- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- ଇଞ୍ଜିନିୟରିଂ କଲେଜରୁ ୯୭ଲକ୍ଷ ଟଙ୍କା ହଡ଼ପ ଘଟଣା; ଝାଡ଼ଖଣ୍ଡରୁ ଗିରଫ ହେଲା ପ୍ରେମିକ
ଇଞ୍ଜିନିୟରିଂ କଲେଜରୁ ୯୭ଲକ୍ଷ ଟଙ୍କା ହଡ଼ପ ଘଟଣା; ଝାଡ଼ଖଣ୍ଡରୁ ଗିରଫ ହେଲା ପ୍ରେମିକ
ଭୁବନେଶ୍ୱର ତମାଣ୍ଡୋ ଅଞ୍ଚଳରେ ଥିବା ଏକ ଘରୋଇ କଲେଜର ୯୭ ଲକ୍ଷ ଟଙ୍କା ହଡ଼ପ ଘଟଣାର ପର୍ଦ୍ଦାଫାଶ। ଝାଡ଼ଖଣ୍ଡରୁ ଗିରଫ ହୋଇଛି ପ୍ରେମିକ ବିକାଶ କୁମାର। ପୂର୍ବରୁ ବିକାଶଙ୍କ ବାନ୍ଧବୀ ତଥା କଲେଜର ଅକାଉଣ୍ଟାଣ୍ଟ ପାୟଲ ମହାପାତ୍ରଙ୍କୁ ଗିରଫ କରିଥିଲା ।
ଝାଡ଼ଖଣ୍ଡରୁ ଗିରଫ ହେଲା ପ୍ରେମିକ (ପ୍ରତୀକାତ୍ମକ ଛବି)
News18 Odia Digital
ଭୁବନେଶ୍ୱର: ଘରୋଇ ଇଞ୍ଜିନିୟରିଂ କଲେଜର ବଣ୍ଟି ଵବଲି । ଭୁବନେଶ୍ୱର ତମାଣ୍ଡୋ ଅଞ୍ଚଳରେ ଥିବା ଏକ ଘରୋଇ କଲେଜର ୯୭ ଲକ୍ଷ ଟଙ୍କା ହଡ଼ପ ଘଟଣାର ପର୍ଦ୍ଦାଫାଶ। ଝାଡ଼ଖଣ୍ଡରୁ ଗିରଫ ହୋଇଛି ପ୍ରେମିକ ବିକାଶ କୁମାର। ପୂର୍ବରୁ ବିକାଶଙ୍କ ବାନ୍ଧବୀ ତଥା କଲେଜର ଅକାଉଣ୍ଟାଣ୍ଟ ପାୟଲ ମହାପାତ୍ରଙ୍କୁ ଗିରଫ କରିଥିଲା ।
ଅତିରିକ୍ତ ଡିସିପି ପ୍ରକାଶ ପାଲ କହିଛନ୍ତି," ତଦନ୍ତ ବେଳେ ଜଣା ପଡ଼ିଛି, ଠକେଇ ଟଙ୍କାରେ ବିକାଶ ଅନଲାଇନ ଗେମ ଖେଳୁଥିଲା। ଦୀର୍ଘଦିନ ଧରି ସେ ବିଭିନ୍ନ ଆଳ ଦେଖାଇ ଟଙ୍କା ନେଇଥିଲା । କେତେବେଳେ ବାପାଙ୍କ ଦେହ ଖରାପ ଆଉ କେତେବେଳେ କୌଣସି ସମସ୍ୟା ଦେଖାଇ ଟଙ୍କା ନେଇଥିବା ଜଣା ପଡ଼ିଛି । ଗିରଫ ପରେ ଅଭିଯୁକ୍ତ ବିକାଶ କହିଛି ସେ ୬୫ ଲକ୍ଷ ଟଙ୍କା ନେଇଛି । ତେବେ ଟଙ୍କା କେଉଁଠି ବିନିଯୋଗ ହୋଇଛି ଏନେଇ ତଦନ୍ତ କରିବାକୁ ଅଭିଯୁକ୍ତଙ୍କୁ ରିମାଣ୍ଡରେ ଆଣି ଟଙ୍କା ସମ୍ବନ୍ଧୀୟ ତଥ୍ୟ ଖୋଜିବ ପୋଲିସ।"
