ଭୁବନେଶ୍ୱର ଓ କଟକରେ ମର୍ଣ୍ଣିଂ ୱାକ୍ କରୁଥିବା ଲୋକଙ୍କୁ ଲୁଟୁଥିବା ‘କଟୁରି ଗ୍ୟାଙ୍ଗ୍’ ଧରାପଡ଼ିଲା

କଟୁରି ଗ୍ୟାଙ୍ଗ୍ ମର୍ଣ୍ଣି ୱାକ୍ କରୁଥିବା ଲୋକଙ୍କୁ ଟାର୍ଗେଟ୍ କରୁଥିଲା । ଏକୁଟିଆ ଲୋକ ବା ଦମ୍ପତିଙ୍କୁ ନିଛାଟିଆ ଜାଗାରେ ଦେଖିଲେ ସେମାନେ ତାଙ୍କ ବେକରେ କଟୁରି ଲଗାଇ ଆକ୍ରମଣ କରୁଥିଲେ ଓ ସୁନା ଗହଣା ଲୁଟ୍ କରୁଥିଲେ ।

ଭୁବନେଶ୍ୱର ଓ କଟକରେ ମର୍ଣ୍ଣିଂ ୱାକ୍ କରୁଥିବା ଲୋକଙ୍କୁ ଲୁଟୁଥିବା ‘କଟୁରି ଗ୍ୟାଙ୍ଗ୍’ ଧରାପଡ଼ିଲା
ପୋଲିସ ହାଜତରେ କଟୁରି ଗ୍ୟାଙ୍ଗର ସଦସ୍ୟମାନେ
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ଚାରି ମାସ ଧରି କମିଶନରେଟ୍‌ ପୋଲିସର ନିଦ ହଜେଇଥିବା ‘କଟୁରି ଗ୍ୟାଙ୍ଗ୍‌’କୁ ଗିରଫ କରିଛି ସ୍ପେଶାଲ୍‌ ସ୍କ୍ୱାର୍ଡ଼ । ମଙ୍ଗଳବାର ସନ୍ଧ୍ୟାରେ ଏହି ଗ୍ୟାଙ୍ଗ୍‌ ଲୁଟ୍‌ ପାଇଁ ଯୋଜନା କରୁଥିବା ବେଳେ ଖବର ପାଇ ଅତର୍କିତ ଚଢ଼ାଉ କରିଥିଲା ପୋଲିସ୍‌ । ପାଞ୍ଚ ଜଣ ଲୁଟେରା ଖସିଯିବାକୁ ଉଦ୍ୟମ କରୁଥିବା ବେଳେ ସ୍ପେସାଲ ସ୍କ୍ୱାର୍ଡ଼ର ଅଧିକାରୀମାନେ ସେମାନଙ୍କୁ କାବୁ କରିଥିଲେ ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ସାପ ନେଉଳ ମଧ୍ୟରେ ଘମାଘୋଟ ଲଢ଼େଇକିଏ ଜିତିବ? VIDEO ଭାଇରାଲ୍ ହେଲା; ଦେଖନ୍ତୁ

ଗିରଫ ଲୁଟେରାମାନଙ୍କ ପାଖରୁ ୧୯ଟି ସୁନା ଚେନ୍‌, ଯାହାର ପରିମାଣ ୨୦୦ ଗ୍ରାମ୍‌, ଓ ୬ କିଲୋ ୨ ଶହ ଗ୍ରାମ୍‌ ରୂପା ଅଳଙ୍କାର ସହ କେତେକ ମାରଣାସ୍ତ୍ର ଓ ଦୁଇଟି ବାଇକ୍‌ ଜବତ ହୋଇଛି । ଗିରଫ ହୋଇଥିବା ପାଞ୍ଚ ଜଣ ଦୁର୍ଦ୍ଦାନ୍ତ ଲୁଟେରା ହେଉଛନ୍ତି ଗଣେଶ ମୂର୍ତ୍ତି, ଶଙ୍କର ଦାସ, ଜଗା, ସୁଶାନ୍ତ ଗୁରୁ ଓ ସୁବାସ ନାୟକ । ଏହି ଗ୍ୟାଙ୍ଗ ନିଜକୁ ‘କଟୁରି ଗ୍ୟାଙ୍ଗ୍‌’ ନାମ ଦେଇଥିଲା । ଏମାନଙ୍କ ନାମରେ କଟକ ଓ ଭୁବନେଶ୍ୱରର ବିଭିନ୍ନ ଥାନାରେ ୩୦ରୁ ଅଧିକ ମାମଲା ରହିଛି ।

ଏହା ବି ପଢ଼ନ୍ତୁ | Gold Price: ଏବେ କରନ୍ତୁ ସୁନାରେ ନିବେଶ; ୧ରୁ ମାସରେ ମିଳିବ ଭଲ ଲାଭ; ଦେଖନ୍ତୁ ପଛ ରେକର୍ଡ଼

