ପୁଣି ଦେଶରେ ‘୧ ନମ୍ବର୍ ମୁଖ୍ୟ ମନ୍ତ୍ରୀ’ ହେଲେ ନବୀନ ପଟ୍ଟନାୟକ; କିନ୍ତୁ ବିରୋଧୀଙ୍କୁ କଥା ହଜମ ହେଉନି

News18 Odia Digital

ଭୁବନେଶ୍ୱର: ପୁଣି ଦେଶରେ ଏକ ନମ୍ବର ମୁଖ୍ୟ ମନ୍ତ୍ରୀ ହୋଇଛନ୍ତି ନବୀନ ପଟ୍ଟନାୟକ । ଏକ  ଜାତୀୟ ଇଂରାଜୀ ପତ୍ରିକା ଦ୍ୱାରା କରାଯାଇଥିବା ସର୍ଭେରେ ଦେଶର ସବୁଠାରୁ ଲୋକପ୍ରିୟ ମୁଖ୍ୟ ମନ୍ତ୍ରୀ ଭାବେ ନବୀନ ପଟ୍ଟନାୟକ ସାମନାକୁ ଆସିଛନ୍ତି । ସର୍ଭେ ରିପୋର୍ଟରେ ଶୀର୍ଷରେ ରହିଛନ୍ତ ସେ । ଏହି ସର୍ଭେ ଅନୁସାରେ ଓଡ଼ିଶାର ୭୧.୧ ପ୍ରତିଶତ ଲୋକଙ୍କ ପସନ୍ଦ ହେଉଛନ୍ତି ନବୀନ ପଟ୍ଟନାୟକ ।

‘ଇଣ୍ଡିଆ ଟୁଡେ’ ପତ୍ରିକା ତରଫରୁ ଆୟୋଜିତ ଏହି ସର୍ଭେରେ କୋଭିଡ-୧୯ ପରିଚାଳନାରେ ରାଜ୍ୟ ସରକାରଙ୍କ ସଫଳତାକୁ ପ୍ରଶଂସା କରାଯାଇଛି । ଏଥିରେ ମହାମାରୀ ମୁକାବିଲାରେ ବି ଓଡ଼ିଶା ଏକ ନମ୍ବର ହୋଇଛି । ନବୀନ ପଟ୍ଟନାୟକ ଜନକଲ୍ୟାଣ ଯୋଜନା ଓ ଲୋକାଭିମୁଖୀ ଶାସନର ରୋଲ୍‌ ମଡେଲ ବୋଲି ଏହି ସର୍ଭେ ରିପୋର୍ଟରେ କୁହାଯାଇଛି ।

ଏହା ବି ପଢ଼ନ୍ତୁ | Reliance Industries ଚଳିତ ଆର୍ଥିକ ବର୍ଷର ତୃତୀୟ ତ୍ରୈମାସରେ ରେକର୍ଡ଼ ଲାଭ ହାସଲ କଲା

ରାଜ୍ୟରେ ବିକାଶ, ସ୍ୱଚ୍ଛ ଓ ଦୁର୍ନୀତିମୁକ୍ତ ଶାସନକୁ ପାଥେୟ କରି କରାଯାଇଥିବା ଏହି ସର୍ଭେରେ ନାରୀ ସଶକ୍ତିକରଣ, ସ୍ଥିରତା, ସୁଶାସନ, ଦୁର୍ନୀତି ଓ ଭ୍ରଷ୍ଟାଚାରମୁକ୍ତ ଓଡ଼ିଶା ଗଠନରେ ନବୀନ ଆଗରେ ରହିଛନ୍ତି । ସ୍ୱାସ୍ଥ୍ୟ ଭିତ୍ତିଭୂମି ସଜାଡ଼ିବା ଓ ବିପର୍ଯ୍ୟୟ ପରିଚାଳନାରେ ସାରା ଦେଶରେ ଉଦାହରଣ ପାଲଟିଛି ଓଡ଼ିଶା । ସଫଳ କୋଭିଡ୍‌ ପରିଚାଳନା ପାଇଁ ଏହି ସର୍ଭେରେ ଓଡ଼ିଶାକୁ ୭୬.୭ ପ୍ରତିଶତ ଲୋକଙ୍କଠାରୁ ମିଳିଛି ସମର୍ଥନ । ଦ୍ୱିତୀୟରେ ଅଛି ଉତ୍ତର ପ୍ରଦେଶ, ତୃତୀୟରେ ଆସାମ, ଚତୁର୍ଥରେ ତାମିଲ ନାଡୁ ଓ ପଞ୍ଚମରେ ମହାରାଷ୍ଟ୍ର ।

