର ଭୁକ୍ତ କରାଯିବା ଅନୁଚିତ । କାରଣ ଏହା ହେବ ଏଠାକାର ପରମ୍ପରା ଓ ଜନ ବିରୋଧୀ । ଯେଉଁ ଉଦ୍ଦେଶ୍ୟରେ ଏହାକୁ ଲାଗୁ କରିବାକୁ ବିଭାଗୀୟ ଅଧିକାରୀ ଉଦ୍ୟମ କରୁଛନ୍ତି ତାହା ଗ୍ରହନୀୟ ନୁହେଁ । ତେଣୁ ଏହାକୁ ତୁରନ୍ତ ପ୍ରତ୍ୟାହାର କରାଯାଉ । ନ ହେଲେ ଆସନ୍ତା ୧୬ ତାରିଖରେ ରାଜ୍ୟର ସମସ୍ତ ୧୮୦୦୦ ମନ୍ଦିର ର ସେବାୟତମାନେ ଏହାକୁ ପ୍ରତିବାଦ କରିବେ, " କହିଛନ୍ତି ସଂଘର ରାଜ୍ୟ ସଭାପତି କାମେଶ୍ବର ତ୍ରିପାଠୀ ।
ସେହିଭଳି ମନ୍ଦିରର ସଂଖାଧିକ ସେବାୟତମାନେ ମଧ୍ୟ ଏହି ପ୍ରତିବାଦ ଡାକରାକୁ ସମର୍ଥନ କରିଛନ୍ତି । "ରାଜ୍ୟର ସବୁ ପୁରୁଣା ମନ୍ଦିରର ସ୍ଵତନ୍ତ୍ର ମାହାତ୍ମ୍ୟ ରହିଛି । ତେଣୁ ଏସବୁକୁ କେବଳ ଐତିହ୍ୟ ଭାବେ ପରିଚିତି ଦେବା ଠିକ ହେବ ନାହିଁ । ସବୁ ମନ୍ଦିର ସହିତ ଲୋକ ଭାବାବେଗକୁ ଗୁରୁତ୍ୱ ଦିଆଯିବା ଦରକାର," କହିଛନ୍ତି ଲିଙ୍ଗରାଜଙ୍କ ସେବକ ସଦାଶିବ ।
ଏକାମ୍ର କ୍ଷେତ୍ରରୁ ବାଇ-ଲ ପ୍ରତ୍ୟାହାର ପ୍ରସଙ୍ଗକୁ ନେଇ ଆରମ୍ଭ ହୋଇଛି ରାଜନୀତି । " ପର୍ଯ୍ୟଟନ ବିକାଶ ପାଇଁ ରାଜ୍ୟ ସରକାର ଯଦି କିଛି ପଦକ୍ଷେପ ନେଉଛନ୍ତି ଏହି ଉନ୍ନତିକରଣକୁ କେହି ବାଧା ଦେବା ଉଚିତ ନୁହେଁ । ଏହାଦ୍ବାରା ରାଜ୍ୟର କ୍ଷତି ହେବ । କେହି ବି ଓଡ଼ିଶାର ଧର୍ମବିଶ୍ୱାସୀଙ୍କ ବିଶ୍ୱାସକୁ କୁଠାରଘାତ କରିବା ଭଳି କାର୍ଯ୍ୟ କରିବା ଉଚିତ ନୁହେଁ, "କହିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ।
ଏହି ପ୍ରସଙ୍ଗରେ ମଧ୍ୟ ବିଜେଡି ସାଂସଦମାନେ ବିଭାଗୀୟ ମନ୍ତ୍ରୀଙ୍କ ପାଖରେ ଦାବି ରଖିଛନ୍ତି । ସେମାନେ ଦାବି କରିଛନ୍ତି ଯେ, ଏଭଳି ନିଷ୍ପତ୍ତିକୁ ପ୍ରତ୍ୟାହାର ହେବା ଦରକାର । ଶୁକ୍ରବାର ମଧ୍ୟ ଏହି ନିଷ୍ପତ୍ତି ପ୍ରତ୍ୟାହାର ପାଇଁ ନିଜେ ମୁଖ୍ୟ ମନ୍ତ୍ରୀ କେନ୍ଦ୍ରର ବିଭାଗୀୟ ମନ୍ତ୍ରୀଙ୍କ ପାଖକୁ ଚିଠି ଲେଖିଥିଲେ । ସେହିଭଳି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଏ ପ୍ରସଙ୍ଗରେ କେଉଁ କେଉଁ ଐତିହ୍ୟ ବାଦ ଦିଆଯିବା ଉଚିତ ତାହା ବିଭାଗୀୟ ଅଧିକାରୀ ଙ୍କୁ ଚିଠି କେଖିବାକୁ ରାଜ୍ୟ ସରକାରଙ୍କ ପାଖରେ ଅନୁରୋଧ କରିଥିଲେ ।
ତେବେ ରାଜ୍ୟର ସ୍ବାର୍ଥ ଦ୍ରୁଷ୍ଟିରୁ ଏହାକୁ ରାଜ୍ୟରେ ମିଳିତଭାବେ ବିରୋଧ କରିବା ବୁଦ୍ଧିଜୀବୀ ମହଲରୁ ସମର୍ଥନ ଉଦ୍ୟମକୁ ମିଳିଛି ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
