ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ପାଦରେ ଚାଲି ଚାଲି ଶ୍ରୀମନ୍ଦିର ପରିକ୍ରମା କରିଥିବା ପ୍ରଥମ ମୁଖ୍ୟ ମନ୍ତ୍ରୀ ହେଲେ ନବୀନ ପଟ୍ଟନାୟକ

ପାଦରେ ଚାଲି ଚାଲି ଶ୍ରୀମନ୍ଦିର ପରିକ୍ରମା କରିଥିବା ପ୍ରଥମ ମୁଖ୍ୟ ମନ୍ତ୍ରୀ ହେଲେ ନବୀନ ପଟ୍ଟନାୟକ

୭୫ ବର୍ଷ ବୟସରେ ପଦାର୍ପଣ କରିବାର ଦୁଇ ଦିନ ପରେ ଅଚାନକ ପୁରୀ ଗସ୍ତ କରି ଓ ଶ୍ରୀମନ୍ଦିର ପରିକ୍ରମା କରି ନବୀନ ଦେଖାଇଦେଲେ ଯେ ସେ ପୂରା ସୁସ୍ଥ ଅଛନ୍ତି । ତାଙ୍କ ପାଇଁ ବ୍ୟାଟେରି ଅଟୋର ବ୍ୟବସ୍ଥା ହୋଇଥିଲେ ବି ସେ ତାକୁ ମନା କରି ପାଦରେ ଚାଲିଥିଲେ ।

ପାଦରେ ଚାଲି ଚାଲି ଶ୍ରୀମନ୍ଦିର ପରିକ୍ରମା କରିଥିବା ପ୍ରଥମ ମୁଖ୍ୟ ମନ୍ତ୍ରୀ ହେଲେ ନବୀନ ପଟ୍ଟନାୟକ
ଶ୍ରୀମନ୍ଦିର ପରିକ୍ରମା ଆରମ୍ଭ କରିଛନ୍ତି ମୁଖ୍ୟ ମନ୍ତ୍ରୀ ନବୀନ ପଟ୍ଟନାୟକ; (ବାମ) ଲୋକଙ୍କ ଅଭିବାଦନ ଗ୍ରହଣ କରୁଛନ୍ତି ସେ ।
  • News18 Odia
  • Last Updated: October 18, 2020, 11:29 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ପୁରୀ: ଓଡ଼ିଶା ଓ ଶ୍ରୀମନ୍ଦିର ଇତିହାସରେ ଅକ୍ଟୋବର ୧୭ ଏକ ବିଶେଷ ଦିନ ହୋଇ ରହିବ । ଏ ପର୍ଯ୍ୟନ୍ତ କୌଣସି ମୁଖ୍ୟ ମନ୍ତ୍ରୀ ଚାଲି ଚାଲି ଶ୍ରୀମନ୍ଦିର ପରିକ୍ରମା କରି ନ ଥିବା ବେଳେ ମୁଖ୍ୟ ମନ୍ତ୍ରୀ ନବୀନ ପଟ୍ଟନାୟକ ସେ ଦିନ ଏହା କଲେ ଓ ଏହା କରିଥିବା ପ୍ରଥମ ମୁଖ୍ୟମନ୍ତ୍ରୀ ହେଲେ । ନିଜେ ଚାଲି ଚାଲି ଶ୍ରୀମନ୍ଦିର ପରିକ୍ରମା କରି ସେ ଦେଖାଇଦେଲେ ଯେ ୭୫ ବର୍ଷ ବୟସ ସତ୍ତ୍ୱେ ଅସୁସ୍ଥ ନୁହଁନ୍ତି; ସମ୍ପୁର୍ଣ୍ଣ ଫିଟ୍ ଅଛନ୍ତି ।

କୋଭିଡ ସ୍ଥିତିକୁ ନେଇ ନବୀନ ନିବାସରେ ଥାଇ ସମସ୍ତ କାର୍ଯ୍ୟ କରୁଥିବା ମୁଖ୍ୟ ମନ୍ତ୍ରୀ ଗତ ଛଅ ମାସ ମଧ୍ୟରେ ପ୍ରଥମ ଥର ପାଇଁ ବାହାରକୁ ଆସିଥିଲେ । ଅକ୍ଟୋବର ୧୫ରେ ୭୫ ବର୍ଷ ବୟସରେ ପଦାର୍ପଣ କରିବାର ଦୁଇ ଦିନ ପରେ ଅଚାନକ ପୁରୀ ଗସ୍ତ କରି ଶ୍ରୀମନ୍ଦିର ସମ୍ମୁଖରୁ ପତିତପାବନଙ୍କ ଦର୍ଶନ କରିଥିଲେ ସେ । ଏହି ଗସ୍ତର ମୂଳ ଲକ୍ଷ୍ୟ ଥିଲା ଶ୍ରୀଜଗନ୍ନାଥ ଐତିହ୍ୟ କରିଡର୍‌ କାମ କିଭଳି ଚାଲିଛି ତା’ର ସମୀକ୍ଷା କରିବା । ପ୍ରକଳ୍ପ କାମକୁ ସ୍ୱଚକ୍ଷୁରେ ଦେଖିବା ସହ ତାକୁ ତ୍ୱରାନ୍ୱିତ କରିବା ନେଇ ଅଧିକାରୀମାନଙ୍କ ସହ ଆଲୋଚନା କରିଥିଲେ । ଏହି ସମୟରେ ସେ ଶ୍ରୀମନ୍ଦିର ଚାରି ପଟେ ବୁଲି ବୁଲି ହାତ ହଲେଇ ପୁରୀବାସୀଙ୍କ ଅଭିଭାଦନ ବି ଗ୍ରହଣ କରିଥିଲେ ।

ପଟ୍ଟନାୟକ ଭୁବନେଶ୍ୱରସ୍ଥ ନବୀନ ନିବାସରୁ ସିଧାସଳଖ କାରରେ ଅପରାହ୍ଣ ୫ଟାରେ ପହଞ୍ଚିଥିଲେ ଶ୍ରୀମନ୍ଦିର ସିଂହଦ୍ୱାର ଅଞ୍ଚଳରେ । ସେହି ବ୍ୟାରିକେଡ ପାଖରୁ ପତିତପାବନଙ୍କୁ ଦର୍ଶନ କରିଥିଲେ ସେ । ରାଜ୍ୟ ତଥା ଦେଶରେ ବ୍ୟାପ୍ତ କୋଭିଡ ସଙ୍କଟ କାରଣରୁ ଅକ୍ଟୋବର ୧୫ରେ ନିଜ ଜନ୍ମ ଦିନ ପାଳି ନ ଥିଲେ ସେ । ପୁରୀରେ ମହାପ୍ରଭୁଙ୍କୁ ଦର୍ଶନ କରି ପ୍ରାର୍ଥନା କରିବା ସହ ସେହି ଠାରୁ ନୀଳଚକ୍ର ଦର୍ଶନ କରିଥିଲେ ।

ନବୀନଙ୍କ ପାଇଁ ଏହି ବ୍ୟାଟେରି ଅଟୋର ବ୍ୟବସ୍ଥା ହୋଇଥିଲା, ହେଲେ ସେ ତାକୁ ମନା କରି ପାଦରେ ଚାଲିଥିଲେ ।


ଫନି ବାତ୍ୟା ପରେ ମୁଖ୍ୟ ମନ୍ତ୍ରୀ ପୁରୀ ଗସ୍ତରେ ଆସି ଶ୍ରୀକ୍ଷେତ୍ରକୁ ବିଶ୍ୱ ସ୍ତରର ଐତିହ୍ୟ ସହର କରାଯିବ ବୋଲି ଘୋଷଣା କରିବା ପରେ ଏହା ଉପରେ କାମ ଆରମ୍ଭ ହୋଇଯାଇଥିଲା । ଶ୍ରୀଜଗନ୍ନାଥ ଐତିହ୍ୟ କରିଡର ନିର୍ମାଣ କରାଯିବାକୁ ନେଇ ଶ୍ରୀମନ୍ଦିରର ୭୫ ମିଟର ପରିଧିରୁ ଉଚ୍ଛେଦ କେମିତି ହୋଇଛି ତା’ର ସମୀକ୍ଷା କରିବା ଥିଲା ପଟ୍ଟନାୟକଙ୍କ ଏ ଥରର ପୁରୀ ଗସ୍ତର ମୁଖ୍ୟ ଲକ୍ଷ୍ୟ ।