ଏହା ବି ପଢ଼ନ୍ତୁ ଓ ଦେଖନ୍ତୁ VIDEO | ‘‘ହେ ଭଗବାନ! କାହିଁକି ମୋ’ ବାହାଘର କରେଇଲ… ମୋ’ ସ୍ୱାମୀ ଖୁବ୍ ଖରାପ…’’ ଭାଇରାଲ୍ ଭିଡିଓରେ କହିଲେ ମହିଳା

ଲୋକପ୍ରିୟତାରେ ନବୀନଙ୍କ ପଛକୁ ରହିଛନ୍ତି ପଶ୍ଚିମ ବଙ୍ଗର ମୁଖ୍ୟ ମନ୍ତ୍ରୀ ମମତା ବାନାର୍ଜୀ । ୬୯.୯ ପ୍ରତିଶତ ଲୋକ ମମତାଙ୍କୁ ପସନ୍ଦ କରିଛନ୍ତି । ତୃତୀୟରେ ଅଛନ୍ତି ତାମିଲ ନାଡୁର ମୁଖ୍ୟ ମନ୍ତ୍ରୀ ଏମ୍‌.କେ. ଷ୍ଟାଲିନ୍‌ । ତାଙ୍କୁ ୬୭.୫ ପ୍ରତିଶତ ଲୋକଙ୍କ ସମର୍ଥନ ମିଳିଛି । ଚତୁର୍ଥରେ ମହାରାଷ୍ଟ୍ର ମୁଖ୍ୟ ମନ୍ତ୍ରୀ ଉଦ୍ଧବ ଠାକରେ ଓ ପଞ୍ଚମରେ କେରଳ ମୁଖ୍ୟମନ୍ତ୍ରୀ ପୀନରାୟୀ ବିଜୟନ୍ ଅଛନ୍ତି । ଷଷ୍ଠରେ ଅଛନ୍ତି ଦିଲ୍ଲୀ ମୁଖ୍ୟ ମନ୍ତ୍ରୀ ଅରବିନ୍ଦ କେଜରିୱାଲ୍‌ । ସପ୍ତମରେ ଆସାମର ମୁଖ୍ୟ ମନ୍ତ୍ରୀ ହେମନ୍ତ ବିଶ୍ୱଶର୍ମା, ଅଷ୍ଟମରେ ଛତିଶଗଡ଼ ମୁଖ୍ୟ ମନ୍ତ୍ରୀ ଭୂପେଶ ବଘେଲ ଓ ନବମରେ ଅଛନ୍ତି ରାଜସ୍ଥାନ ମୁଖ୍ୟ ମନ୍ତ୍ରୀ ଅଶୋକ ଗେହଲଟ ।

ଏହା ବି ପଢ଼ନ୍ତୁ ଓ ଦେଖନ୍ତୁ ଫଟୋ | କୋହଲି ଟେଷ୍ଟ ଅଧିନାୟକତ୍ୱ ଛାଡି଼ବା ପରେ ଧୋନି ଓ ଶାସ୍ତ୍ରୀଙ୍କ ନାଁ ନେଲେ; କ’ଣ କହିଲେ ଜାଣନ୍ତୁ

‘‘ନବୀନ ସର୍ବଦା ରାଜନୀତିକୁ କ୍ଷମତା ନୁହେଁ ବରଂ ଜନ ସେବାର ଏକ ଉତ୍ତମ ସୁଯୋଗ ଭାବି ନିରନ୍ତର ଭାବେ ଲୋକଙ୍କ ସେବା କରିଆସିଛନ୍ତି । ତାଙ୍କର ଏହି ଆନ୍ତରିକତାକୁ ସାରା ଓଡ଼ିଶାବାସୀ ଅନୁଭବ କରି ପାରିଛନ୍ତି, ଯେଉଁଥି ପାଇଁ ସେ ଆଜି ସାରା ଦେଶରେ ନମ୍ବର ୧ ମୁଖ୍ୟ ମନ୍ତ୍ରୀ ହୋଇପାରିଛନ୍ତି,’’ କହିଛନ୍ତି ବିଜେଡି ସାଂସଦ ଅମର ପଟ୍ଟନାୟକ ।

