- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- ଯାଜପୁରର ମାରଣା ଦନ୍ତା ହାତୀର ନୂଆ ଠିକଣା ଏବେ ଚ଼ନ୍ଦକା ଅଭୟାରଣ୍ୟ, ହେଲେ ସେଠିକା ଲୋକେ ବି ଆତଙ୍କିତ
ଯାଜପୁରର ମାରଣା ଦନ୍ତା ହାତୀର ନୂଆ ଠିକଣା ଏବେ ଚ଼ନ୍ଦକା ଅଭୟାରଣ୍ୟ, ହେଲେ ସେଠିକା ଲୋକେ ବି ଆତଙ୍କିତ
ଯାଜପୁରରେ ଚ଼ାରି ଜଣ ଲୋକଙ୍କ ପ୍ରାଣ ନେଇଥିବା ଏଇ ହାତୀକୁ ଚ଼ନ୍ଦକାରେ ଦୁଇ ଜଣ ମାହୁନ୍ତଙ୍କ ନଜରରେ ରଖାଯିବ । ଚ଼ନ୍ଦକା ଓ ଆଖପାଖର ଲୋକେ ଆତଙ୍କିତ ଥିବା ବେଳେ ବନ ବିଭାଗ ଏ ହାତୀ ପାଇଁ ପ୍ରକୃଷ୍ଟ ବାସସ୍ଥାନ ଖୋଜିବାରେ ଲାଗିଛି ।
ଚ଼ନ୍ଦକା ଅଭୟାରଣ୍ୟ: ମାରଣା ହାତୀର ନୂଆ ଠିକଣା
News18 Odia Digital
ଚ଼ନ୍ଦକା (ଭୁବନେଶ୍ବର): ଯାଜପୁରରେ ଆତଙ୍କ ଖେଳାଇ ଚ଼ାରି ଜଣ ଲୋକଙ୍କ ପ୍ରାଣ ନେବା ପରେ ମାରଣା ଦନ୍ତା ହାତୀର ଠିକଣା ବଦଳିଛି । ଯାଜପୁରର କଣ୍ଟିପୁର ଜଙ୍ଗଲରେ ତାକୁ ଧରି କୁସୁନପୁର ଜଙ୍ଗଲକୁ ନିଆଯାଉଥିବା ବେଳେ ରାସ୍ତାରେ ଲୋକଙ୍କ ଜୋରଦାର ବିରୋଧ ପରେ ଏକ ନାଟକୀୟ ମୋଡ଼ରେ ବନ ବିଭାଗ ଯୁଦ୍ଧକାଳୀନ ଭିତ୍ତିରେ ତାକୁ ଚ଼ନ୍ଦକା ଡମପଡ଼ା ଅଭୟାରଣ୍ୟରେ ପହଞ୍ଚାଇଛି ।
ହେଲେ ହାତୀ ପାଇଁ ପ୍ରକୃଷ୍ଟ ସ୍ଥାନ ହୋଇଥିବା ଏହି ଅଭୟାରଣ୍ୟରେ ଦୁଇଟି ସ୍ଥାନକୁ ନେଇ ବଢ଼ିଛି ଅଡୁଆ । ଗୋଡ଼ିବାରୀ ନା କୁମାରଖୁଣ୍ଟି, କେଉଁଠି ରହିବ ଦନ୍ତା ହାତୀ? କେଉଁଟା ହେବ ତା’ ପାଇଁ ପ୍ରକୃଷ୍ଟ ରହଣି ସ୍ଥାନ? ଏ ନେଇ ଏ ପର୍ଯ୍ୟନ୍ତ ନିଷ୍ପତ୍ତି ନେଇ ପାରୁନାହାନ୍ତି ବନ ବିଭାଗ କର୍ତ୍ତୃପକ୍ଷ । ସେପଟେ ଚ଼ନ୍ଦକା ଜଙ୍ଗଲକୁ ଲାଗିକରି ଥିବା ଗ୍ରାମଗୁଡ଼ିକରେ ଲୋକେ ଆତଙ୍କିତ ହୋଇଛନ୍ତି।
ଯାଜପୁରର ଏ ମାରଣା ହାତୀକୁ ମଙ୍ଗଳବାର ଦିନ ବାଧ୍ୟ ହୋଇ ଅଧା ବାଟରୁ ଫେରାଇ ଆଣି ମହାବିନାୟକ ସଂରକ୍ଷିତ ଜଙ୍ଗଲ ଫାର୍ମ ହାଉସରେ ରଖାଯିବା ପରେ ସେଠାରେ ବି ବିରୋଧ ହୋଇଥିଲା । ଦୀର୍ଘ ୧୦ ଦିନ ଧରି ଯାଜପୁରର ଦାନଗଦି ଅଞ୍ଚଳରେ ଆତଙ୍କ ଖେଳାଇଥିଲା ଏହି ଦନ୍ତା ହାତୀ । ରାତି ଅନିଦ୍ରା ହୋଇ ତାକୁ କାବୁ କରିଥିଲେ ବନ ବିଭାଗ ଓ ପୋଲିସ କର୍ମୀମାନେ । କଣ୍ଟିଗଡ଼ ଜଙ୍ଗଲରୁ କଟକ କୁସୁନପୁର ଜଙ୍ଗଲ ଅଭିମୁଖେ ନିଆଯାଉଥିବା ବେଳେ ବାଟରେ ଜୋରଦାର ବିରୋଧ କରିଥିଲେ ଲୋକେ । ତେଣୁ ରାତାରାତି ଏକ ହାଇୱା (ଖୋଲା ଟ୍ରକ୍) ରେ ଚ଼ନ୍ଦକା ଜଙ୍ଗଲକୁ ଅଣାଯାଇଥିଲା ଦନ୍ତାକୁ ।
ଚ଼ନ୍ଦକା ଅଭ୍ୟାରଣ୍ୟରେ ଗୋଡ଼ିବାରୀ ଓ କୁମାରଖୁଣ୍ଟି ଦୁଇଟି ସ୍ଥାନ ରହିଛି । ଅଭ୍ୟାରଣ୍ୟର ପ୍ରବେଶ ଦ୍ବାର ଗୋଡ଼ିବାରୀରେ ଗୋଟିଏ ଛୋଟିଆ ଡ୍ୟାମ ରହିଥିବା ବେଳେ କୁମାରଖୁଣ୍ଟିରେ ଏକ ବଡ ଡ୍ୟାମ ରହିଛି । ଏହି ବଡ ଡ୍ୟାମ ପାଖରେ ଶଙ୍କର ନାମକ ହାତୀ ରହୁଥିବା ବେଳେ ଗୋଡ଼ିବାରୀରେ ରହୁଛନ୍ତି ନନ୍ଦ-ଯଶୋଦା ନାମକ ହାତୀ ପିତାପୁତ୍ର । ଶଙ୍କର ଚ଼ାରି ବର୍ଷ ତଳେ ଆତଙ୍କ ଖେଳାଇ ଲୋକଙ୍କୁ ମାରିବା ପରେ ତାକୁ ବନ ବିଭାଗ ନିଜ କରାୟତ୍ତକୁ ଆଣି ଚିକିତ୍ସା କରି ଏବେ କୁମାରଖୁଣ୍ଟି ଡ୍ୟାମ ପାଖରେ ରଖୁଛି ।
ଏବେ ଯାଜପୁରର ଏ ମାରଣା ଦନ୍ତା ରହିବ କେଉଁଠି? ନନ୍ଦ-ଯଶୋଦାଙ୍କ ପାଖରେ ନା ଶଙ୍କର ପାଖରେ? ସେ ନିଷ୍ପତ୍ତି ନେଇ ପାରୁ ନାହିଁ ବନ ବିଭାଗ । ମିଳିଥିବା ସୂଚନା ଅନୁଯାୟୀ ଦୁଇ ଜଣ ମାହୁନ୍ତଙ୍କ ନଜରରେ ଏହି ଦନ୍ତା ହାତୀକୁ ରଖାଯିବ । ସେମାନେ ଦନ୍ତାର ଦେଖାଶୁଣା କରିବା ସହ ସେ କ’ଣ ଚାହୁଁଛି ତାହା ମଧ୍ୟ ବୁଝିବେ । ହେଲେ ଚନ୍ଦକା, ଦାସପୁର ଓ ଅନ୍ଧାରୁଆ ମୌଜାର ଲୋକେ ଏବେ ଆତଙ୍କିତ ଅବସ୍ଥାରେ ଅଛନ୍ତି ।
‘‘ଲୋକମାନେ ଏ ଅଞ୍ଚଳରେ ରାତିଦିନ ଚଳ ପ୍ରଚଳ କରୁଛନ୍ତି । ସମସ୍ତଙ୍କୁ ଏବେ ଏଇ ଯାଜପୁର ହାତୀର ଭୟ ଖାଉଛି । ଯଦି କିଛି ଅସୁବିଧା ହୁଏ ବନ ବିଭାଗ ଦାୟୀ ରହିବ,’’ କହିଛନ୍ତି ଚ଼ନ୍ଦକା ଗ୍ରାମର ଚିତ୍ରସେନ ବେହେରା । ଗୋଡିବାରୀର ବାସିନ୍ଦା ତଥା ଅଟୋ ଚ଼ାଳକ ପ୍ରମୋଦ ବେହେରା କହିଛନ୍ତି: ‘‘ଚନ୍ଦାକା ହାତୀଙ୍କ ବାସସ୍ଥାନ । ହାତୀ ଚ଼ନ୍ଦକାରେ ରହୁ, ଏଥିରେ କାହାରି ଆପତ୍ତି ନାହିଁ । କିନ୍ତୁ କାହାରିକୁ ନ ମାରୁ । ଯଦି କାହାରି କିଛି କ୍ଷତି କରେ, ତେବେ ଆନ୍ଦୋଳନକୁ ବ୍ୟାପକ କରାଯିବ’’ ।
ଚ଼ନ୍ଦକା ଡିଏଫଓ ଏ ବାବଦରେ କିଛି କହିବାକୁ ମନା କରିଦେଇଛନ୍ତି ।
ଯାଜପୁରରେ ସୋମବାର ଦିନରୁ ରାତି ଯାଏଁ ଦାନଗଦି, ଧୂଳିଗଡ଼ ଓ କଣ୍ଟିପୁର ଜଙ୍ଗଲରେ ଚ଼ାଲିଥିଲା ବିରାଟ ହାତୀଧରା ଅଭିଯାନ । ତିନେଟି ଡ୍ରୋନ୍ କ୍ୟାମେରା ଜରିଆରେ ହାତୀକୁ ଠାବ କରାଯିବା ପରେ ଟ୍ରାଙ୍କୁଲାଇଜିଂ ବିଶେଷଜ୍ଞମାନେ ତାକୁ ନିଶ୍ଚେତକ ଦେବାରେ ସଫଳ ହୋଇଥିଲେ । ଟ୍ରେଞ୍ଚ ଖୋଳାଯାଇ ହାତୀକୁ ହାଇୱାରେ ଭର୍ତ୍ତି କରାଯାଇଥିଲା । ମାତ୍ରାଧିକ ନିଶ୍ଚେତକ ଖାଇବା ପରେ ଦନ୍ତା ହାତୀଟି ଅସୁସ୍ଥ ହୋଇପଡ଼ିଥିଲା । ପରେ ତା’ର ପୂରା ସ୍ବାସ୍ଥ୍ୟ ପରୀକ୍ଷା କରାଯାଇଥିଲା ।
ଚ଼ନ୍ଦକା (ଭୁବନେଶ୍ବର): ଯାଜପୁରରେ ଆତଙ୍କ ଖେଳାଇ ଚ଼ାରି ଜଣ ଲୋକଙ୍କ ପ୍ରାଣ ନେବା ପରେ ମାରଣା ଦନ୍ତା ହାତୀର ଠିକଣା ବଦଳିଛି । ଯାଜପୁରର କଣ୍ଟିପୁର ଜଙ୍ଗଲରେ ତାକୁ ଧରି କୁସୁନପୁର ଜଙ୍ଗଲକୁ ନିଆଯାଉଥିବା ବେଳେ ରାସ୍ତାରେ ଲୋକଙ୍କ ଜୋରଦାର ବିରୋଧ ପରେ ଏକ ନାଟକୀୟ ମୋଡ଼ରେ ବନ ବିଭାଗ ଯୁଦ୍ଧକାଳୀନ ଭିତ୍ତିରେ ତାକୁ ଚ଼ନ୍ଦକା ଡମପଡ଼ା ଅଭୟାରଣ୍ୟରେ ପହଞ୍ଚାଇଛି ।
ହେଲେ ହାତୀ ପାଇଁ ପ୍ରକୃଷ୍ଟ ସ୍ଥାନ ହୋଇଥିବା ଏହି ଅଭୟାରଣ୍ୟରେ ଦୁଇଟି ସ୍ଥାନକୁ ନେଇ ବଢ଼ିଛି ଅଡୁଆ । ଗୋଡ଼ିବାରୀ ନା କୁମାରଖୁଣ୍ଟି, କେଉଁଠି ରହିବ ଦନ୍ତା ହାତୀ? କେଉଁଟା ହେବ ତା’ ପାଇଁ ପ୍ରକୃଷ୍ଟ ରହଣି ସ୍ଥାନ? ଏ ନେଇ ଏ ପର୍ଯ୍ୟନ୍ତ ନିଷ୍ପତ୍ତି ନେଇ ପାରୁନାହାନ୍ତି ବନ ବିଭାଗ କର୍ତ୍ତୃପକ୍ଷ । ସେପଟେ ଚ଼ନ୍ଦକା ଜଙ୍ଗଲକୁ ଲାଗିକରି ଥିବା ଗ୍ରାମଗୁଡ଼ିକରେ ଲୋକେ ଆତଙ୍କିତ ହୋଇଛନ୍ତି।