‘‘କଟୁରି ଗ୍ୟାଙ୍ଗ୍‌ ଦୀର୍ଘ ଚାରି ମାସ ହେବ ଗୋଟିଏ ପରେ ଗୋଟିଏ ଲୁଟ୍‌ ଘଟାଇ ଚାଲିଥିଲା । ପଲସର୍‌ ବାଇକ୍‌ ଧରି ଏମାନେ ଘୁରି ବୁଲନ୍ତି । ଏହି ଗ୍ୟାଙ୍ଗ୍‌ ବିଶେଷ କରି ସକାଳେ ମର୍ଣ୍ଣି ୱକ୍‌ କରୁଥିବା ଲୋକଙ୍କ ଉପରେ ନଜର ରଖିଥାଏ । ଏକୁଟିଆ ଲୋକ ବା ଦମ୍ପତିଙ୍କୁ ନିଛାଟିଆ ଜାଗାରେ ଦେଖିଲେ ଏମାନେ ତାଙ୍କ ବେକରେ କଟୁରି ଲଗାଇ ଆକ୍ରମଣ କରନ୍ତି । ସୁନା ଗହଣା ଲୁଟ୍‌ କରି ଛୁ ମାରନ୍ତି । ଏମାନେ ଛିନତାଇ ଓ ଲୁଟ କରିବାରେ ଧୁରନ୍ଧର,’’ କହିଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।

ଏହା ବି ପଢ଼ନ୍ତୁ | ମହିଳା ପୋଲିସରେ ଅଭିଯୋଗ କଲେ: ‘‘ମୋସ୍ୱାମୀ ବର୍ଷେ ଧରି ମୋସହ ସେକ୍ସ କରୁନାହାନ୍ତି…’’

କଟୁରି ଗ୍ୟାଙ୍ଗଠାରୁ ଜବତ ହୋଇଥିବା ସୁନା ଗହଣା ଓ ମାରଣାସ୍ତ୍ର


ଏହା ବି ପଢ଼ନ୍ତୁ ଦେଖନ୍ତୁ VIDEO | ଚଲି ଚଲି…’ ପୂରା ଗୀତ ରିଲିଜ୍ ହେଲା; ଜୟଲଳିତାଙ୍କ ରୂପରେ କଙ୍ଗନାଙ୍କ ଅଭିନୟ ଦେଖନ୍ତୁ

ଏହି ଗ୍ୟାଙ୍ଗ୍‌ ନାମରେ କେବଳ ଭୁବନେଶ୍ୱରରେ ୧୮ଟି ମାମଲା ରହିଛି । ଏମାନେ ଭୁବନେଶ୍ୱରରେ ଛିନତାଇ କରିବା ପରେ କଟକ ପଳେଇ ଯାଉଥିଲେ ଓ ସେଠାରେ କିଛି ଦିନ ଅପରାଧ ଘଟାଉଥିଲେ ବୋଲି କହିଛନ୍ତି ପୋଲିସ କମିଶନର୍‌ ।

ଏହା ବି ପଢ଼ନ୍ତୁ | ଏପ୍ରିଲ୍୧ରୁ ଏହି ସବୁ ବ୍ୟାଙ୍କ୍ ଚେକ୍ ବୁକ୍ ପାସ୍ ବୁକ୍ ଆଉ କାମ କରୁନାହିଁ; ଜାଣନ୍ତୁ କେଉଁ ବ୍ୟାଙ୍କ୍

‘‘ପୁଣି ଥରେ ଭୁବନେଶ୍ୱର ଆସି ସେମାନେ ଅପରାଧ କରୁଥିଲେ । ସେମାନଙ୍କୁ ଧରିବା ପାଇଁ ଆମେ ତୀକ୍ଷ୍ଣ ନଜର ରଖିଥିଲୁ । ବିଶେଷ କରି ଲୁଟ୍‌ ହେଉଥିବା ଅଞ୍ଚଳର ସିସିଟିଭି ଫୁଟେଜକୁ ଭିତ୍ତି କରି ସେମାନଙ୍କ ପଛରେ ପଡି଼ଥିଲା ପୋଲିସ,’’ କହିଛନ୍ତି ପ୍ରିୟଦର୍ଶୀ । କଟୁରି ଗ୍ୟାଙ୍ଗର ସଦସ୍ୟମାନଙ୍କ ଗିରଫଦାରୀ କମିଶନରେଟ୍‌ ପୋଲିସ ପାଇଁ ଏକ ବଡ଼ ସଫଳତା ବୋଲି ବିବେଚିତ ହେଉଛି ।



କଟକ ଓ ଭୁବନେଶ୍ୱର ଷ୍ଟ୍ରୀଟ୍‌ କ୍ରାଇମ ବଢ଼ି ଚାଲିଛି । ଏହାକୁ ରୋକିବା ପାଇଁ ପୋଲିସ ବିଭିନ୍ନ ସମୟରେ ଭିନ୍ନ ଭିନ୍ନ ଯୋଜନା କରିଛି । ହେଲେ ପୋଲିସର ସବୁ ଯୋଜନାକୁ ଚାଲେଞ୍ଜ ଦେଇ ଅପରାଧ କରିଚାଲିଥିଲା କଟୁରି ଗ୍ୟାଙ୍ଗ୍ । ଏବେ କେବଳ ଷ୍ଟ୍ରୀଟ୍‌ କ୍ରାଇମକୁ ରୋକିବା ପାଇଁ କମିଶନରେଟ୍‌ ପୋଲିସ ଏକ ସ୍ୱତନ୍ତ୍ର ଟିମ ଗଠନ କରିଛି ।
Published by: Anand ST Das
First published: May 5, 2021, 11:54 PM IST