ଏହା ବି ପଢ଼ନ୍ତୁ | ଏହି ପେନ୍‌ସନ୍‌ ପ୍ଲାନ୍ ନେଲେ ଆପଣଙ୍କୁ ପ୍ରତି ମାସ ମିଳିବ ୧୨,୦୦୦ ଟଙ୍କା ପେନ୍‌ସନ୍‌; ଜାଣନ୍ତୁ ସବୁ କିଛି

ହେଲେ ବିରୋଧୀ ଦଳ ବିଜେପି ଓ କଂଗ୍ରେସର ନେତାମାନେ ଏହି ସର୍ଭେ ରିପୋର୍ଟରେ ସାମନାକୁ ଆସିଥିବା ତଥ୍ୟକୁ ସାଦରେ ଗ୍ରହଣ କରିପାରି ନାହାନ୍ତି । ବିଜେପି ନେତା ଗୋଲାକ ମହାପାତ୍ର କହିଛନ୍ତି, ‘‘ରାଜ୍ୟର ମୁଖ୍ୟ ମନ୍ତ୍ରୀ ରାଜ୍ୟର କୌଣସି କଥାକୁ ସମ୍ଭାଳି ପାରୁନାହାନ୍ତି । ରାଜ୍ୟରେ ସ୍ବାସ୍ଥ୍ୟବସ୍ଥା ଭୟଙ୍କର ହେଲାଣି, ସ୍କୁଲରେ ଶିକ୍ଷକ ନାହାନ୍ତି, ଯେଉଁଠିକି ଯିବେ ନାହିଁ ନାହିଁ ଅବସ୍ଥା । ସ୍ଥିତି ନ କହିଲେ ଭଲ । ଶିଳ୍ପ ଅବସ୍ଥା ନ କହିବା ଭଲ । ଢିଙ୍କିଆ କଥାରୁ ଜଣା ପଡୁଛି ଲୋକଙ୍କୁ ବୁଝେଇ ପାରୁନାହାଁନ୍ତି, ତେଣୁ ପୋଲିସକୁ ବାଡ଼େଇବାକୁ ପଡୁଛି । ରାଜ୍ୟରେ ପ୍ରତି ଦିନ ଧର୍ଷଣ ଓ ଶିଶୁ ଅପହରଣ ବଢୁଛି । କେଉଁଥିରେ ଏକ ନମ୍ବର ଅଛନ୍ତି? ସବୁ ଇଣ୍ଡେକ୍ସରେ ତ ଓଡି଼ଶା ପଛରେ ।’’

ଏହା ବି ପଢ଼ନ୍ତୁ ଓ ଦେଖନ୍ତୁ VIDEO | ଚିତା ବାଘକୁ KISS କଲେ ଯୁବତୀ! ଏହି VIDEO ଉପରୁ ଲୋକଙ୍କ ନଜର ହଟୁନି; ଆପଣ ବି ଦେଖନ୍ତୁ

‘‘ସବୁଥିରେ ପଛରେ ଥିବା ଲୋକ କ୍ଲାସର ପ୍ରଥମ ଧାଡ଼ିରେ ବସି ଯଦି କହିବ ମୁଁ ଫାଷ୍ଟ୍‌, ଏହା ହେଉଛି ସେହି ଭଳି ଅବସ୍ଥା । ନମ୍ବର ୧ ହେବା କିଛି ନୂଆ ନୁହେଁ । ବେକାରୀରେ ସାରା ଦେଶରେ ଓଡି଼ଶା ୧ ନମ୍ବର । ଦୁଷ୍କର୍ମ ଓ ହତ୍ୟାରେ ବି ଓଡ଼ିଶା ୧ ନମ୍ବର । କୋଭିଡ ପରିଚାଳନାରେ ୧ ନମ୍ବର ନୁହେଁ, ବରଂ କୋଭିଡ ମୃତ୍ୟରେ ଓଡ଼ିଶା ୧ ନମ୍ବର,’’ କହିଛନ୍ତି ବରିଷ୍ଠ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି ।

ଏହା ବି ପଢ଼ନ୍ତୁ | ଏବେ Aadhaar ନମ୍ବର୍‌ ଯୋଡ଼ାଯିବ Voter Id ସହିତ; Election Laws Amendment Bill ପାସ୍ ହେଲା

ରାଜନୈତିକ ସମୀକ୍ଷକ ରବି ଦାସ କହିଛନ୍ତି ୨୧ ବର୍ଷ ଶାସନରେ ରହିବା ପରେ ନବୀନଙ୍କ କୌଣସି ବିକଳ୍ପ ସୄଷ୍ଟି ହୋଇ ନାହାନ୍ତି । ‘‘ସେହି ବିକଳ୍ପ ସୄଷ୍ଟି ହୋଇ ନ ପାରିବା ତାଙ୍କ ଲୋକପ୍ରିୟତାକୁ ବଢ଼ାଉଛି । ତାଙ୍କର ଅନେକ କାର୍ଯ୍ୟ ଅବଶ୍ୟ ତାଙ୍କ ଗ୍ରହଣୀୟତାକୁ ବଢ଼ାଇଛି । ପ୍ରାକୃତିକ ବିପର୍ଯ୍ୟୟର ସଫଳ ମୁକାବିଲା ଏକ ଉଦାହରଣ ସୄଷ୍ଟି କରିପାରିଛି । କୋଭିଡ଼ ସମୟରେ ଲୋକଙ୍କୁ ସହାୟତା ପହଞ୍ଚାଇବା, ଘର ଭଙ୍ଗା ସହାୟତା, ରେସନ କାର୍ଡ଼ଧାରୀଙ୍କୁ ହଜାରେ ଟଙ୍କା ଲେଖାଏଁ ଦେବା ଓ ଅନ୍ୟ ଜନମଙ୍ଗଳ କାର୍ଯ୍ୟକ୍ରମ ତାଙ୍କ ଲୋକପ୍ରିୟତାକୁ ବଢ଼ାଇଛି । ହକି ମଧ୍ୟ ଜାତୀୟ ସ୍ତରରେ ତାଙ୍କ ଲୋକପ୍ରିୟତା ବୄଦ୍ଧିର ଅନ୍ୟ ଏକ କାରଣ । ସବୁଠାରୁ ବଡ କଥା ହେଉଛି ନବୀନଙ୍କ ବିରୋଧରେ କୌଣସି ବିକଳ୍ପ ନେତୄତ୍ୟ ସୄଷ୍ଟି ହୋଇ ନ ପାରିବା । ତେଣୁ ସେ ନମ୍ବର ୱାନ୍‌ ହେବା ଅସ୍ବାଭାବିକ ନୁହେଁ,’’ କହିଛନ୍ତି ଦାସ ।

ଏହା ବି ପଢ଼ନ୍ତୁ | CDS Bipin Rawat Death: ‘‘ବିପିନ ରାୱତ ବଞ୍ଚିଥିଲେ, ପାଣି ମାଗିଥିଲେ,’’ କହିଲେ ଜଣେ ପ୍ରତ୍ୟକ୍ଷଦର୍ଶୀ

ଦେଶରେ ନବୀନ ପଟ୍ଟନାୟକ ଏକ ନମ୍ବର ଲୋକପ୍ରିୟ ମୁଖ୍ୟ ମନ୍ତ୍ରୀ ହୋଇଥିବା ବେଳେ ସମଗ୍ର ବିଶ୍ୱରେ ଭାରତର ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ସବୁଠାରୁ ଲୋକପ୍ରିୟ ନେତା ହେବାର ରେକର୍ଡ଼ କରିଛନ୍ତି । ଆମେରିକା ଓ ରୁଷ୍‌ ଭଳି ଶକ୍ତିଶାଳୀ ଦେଶର ରାଷ୍ଟ୍ରପତିଙ୍କୁ ପଛରେ ପକାଇ ମୋଦି ଲୋକପ୍ରିୟତାରେ ୧ ନମ୍ବର୍‌ ସ୍ଥାନ ଦଖଲ କରିଛନ୍ତି । ବିଶ୍ୱସ୍ତରୀୟ ନେତାଙ୍କ ଲୋକପ୍ରିୟତାକୁ ଟ୍ରାକ୍‌ କରୁଥିବା ଆମେରିକୀୟ ସଂସ୍ଥା ମର୍ଣ୍ଣିଂ କନସଲ୍ଟ ଏହି ରିପୋର୍ଟ ଦେଇଛି ।