Gold Price Today: ହୋଲି ଦିନ ଆସିଲା ଖୁସି ଖବର; କମିଲା ସୁନା ଦର

News18 Odia Digital

Gold Price Today: ସୁନା କିଣିବାକୁ ଆଗ୍ରହୀ ଥିବା ଗ୍ରାହକଙ୍କ ପାଇଁ ସାମ୍ନାକୁ ଆସିଲା ଖୁସି ଖବର। ହୋଲି ଅବସରରେ ଶସ୍ତା ହେଲା ସୁନା। ଆଜି ଭାରତୀୟ ବଜାରରେ ୨୨ କ୍ୟାରେଟ ସୁନାର ୧୦ ଗ୍ରାମ ମୂଲ୍ୟ ୫୧,୩୮୦ ଟଙ୍କା ହୋଇଥିବା ବେଳେ ୨୪ କ୍ୟାରେଟ ସୁନାର ୧୦ ଗ୍ରାମ ମୂଲ୍ୟ ୫୬,୦୯୦ ଟଙ୍କାରେ କାରବାର କରୁଛି।

ଆଜି ସୁନା ଦରରେ ସାମାନ୍ୟ ପରିବର୍ତ୍ତନ ଦେଖିବାକୁ ମିଳିଛି। ସେହିପରି ରାଜ୍ୟର ରାଜଧାନୀ ଭୁବନେଶ୍ୱରରେ ଏବେ ୨୨ କ୍ୟାରେଟ ସୁନାର ୧୦ ଗ୍ରାମ ମୂଲ୍ୟ ୫୧,୬୫୦ ଟଙ୍କା ହୋଇଥିବାବେଳେ ୨୪ କ୍ୟାରେଟ ସୁନାର ୧୦ ଗ୍ରାମ ମୂଲ୍ୟ ୫୬,୩୫୦ ଟଙ୍କା ହୋଇଛି।

ସେହିପରି ଦେଶର ପ୍ରମୁଖ ସହରମାନଙ୍କରେ ବି ସୁନା ଦର ସ୍ଥିର ରହିଛି। ମୁମ୍ବାଇରେ ୨୨ କ୍ୟାରେଟ୍ ଓ ୨୪ କ୍ୟାରେଟ୍ ମୂଲ୍ୟ ୫୧,୬୫୦ ଟଙ୍କା ଓ ୫୬,୩୫୦ ଟଙ୍କା ଥିବା ରେକର୍ଡ ହୋଇଥିବା ବେଳେ ନୂଆଦିଲ୍ଲୀରେ ଏହି ଦର ଯଥାକ୍ରମେ ୫୧,୮୦୦ ଟଙ୍କା ଓ ୫୬,୫୦୦ ଟଙ୍କା ରହିଛି।

ଚେନ୍ନାଇରେ ୨୨ କ୍ୟାରେଟ ମୂଲ୍ୟ ୪୭,୯୨୭ ଟଙ୍କା ଥିବା ବେଳେ ୨୪ କ୍ୟାରେଟ ମୂଲ୍ୟ ୫୨,୨୮୫ଟଙ୍କା ଥିବା ରେକର୍ଡ ହୋଇଛି।

ଅନ୍ୟପଟେ କୋଲକାତାରେ ଯଥାକ୍ରମେ ୫୧,୮୫୦ ଟଙ୍କା ଓ ୫୬,୫୫୦ ଟଙ୍କା ରହିଛି। ସେହିପରି ରୂପା ମୂଲ୍ୟ ୬୪ ,୧୦୦ ଟଙ୍କା ରହିଥିବା ନେଇ ରେକର୍ଡ ହୋଇଛି।

ପ୍ରକାଶ ଥାଉକି ମାର୍ଚ୍ଚ ୬ ତାରିଖରେ ରିଜର୍ଭ ବ୍ୟାଙ୍କ ସରକାରୀ ଗୋଲ୍ଡ ବଣ୍ଡ (SGB) ଯୋଜନା ଆରମ୍ଭ କରିଥିଲା। ପାଞ୍ଚ ଦିନ ପାଇଁ ଏହି ସୁବର୍ଣ୍ଣ ସୁଯୋଜ ରହିବ। ଯେଉଁଥିରେ ନିବେଶକମାନେ ପୁନର୍ବାର ବିନିଯୋଗ କରି ଶସ୍ତା ସୁନା କିଣିବାକୁ ସକ୍ଷମ ହେବେ।

ଏହି ବଣ୍ଡରେ ସୁନା ମୂଲ୍ୟ ଗ୍ରାମ ପିଛା ୫,୬୧୧ ଟଙ୍କା ଧାର୍ଯ୍ୟ କରାଯାଇଛି। ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଗତ ଶୁକ୍ରବାର ଦିନ ଏକ ବୟାନରେ କହିଥିଲା ଯେ ୨୦୨୨-୨୩ର ଚତୁର୍ଥ ସିରିଜ୍ ଅନ୍ତର୍ଗତ ଗୋଲ୍ଡ ବଣ୍ଡ ସ୍କିମ୍ ମାର୍ଚ୍ଚ ୬ ରୁ ମାର୍ଚ୍ଚ ୧୦ ପର୍ଯ୍ୟନ୍ତ କ୍ରୟ ପାଇଁ ଉପଲବ୍ଧ ହେବ। ଏଥିପାଇଁ ସୁନା ମୂଲ୍ୟ ଗ୍ରାମ ପିଛା ୫,୬୧୧ ଟଙ୍କା ରଖାଯାଇଛି। ଅନଲାଇନ୍ କିମ୍ବା ଡିଜିଟାଲ୍ ମାଧ୍ୟମରେ ସୁନା ବଣ୍ଡ ପାଇଁ ଆବେଦନ କରୁଥିବା ନିବେଶକଙ୍କ ପାଇଁ ସୁନା ମୂଲ୍ୟ ଗ୍ରାମ ପିଛା ୫୦ ଟଙ୍କା କମ୍ ହେବ।

ପଢ଼ନ୍ତୁ ଏହି ଖବର: Gold: ଏଥର ଶସ୍ତାରେ କିଣିପାରିବେ ୨୪ କ୍ୟାରେଟ୍ ସୁନା; ରିହାତି ଦେବେ ସରକାର

ଏହି ଉପାୟରେ ଆପଣ ସୁନାର ଶୁଦ୍ଧତା ଯାଞ୍ଚ କରିପାରିବେ

ଯଦି ଆପଣ ବର୍ତ୍ତମାନ ସୁନାର ଶୁଦ୍ଧତା ଯାଞ୍ଚ କରିବାକୁ ଚାହୁଁଛନ୍ତି । ତେବେ ଏଥିପାଇଁ ସରକାର ଏକ ଆପ୍ ପ୍ରସ୍ତୁତ କରିଛନ୍ତି । 'BIS Care app' ସହିତ ଗ୍ରାହକ ଗ୍ରାହକଙ୍କ ଶୁଦ୍ଧତା (ସୁନା) ଯାଞ୍ଚ କରିପାରିବେ । ଏହି ଆପ୍ ମାଧ୍ୟମରେ ଆପଣ କେବଳ ସୁନାର ଶୁଦ୍ଧତା ଯାଞ୍ଚ କରିପାରିବେ ନାହିଁ ବରଂ ଏହା ସହିତ ଜଡିତ କୌଣସି ଅଭିଯୋଗ ମଧ୍ୟ କରିପାରିବେ।