ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ଭୁବନେଶ୍ୱରରେ ସ୍ୱିଗୀ କମ୍ପାନୀର ବ୍ୟାଗରେ ଗଞ୍ଜେଇ ଚାଲାଣ କରୁଥିବା ଯୁବକ ଗିରଫ ହେଲା

ଭୁବନେଶ୍ୱରରେ ସ୍ୱିଗୀ କମ୍ପାନୀର ବ୍ୟାଗରେ ଗଞ୍ଜେଇ ଚାଲାଣ କରୁଥିବା ଯୁବକ ଗିରଫ ହେଲା

ଗିରଫ ହୋଇଥିବା ଯୁବକର ବ୍ୟାଗ ଭିତରୁ ୭୫ ହଜାର ଟଙ୍କା ମୂଲ୍ୟର ଗଞ୍ଜେଇ ଜବତ ହୋଇଛି । ସ୍ୱିଗୀ କମ୍ପାନୀ ସ୍ପଷ୍ଟୀକରଣ ଦେଇ କହିଛି ଯେ ଗିରଫ ଯୁବକର କମ୍ପାନୀ ସହ କୌଣସି ସମ୍ପର୍କ ନାହିଁ ।

ଭୁବନେଶ୍ୱରରେ ସ୍ୱିଗୀ କମ୍ପାନୀର ବ୍ୟାଗରେ ଗଞ୍ଜେଇ ଚାଲାଣ କରୁଥିବା ଯୁବକ ଗିରଫ ହେଲା
ସ୍ୱିଗୀ ବ୍ୟାଗରେ ଗଞ୍ଜେଇ ରଖି ବାଇକରେ ଯାଉଥିଲା ଅଭିଯୁକ୍ତ ।
  • News18 Odia
  • Last Updated: September 8, 2021, 11:39 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ରାଜ୍ୟ ରାଜଧାନୀରେ ନୁଆ ଶୈଳୀରେ ନିଶା କାରବାର ହେଉଥିବା ଦେଖିବାକୁ ମିଳିଛି । ସ୍ୱିଗୀ ଅନଲାଇନ୍‌ ଫୁଡ୍‌ ଡେଲିଭରି କମ୍ପାନୀର ବ୍ୟାଗରେ ଜଣେ ଡ୍ରଗ୍ସ ମାଫିଆ ମଙ୍ଗଳବାର ଗଞ୍ଜେଇ ଚାଲାଣ କରୁଥିବା ବେଳେ ଅବକାରୀ ବିଭାଗ ଦ୍ୱାରା ଗିରଫ ହୋଇଛି ।

ଗିରଫ ଅଭିଯୁକ୍ତ ହେଉଛି ପୁରୁଣା ଭୁବନେଶ୍ୱର ଅଞ୍ଚଳର ପ୍ରେମଚାନ୍ଦ ନାୟକ (୨୯) । ତା’ଠାରୁ ୧୫ କେଜି ୨୦୦ ଗ୍ରାମ୍‌ ଗଞ୍ଜେଇ ଜବତ ହୋଇଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ୭୫ ହଜାର ଟଙ୍କା ହେବ ବୋଲି କହିଛନ୍ତି ଅଧିକାରୀମାନେ । ଜବତ ଗଞ୍ଜେଇ ଫୁଲବାଣୀରୁ ଜଣେ ଦଲାଲ ସାହାଯ୍ୟରେ ଭୁବନେଶ୍ୱର ଆଣିଥିଲା ପ୍ରେମଚାନ୍ଦ । ପୋଳିସ ସନ୍ଦେହରୁ ମୁକୁଳିବା ପାଇଁ ସ୍ୱିଗି ବ୍ୟାଗରେ ରଖି ଚାଲାଣ କରୁଥିଲା ସେ । ତାକୁ ଗିରଫ କରିବା ପରେ କୋର୍ଟ ଚାଲାଣ କରିଛି ଅବକାରୀ ବିଭାଗ ।

ଏହା ବି ପଢ଼ନ୍ତୁ | English ଶିଖନ୍ତୁ []: ଯଦି ଗ୍ୟାଙ୍ଗଷ୍ଟର୍ ହାଇଦର୍ ଧରାପଡ଼ି ଥାନ୍ତା,… If gangster Hyder…

“ଆମେ ଖବର ପାଇଥିଲୁ ଯେ ଫୁଲବାଣୀରୁ ବସ୍‌ ଯୋଗେ ଭୁବନେଶ୍ୱର ବରମୁଣ୍ଡାକୁ ଗଞ୍ଜେଇ ଆସିଛି । ତେଣୁ ଆମ ଟିମ୍ ଫୁଲବାଣୀରୁ ଆସୁଥିବା ସବୁ ବସଗୁଡି଼କର ଯାଞ୍ଚ କରିଥିଲା । ପରେ ଜାଣିବାକୁ ପାଇଲୁ ଗଞ୍ଜେଇ ମାଫିଆ ନିଜ ବାଇକ୍ ଯୋଗେ ଏକ ସ୍ୱିଗୀ ବ୍ୟାଗରେ ଗଞ୍ଜେଇ ନେଇ ଆସୁଛୁ । ପ୍ରେମଚାନ୍ଦ ଉପରେ ସନ୍ଦେହ ଯେବାରୁ ତା’ ବ୍ୟାଗ୍‌ ଆମେ ଯାଞ୍ଚ କରିଥିଲୁ । ବ୍ୟାଗ ଭିତରେ ଏକ ଅଖା ବ୍ୟାଗରେ ଗଞ୍ଜେଇ ଥିବା ଜଣା ପଡିଥିଲା,’’ କହିଛନ୍ତି ଅବକାରୀ ବିଭାଗ ଇନସପେକ୍ଟର ସମରଜିତ୍ ଦାସ ।

