ମକର ସଂକ୍ରାନ୍ତି: ରାହୁ ଓ ଶନି ଦୋଷରୁ ରକ୍ଷା ପାଇବାକୁ କ’ଣ ଦାନ କରିବା ଉଚିତ ଜାଣନ୍ତୁ

News18 Odia Digital

ନୂଆ ଦିଲ୍ଲୀ: ଗ୍ରହମାନଙ୍କର ରାଜା ସୂର୍ଯ୍ୟଙ୍କର ଧନୁ ରାଶିରୁ ବାହାରି ମକର ରାଶିରେ ପ୍ରବେଶ କରିବାକୁ ମକର ସଂକ୍ରାନ୍ତି କହନ୍ତି । ଏ ବର୍ଷ ୧୪ ଜାନୁଆରୀରେ ମକର ସଂକ୍ରାନ୍ତି ପର୍ବ ପାଳନ କରାଯାଉଛି । ଏହି ଦିନ ଗାଧୋଇବା ଓ ଦାନ କରିବାର ବିଶେଷ ମହତ୍ତ୍ୱ ରହିଛି ।

ମକର ସଂକ୍ରାନ୍ତିରେ କଳା ତିଳ, ହରଡ଼ ଡାଲି, ଘିଅ, ଗୁଡ଼, ଚାଉଳ, ଖିଚଡ଼ି ଓ କମ୍ବଳ ଭଳି ଜିନିଷ ମୁଖ୍ୟତଃ ଦାନ କରାଯାଇଥାଏ । ବିଶ୍ୱାସ କରାଯାଏ ଯେ ମକର ସଂକ୍ରାନ୍ତିରେ ଦିଆଯାଇଥିବା ଦାନ ଅନ୍ୟ ଦିନ ତୁଳନାରେ ଦାତାଙ୍କୁ ଅନେକ ଗୁଣ ଅଧିକ ଶୁଭ ଫଳ ଦେଇଥାଏ । ଦାନ ଆମ ଜୀବନରେ ସୁଖ ଓ ସମୃଦ୍ଧି ଆଣିଥାଏ । କେବଳ ଏହି କଥା ମନେରଖିବା ଉଚିତ ଯେ ଦାନ ସେବା ଭାବ ସହିତ କରାଯିବା ଉଚିତ । ଦେଖାଇବା ପାଇଁ ଦିଆଯାଇଥିବା ଦାନରୁ କୌଣସି ପୁଣ୍ୟ ମିଳେ ନାହିଁ ।

ଦେଖନ୍ତୁ ଫଟୋ | ଅଭିନେତ୍ରୀ ଏଶା ଗୁପ୍ତାଙ୍କ ତାଜା ଫଟୋ ସବୁ ଦେଖି ତାଙ୍କ ପ୍ରଶଂସକମାନେ କହିଲେ, ‘‘Oh, oh!’’

ତେଲ, ହରଡ଼ ଡାଲି ଓ ଚମଡ଼ା ଦାନ କଲେ ଶନି ଦୋଷ ଦୂର ହୁଏ

ମନକାମେଶ୍ୱର ମନ୍ଦିରର ମହନ୍ତ ଦେବ୍ୟାଗିରିଙ୍କ କହବିବା ଅନୁସାରେ ଶନି ଦେବ ମକର ସଂକ୍ରାନ୍ତି ଦିନ ନିଜ ପିତା ସୂର୍ଯ୍ୟ ଭଗବାନଙ୍କୁ ଖୁସି କରିବା ପାଇଁ କଳା ତିଳରେ ପୂଜା କରିଥିଲେ । ଯଦି ବାପା ଓ ପୁଅଙ୍କ ମଧ୍ୟରେ ଝଗଡ଼ା ଚାଲିଛି ତେବେ ମକର ସଂକ୍ରାନ୍ତିରେ ସୂର୍ଯ୍ୟ ଭଗବାନଙ୍କୁ ତିଳ ଅର୍ପଣ କରିବା ଦ୍ୱାରା ପିତା-ପୁତ୍ର ସମ୍ପର୍କ ମଧୁର ହୋଇଥାଏ ବୋଲି ବିଶ୍ୱାସ ରହିଛି । କଳା ତିଳ, ହରଡ଼ ଡାଲି ଓ ଚମଡ଼ା ଜୋତା ଦାନ କରିବା ଦ୍ୱାରା ଶନି ଦୋଷ ଦୂର ହୋଇଥାଏ ।