ଏମାର ମଠର ଚକଡ଼ା ନିକଟରେ ଏକ ଟେବୁଲ ଉପରେ ସ୍ୱତନ୍ତ୍ର ଭାବେ ରଖାଯାଇଥିଲା ଶ୍ରୀଜଗନ୍ନାଥ ଐତିହ୍ୟ କରିଡରର ଲେ’ଆଉଟ । ତାହାକୁ ଅନୁଧ୍ୟାନ କରିଥିଲେ ପଟ୍ଟନାୟକ । ସେଠାରେ ଉନ୍ନୟନ କମିଶନର ସୁରେଶ ମହାପାତ୍ର, ଶ୍ରୀମନ୍ଦିର ମୁଖ୍ୟ ପ୍ରଶାସକ ଡଃ କ୍ରୀଷନ୍ କୁମାର, ପୁରୀ ଜିଲ୍ଲାପାଳ ବଲୱନ୍ତ ସିଂ ଓ ରାଜ୍ୟର ଫାଇଭ୍‌-ଟି (5T) ସଚିବ ଭି. କେ. ପାଣ୍ଡିଆନଙ୍କ ସହ ଆଲୋଚନା କରିଥିଲେ ।

‘‘ଶ୍ରୀକ୍ଷେତ୍ର ସୌନ୍ଦର୍ଯ୍ୟକରଣ କାମକୁ ତ୍ୱିରିତ କର । ଆସନ୍ତା ଜାନୁଆରୀ ପହିଲା ନୂଆ ବର୍ଷ ସୁଦ୍ଧା ଜମି ଅଧିଗ୍ରହଣ କାମ ସାର । ଶ୍ରୀଜଗନ୍ନାଥ ଐତିହ୍ୟ କରିଡର କାମକୁ ଆଗକୁ ନିଅ,’’ ସହିତ ଶ୍ରୀମନ୍ଦିର ଐତିହ୍ୟ କରିଡର କାର୍ଯ୍ୟର ସମୀକ୍ଷା କରିବା ପରେ ବରିଷ୍ଠ ଅଧିକାରୀମାନଙ୍କୁ କହିଥିଲେ ପଟ୍ଟନାୟକ ।

ଶ୍ରୀଜଗନ୍ନାଥ ଐତିହ୍ୟ କରିଡର କାର୍ଯ୍ୟର ସମୀକ୍ଷାରେ ନବୀନ ଓ ପାଣ୍ଡିଆନଙ୍କ ସହ ସୁରେଶ ମହାପାତ୍ର, ଡଃ କ୍ରୀଷନ୍ କୁମାର ଓ ବଲୱନ୍ତ ସିଂଙ୍କ ପରି ବରିଷ୍ଠ ଅଧିକାରୀ ଉପସ୍ଥିତ ଥିଲେ ।


ଅବଢ଼ା ଯୋଜନାର ସମୀକ୍ଷା କରି ଶ୍ରୀକ୍ଷେତ୍ରକୁ ମହାପ୍ରଭୁଙ୍କ ଦର୍ଶନ ପାଇଁ ଆସୁଥିବା ଭକ୍ତମାନଙ୍କ ସୁବିଧା ପାଇଁ ପ୍ରକଳ୍ପ କାମ ଉପରେ ଧ୍ୟାନ ଦେବାକୁ ବି ସେ ପରାମର୍ଶ ଦେଇଥିଲେ । ବିଶେଷକରି ଦୂରଦୂରାନ୍ତରରୁ ଯେଉଁ ବୟସ୍କ ଓ ଭିନ୍ନକ୍ଷମ ଶ୍ରଦ୍ଧାଳୁ ପୁରୀ ଆସିବେ ସେମାନେ ଯେଭଳି ବିନା ବାଧାରେ ଶ୍ରୀମନ୍ଦିର ପରିକ୍ରମା କରିପାରିବେ ସେଥି ପାଇଁ ଖୋଦ ମୁଖ୍ୟ ମନ୍ତ୍ରୀ ପ୍ରସ୍ତାବ ଦେଇଥିଲେ ବୋଲି କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ଡଃ କ୍ରୀଷନ୍ କୁମାର ।

