ଭୁବନେଶ୍ବର ନାବାଳିକା ଦୁଷ୍କର୍ମ: କ୍ରାଇମ ବ୍ରାଞ୍ଚ କହିଲା ବାୟୋଲୋଜିକାଲ ପ୍ରମାଣ ମିଳୁନି; ତଦନ୍ତ ଚାଲିଛି

ନାବାଳିକା ସହ କଥିତ ଦୁଷ୍କର୍ମ ଘଟଣା ଓ ପୋଲିସ ପାଖରେ ମାମଲା ରୁଜୁ ହେବାରେ ପାଖାପାଖି ୪ ମାସ ବିତି ଯାଇଥିବାରୁ ବାୟୋଲୋଜିକାଲ ପ୍ରମାଣ ପାଇବାରେ ସମସ୍ୟା ହେଉଛି ବୋଲି ହାଇ କୋର୍ଟଙ୍କୁ କହିଛି କ୍ରାଇମ୍ ବ୍ରାଞ୍ଚ୍ ।

ଭୁବନେଶ୍ବର ନାବାଳିକା ଦୁଷ୍କର୍ମ: କ୍ରାଇମ ବ୍ରାଞ୍ଚ କହିଲା ବାୟୋଲୋଜିକାଲ ପ୍ରମାଣ ମିଳୁନି; ତଦନ୍ତ ଚାଲିଛି
ପ୍ରତୀକାତ୍ମକ ଛବି
  • News18 Odia
  • Last Updated: October 13, 2020, 8:10 PM IST
  • Share this:
  • Byline Facebook
  • Byline Twitter
  • Byline Linkedin
କଟକ: ବହୁଚର୍ଚ୍ଚିତ ଭୁବନେଶ୍ବର ନାବାଳିକା ଦୁଷ୍କର୍ମ ପ୍ରସଙ୍ଗରେ ସିବିଆଇ ତଦନ୍ତ ବା ହାଇ କୋର୍ଟର ଜଣେ ଅବସରପ୍ରାପ୍ତ ବିଚାରପତିଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରି ତଦନ୍ତ କରାଯିବା ନେଇ ହାଇ କୋର୍ଟରେ ଦାୟର ହୋଇଥିବା ଜନସ୍ବାର୍ଥ ମାମଲା ଶୁଣାଣି ବେଳେ କ୍ରାଇମ୍‌ ବ୍ରାଞ୍ଚ କୋର୍ଟଙ୍କୁ ଏହି ମାମଲା ସମ୍ପର୍କୀୟ କେତେକ ମହତ୍ୱପୂର୍ଣ୍ଣ କଥା କହିଛି ।

ହାଇ କୋର୍ଟଙ୍କ ନିର୍ଦ୍ଦେଶରେ ତଦନ୍ତର ସ୍ଥିତି ଉପରେ ଏହି ମାମଲାର ତଦନ୍ତ କରୁଥିବା କ୍ରାଇମ ବ୍ରାଞ୍ଚ ନିଜ ସତ୍ୟପାଠ କୋର୍ଟରେ ଦାଖଲ କରିଛି । ସତ୍ୟପାଠରେ ଉଲ୍ଲେଖ ଅଛି, “ଏପ୍ରିଲ ମାସରେ ପୀଡ଼ିତାଙ୍କ ପ୍ରତି ଦୁଷ୍କର୍ମ ହେବା ଅଭିଯୋଗ ହୋଇଥିଲା, ଓ ଅଗଷ୍ଟ ୩୦ ତାରିଖରେ ଏ ନେଇ ଥାନାରେ ଏକ ମାମଲା ରୁଜୁ ହୋଇଥିଲା । ଏହି ମଧ୍ୟରେ ଘଟଣାକୁ ପ୍ରାୟ ଚାରି ମାସ ବିତି ଯାଇଛି । ତେଣୁ ଏହି ମାମାଲାରେ ବାୟୋଲୋଜିକାଲ ପ୍ରମାଣ ପାଇବାରେ ସମସ୍ୟା ହେଉଛି ।’’

