ଗୁଡ୍ ବାୟ ବିଜୟ! ପଞ୍ଚଭୂତରେ ଲୀନ ହେଲା ଛବିର ମଣିଷ ବିଜୟ ମହାନ୍ତିଙ୍କ ପାର୍ଥିବ ଶରୀର

ନିଜ ଜୀବନ ସାଥୀକୁ ସବୁ ଦିନ ପାଇଁ ହରାଇ ତନ୍ଦ୍ରା ରାୟ ଭାଙ୍ଗିପଡ଼ିଛନ୍ତି । ତାଙ୍କୁ ଆଶ୍ୱାସନା ଦେଇଛନ୍ତି ଅନେକ ରାଜନେତା ଓ କଳାକାର । ‘ବିଜୟ ମହାନ୍ତି ଅମର ରହେ’ ଶବ୍ଦରେ ଫାଟିପଡ଼ିଛି ଉତ୍କଳ ସଙ୍ଗୀତ ମହାବିଦ୍ୟାଳୟ ଓ ସତ୍ୟନଗରର ଶ୍ମଶାନ ।

ଗୁଡ୍ ବାୟ ବିଜୟ! ପଞ୍ଚଭୂତରେ ଲୀନ ହେଲା ଛବିର ମଣିଷ ବିଜୟ ମହାନ୍ତିଙ୍କ ପାର୍ଥିବ ଶରୀର
ବିଜୟ ମହାନ୍ତିଙ୍କ ମର ଶରୀରରେ ଶ୍ରଦ୍ଧାଞ୍ଜଳି ଦେଉଛନ୍ତି ପତ୍ନୀ ତନ୍ଦ୍ରା ରାୟ
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ବର: ଓଡ଼ିଆ ସିନେମା ଜଗତର ଭର୍ସାଟାଇଲ ଆକ୍ଟର ଏବଂ ବହୁ ପ୍ରତିଭାର ଅଧିକାରୀ ମେଳାପି ମଣିଷ ବିଜୟ ମହାନ୍ତିଙ୍କ ପାର୍ଥିବ ଶରୀର ପଞ୍ଚଭୂତରେ ବିଲୀନ ହୋଇଛି । ‘ବିଜୟ ମହାନ୍ତି ଅମର ରହେ, ବିଜୟ ମହାନ୍ତି ଅମର ରହେ’ ଶବ୍ଦରେ ଫାଟିପଡ଼ିଛି ହସପିଟାଲ୍‌, ତାଙ୍କ ରସୁଲଗଡ଼ସ୍ଥିତ ବାସଭବନ, ଉତ୍କଳ ସଙ୍ଗୀତ ମହାବିଦ୍ୟାଳୟ ଓ ସତ୍ୟନଗରର ଶ୍ମଶାନ ।

ନିଜ ଜୀବନ ସାଥୀକୁ ସବୁ ଦିନ ପାଇଁ ହରାଇ ତନ୍ଦ୍ରା ରାୟ ଆବାକ୍‌ ହୋଇଯାଇଛନ୍ତି । ସହକର୍ମୀ, ସାଙ୍ଗସାଥୀ, ପରିଜନ, ରାଜନେତା ଓ ସିନେ ପ୍ରେମୀ ସମସ୍ତେ ବିଜୟଙ୍କ ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ଓଲିଉଡର ଏହି ଚିର-ସବୁଜ ଅନୁଷ୍ଠାନକୁ । କାହାରି ଆଖିରେ ଲୁହ ଅଟକି ପାରିନି ।

‘‘ବିଜୟ ଭାଇ ମୋ’ ନାଁ ଧରି କେବେ ଡାକନ୍ତି ନାହିଁ । ‘ହଇଏ’ ବୋଲି ମୋତେ ଡାକି ଆହୁରି ଆପଣାର କରିଦିଅନ୍ତି । ଯେଉଁଠି ଚଳଚ୍ଚିତ୍ରରେ ଭୁଲ ଥାଏ ସେ ହାତ ଧରି ଶିଖାନ୍ତି । ତାଙ୍କ ବିୟୋଗରେ ଓଡ଼ିଆ ସିନେମା ଜଗତ ଜଣେ କଳାକାରଙ୍କୁ ହରାଇନି, ବରଂ ଏକ ଅନୁଷ୍ଠାନକୁ ହରାଇଛି,’’ କହିଛନ୍ତି ଅଭିନେତା ଅଶ୍ରୁମୋଚନ ।

ମୃତ୍ୟୁ ବେଳକୁ ବିଜୟ ମହାନ୍ତିଙ୍କୁ ହୋଇଥିଲା ୭୦ ବର୍ଷ ।


ଅଭିନେତ୍ରୀ  ଅନୁ ଚୌଧୁରୀ କହିଛନ୍ତି, ‘‘ସେ ଥିଲେ ଓଲିଉଡର ଗଡଫାଦର । ଏମିତି କୌଣସି ଅଭିନୟ ନାହିଁ ଯାହାକୁ ସେ ନିଖୁଣ ଭାବରେ ନିଭାଇ ନାହାନ୍ତି । ଏମିତି କୌଣସି ସଂଳାପ ନାହଁ ଯାହାକୁ ସେ କହିନାହାନ୍ତି । ଅଭିନୟର ସବୁ କଳା କୌଶଳ ତାଙ୍କୁ ବେଶ୍‌ ଜଣା ଥିଲା । ସେଥି ପାଇଁ ସେ ସମସ୍ତଙ୍କ ହୃଦୟରେ ଏମିତି ସବୁ ଦିନ ରାଜ କରିବେ ।’’

ଗତ କାଲି ସନ୍ଧ୍ୟାରେ ବିଜୟଙ୍କ ବିୟୋଗ ପରେ କେୟାର ହସ୍ପିଟାଲରେ ରହିଥିଲା ତାଙ୍କ ମର ଶରୀର । ଆଜି ସକାଳୁ ସକାଳୁ ଭିଡ଼ ଜମିଥିଲା ହସ୍ପିଟାଲରେ । ବିଜୟଙ୍କ ଫ୍ୟାନମାନେ ହସ୍ପିଟାଲର ରାସ୍ତାରେ ଲମ୍ବା ଲାଇନରେ ଠିଆ ହୋଇ ଶେଷ ଦର୍ଶନ କରିଥିଲୋ । ମନ୍ତ୍ରୀ ଅଶୋକ ପଣ୍ଡାଙ୍କ ସମେତ ଦୁଇ ବିଧାୟକ ଓ ବହୁ କଳାକାର ଏକାଠି ହୋଇ ମର ଶରୀରରକୁ ବିଦାୟ ଦେବା ପରେ ତାହା ସିଧା ଆସିଥିଲା ରସୁଲଗଡ଼ ସ୍ଥିତ ବିଜୟଙ୍କ ବାସ ଭବନକୁ । ସେଠାରେ କିଛି କଳାକାରଙ୍କ ସହ ପାଖ ପଡୋଶୀ ବିଜୟଙ୍କ ଶେଷ ଦର୍ଶନ କରିଥିଲେ ।

ତା’ ପରେ ପାର୍ଥିବ ଶରୀର ଆସିଥିଲା ଉତ୍କଳ ସଙ୍ଗୀତ ମହାବିଦ୍ୟାଳୟକୁ । ଏହିଠାରେ ହିଁ ସେ ଅନେକ ଛାତ୍ରଛାତ୍ରୀଙ୍କୁ ନିଜ ହାତରେ ଗଢ଼ି ତୋଳିଥିଲେ । ଏଠି ଗାର୍ଡ଼ ଅଫ ଅନର ଦିଆଯାଇଥିଲା ବିଜୟଙ୍କୁ । ପ୍ରାୟ ସବୁ ଭେଟେରାନ କଳାକାର ଓ ରାଜନେତା ଜଣକ ପରେ ଜଣେ ପହଞ୍ଚି ବିଜୟଙ୍କୁ ଶେଷ ଦର୍ଶନ କରିଥିଲେ ।

ବିଜୟଙ୍କ ଧର୍ମପତ୍ନୀଙ୍କୁ ଭେଟି ଭାଙ୍ଗି ନ ପଡ଼ିବାକୁ ଆଶ୍ବାସନା ଦେଇଥିଲେ ରାଜ୍ୟସଭା ଉପାଧ୍ୟକ୍ଷ ସଞ୍ଜୟ ଦାସ ବର୍ମା, ସାଂସଦ ମୁନା ଖାଁ, ଅପରାଜିତା ଷଡଙ୍ଗୀ ଓ ଅନେକ ବରିଷ୍ଠ କଳାକାର । ଦିନ ଗୋଟାଏରେ ବିଜୟଙ୍କ ପାର୍ଥିବ ଶରୀର ଯାଇଥିଲା ସତ୍ୟନଗର ଶ୍ମଶାନକୁ । ଠିକ୍ ଦିନ ୧.୩୦ରେ ବିଜୟଙ୍କ ମର ଶରୀର ପଞ୍ଚଭୂତରେ ଲୀନ ହୋଇଥିଲା ।



ମୃତ୍ୟୁ ବେଳକୁ ବିଜୟ ମହାନ୍ତିଙ୍କୁ ହୋଇଥିଲା ୭୦ ବର୍ଷ । ୪୩ ବର୍ଷର ଲମ୍ବା ଅଭିନୟ ଜୀବନରେ ୧୮୦ରୁ ଅଧିକ ଓଡ଼ିଆ ଚଳଚ୍ଚିତ୍ରରେ ନିଜ ଅଭିନୟର ଛାପ ଛାଡ଼ିଛନ୍ତି ବିଜୟ ମହାନ୍ତି ।  ଜୟଦେବ ସମ୍ମାନ ସହିତ ୬ ଥର ରାଜ୍ୟ ଚଳଚ୍ଚିତ୍ର ସମ୍ମାନ ପାଇଛନ୍ତି ସେ । ଏବେ ତାଙ୍କର ପରଲୋକରେ ସାରା ଓଡିଶା ସ୍ତବ୍ଧ ହୋଇଯାଇଛି ତାଙ୍କ ସହିତ କାମ କରିଥିବା କଳାକରମାନେ ତାଙ୍କୁ ବିଶେଷଭାବେ ଝୁରୁଛନ୍ତି ।

ଏହା ବି ପଢ଼ନ୍ତୁ: ବିକାଶ ଦୁବେର ପୋଷ୍ଟ ମର୍ଟମ ରିପୋର୍ଟ: ତାକୁ ୬ ଥର ଗୁଳି କରାଯାଇଥିଲା; ୩ଟି ଗୁଳି ଦେହରେ ପଶିଥିଲା

ଦେଖନ୍ତୁ ଫଟୋ: ହାର୍ଦ୍ଦିକ ପାଣ୍ଡ୍ୟାଙ୍କ ପ୍ରେମିକା ନତାଶା ଗର୍ଭବତୀ ହେଲେ; ଫଟୋ ସେୟାର କରି ସେ ଏହି କଥା ଲେଖିଲେ

ବିଜୟ ମହାନ୍ତି ଏକାଧାରରେ ଜଣେ ଅଭିନେତା,ରାଜନେତା, ନାଟ୍ୟକାର ଓ ନିର୍ଦ୍ଦେଶକ ଥିଲେ । ଏହି ସର୍ବଗୁଣ ସମ୍ପନ୍ନ ମଣିଷ କଳାପ୍ରେମୀ ଓଡ଼ିଆ ହୃଦୟରେ ସବୁ ଦିନ ପାଇଁ ରହିବ ।
Published by: Anand Shankar Thankur Das
First published: July 21, 2020, 6:45 PM IST
corona virus btn
corona virus btn
Loading