ଯାଜପୁରର ଏ ମାରଣା ହାତୀକୁ ମଙ୍ଗଳବାର ଦିନ ବାଧ୍ୟ ହୋଇ ଅଧା ବାଟରୁ ଫେରାଇ ଆଣି ମହାବିନାୟକ ସଂରକ୍ଷିତ ଜଙ୍ଗଲ ଫାର୍ମ ହାଉସରେ ରଖାଯିବା ପରେ ସେଠାରେ ବି ବିରୋଧ ହୋଇଥିଲା । ଦୀର୍ଘ ୧୦ ଦିନ ଧରି ଯାଜପୁରର ଦାନଗଦି ଅଞ୍ଚଳରେ ଆତଙ୍କ ଖେଳାଇଥିଲା ଏହି ଦନ୍ତା ହାତୀ । ରାତି ଅନିଦ୍ରା ହୋଇ ତାକୁ କାବୁ କରିଥିଲେ ବନ ବିଭାଗ ଓ ପୋଲିସ କର୍ମୀମାନେ । କଣ୍ଟିଗଡ଼ ଜଙ୍ଗଲରୁ କଟକ କୁସୁନପୁର ଜଙ୍ଗଲ ଅଭିମୁଖେ ନିଆଯାଉଥିବା ବେଳେ ବାଟରେ ଜୋରଦାର ବିରୋଧ କରିଥିଲେ ଲୋକେ । ତେଣୁ ରାତାରାତି ଏକ ହାଇୱା (ଖୋଲା ଟ୍ରକ୍) ରେ ଚ଼ନ୍ଦକା ଜଙ୍ଗଲକୁ ଅଣାଯାଇଥିଲା ଦନ୍ତାକୁ ।
ହାତୀଟିକୁ ହାଇୱାରେ ଜାତୀୟ ରାଜପଥ ଦେଇ ମଙ୍ଗଳବାର କଟକ ଡାଳିଯୋଡ଼ା ରେଞ୍ଜ୍ ଅଭିମୁଖେ ନିଆଯାଉଥିଲା, ହେଲେ ଅଧା ରାସ୍ତାରୁ ଫେରାଇ ଅଣାଯାଇଥିଲା ।
ଚ଼ନ୍ଦକା ଅଭ୍ୟାରଣ୍ୟରେ ଗୋଡ଼ିବାରୀ ଓ କୁମାରଖୁଣ୍ଟି ଦୁଇଟି ସ୍ଥାନ ରହିଛି । ଅଭ୍ୟାରଣ୍ୟର ପ୍ରବେଶ ଦ୍ବାର ଗୋଡ଼ିବାରୀରେ ଗୋଟିଏ ଛୋଟିଆ ଡ୍ୟାମ ରହିଥିବା ବେଳେ କୁମାରଖୁଣ୍ଟିରେ ଏକ ବଡ ଡ୍ୟାମ ରହିଛି । ଏହି ବଡ ଡ୍ୟାମ ପାଖରେ ଶଙ୍କର ନାମକ ହାତୀ ରହୁଥିବା ବେଳେ ଗୋଡ଼ିବାରୀରେ ରହୁଛନ୍ତି ନନ୍ଦ-ଯଶୋଦା ନାମକ ହାତୀ ପିତାପୁତ୍ର । ଶଙ୍କର ଚ଼ାରି ବର୍ଷ ତଳେ ଆତଙ୍କ ଖେଳାଇ ଲୋକଙ୍କୁ ମାରିବା ପରେ ତାକୁ ବନ ବିଭାଗ ନିଜ କରାୟତ୍ତକୁ ଆଣି ଚିକିତ୍ସା କରି ଏବେ କୁମାରଖୁଣ୍ଟି ଡ୍ୟାମ ପାଖରେ ରଖୁଛି ।
