ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ନୀତା ଅମ୍ବାନୀ ଅତ୍ୟାଧୁନିକ ସ୍ତନ କର୍କଟ କ୍ଲିନିକ୍ ଆରମ୍ଭ କଲେ; ଗୋଟିଏ ଛାତ ତଳେ ସବୁ ସୁବିଧା

ନୀତା ଅମ୍ବାନୀ ଅତ୍ୟାଧୁନିକ ସ୍ତନ କର୍କଟ କ୍ଲିନିକ୍ ଆରମ୍ଭ କଲେ; ଗୋଟିଏ ଛାତ ତଳେ ସବୁ ସୁବିଧା

ସ୍ତନ କର୍କଟ ମହିଳାମାନଙ୍କ ମଧ୍ୟରେ ସବୁ ଠାରୁ ସାଧାରଣ କର୍କଟ । ଏହା ଭାରତୀୟ ମହିଳାମାନଙ୍କ ମଧ୍ୟରେ ଚିହ୍ନଟ ହେଉଥିବା ସବୁ କର୍କଟ ରୋଗର ୧୪% । ସହରାଞ୍ଚଳରେ ପ୍ରତି ୨୨ ଜଣ ମହିଳାଙ୍କ ମଧ୍ୟରୁ ଜଣେ ସ୍ତନ କର୍କଟରେ ପୀଡ଼ିତ ହେବାର ସମ୍ଭାବନା ଥାଏ ।

ନୀତା ଅମ୍ବାନୀ ଅତ୍ୟାଧୁନିକ ସ୍ତନ କର୍କଟ କ୍ଲିନିକ୍ ଆରମ୍ଭ କଲେ; ଗୋଟିଏ ଛାତ ତଳେ ସବୁ ସୁବିଧା
'ୱନ୍-ଷ୍ଟପ୍ ସ୍ତନ କ୍ଲିନିକ୍'ର ଉଦଘାଟନ ଅବସରରେ ନୀତା ଅମ୍ବାନୀ
  • News18 Odia
  • Last Updated: February 5, 2021, 6:26 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ମୁମ୍ବାଇ: ସ୍ତନ କର୍କଟ (breast cancer) ସର୍ବଭାରତୀୟ ସ୍ତରରେ ତଥା ମୁମ୍ବାଇରେ ମହିଳାମାନଙ୍କ ପାଇଁ ଏକ ବଡ଼ ସ୍ୱାସ୍ଥ୍ୟ ସମସ୍ୟା ରୂପେ ଉଭା ହୋଇଥିବାରୁ ନୀତା ଅମ୍ବାନୀ (Nita Ambani) ମୁମ୍ବାଇର ସର୍ ଏଚ୍.ଏନ୍‌. ରିଲାଏନ୍ସ ଫାଉଣ୍ଡେସନ୍ ହସ୍ପିଟାଲରେ (HNRFH) ଏକ 'ୱନ୍‌-ଷ୍ଟପ୍ ସ୍ତନ କ୍ଲିନିକ୍'ର (One-Stop Breast Clinic) ଉଦଘାଟନ କରିଛନ୍ତି ।

ଏହି କ୍ଲିନିକରେ ସ୍ତନର ଯେକୌଣସି ସମ୍ଭାବ୍ୟ କିମ୍ବା ପ୍ରମାଣିତ ରୋଗରେ ଆକ୍ରାନ୍ତ ଯେକୌଣସି ମହିଳାଙ୍କୁ ଦୁଇ ଘଣ୍ଟା ମଧ୍ୟରେ ବିସ୍ତୃତ ମୂଲ୍ୟାଙ୍କନ (comprehensive evaluation), ନିରାକରଣ ଓ ଚିକିତ୍ସା ଯୋଗାଇ ଦେବ । ବିଶ୍ୱ କର୍କଟ ଦିବସ (World Cancer Day) ଅବସରରେ ଗୁରୁବାର ଦିନ ନୀତା ଅମ୍ବାନୀ (Nita Ambani) ଏହି ସୁବିଧାର ଉଦଘାଟନ କରିଛନ୍ତି ।

ଏହା ବି ପଢ଼ନ୍ତୁ | ଭୁବନେଶ୍ୱରରେ ବୀଭତ୍ସ ହତ୍ୟା; ମହିଳାଙ୍କ ମୁଣ୍ଡ କାଟି ନେଇ ବାକି ଶରୀରକୁ ଫିଙ୍ଗିଦେଲେ ରାସ୍ତାରେ

ଏହି ଅବସରରେ ନୀତା ଅମ୍ବାନୀ କହିଛନ୍ତି, ‘‘HNRFHରେ ଆମେ କେବଳ ଏକ ବିସ୍ତୃତ ଅଙ୍କୋଲୋଜି ବିଭାଗ ସ୍ଥାପନ କରିଛୁ ତାହା ନୁହେଁ, ବରଂ ଦେଶର ଅନ୍ୟତମ ସର୍ବୋତ୍ତମ ରିହାବ୍‌ ସେଣ୍ଟର୍‌ ବି ଏଇଠି ସ୍ଥାପନ କରିଛୁ ।’’

