ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»LPG Cylinder Price: ଆଜିଠାରୁ ମହଙ୍ଗା ହେଲା ଆପଣଙ୍କ ରୋଷେଇ ଗ୍ୟାସ ସିଲିଣ୍ଡର; ଜାଣନ୍ତୁ କେତେ ବଢ଼ିଲା ଦାମ୍

LPG Cylinder Price: ଆଜିଠାରୁ ମହଙ୍ଗା ହେଲା ଆପଣଙ୍କ ରୋଷେଇ ଗ୍ୟାସ ସିଲିଣ୍ଡର; ଜାଣନ୍ତୁ କେତେ ବଢ଼ିଲା ଦାମ୍

ଦେଶରେ ମୁଦ୍ରାସ୍ଫୀତି ବୃଦ୍ଧି ମଧ୍ୟରେ ସରକାରୀ ତୈଳ କମ୍ପାନୀଗୁଡିକ ରନ୍ଧନ ଗ୍ୟାସ (Cooking Gas) ଦରରେ ବୃଦ୍ଧି କରିଛନ୍ତି । ସରକାରୀ ତୈଳ କମ୍ପାନୀ ଗ୍ୟାସ ସିଲିଣ୍ଡରର ଦରରେ ୫୦ ଟଙ୍କା ବୃଦ୍ଧି କରିଛନ୍ତି ।

LPG Cylinder Price: ଆଜିଠାରୁ ମହଙ୍ଗା ହେଲା ଆପଣଙ୍କ ରୋଷେଇ ଗ୍ୟାସ ସିଲିଣ୍ଡର; ଜାଣନ୍ତୁ କେତେ ବଢ଼ିଲା ଦାମ୍
ଆଜିଠାରୁ ମହଙ୍ଗା ହେଲା ଆପଣଙ୍କ ରୋଷେଇ ଗ୍ୟାସ ସିଲିଣ୍ଡର
  • News18 Odia
  • Last Updated: December 2, 2020, 11:20 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ସାରା ଦେଶରେ ମୁଦ୍ରାସ୍ଫୀତି ବୃଦ୍ଧି ପାଇବାରେ ସରକାରୀ ତୈଳ କମ୍ପାନୀଗୁଡିକ ରନ୍ଧନ ଗ୍ୟାସର (Cooking Gas) ଦରରେ ବୃଦ୍ଧି କରିଛନ୍ତି । CNBC ଭଏସ୍ ଠାରୁ ପ୍ରାପ୍ତ ସୂଚନା ଅନୁଯାୟୀ ଆଜିଠାରୁ ଆପଣଙ୍କର LPG ସିଲିଣ୍ଡର ଦାମ୍ ୫୦ ଟଙ୍କା ମହଙ୍ଗା ହେବ । ଏଲପିଜି ଗ୍ୟାସ୍ ସିଲିଣ୍ଡରର ନୂତନ ଦାମ୍ ୨ ଡିସେମ୍ବର ଅର୍ଥାତ୍ ଆଜିଠାରୁ କାର୍ଯ୍ୟକାରୀ ହୋଇଛି । ଏହି ବୃଦ୍ଧି ପରେ ଦେଶର ରାଜଧାନୀରେ ଘରୋଇ ଏଲପିଜି ମୂଲ୍ୟ ୬୪୪ ଟଙ୍କାକୁ ବୃଦ୍ଧି ପାଇଛି । ୧ ଡିସେମ୍ବରରେ ତୈଳ ମାର୍କେଟିଂ କମ୍ପାନୀଗୁଡିକ ବ୍ୟବସାୟିକ ଗ୍ୟାସର ଦରରେ ବୃଦ୍ଧି କରିଥିଲେ । ୧୯ କିଲୋଗ୍ରାମ ସିଲିଣ୍ଡର ୫୫ ଟଙ୍କା ବୃଦ୍ଧି କରାଯାଇଥିଲା ।

CNBC ଭଏସ୍ ରିପୋର୍ଟର ଆସିମ୍ ମିନଚାନ୍ଦାନୀଙ୍କ ଦ୍ୱାରା ପ୍ରାପ୍ତ ସୂଚନା ଅନୁଯାୟୀ ଆଜିଠାରୁ ଆପଣଙ୍କର LPG ସିଲିଣ୍ଡର ମହଙ୍ଗା ହୋଇଛି । ରିପୋର୍ଟ ଅନୁଯାୟୀ ଦେଶର ରାଜଧାନୀରେ ସିଲିଣ୍ଡରର ଦାମ୍ ୫୦ ଟଙ୍କା ବୃଦ୍ଧି କରାଯାଇଛି । ଏହା ପରେ ଦିଲ୍ଲୀବାସୀଙ୍କୁ ବର୍ତ୍ତମାନ ଏହି ସିଲିଣ୍ଡର ପାଇଁ ୬୪୪ ଟଙ୍କା ଖର୍ଚ୍ଚ କରିବାକୁ ପଡିବ ।