ଏହା ବି ପଢ଼ନ୍ତୁ | IND vs AUS: ପତ୍ନୀ କହିଲେ, ‘କାଲି ରାତି ଯାଏଁ କେତେ କଷ୍ଟ ପାଉଥିଲେ ଅଶ୍ୱୀନ୍… ନଇଁ ପାରୁ ନ ଥିଲେ’

ଗୁଡ଼ ଓ ଘିଅ ଦାନ କଲେ ଗୁରୁ ଦୋଷ କଟେ

ଏ ଥର ମକର ସଂକ୍ରାନ୍ତି ପର୍ବ ଗୁରୁବାର ଦିନ ଆସିଛି । ତେଣୁ ଗୁଡ଼ ଓ ଘିଅ ଦାନ କରିବାର ମହତ୍ୱ ଅଧିକ ରହିଛି । ଗୁଡ଼ ଓ ଘିଅ ଦାନ ବୃହସ୍ପତି ଗ୍ରହର ତ୍ରୁଟି ଦୂର କରେ । ଏହି ଦିନ ଚାଉଳ ଦାନର ମଧ୍ୟ ବିଶେଷ ମହତ୍ତ୍ୱ ରହିଛି । ଚାଉଳ ଦାନ କଲେ ପୁଣ୍ୟ ପ୍ରାପ୍ତି ହୁଏ । ତେଣୁ ଏହି ଦ୍ରବ୍ୟଗୁଡ଼ିକୁ ଦାନ କରାଯିବା ଉଚିତ୍ ।

ଏହା ବି ପଢ଼ନ୍ତୁ ଓ ଦେଖନ୍ତୁ ଫଟୋ | ବିରାଟ ଓ ଅନୁଷ୍କାଙ୍କ ଝିଅ ଭଲ ଅଛି; ତା’ ଜନ୍ମ ଦିନ ଅନେକ ପ୍ରସିଦ୍ଧ ବ୍ୟକ୍ତିଙ୍କ ଜନ୍ମ ଦିନ ସହ ମେଳ ଖାଉଛି

ରାହୁ-କେତୁଙ୍କ କ୍ରୋଧରୁ ବଞ୍ଚାଏ କମ୍ବଳ ଦାନ

ମକର ସଂକ୍ରାନ୍ତିରେ କମ୍ବଳ ଦାନ ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ । କୌଣସି ଅଭାବୀ ଲୋକକୁ ଦାନ ରୂପେ ଦିଆଯାଇଥିବା କଳା ଓ ଧଳା କମ୍ବଳ ଦାତାଙ୍କୁ ରାହୁ-କେତୁଙ୍କ ପ୍ରକୋପରୁ ରକ୍ଷା କରେ । ଏହି ଦିନ ଅଧିକରୁ ଅଧିକ ଲୋକ କମ୍ବଳ ଦାନ କରିବା ଉଚିତ୍ ।



ଏହା ବି ପଢ଼ନ୍ତୁ | ଦୀପିକା ପାଦୁକୋନଙ୍କୁ ଜନ୍ମ ଦିନରେ ଫଟୋଗ୍ରାଫରମାନେ ସରପ୍ରାଇଜ୍ ଦେଲେ; କେକ୍ ଖୁଆଇଲେ

ପୁରୁଣା ଜିନିଷ ଦାନ କରନ୍ତୁ ନାହିଁ

ମନକାମେଶ୍ୱର ମନ୍ଦିରର ମହନ୍ତ ଦେବ୍ୟାଗିରି କହିଛନ୍ତି ଯେ ମକର ସଂକ୍ରାନ୍ତି ଦିନ ପୁରୁଣା ପୋଷାକ, ଇସ୍ପାତ ବାସନ, ଲୁହା ଓ ପ୍ଲାଷ୍ଟିକ ଦାନ କରିବା ଉଚିତ୍ ନୁହେଁ । ସେମାନେ ଖରାପ ଗ୍ରହର ସୂଚକ ବୋଲି ସେ କହିଛନ୍ତି । କୌଣସି ଅଭାବୀ ଲୋକକୁ ନୂଆ ପୋଷାକ ଦେବା ଶୁଭ ବୋଲି ବିବେଚନା କରାଯାଏ । ପୋଷାକ ଦାନରେ କେବଳ ନୂଆ ପୋଷାକ ହିଁ ଦାନ କରାଯିବା ଉଚିତ୍, ପୁରୁଣା ନୁହେଁ ।