ସ୍ତନ କର୍କଟ ବିଶ୍ୱର ମହିଳାମାନଙ୍କ ମଧ୍ୟରେ ସବୁ ଠାରୁ ସାଧାରଣ କର୍କଟ ରୋଗ, ଆଉ ଭାରତୀୟ ମହିଳାମାନଙ୍କ ଠାରେ ଚିହ୍ନଟ ହୋଇଥିବା ସମସ୍ତ କର୍କଟ ରୋଗର ୧୪% ସ୍ତନ କର୍କଟ । ସହରାଞ୍ଚଳରେ ପ୍ରତି ୨୨ ଜଣ ମହିଳାଙ୍କ ମଧ୍ୟରୁ ଜଣେ ନିଜ ଜୀବନ କାଳରେ ସ୍ତନ କର୍କଟ ରୋଗରେ ପୀଡ଼ିତ ହେବାର ସମ୍ଭାବନା ଥାଏ ।

ଏହା ବି ପଢ଼ନ୍ତୁ ଫଟୋ ଦେଖନ୍ତୁ | ରମାଦେବୀ ଛାତ୍ରୀ ଝରାଫୁଲଙ୍କ ମୃତ୍ୟୁ: ରାକେଶର ଜେରା ଚାଲିଛି; ପୋଲିସ ଆଗରେ ମାଳ ମାଳ ପ୍ରଶ୍ନ

‘‘ସ୍ତନ କର୍କଟ ହୋଇଥିବା ଜଣା ପଡ଼ିବା ପରେ ଆକ୍ରାନ୍ତ ମହିଳାଙ୍କର ମାନସିକ ଓ ଭାବପ୍ରବଣ ଆଘାତକୁ (mental and emotional trauma) ଲାଘବ କରିବା ପାଇଁ ଆମ ଡାକ୍ତରଖାନାରେ ଏକ ସାମଗ୍ରିକ ସମାଧାନ ପ୍ରଦାନ କେନ୍ଦ୍ର ସ୍ଥାପିତ ହୋଇଛି,’’ କହିଛନ୍ତି HNRFHର ସିଇଓ ଡକ୍ଟର୍‌ ତରଙ୍ଗ ଜ୍ଞାନଚନ୍ଦାନି ।



ସ୍ତନ କର୍କଟର (breast cancer) ଚିହ୍ନଟ, ଶୀଘ୍ର ନିରାକରଣ, ଚିକିତ୍ସା ଯୋଜନା, ପରାମର୍ଶ, ପୁନର୍ବାସ, ସହାୟତା ଓ ଆରାମଦାୟକ ଯତ୍ନ ଆବଶ୍ୟକ କରୁଥିବା ମହିଳାଙ୍କ ପାଇଁ ଗୋଟିଏ ଛାତ ତଳେ ସବୁ ସମାଧାନ ଏହି କେନ୍ଦ୍ରରେ ମିଳୁଛି ବୋଲି କହିଛନ୍ତି ଡଃ ଜ୍ଞାନଚନ୍ଦାନୀ ।

ଏହା ବି ପଢ଼ନ୍ତୁ | ଫେସବୁକରେ ଲାଇଭ୍ ଆତ୍ମହତ୍ୟା କଲେ ଢେଙ୍କାନାଳ ଯୁବକ; ଭାଉଜ ଅନ୍ୟମାନଙ୍କୁ ଦୋଷ ଦେଲେ

‘‘ସାଧାରଣତଃ ସ୍ତନ କର୍କଟରେ ଆକ୍ରାନ୍ତ ମହିଳାମାନେ ଅନେକ ବିକଳ୍ପ ଯୋଗୁଁ ଦ୍ୱନ୍ଦ୍ୱରେ ପଡ଼ିଯାଆନ୍ତି । ଆମ ନୂଆ କ୍ଲିନିକ୍ ଏକ ଉତ୍ତମ ସେବା ଓ ସମ୍ପୂର୍ଣ୍ଣ ନିରାକରଣ ପ୍ରଦାନ କରିବା ସହିତ ଉତ୍କୃଷ୍ଟ ଯତ୍ନ ଓ ସମ୍ପୂର୍ଣ୍ଣ ସହାୟତା ପାଇଁ ନିରନ୍ତର ରାସ୍ତା ଯୋଗାଇବାକୁ ଚେଷ୍ଟା କରିବ,’’ କହିଛନ୍ତି ଡାକ୍ତରଖାନାର ନିର୍ଦ୍ଦେଶକ (ସର୍ଜିକାଲ୍ ଅଙ୍କୋଲୋଜି) ଡକ୍ଟର ବିଜୟ ହରିଭକ୍ତି ।



ଏହି ୱାନ୍‌-ଷ୍ଟପ୍ ସ୍ତନ କ୍ଲିନିକ୍ ଆନ୍ତର୍ଜାତୀୟ ସର୍ବୋତ୍ତମ ଅଭ୍ୟାସ, ରୋଗୀ-କେନ୍ଦ୍ରିକତା ଓ ସର୍ବୋତ୍ତମ କ୍ଲିନିକାଲ୍ ପାରଦର୍ଶୀତାକୁ ଧ୍ୟାନରେ ରଖି ଡିଜାଇନ୍ କରାଯାଇଛି । ଲଣ୍ଡନର ପ୍ରସିଦ୍ଧ ଗାଏଜ୍‌ ହସ୍ପିଟାଲର (Guy’s Hospital London) ସ୍ତନ ଟ୍ୟୁମର ଗୃପ‌ର କ୍ଲିନିକାଲ୍ ଲିଡ୍ ଓ ଚେୟାରମ୍ୟାନ୍ ଡକ୍ଟର ଅଶୁତୋଷ କୋଠାରୀଙ୍କ ସହ ଏହି ଅତ୍ୟାଧୁନିକ କ୍ଲିନିକ୍‌ ସହଭାଗୀତା କରିଛି ।
Published by: Anand Shankar Thankur Das
First published: February 5, 2021, 6:26 PM IST