ସ୍ୱିଗୀ କମ୍ପାନୀର ସ୍ପଷ୍ଟୀକରଣ ଚିଠି


ଏହା ବି ପଢ଼ନ୍ତୁ ଦେଖନ୍ତୁ VIDEO | ଆସାମରେ ୨ଟି ଡଙ୍ଗାର ମୁହାଁମୁହିଁ ଧକ୍କା ହେଲା; ବୁଡ଼ିଗଲେ ଅନେକ ଯାତ୍ରୀ

ଭିନ୍ନ ଭିନ୍ନ ନୁଆ ଉପାୟରେ ଗଞ୍ଜେଇ ଚୋରା ଚାଲାଣ ହେବା ନୁଆ କଥା ନୁହେଁ । ଗତ ମାସ ଦିଲ୍ଲୀର ଦୁଇ ଜଣ ଯୁବକ କୋରିଅର୍‌ ଯୋଗେ ୪୫ କିଲୋ ଗଞ୍ଜେଇ ଚାଲାଣ କରୁଥିବା ବେଳେ ଭୁବନେଶ୍ୱର ସହିଦ ନଗର ପୋଲିସ ଦ୍ୱାରା ଗିରଫ ହୋଇଥିଲେ । କିଛି ଦିନ ତଳେ କାଜୁ ଖୋଳପା ଭିତରେ ବିଶାଖାପାଟଣାକୁ ଟ୍ରକ ଯୋଗେ ଗଞ୍ଜେଇ ଚାଲାଣ ହେଉଥିବା ବେଳେ ଚନ୍ଦକା ଅଞ୍ଚଳରୁ ଗାଡି଼ ସହ ଗଞ୍ଜେଇ ଜବତ କରିଥିଲା ନାର୍କୋଟିକ୍ସ ଟିମ୍ ।

ଏହା ବି ପଢ଼ନ୍ତୁ | କଶ୍ମୀରରେ ବିଚ୍ଛିନ୍ନତାବାଦୀ ରାଜନୀତିର ପୁରୋଧା ସୈଦ୍ ଅଲୀ ଶାହ ଗିଲାନୀଙ୍କ ଦେହାନ୍ତ ହେଲା

ଗଞ୍ଜେଇ ମାଫିଆଠାର ସ୍ୱଗୀ ବ୍ୟାଗ ଜବତ ହେବା ପରେ ସ୍ୱିଗୀ କମ୍ପାନୀର ଭୂମିକାକୁ ନେଇ ପ୍ରଶ୍ନ ଉଠିଛି । ସ୍ୱିଗୀ ପକ୍ଷରୁ ଏ ନେଇ ଏକ ପ୍ରେସ ରିଲିଜ ଜାରି କରି ସ୍ପଷ୍ଟୀକରଣ ଦିଆଯାଇଛି । ଅବକାରୀ କମିଶନରଙ୍କୁ ସ୍ୱିଗୀ ପକ୍ଷରୁ ଏହି ଚିଠି ପଠାଯାଇଛି । ଏଥିରେ ସ୍ୱିଗୀ ପକ୍ଷରୁ କୁହାଯାଇଛି, “ଆମେ ଆମର ରେକର୍ଡ ଯାଞ୍ଚ କରିଛୁ । ଗିରଫ ହୋଇଥିବା ଯୁବକ ଜଣଙ୍କର ସ୍ୱିଗୀ ସହିତ କୌଣସି ସମ୍ପର୍କ ନାହିଁ । ତାଙ୍କ ଠାରୁ ମିଳିଥିବା ବ୍ୟାଗ ନକଲି ଅଥବା ବେଆଇନ୍ ଭାବେ ପ୍ରାପ୍ତ କରାଯାଇଛି । ସ୍ୱଗୀ ଏଭଳି କାର୍ଯ୍ୟକୁ ନିନ୍ଦା କରିବା ସହ ଅଭିଯୁକ୍ତ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରୁଛି ।’’



ସ୍ୱିଗୀର ସ୍ପଷ୍ଟୀକରଣ ପରେ ଗିରଫ ଅଭିଯୁକ୍ତ ପ୍ରେମଚାନ୍ଦକୁ ପଚରାଉଚରା କରୁଛି ଅବକାରୀ ବିଭାଗ । ସ୍ୱିଗୀ ବ୍ୟାଗ ସେ କେଉଁଠୁ ଆଣିଲା, ତା’ର କେହି ସମ୍ପର୍କାୟ ସ୍ୱିଗୀରେ କାମ କରୁଛନ୍ତି କି ଓ ସେ କେଉଁଠି କାମ କରୁଛନ୍ତି ଏସବୁ ଦିଗ ନେଇ ଅଭିଯୁକ୍ତକୁ ପଚରାଉଚରା କରୁଛି ତଦନ୍ତକାରୀ ଟିମ୍ ।
Published by: Anand S.T. Das
First published: September 8, 2021, 11:39 PM IST