ଏବେ ଯାଜପୁରର ଏ ମାରଣା ଦନ୍ତା ରହିବ କେଉଁଠି? ନନ୍ଦ-ଯଶୋଦାଙ୍କ ପାଖରେ ନା ଶଙ୍କର ପାଖରେ? ସେ ନିଷ୍ପତ୍ତି ନେଇ ପାରୁ ନାହିଁ ବନ ବିଭାଗ । ମିଳିଥିବା ସୂଚନା ଅନୁଯାୟୀ ଦୁଇ ଜଣ ମାହୁନ୍ତଙ୍କ ନଜରରେ ଏହି ଦନ୍ତା ହାତୀକୁ ରଖାଯିବ । ସେମାନେ ଦନ୍ତାର ଦେଖାଶୁଣା କରିବା ସହ ସେ କ’ଣ ଚାହୁଁଛି ତାହା ମଧ୍ୟ ବୁଝିବେ । ହେଲେ ଚନ୍ଦକା, ଦାସପୁର ଓ ଅନ୍ଧାରୁଆ ମୌଜାର ଲୋକେ ଏବେ ଆତଙ୍କିତ ଅବସ୍ଥାରେ ଅଛନ୍ତି ।
କାବୁ ହେବା ପରେ ଚ଼ାରିଟି ମଣିଷକୁ ମାରିଥିବା ଦନ୍ତା ହାତୀଟିକୁ ନିଶ୍ଚେତକ ଦିଆଯାଇଥିଲା ।
‘‘ଲୋକମାନେ ଏ ଅଞ୍ଚଳରେ ରାତିଦିନ ଚଳ ପ୍ରଚଳ କରୁଛନ୍ତି । ସମସ୍ତଙ୍କୁ ଏବେ ଏଇ ଯାଜପୁର ହାତୀର ଭୟ ଖାଉଛି । ଯଦି କିଛି ଅସୁବିଧା ହୁଏ ବନ ବିଭାଗ ଦାୟୀ ରହିବ,’’ କହିଛନ୍ତି ଚ଼ନ୍ଦକା ଗ୍ରାମର ଚିତ୍ରସେନ ବେହେରା । ଗୋଡିବାରୀର ବାସିନ୍ଦା ତଥା ଅଟୋ ଚ଼ାଳକ ପ୍ରମୋଦ ବେହେରା କହିଛନ୍ତି: ‘‘ଚନ୍ଦାକା ହାତୀଙ୍କ ବାସସ୍ଥାନ । ହାତୀ ଚ଼ନ୍ଦକାରେ ରହୁ, ଏଥିରେ କାହାରି ଆପତ୍ତି ନାହିଁ । କିନ୍ତୁ କାହାରିକୁ ନ ମାରୁ । ଯଦି କାହାରି କିଛି କ୍ଷତି କରେ, ତେବେ ଆନ୍ଦୋଳନକୁ ବ୍ୟାପକ କରାଯିବ’’ ।
ଚ଼ନ୍ଦକା ଡିଏଫଓ ଏ ବାବଦରେ କିଛି କହିବାକୁ ମନା କରିଦେଇଛନ୍ତି ।
ଯାଜପୁରରେ ସୋମବାର ଦିନରୁ ରାତି ଯାଏଁ ଦାନଗଦି, ଧୂଳିଗଡ଼ ଓ କଣ୍ଟିପୁର ଜଙ୍ଗଲରେ ଚ଼ାଲିଥିଲା ବିରାଟ ହାତୀଧରା ଅଭିଯାନ । ତିନେଟି ଡ୍ରୋନ୍ କ୍ୟାମେରା ଜରିଆରେ ହାତୀକୁ ଠାବ କରାଯିବା ପରେ ଟ୍ରାଙ୍କୁଲାଇଜିଂ ବିଶେଷଜ୍ଞମାନେ ତାକୁ ନିଶ୍ଚେତକ ଦେବାରେ ସଫଳ ହୋଇଥିଲେ । ଟ୍ରେଞ୍ଚ ଖୋଳାଯାଇ ହାତୀକୁ ହାଇୱାରେ ଭର୍ତ୍ତି କରାଯାଇଥିଲା । ମାତ୍ରାଧିକ ନିଶ୍ଚେତକ ଖାଇବା ପରେ ଦନ୍ତା ହାତୀଟି ଅସୁସ୍ଥ ହୋଇପଡ଼ିଥିଲା । ପରେ ତା’ର ପୂରା ସ୍ବାସ୍ଥ୍ୟ ପରୀକ୍ଷା କରାଯାଇଥିଲା ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