ସୋମବାର ଦିନ ଶୁଣାଣି ବେଳେ ଦାଖଲ ହୋଇଥିବା ଏହି ସତ୍ୟପାଠରେ କ୍ରାଇମ ବ୍ରାଞ୍ଚ କହିଛି ଯେ ଅକ୍ଟୋବର ୬ ତାରିଖ ଦିନ ତଦନ୍ତ ଭାର ନେବା ପରେ କ୍ରାଇମ ବ୍ରାଞ୍ଚ ଏସପିଙ୍କ ନେତୃତ୍ବରେ ଏକ ଟିମ ଗଠନ କରାଯାଇଛି । ସେହି ଟିମରେ ଚାରି ଜଣ ମହିଳା ଇନ୍ସପେକ୍ଟର ଓ ସାଇବର ଥାନାର ଜଣେ ଇନ୍ସପେକ୍ଟର ମଧ୍ୟ ସାମିଲ ଅଛନ୍ତି । ତଦନ୍ତ ଦାୟିତ୍ବ ନେବା ପରେ କ୍ରାଇମ ବ୍ରାଞ୍ଚ ଉଭୟ ପୀଡ଼ିତା ଓ ଅଭିଯୁକ୍ତଙ୍କୁ ପଚରାଉଚରା କରିବା ସହ ସେମାନଙ୍କ ବୟାନ ମଧ୍ୟ ରେକର୍ଡ କରିଛି । ଅଭିଯୁକ୍ତମାନଙ୍କ ପଲିଗ୍ରାଫ ଟେଷ୍ଟ (ଲାଇ ଡିଟେକ୍ଟର ଟେଷ୍ଟ୍‌) ମଧ୍ୟ କରାଯାଇଛି ଓ ଏହାର ରିପୋର୍ଟ ହସ୍ତଗତ ହୋଇନାହିଁ ବୋଲି କହିଛି କ୍ରାଇମ୍‌ ବ୍ରାଞ୍ଚ୍‌ ।

ଓଡ଼ିଶା ହାଇ କୋର୍ଟ୍


ଏହି ଘଟଣାରେ ଏକ ପ୍ରମୁଖ ଗଣ ମାଧ୍ୟମ ସଂସ୍ଥାର ପରିଚାଳନା ନିର୍ଦ୍ଦେଶିକା ଓ ସଂସ୍ଥାର କର୍ମଚାରୀମାନେ ଜଡ଼ିତ ଥିବାରୁ ପୋଲିସ ଚାପର ବଶବର୍ତ୍ତୀ ହେଉଛି ବୋଲି ହୋଇଥିବା ଅଭିଯୋଗରେ କୌଣସି ସତ୍ୟତା ନାହିଁ ବୋଲି ମଧ୍ୟ ନିଜ ସତ୍ୟପାଠରେ କହିଛି କ୍ରାଇମ ବ୍ରାଞ୍ଚ । ଏହି ସତ୍ୟପାଠରୁ ପ୍ରତୀତ ହେଉଛି ଯେ ଯେଉଁ ଭଳି ସ୍ଥିତିରେ ଏହି ମାମଲାଟି ଏବେ ରହିଛି ଓ ଏ ପର୍ଯ୍ୟନ୍ତ ଯେତିକି ତଥ୍ୟ ପ୍ରମାଣ ତଦନ୍ତକାରୀ ସଂସ୍ଥା ହାତରେ ଲାଗିଛି ତାକୁ ଆଧାର କରି ଅଭିଯୁକ୍ତମାନଙ୍କ ଦୋଷ ପ୍ରମାଣିତ କରିବା କାଠିକର ପାଠ ହୋଇପାରେ ।

କ୍ରାଇମ ବ୍ରାଞ୍ଚର ଜଣେ ଉଚ୍ଚ-ପଦସ୍ଥ ଅଧିକାରୀ କହିଛନ୍ତି, “ଏହା ଠିକ କଥା ଯେ ଘଟଣା ଘଟିବାର ଚାରି ମାସ ପରେ ଥାନାରେ ମାମଲା ରୁଜୁ ହେଲା । ଆମେ ମାତ୍ର ଅଳ୍ପ କିଛି ଦିନ ହେଲା ତଦନ୍ତ ଭାର ନେଇଛୁ । ଅନେକ ଗୁଡ଼ାଏ ତଥ୍ୟ ପ୍ରମାଣକୁ ଯାଞ୍ଚ କରୁଛୁ । ଆହୁରି କିଛି ପ୍ରମାଣ ମଧ୍ୟ ପାଇବା ପାଇଁ ଉଦ୍ୟମ କରୁଛୁ । ବାୟୋଲେଜିକାଲ ପ୍ରମାଣର ଆବଶ୍ୟକତା ନିହାତି ରହିଛି । କିନ୍ତୁ ବିନା ବାୟୋଲୋଜିକାଲ ପ୍ରମାଣରେ ବି ଅଭିଯୁକ୍ତଙ୍କ ଦୋଷ ସାବ୍ୟସ୍ତ କରାଯାଇ ପାରିବ ।’’

