ଆଜି ପ୍ରକାଶ ପାଇବ ଚଳିତ ବର୍ଷ ମାଟ୍ରିକ ଫଳ; ଛାତ୍ରଛାତ୍ରୀ ବେଶ ଉତ୍ସାହିତ

ଆଜି ପ୍ରକାଶ ପାଇବ ମାଟ୍ରିକ ରେଜଲ୍ଟ। ତିନୋଟି ଯାକ ପଦ୍ଧତି ଭିତରୁ ପରୀକ୍ଷାର୍ଥୀ ଯେଉଁ ପଦ୍ଧତିରେ ସର୍ବାଧିକ ନମ୍ବର ରଖିଛନ୍ତି ତାକୁ ଆଧାର କରି ଚୂଡ଼ାନ୍ତ ଫଳ ପ୍ରସ୍ତୁତ କରାଯାଇଥିବା ବୋର୍ଡ ପକ୍ଷରୁ କୁହାଯାଇଛି।

ଆଜି ପ୍ରକାଶ ପାଇବ ମାଟ୍ରିକ ରେଜଲ୍ଟ (ପ୍ରତୀକାତ୍ମକ ଛବି)

ଆଜି ପ୍ରକାଶ ପାଇବ ମାଟ୍ରିକ ରେଜଲ୍ଟ (ପ୍ରତୀକାତ୍ମକ ଛବି)

  • Share this:
News18 Odia Digital

କଟକ: ଆଜି ପ୍ରକାଶ ପାଇବ ଚଳିତବର୍ଷର ମାଟ୍ରିକ ପରିକ୍ଷା ଫଳ । ଫଳ ପ୍ରକାଶନ ପାଇଁ ସମସ୍ତ ବ୍ୟବସ୍ଥାକୁ ଚୁଡ଼ାନ୍ତ କରିଛି ବୋର୍ଡ଼ । ଆଜି ସକାଳ ୧୦ଟା ବେଳେ ପରୀକ୍ଷା କମିଟିର ବୈଠକ ବସିବା ପରେ ଅପରାହ୍ନ ଗୋଟାଏ ବେଳେ କଟକ ସ୍ଥିତ ବୋର୍ଡ଼ କାର୍ଯ୍ୟାଳୟରେ ପରୀକ୍ଷା ଫଳର ପୁସ୍ତିକା ଉନ୍ମୋଚିତ ହେବ ।

ତେବେ ଚଳିତ ବର୍ଷ ଅନୁଷ୍ଠିତ ହୋଇଥିବା ମାଟ୍ରିକ ପରୀକ୍ଷାର ମୂଲ୍ୟାୟନ ମୁଖ୍ୟତଃ ତିନିଟି ପଦ୍ଧତିରେ କରାଯାଇଛି । ପ୍ରଥମ ପଦ୍ଧତିରେ ଫର୍ମେଟିଭ ଆସେସମେଣ୍ଟ ଓ ସମେଟିଭ ୧ ପରୀକ୍ଷାର ମାର୍କକୁ ଗ୍ରହଣ କରାଯାଇ ତାହାକୁ ଦ୍ଵିଗୁଣିତ କରାଯାଇ ପରୀକ୍ଷା ଫଳ ପ୍ରସ୍ତୁତ ହୋଇଛି । ଦ୍ବିତୀୟ ପଦ୍ଧତିରେ ସମେଟିଭ ୨ ପରୀକ୍ଷାର ମାର୍କକୁ ଦୁଇଗୁଣିତ କରାଯାଇ ପରୀକ୍ଷାର ଫଳକୁ ପ୍ରସ୍ତୁତ କରାଯାଇଛି । ତୃତୀୟ ପଦ୍ଧତିରେ ସମସ୍ତ ଫର୍ମେଟିଭ ଆସେସମେଣ୍ଟ ପରୀକ୍ଷା ଫଳର ୨୦ ପ୍ରତିଶତ ମାର୍କ ଓ ସମେଟିଭ ଆସେସମେଣ୍ଟ ୧ ର ୩୦ ପ୍ରତିଶତ ମାର୍କ ଓ ସମେଟିଭ ଆସେସମେଣ୍ଟ ୨ର ୫୦ ପ୍ରତିଶତ ମାର୍କକୁ ଗ୍ରହଣ କରାଯାଇ ଫଳ ପ୍ରସ୍ତୁତ କରାଯାଇଛି ।