୨୦୧୭ ମସିହାରୁ ପାୟଲ ସେଇ କଲେଜରେ ଅକାଉଣ୍ଟାଣ୍ଟ ଭାବେ କାମ କରୁଥିଲେ । ଛାତ୍ରଛାତ୍ରୀଙ୍କ ଆଡ଼ମିସନ ଟଙ୍କା ଓ ଟ୍ୟୁସନ ଫି ଟଙ୍କାକୁ ନିଜ ଅକାଉଣ୍ଟକୁ ଟ୍ରାନ୍ସଫର କରି ବିକାଶଙ୍କ ପାଖକୁ ପାଠାଉଥିଲେ । ବିକାଶ ବିଭିନ୍ନ ଆଳ ଦେଖାଇ ଟଙ୍କା ନେଇଥିବା କଥା ପୂର୍ବରୁ ପାୟଲ ପୋଲିସ ଆଗରେ ମାନିଥିଲା । ଏବେ ଉଭୟଙ୍କୁ ରିମାଣ୍ଡରେ ଆଣି ମୁହାଁମୁହିଁ ଜେରା କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ସୂଚନଯୋଗ୍ୟ ଯେ, ସିଭି ରମଣ ଗ୍ଲୋବାଲ ୟୁନିଭରସିଟିର ଜି.ଏମ ଏକାଉଣ୍ଟାଣ୍ଟ ଭାବରେ ୨୦୧୭ ମସିହାରୁ କାର୍ଯ୍ୟରତ ଅଛନ୍ତି ପାୟଲ । ବିଭିନ୍ନ ସମୟରେ କଲେଜ ଟଙ୍କାକୁ ଝାଡ଼ଖଣ୍ଡରେ ରହୁଥିବା ପ୍ରେମିକ ବିକାଶ କୁମାରଙ୍କ ପାଖକୁ ପଠାଉଥିଲେ । ବିକାଶ ମଧ୍ୟ ସେ କଲେଜର ପୂର୍ବତନ ଛାତ୍ର । ପାଠ ପଢ଼ିବା ସମୟରେ ଉଭୟଙ୍କ ମଧ୍ୟରେ ସମ୍ପର୍କ ସୃଷ୍ଟି ହୋଇଥିଲା । ବିକାଶ ବିଭିନ୍ନ ସମୟରେ ଆଳ ଦେଖାଇ ତାଙ୍କ ପାଖରୁ ଟଙ୍କା ନେଇଥାନ୍ତି । ପାୟଲ କଟକ ସ୍ଥିତ ଅକ୍ସିସ କ୍ୟାଙ୍କ ଏଟିଏମ୍ ରୁ ଟଙ୍କା ଟ୍ରାଞ୍ଜକ୍ସନ କରୁଥିବା କଥା ଜଣା ପଡ଼ିଛି ।
ଭୁବନେଶ୍ୱର: ଘରୋଇ ଇଞ୍ଜିନିୟରିଂ କଲେଜର ବଣ୍ଟି ଵବଲି । ଭୁବନେଶ୍ୱର ତମାଣ୍ଡୋ ଅଞ୍ଚଳରେ ଥିବା ଏକ ଘରୋଇ କଲେଜର ୯୭ ଲକ୍ଷ ଟଙ୍କା ହଡ଼ପ ଘଟଣାର ପର୍ଦ୍ଦାଫାଶ। ଝାଡ଼ଖଣ୍ଡରୁ ଗିରଫ ହୋଇଛି ପ୍ରେମିକ ବିକାଶ କୁମାର। ପୂର୍ବରୁ ବିକାଶଙ୍କ ବାନ୍ଧବୀ ତଥା କଲେଜର ଅକାଉଣ୍ଟାଣ୍ଟ ପାୟଲ ମହାପାତ୍ରଙ୍କୁ ଗିରଫ କରିଥିଲା ।
ଅତିରିକ୍ତ ଡିସିପି ପ୍ରକାଶ ପାଲ କହିଛନ୍ତି," ତଦନ୍ତ ବେଳେ ଜଣା ପଡ଼ିଛି, ଠକେଇ ଟଙ୍କାରେ ବିକାଶ ଅନଲାଇନ ଗେମ ଖେଳୁଥିଲା। ଦୀର୍ଘଦିନ ଧରି ସେ ବିଭିନ୍ନ ଆଳ ଦେଖାଇ ଟଙ୍କା ନେଇଥିଲା । କେତେବେଳେ ବାପାଙ୍କ ଦେହ ଖରାପ ଆଉ କେତେବେଳେ କୌଣସି ସମସ୍ୟା ଦେଖାଇ ଟଙ୍କା ନେଇଥିବା ଜଣା ପଡ଼ିଛି । ଗିରଫ ପରେ ଅଭିଯୁକ୍ତ ବିକାଶ କହିଛି ସେ ୬୫ ଲକ୍ଷ ଟଙ୍କା ନେଇଛି । ତେବେ ଟଙ୍କା କେଉଁଠି ବିନିଯୋଗ ହୋଇଛି ଏନେଇ ତଦନ୍ତ କରିବାକୁ ଅଭିଯୁକ୍ତଙ୍କୁ ରିମାଣ୍ଡରେ ଆଣି ଟଙ୍କା ସମ୍ବନ୍ଧୀୟ ତଥ୍ୟ ଖୋଜିବ ପୋଲିସ।"
୨୦୧୭ ମସିହାରୁ ପାୟଲ ସେଇ କଲେଜରେ ଅକାଉଣ୍ଟାଣ୍ଟ ଭାବେ କାମ କରୁଥିଲେ । ଛାତ୍ରଛାତ୍ରୀଙ୍କ ଆଡ଼ମିସନ ଟଙ୍କା ଓ ଟ୍ୟୁସନ ଫି ଟଙ୍କାକୁ ନିଜ ଅକାଉଣ୍ଟକୁ ଟ୍ରାନ୍ସଫର କରି ବିକାଶଙ୍କ ପାଖକୁ ପାଠାଉଥିଲେ । ବିକାଶ ବିଭିନ୍ନ ଆଳ ଦେଖାଇ ଟଙ୍କା ନେଇଥିବା କଥା ପୂର୍ବରୁ ପାୟଲ ପୋଲିସ ଆଗରେ ମାନିଥିଲା । ଏବେ ଉଭୟଙ୍କୁ ରିମାଣ୍ଡରେ ଆଣି ମୁହାଁମୁହିଁ ଜେରା କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ସୂଚନଯୋଗ୍ୟ ଯେ, ସିଭି ରମଣ ଗ୍ଲୋବାଲ ୟୁନିଭରସିଟିର ଜି.ଏମ ଏକାଉଣ୍ଟାଣ୍ଟ ଭାବରେ ୨୦୧୭ ମସିହାରୁ କାର୍ଯ୍ୟରତ ଅଛନ୍ତି ପାୟଲ । ବିଭିନ୍ନ ସମୟରେ କଲେଜ ଟଙ୍କାକୁ ଝାଡ଼ଖଣ୍ଡରେ ରହୁଥିବା ପ୍ରେମିକ ବିକାଶ କୁମାରଙ୍କ ପାଖକୁ ପଠାଉଥିଲେ । ବିକାଶ ମଧ୍ୟ ସେ କଲେଜର ପୂର୍ବତନ ଛାତ୍ର । ପାଠ ପଢ଼ିବା ସମୟରେ ଉଭୟଙ୍କ ମଧ୍ୟରେ ସମ୍ପର୍କ ସୃଷ୍ଟି ହୋଇଥିଲା । ବିକାଶ ବିଭିନ୍ନ ସମୟରେ ଆଳ ଦେଖାଇ ତାଙ୍କ ପାଖରୁ ଟଙ୍କା ନେଇଥାନ୍ତି । ପାୟଲ କଟକ ସ୍ଥିତ ଅକ୍ସିସ କ୍ୟାଙ୍କ ଏଟିଏମ୍ ରୁ ଟଙ୍କା ଟ୍ରାଞ୍ଜକ୍ସନ କରୁଥିବା କଥା ଜଣା ପଡ଼ିଛି ।