ଏ ନେଇ ହାଇ କୋର୍ଟରେ ମାମଲା ଦାୟର କରିଥିବା ଆଇନଜୀବୀ ଗୌତମ ସିଦ୍ଦିକି କହିଛନ୍ତି, “ବାୟୋଲୋଜିକାଲ ପ୍ରମାଣ ନ ଥିଲେ ମଧ୍ୟ ସର୍କମଷ୍ଟାନସିଆଲ୍‌ ଏଭିଡେନ୍ସକୁ ଆଧାର କରି ଜଣେ ଅଭିଯୁକ୍ତର ଦୋଷ ପ୍ରମାଣ କାରାଯାଇପାରିବ । ଦୁଷ୍କର୍ମ ଭଳି ଅପରାଧ କ୍ଷେତ୍ରରେ ସର୍କମଷ୍ଟାନସିଆଲ୍‌ ଏଭିଡେନ୍ସକୁ ପ୍ରମାଣ ଭାବେ ଗ୍ରହଣ କରି ଅନେକ ମାମଲାରେ ଦୋଷୀଙ୍କୁ ଦଣ୍ଡିତ କରାଯିବାର ନଜିର ରହିଛି ।’’

ଏହା ବି ପଢ଼ନ୍ତୁ | ଥାଇଲ୍ୟାଣ୍ଡରେ ମାଙ୍କଡ଼ମାନେ ଲୋକଙ୍କୁ ହଇରାଣ କଲେକଣ୍ଟ୍ରୋଲ୍ ପାଇଁ ସେମାନଙ୍କ ଗୁପ୍ତାଙ୍ଗ କଟାଗଲା

ଏହା ବି ପଢ଼ନ୍ତୁ | ଗର୍ଭବତୀ ପତ୍ନୀଙ୍କ ପେଟରେ ପୁଅ ନା ଝିଅ ଅଛି ଜାଣିବାକୁ ୫ ଝିଅଙ୍କ ବାପା ତାଙ୍କ ପେଟ ଚିରିଦେଲେ

ଆଇନ ବିଷାରଦମାନେ କହିଛନ୍ତି ଯେ ଦୁଷ୍କର୍ମର ସଂଜ୍ଞାକୁ ଆଇପିସିର ଦଫା ୩୭୫ରେ ସ୍ପଷ୍ଟ ଭାବେ ବର୍ଣ୍ଣନା କରାଯାଇଛି । ଏହାର କୌଣସି ଉପଦଫାରେ ଉଲେଖ ନାହିଁ ଯେ ଦୁଷ୍କର୍ମ ପାଇଁ ଡାକ୍ତରୀ ମାଇନା ଜରୁରୀ । ପୀଡ଼ିତାଙ୍କ ଜମାନବନ୍ଦୀ ଦୁଷ୍କର୍ମ ମାମଲାରେ ସର୍ବୋଚ୍ଚ ବୋଲି ଏଥିରେ ଉଲ୍ଲେଖ ରହିଛି । ଡାକ୍ତରୀ ମାଇନା ଓ ତଦନ୍ତକାରୀ ଅଧିକାରୀଙ୍କ ମତାମତକୁ କେବଳ ଏକ ମତାମତ ଭାବେ ଗ୍ରହଣ କରାଯିବ ବୋଲି ସେମାନେ କହିଛନ୍ତି ।



‘‘ପୀଡ଼ିତା ନାବାଳିକା ହୋଇଥିବାରୁ ଓ ବିଭିନ୍ନ ପାରିପାର୍ଶ୍ୱିକ ଅବସ୍ଥା ଆଧାରରେ ବିଳମ୍ବିତ ଏତାଲା ତାଙ୍କ ଅଭିଯୋଗକୁ ଗୌଣ କରି ପାରିବ ନାହିଁ । ଅଭିଯୁକ୍ତଙ୍କ ନାମରେ ପୋକ୍ସୋ ଆଇନ ଲାଗିଥିବାରୁ ସିଆରପିସିର ଦଫା ୧୬୧ ଓ ୧୬୪ରେ ପୀଡ଼ିତାଙ୍କ ନିଆଯାଇଥିବା ଜମାନବନ୍ଦୀ ଏତାଲାର ଅଭିଯୋଗକୁ ଅଧିକ ମଜବୁତ କରୁଛି,’’ କହିଛନ୍ତି ଜଣେ ଆଇନ ବିଷାରଦ । ଉଚ୍ଚ ନ୍ୟାୟାଳୟରେ ଏହି ମାମଲାର ପରବର୍ତ୍ତୀ ଶୁଣାଣି ଆସନ୍ତା ୧୪ ତାରିଖକୁ ଧାର୍ଯ୍ୟ ହୋଇଛି ।
Published by: Anand Shankar Thankur Das
First published: October 13, 2020, 8:10 PM IST
corona virus btn
corona virus btn
Loading