"ତିନୋଟି ଯାକ ପଦ୍ଧତି ଭିତରୁ ପରୀକ୍ଷାର୍ଥୀ ଯେଉଁ ପଦ୍ଧତିରେ ସର୍ବାଧିକ ନମ୍ବର ରଖିଛନ୍ତି ତାକୁ ଆଧାର କରି ଚୂଡ଼ାନ୍ତ ଫଳ ପ୍ରସ୍ତୁତ କରାଯାଇଥିବା ବୋର୍ଡ଼ ପକ୍ଷରୁ କୁହାଯାଇଛି । ଏହି ନୂଆ ବ୍ୟବସ୍ଥାରେ ମୂଲ୍ୟାୟନ କାର୍ଯ୍ୟ ବହୁତ ଜଟିଳ ଥିଲା । ତେବେ ଏଥିରେ ଯେପରି କୌଣସି ତ୍ରୁଟି ନ ରୁହେ ସେଥିପ୍ରତି ଆମେ ବିଶେଷ ଧ୍ୟାନ ଦେଇଛୁ,"କହିଛନ୍ତି ବୋର୍ଡ଼ର ପରୀକ୍ଷା ନିୟନ୍ତ୍ରକ ଡକ୍ଟର ନିହାର ରଞ୍ଜନ ମହାନ୍ତି ।

ସେପଟେ ପାଠପଢା ଓ ପରୀକ୍ଷା ପରିଚାଳନା ଓ ମୂଲ୍ୟାୟନ ପ୍ରକ୍ରିୟାକୁ ନେଇ ପରୀକ୍ଷାର୍ଥୀ ସନ୍ତୋଷ ପ୍ରକାଶ କରିବା ସହ ଫଳ ପ୍ରକାଶନକୁ ନେଇ ଉତ୍ସାହିତ ଅଛନ୍ତି ପରୀକ୍ଷାର୍ଥୀ । "ପରୀକ୍ଷା ଫଳ ବାହାରୁ ଥିବାରୁ ମୁଁ ଖୁସି ଅଛି ଓ ଆଶାବାଦୀ ଅଛି ଯେ ମୋର ୯୦ ପ୍ରତିଶତ ନମ୍ବର ଆସିବ । କିଛି ବିଷୟରେ ପାଠ୍ୟକ୍ରମ ବାହାରୁ ପ୍ରଶ୍ନ ଆସିଥିବାରୁ ଗ୍ରେସ ମାର୍କ ମିଳିବ ବୋଲି ମୁଁ ଆଶା କରୁଛି," କହିଛନ୍ତି ଦଶମ ଶ୍ରେଣୀ ପରୀକ୍ଷା ଦେଇଥିବା କଟକର ଛାତ୍ର ଶୁଭମ ମହାନ୍ତି ।

ଅପରାହ୍ନ ଦୁଇଟାରେ ବୋର୍ଡର ଦୁଇଟି ଯାକ ୱେବ ସାଇଟ  www.bseodisha.ac.in ଓ www.bseodisha.nic.in ରେ ଫଳ ପ୍ରକାଶ ପାଇବ।  ସେହିପରି ପରୀକ୍ଷାର୍ଥୀ ମାନେ ମଧ୍ୟ ମୋବାଇଲ ମାଧ୍ୟମରେ ଫଳାଫଳ ଜାଣିପାରିବେ।ନିଜର ମୋବାଇଲ ରୁ OR10 ଏବଂ ନିଜର ରୋଲ ନମ୍ବର କୁ ଟାଇପ କରି 5676750 କୁ ପଠାଇଲେ ଫଳାଫଳ ଜାଣି ପାରିବେ ।

ଚଳିତବର୍ଷ ରାଜ୍ୟରେ ୩୫୪୦ ଟି ପରୀକ୍ଷା କେନ୍ଦ୍ରରେ ୫ ଲକ୍ଷ ୭୧ ହଜାର ୯୦୯ ଜଣ ପରୀକ୍ଷାର୍ଥୀ ଏହି ମାଟ୍ରିକ ପରୀକ୍ଷା ଦେଉଥିବା ବେଳେ ୪୪୪୩ ଜଣ ମଧ୍ୟମା ଏବଂ ୯୩୭୮ ଜଣ ଓପନ ସ୍କୁଲ ପରୀକ୍ଷାର୍ଥୀ ଏହି ପରୀକ୍ଷା ଦେଇଥିଲେ  ।
Published by:Soumya Das
First published: