ଅଗ୍ରିଆ ସମାଜକୁ CM ନବୀନ ପଟ୍ଟନାୟକଙ୍କ ଭେଟି; ଅଧ ଏକର ଜମି ଓ ୩ କୋଟି ଟଙ୍କା କଲେ ମଞ୍ଜୁର

News 18 Odia Digital

ଭୁବନେଶ୍ୱର: ଅଗ୍ରିଆ ସମାଜକୁ CM ନବୀନ ପଟ୍ଟନାୟକଙ୍କ ( Naveen Patnaik ) ଭେଟି । ଅଗ୍ରିଆ ସମାଜ ଭବନ ନିର୍ମାଣ ପାଇଁ ନବୀନଙ୍କ ସହାୟତା ଘୋଷଣା କଲେ ମୁଖ୍ୟୃମନ୍ତ୍ରୀ ( Chief minister ) ନବୀନ ପଟ୍ଟନାୟକ । ଭୁବନେଶ୍ବରରେ ଅଧ ଏକର ଜମି ଓ ୩ କୋଟି ଟଙ୍କା ମଞ୍ଜୁର କରିଛନ୍ତି । ତୁରନ୍ତ ଜମି ଚିହ୍ନଟ ପାଇଁ ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟୃମନ୍ତ୍ରୀ ନବୀନ ପଟ୍ଟନାୟକ । ପଶ୍ଚିମ ଓଡ଼ିଶାର କୃଷିଜୀବୀ ଗୋଷ୍ଠୀ ଅଗ୍ରିଆ ସମାଜ । ଭୁବନେଶ୍ବର ଆସି ଅସୁବିଧା ଭୋଗୁଥିବା ଜଣାଇଥିଲା ଅଗ୍ରିଆ ସମାଜ ।

ଅଗ୍ରିଆ ସମାଜ ପଶ୍ଚିମ ଓଡ଼ିଶାର ଏକ ପ୍ରମୁଖ ଗୋଷ୍ଠୀ । କୃଷି ଉପରେ ନିର୍ଭର କରୁଥିବା ଏହି ସମାଜର ଲୋକମାନେ ମୁଖ୍ୟତଃ ବରଗଡ଼, ସମ୍ବଲପୁର, ଝାରସୁଗୁଡ଼ା, ସୁନ୍ଦରଗଡ଼, କଳାହାଣ୍ଡି, ବଲାଙ୍ଗୀର ଓ ଦେବଗଡ଼ ଆଦି ଜିଲ୍ଲାମାନଙ୍କରେ ବସବାସ କରିଥାନ୍ତି ।

ସେମାନେ ନିକଟରେ ସେମାନଙ୍କର ବିଭିନ୍ନ ସମସ୍ୟା ସମ୍ପର୍କରେ ମୁଖ୍ୟମନ୍ତ୍ରୀଙ୍କୁ ଭେଟି ଥିଲେ । ବିଭିନ୍ନ କାର୍ଯ୍ୟକ୍ରମରେ ସେମାନେ ଭୁବନେଶ୍ୱର ଆସୁଥିବା ସମୟରେ ରହିବାରେ ଅସୁବିଧା ହେଉଥିବାରୁ ଭୁବନେଶ୍ୱର ନିକଟରେ ଏକ ଜାଗା ଦେବା ପାଇଁ ସେମାନେ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଥିଲେ।

ପଢନ୍ତୁ ଏହି ଖବର : Karnatak Election: କର୍ଣ୍ଣାଟକରେ ମୋଦି କ୍ରେଜ୍‌, ବଞ୍ଚାଇ ଦେବ 'ଜୟ ବଜରଙ୍ଗ ବଲି' !

ସେମାନଙ୍କ ଅନୁରୋଧ ତଥା ଅଗ୍ରିଆ ସମାଜର ବୃହତ୍ତର ସ୍ୱାର୍ଥକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ( Naveen Patnaik ) ଭୁବନେଶ୍ୱର ନିକଟରେ ଅଗ୍ରିଆ ସମାଜ ପାଇଁ ଅଧ ଏକର ଜମି ଯୋଗାଇବା ଦିଆଯିବ ବୋଲି ଘୋଷଣା କରିଛନ୍ତି । ଏଥିପାଇଁ ଜମି ଚିହ୍ନଟ ଦିଗରେ ପଦକ୍ଷେପ ନେବା ପାଇଁ ମୁଖ୍ଯ ଶାସନ ସଚିବଙ୍କୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଏଥିସହିତ ଅଗ୍ରିଆ ସମାଜ ଭବନ ନିର୍ମାଣ ପାଇଁ ତିନି କୋଟି ଟଙ୍କା ମୁଖ୍ୟମନ୍ତ୍ରୀଙ୍କ ସ୍ଵତନ୍ତ୍ର ସହାୟତା ପାଣ୍ଠିରୁ ଯୋଗାଇ ଦିଆଯିବ ବୋଲି ଘୋଷଣା କରିଛନ୍ତି ।

ପଢନ୍ତୁ ଏହି ଖବର : ଅସହାୟତାଙ୍କୁ ସହାୟତାର ହାତ ବଢାଇଲେ ୫ଟି ସଚିବ ଭି.କେ ପାଣ୍ତିଆନ

ପଢନ୍ତୁ ଏହି ଖବର : Droupadi Murmu: ଜନ୍ମମାଟିକୁ ଆସୁଛନ୍ତି ସୁନା ଝିଅ; ନବ ବଧୂ ପରି ସଜେଇ ହୋଇଛି ରାଇରଙ୍ଗପୁର