ଏହାପୂର୍ବରୁ ଜୁଲାଇରେ ୧୪ କିଲୋଗ୍ରାମ ସିଲିଣ୍ଡରର ଦାମ୍ ବୃଦ୍ଧି କରାଯାଇଥିଲା
ଡିସେମ୍ବର ପୂର୍ବରୁ ଜୁଲାଇରେ ୧୪କିଲୋଗ୍ରାମ LPG ସିଲିଣ୍ଡରର ଦାମ୍ ବୃଦ୍ଧି କରାଯାଇଥିଲା । ଜୁଲାଇରେ ଏହାର ଦାମ୍ ମାତ୍ର ୪ ଟଙ୍କା ବୃଦ୍ଧି କରାଯାଇଥିଲା । ଏଥି ସହିତ ଜୁନ୍ ମାସରେ ଦିଲ୍ଲୀରେ ୧୪.୨ କିଲୋଗ୍ରାମ ଅଣ ସବସିଡିଯୁକ୍ତ ଏଲପିଜି ସିଲିଣ୍ଡର ୧୧.୫୦ ଟଙ୍କା ମହଙ୍ଗା ହୋଇଥିବାବେଳେ ମେ ମାସରେ ଏହା ୧୬୨.୫୦ ଟଙ୍କା ଶସ୍ତା ହୋଇଛି ।

ବାଣିଜ୍ୟିକ ସିଲିଣ୍ଡରର ଦର ବୃଦ୍ଧି ହେଲା
ଡିସେମ୍ବର ମାସ ପାଇଁ ୧୯ କିଲୋଗ୍ରାମ ବ୍ୟବସାୟିକ ଗ୍ୟାସ ସିଲିଣ୍ଡରର ଦର ବୃଦ୍ଧି ପାଇଛି । ଚେନ୍ନାଇରେ ସିଲିଣ୍ଡର ପିଛା ସର୍ବାଧିକ ୫୬ ଟଙ୍କା ରହିଛି । ବର୍ତ୍ତମାନ ଆପଣଙ୍କୁ ଏକ ବ୍ୟବସାୟିକ ସିଲିଣ୍ଡର ପାଇଁ ୧୪୧୦ ଟଙ୍କା ଦେବାକୁ ପଡିବ । ଏହା ବ୍ୟତୀତ ଦେଶର ରାଜଧାନୀ ୫୫ ଟଙ୍କା ବୃଦ୍ଧି ପାଇଛି । ଏଠାରେ ଥିବା ଏହି ସିଲିଣ୍ଡରର ଦାମ୍ ୧୨୯୬ ଟଙ୍କା ହୋଇଛି । କୋଲକାତା ଓ ମୁମ୍ବାଇରେ ମଧ୍ୟ ୫୫ ଟଙ୍କା ବୃଦ୍ଧି ଘଟିଛି । ଏହା ପରେ ଏହି ଦୁଇଟି ସହରରେ ନୂତନ ମୂଲ୍ୟ ଯଥାକ୍ରମେ ୧୩୫୧ ଓ ୧୨୪୪ ଟଙ୍କା ରହିଛି ।

LPG ସିଲିଣ୍ଡର ଦାମ୍ କିପରି ସ୍ଥିର କରାଯାଏ
ହାରାହାରି ଆନ୍ତର୍ଜାତୀୟ ମାନଦଣ୍ଡ ହାର ଓ ବୈଦେଶିକ ମୁଦ୍ରା ବିନିମୟ ଦର ଅନୁଯାୟୀ LPG ସିଲିଣ୍ଡର ଦର ସ୍ଥିର କରାଯାଇଥାଏ । ଏହି କାରଣରୁ ଏଲପିଜି ସିଲିଣ୍ଡରର ସବସିଡି ପରିମାଣ ମଧ୍ୟ ପ୍ରତି ମାସରେ ବଦଳିଥାଏ । ଯେତେବେଳେ ଆନ୍ତର୍ଜାତୀୟ ବଜାରରେ ଦର ବୃଦ୍ଧି ହୁଏ ସରକାର ଅଧିକ ସବସିଡି ଦିଅନ୍ତି ଓ ଯେତେବେଳେ ଦର ହ୍ରାସ ହୁଏ, ସେତେବେଳେ ସବସିଡି କଟିଯାଏ । ଟିକସ ନିୟମ ଅନୁଯାୟୀ ଏଲପିଜି ଉପରେ ଥିବା ଦ୍ରବ୍ୟ ଓ ସେବା କର (ଜିଏସ୍ଟି) ଇନ୍ଧନର ବଜାର ଦରରେ ହିସାବ କରାଯାଏ।

କେଉଁଠାରେ ଯାଞ୍ଚ କରିବେ LPG ର ଦାମ୍
ରନ୍ଧନ ଗ୍ୟାସର ଦର ଯାଞ୍ଚ କରିବାକୁ ହେଲେ ଆପଣଙ୍କୁ ସରକାରୀ ତୈଳ କମ୍ପାନୀର ୱେବସାଇଟକୁ ଯିବାକୁ ପଡିବ । ଏଠାରେ ଥିବା କମ୍ପାନୀଗୁଡିକ ପ୍ରତି ମାସରେ ନୂତନ ଦର ପ୍ରଦାନ କରନ୍ତି । https://iocl.com/Products/IndaneGas.aspx ଏହି ଲିଙ୍କ୍ ପରିଦର୍ଶନ କରି ଆପଣ ନିଜ ସହରରେ ଗ୍ୟାସ୍ ସିଲିଣ୍ଡରର ହାର ଯାଞ୍ଚ କରିପାରିବେ ।
Published by: Jagdish Barik
First published: December 2, 2020, 11:19 AM IST