ଏହା ବି ପଢ଼ନ୍ତୁ କଙ୍ଗନା ରାଣାୱତଙ୍କ ବିରୋଧରେ FIR ଦାୟର କରିବାକୁ ପୋଲିସକୁ ଆଦେଶ ଦେଲେ କୋର୍ଟ

ସିଂହଦ୍ୱାର ପାଖରେ ମହାପ୍ରଭୁଙ୍କୁ ଦର୍ଶନ କରି ପ୍ରାଶାସନିକ ଅଧିକାରୀଙ୍କ ସହ ଆଲୋଚନା କରିବା ପରେ ମୁଖ୍ୟ ମନ୍ତ୍ରୀ ଶ୍ରୀମନ୍ଦିର ପରିକ୍ରମା ପାଇଁ ବାହାରିଥିଲେ । ତାଙ୍କ ପାଇଁ ବ୍ୟାଟେରି ଅଟୋର ବ୍ୟବସ୍ଥା ହୋଇଥିଲେ ସୁଦ୍ଧା ସେ ତାହାକୁ ମନା କରିଥିଲେ । ସାଙ୍ଗରେ ଥିଲେ ଫାଇଭ୍‌-ଟି ସଚିବ ଭି.କେ. ପାଣ୍ଡିଆନ ଓ ଜିଲ୍ଲାପାଳ ବଲୱନ୍ତ ସିଂ, ଶ୍ରୀମନ୍ଦିର ମୁଖ୍ୟ ପ୍ରଶାସକ ଡଃ କ୍ରୀଷନ୍ କୁମାର ଓ ଆଗରେ କେନ୍ଦ୍ରାଞ୍ଚଳ ଡିଆଇଜି ଆଶିଷ ସିଂ ।

ଏହା ବି ପଢ଼ନ୍ତୁ | ମହିଳାଙ୍କୁ ଦେଢ଼ ବର୍ଷ ପାଇଖାନାରେ ବନ୍ଦ୍ କରି ରଖିଥିଲେ ତାଙ୍କ ସ୍ୱାମୀ; ଉଦ୍ଧାର କରାଗଲା

ଏମାର ମଠ ପଟୁ ବାହାରି କାକୁଡ଼ିଖାଇ ଛକ ଓ ତା’ ପରେ ଦକ୍ଷିଣଦ୍ୱାର ଅଞ୍ଚଳ, ତା’ ପରେ ପଶ୍ଚିମ ଦ୍ୱାର ଓ ଶେଷରେ ଉତ୍ତର ଦ୍ୱାର ଅଞ୍ଚଳ ଦେଇ ମୁଖ୍ୟ ମନ୍ତ୍ରୀ ପରିକ୍ରମା କରୁଥିବା ସମୟରେ ଉଚ୍ଛେଦ କେଉଁଠି ଓ କେମିତି ହୋଇଥିଲା ତା’ର ସମୀକ୍ଷା କରିବା ସହ ଡିଜାଇନ ଅନୁସାରେ କେଉଁଠି କ’ଣ ହେବ ତାହା ଭି.କେ ପାଣ୍ଡିଆନ ତାଙ୍କୁ ବୁଝାଇଥିଲେ । ଉନ୍ନୟନ କମିଶନର ସୁରେଶ ମହାପାତ୍ର ବି ଉଚ୍ଛେଦ କେତେ ହୋଇଛି ଓ ଆଉ କେଉଁ ସ୍ଥାନରୁ ଉଚ୍ଛେଦ ହେବ ତାହା ବୁଝାଇଥିଲେ । ସେହି ପଟେ ଯାଉଥିବା କିଛି ସହରବାସୀ ଓ ସେବାୟତମାନେ ମୁଖ୍ୟ ମନ୍ତ୍ରୀଙ୍କୁ ସ୍ୱାଗତ କରିଥିଲେ । ମୁଖ୍ୟ ମନ୍ତ୍ରୀ ବି ହାତ ହଲେଇ ସେମାନଙ୍କ ଅଭିଭାଦନ ଗ୍ରହଣ କରିଥିଲେ ଓ ଶୁଭେଛା ଜଣାଇଥିଲେ ।



‘‘ପୁରୀ ପାଇଁ ମୁଖ୍ୟ ମନ୍ତ୍ରୀ ମନରେ ରଖିଥିବା ଅନେକ ସ୍ୱପ୍ନ ଯେ ବାସ୍ତବତାର ରୂପ ନେବ ଓ ସହରବାସୀ ଏକ ବିଶ୍ୱ ଐତିହ୍ୟ ସହର ଭାବେ ପୁରୀକୁ ଦେଖିବେ ସେହି ବିଶ୍ୱାସ ଏବେ ସମସ୍ତଙ୍କ ମନରେ ଦୃଢ଼ୀଭୂତ ହେଉଛି,’’ କହିଛନ୍ତି ବରିଷ୍ଠ ସେବାୟତ ତଥା ସୁଆର ମହାସୁଆର ନିଯୋଗର ସମ୍ପାଦକ କୃଷ୍ଣଚନ୍ଦ୍ର ପ୍ରତିହାରୀ ।
Published by: Anand Shankar Thankur Das
First published: October 18, 2020, 11:29 PM IST