ବିଧାୟକ ହେବ ତ ଏମିତି; ଜୀବନକୁ ବାଜିରେ ଲଗାଇ କଲେ ମହତ କାମ

News18 Odia Digital

କୋରାପୁଟ: ବିଧାୟକ ହେବ ତ ଏମିତି । ନିଜ ଜୀବନକୁ ବାଜିରେ ଲଗାଇ ଲୋକଙ୍କ ସେବାରେ ନିଜକୁ ଉତ୍ସର୍ଗ କରିଦେଇଛନ୍ତି ଏହି ଲୋକ ପ୍ରତିନିଧି ଜଣଙ୍କ । ଓଡ୍ରାଫ ଟିମ ସହ ମିଶି ଉଦ୍ଧାର କାର୍ଯ୍ଯରେ ସାମିଲ ହେଲେ କୋରାପୁଟ ବିଧାୟକ (Koraput MLA) ରଘୁରାମ ପଡାଲ । ଉଦ୍ଧାରକାରୀ ଟିମ (Rescue Team) ସହ ମିଶି ପାଣି ଭିତରେ ଉଦ୍ଧାର କାର୍ଯ୍ୟରେ ଯୋଗ ଦେଇଥିଲେ ବିଧାୟକ ।

ଗତକାଲି ପଡେଇ ପଡ଼ା ଘାଟରେ ଦେଶୀ ଡଙ୍ଗା ବୁଡ଼ି ୪ ଜଣ ନିଖୋଜ ହୋଇଯାଇଥିଲେ । କୋରାପୁଟ ଓଏସଏସି ଓଡ୍ରାଫ ଉଦ୍ଧାର କାର୍ଯ୍ଯ ଜାରି ରଖିଥିବା ବେଳେ ବିଧାୟକ ଘଟଣା ସ୍ଥଳରେ ପହଞ୍ଚିଥିଲେ । ସେହି ସମୟରେ ସେ ମଧ୍ଯ ଲାଇଫ ଜ୍ଯାକେଟ ପିନ୍ଧି ସେମାନଙ୍କ ସହ ପାଣି ଭିତରକୁ ଯାଇଥିଲେ। ଯାହାକୁ ନେଇ ସ୍ଥାନୀୟରେ ବେଶ ଚର୍ଚ୍ଚା ହୋଇଥିଲା ।

ସୂଚନାଯୋଗ୍ୟ, ଗତକାଲି ଡଙ୍ଗା ବୁଡ଼ିରେ ଜଣେ ଯୁବତୀଙ୍କ ମୃତଦେହ ଉଦ୍ଧାର ହୋଇଥିବା ବେଳେ ଆଜି ଆଉ ଜଣେ ଦୁଇ ଜଣଙ୍କ ମୃତ ଦେହ ଉଦ୍ଧାର ହୋଇଛି ।