Presidential Election Result: ଦ୍ରୌପଦୀ ମୁର୍ମୁଙ୍କ ଗାଁରେ ଚାଲିଛି ୫୦ କ୍ୱିଣ୍ଟାଲ ଲଡୁ ପ୍ରସ୍ତୁତି

ମୁର୍ମୁଙ୍କ ଗାଁ ଏକ ବିଜୟ ଶୋଭାଯାତ୍ରା ଯୋଜନା କରିଛି ଓ ଫଳାଫଳ ଘୋଷଣା ପରେ ଲୋକଙ୍କ ମଧ୍ୟରେ ଆଦିବାସୀ ନୃତ୍ୟ ଓ ମିଠା ବଣ୍ଟନ ପ୍ରକ୍ରିୟା କରାଯିବ।

ଦ୍ରୌପଦୀ ମୁର୍ମୁଙ୍କ ଗାଁରେ ଚାଲିଛି ୫୦ କ୍ୱିଣ୍ଟାଲ ଲଡୁ ପ୍ରସ୍ତୁତି

ଦ୍ରୌପଦୀ ମୁର୍ମୁଙ୍କ ଗାଁରେ ଚାଲିଛି ୫୦ କ୍ୱିଣ୍ଟାଲ ଲଡୁ ପ୍ରସ୍ତୁତି

  • Share this:
News18 Odia Digital

Presidential Election Result: ଯଦି ବିରୋଧୀ ପ୍ରାର୍ଥୀ ଯଶବନ୍ତ ସିହ୍ନାଙ୍କ ବିରୋଧରେ ସ୍ପଷ୍ଟ ଧାରଣା ଥିବା ଏନଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ ନିର୍ବାଚିତ ହୁଅନ୍ତି, ତେବେ ସେ ଦେଶର ସର୍ବୋଚ୍ଚ ସାମ୍ବିଧାନିକ ପଦବୀ ଅଧିକାର କରିଥିବା ପ୍ରଥମ ଆଦିବାସୀ ମହିଳା ହେବେ।

ଆଜି ଦେଶକୁ ମିଳିବେ ନୂଆ ରାଷ୍ଟ୍ରପତି। ଚାଲିଛି ଭୋଟ ଗଣତି। ଏନଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ବିଜୟ ନିଶ୍ଚିତ ଅଛି। କାରଣ ଅନେକ ରାଜନେତା ତାଙ୍କୁ ସମର୍ଥନ ଜଣାଇଥିଲେ। ହେଲେ ଫଳାଫଳ ଆସିବା ପୂର୍ବରୁ ତାଙ୍କ ଗାଁ ରାଇରଙ୍ଗପୁରର ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳୁଛି। ଦ୍ରୌପଦୀ ମୁର୍ମୁ ହେବେ ଭାରତର ରାଷ୍ଟ୍ରପତି। ତା'ଙ୍କ ନିଜ ଗାଁ ନାଉଝୋଡ଼ା ଓ ସାରା ମୟୂରଭଞ୍ଜ ଜିଲ୍ଲାରେ ଆନନ୍ଦରେ ଅପେକ୍ଷା କରିଛନ୍ତି ଫଳାଫଳ ଘୋଷଣାକୁ ନେଇ।

ମୁର୍ମୁଙ୍କ ଗାଁ ଏକ ବିଜୟ ଶୋଭାଯାତ୍ରା ଯୋଜନା କରିଛି ଓ ଫଳାଫଳ ଘୋଷଣା ପରେ ଲୋକଙ୍କ ମଧ୍ୟରେ ଆଦିବାସୀ ନୃତ୍ୟ ଓ ମିଠା ବଣ୍ଟନ ପ୍ରକ୍ରିୟା କରାଯିବ। ବିଜୟ ଉତ୍ସବ ପାଳିବା ପାଇଁ ପ୍ରସ୍ତୁତ ହୋଇଛି ୫୦ କ୍ୱିଣ୍ଟାଲର ଲଡୁ। ଆଜି ଫଳାଫଳ ବାହାରିବା ପରେ ପରସ୍ପରକୁ ଲଡୁ ଖୁଆଇ ଉତ୍ସବ ମନାଇବେ ମୟୂରଭଞ୍ଜବାସୀ। ଏହାସହ ଆଦିବାସୀ ମାଧ୍ୟାହ୍ନ ଭୋଜନର ମଧ୍ୟ ଆୟୋଜନ କରାଯିବ।

ରାଷ୍ଟ୍ରପତି ଭୋଟ୍ ପାଇଁ ଭୋଟ୍ ଗଣନା ଆଜି ସକାଳ ୧୧ଟାରେ ସଂସଦ ଗୃହର ୬୩ ନମ୍ବର କୋଠରୀରୁ ଆରମ୍ଭ ହୋଇଛି। ଗଣନା ପରେ ତୁରନ୍ତ ଫଳାଫଳ ଘୋଷଣା କରାଯିବ। ଜୁଲାଇ ୧୮ରେ ମତଦାନ ହୋଇଥିଲା।

କେବଳ ଗଣନାକାରୀ ଅଧିକାରୀ, ରାଜ୍ୟସଭା ସଚିବ ଜେନେରାଲ୍, ପ୍ରାର୍ଥୀ ଓ ପ୍ରତ୍ୟେକ ପ୍ରାର୍ଥୀଙ୍କ ଜଣେ ପ୍ରାଧିକୃତ ପ୍ରତିନିଧୀ, ନିର୍ବାଚନ ଆୟୋଗ ଦ୍ବାରା ନିଯୁକ୍ତ ପର୍ଯ୍ୟବେକ୍ଷକ ଓ ବୈଧ ପାସ୍ ଥିବା ଗଣମାଧ୍ୟମ ବ୍ୟକ୍ତିଙ୍କୁ ଗଣନା ହଲରେ ପ୍ରବେଶ କରିବାକୁ ଅନୁମତି ଦିଆଯାଇଛି। ରାଷ୍ଟ୍ରପତି ନିର୍ବାଚନ ପାଇଁ ରାଜ୍ୟସଭା ସଚିବ ପିସି ମୋଦି ହେଉଛନ୍ତି ରିଟର୍ଣ୍ଣିଂ ଅଫିସର।

ଫଳାଫଳ ଘୋଷଣା ହେବା ପରେ ବିଜେପି ପନ୍ତ ମର୍ଗରେ ଦିଲ୍ଲୀ ବିଜେପି କାର୍ଯ୍ୟାଳୟରୁ ଏକ ମେଗା 'ଅଭିନନ୍ଦନ ଯାତ୍ରା' ଯୋଜନା କରିଛି।
Published by:Lipina Das
First published: