Keonjhar Road Accident: ଅଟୋ ଓ ପିକ୍ଅପ୍ ଭ୍ୟାନ୍ ଧକ୍କା: ୪ ମୃତ, ୩ ଗୁରୁତର

News18 Odia Digital

Keonjhar Road Accident: କେନ୍ଦୁଝର ଜିଲ୍ଲା ପଣ୍ଡାପଡ଼ା-ନରଣପୁର ରାସ୍ତାର ବସନ୍ତପୁର ନିକଟରେ ଆଜି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ଅଟୋ ଓ ପିକ୍ଅପ୍ ଭ୍ୟାନ୍ ମୁହାଁମୁହିଁ ଧକ୍କା ହେବାରୁ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ୩ଜଣ ଗୁରୁତର ଆହତ ହୋଇଛନ୍ତି। ବଲାଣିପଶି ଛକରେ ଘଟିଛି ଏଭଳି ଦୁର୍ଘଟଣା  ।

ବଡ଼ କମଣ୍ଡରା ଗ୍ରାମର ଚାଷୀ ମାନେ ସୋଲା ବିକିବାକୁ ଅଟୋ ନମ୍ବର ଓଡି 09 ଏନ 1883ରେ କେନ୍ଦୁଝର ଆସିଥିଲେ । କେନ୍ଦୁଝରରୁ ଘରକୁ ଫେରୁଥିବା ସମୟରେ ଉକଚାବେଡା ନିକଟରେ ବିପରୀତ ଦିଗରୁ ଆସୁଥିବା ବୋଲେରୋ ପିକଅପ ନମ୍ବର ଓଡି 11ଏ 1456 ସହିତ ଧକ୍କା ହୋଇଥିଲା ।

ମୃତକମାନେ ହେଉଛନ୍ତି ନବୀନ ନାଏକ, ଜୀବନ ନାଏକ, ରାଧୁ ନାଏକ ଓ ପ୍ରହଲ୍ଲାଦ ନାଏକ। ଏମାନେ ସମସ୍ତେ ପଣ୍ଡାପଡ଼ା ଥାନା ଅନ୍ତର୍ଗତ ବଡ଼କମଣ୍ଡର ଗାଁର ବୋଲି ଜଣାଯାଇଛି।  ଏହି ଘଟଣା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି। କ୍ଷତିପୂରଣ ଦାବିରେ ମୃତଦେହକୁ ଅଟକ ରଖି ଗ୍ରାମବାସୀ ରାସ୍ତା ଅବରୋଧ କରି ପ୍ରତିବାଦ କରିଥିବା ଜଣାପଡିଛି।