ଝାରସୁଗୁଡା ଏସପିଙ୍କ ବଡ଼ କାର୍ଯ୍ୟାନୁଷ୍ଠାନ, ସ୍ୱାସ୍ଥ୍ଯମନ୍ତ୍ରୀଙ୍କ ପିଏସଓ ମିତ୍ରଭାନୁ ଦେଓ ସସପେଣ୍ଡ

ତେବେ ପାରମ୍ପରିକ ଢଙ୍ଗ ବଦଳରେ ଏହି ହତ୍ୟାକାଣ୍ଡ ତଦନ୍ତକୁ ଅଧିକ ବିଜ୍ଞାନ ସମ୍ମତ ଢଙ୍ଗରେ କରୁଛି କ୍ରାଇମବ୍ରାଞ୍ଚ । ଏହି ମାମଲାର ତଦନ୍ତ ସମୟରେ ଏମିତି ଅନେକ ଜ୍ଞାନ କୌଶଳର ପ୍ରୟୋଗ କରାଯାଉଛି ଯାହାକି ଓଡ଼ିଶାରେ ପୂର୍ବରୁ ହୋଇନଥିଲା। କିନ୍ତୁ ସେହି ସବୁ ଉପାୟ ବା ପଦ୍ଧତି କଣ ସେ ନେଇ କ୍ରାଇମବ୍ରାଞ୍ଚ ପକ୍ଷରୁ ବର୍ତ୍ତମାନ କିଛି ସ୍ପଷ୍ଟ କରାଯାଇ ନାହିଁ । ଏପରିକି  ଗୋପାଳକୁ ରିମାଣ୍ଡରେ ନେବା ପରେ କ୍ରାଇମବ୍ରାଞ୍ଚ ତଦନ୍ତକୁ ଅଧିକ ବ୍ୟାପକ କରାଯିବ ବୋଲି ଜଣା ପଡିଛି । ଏହି ସମୟରେ ଗୋପାଳର ବ୍ରେନ ମ୍ୟାପିଂ କିମ୍ବା ପଲିଗ୍ରାଫ ଟେଷ୍ଟ କରାଯିବ ବୋଲି ମଧ୍ୟ କ୍ରାଇମବ୍ରାଞ୍ଚ ସୂତ୍ରରୁ ଜଣା ପଡିଛି । ଏପରିକି ଗୋପାଳର ମାନସିକ ସ୍ଥିତିର ଯାଞ୍ଚ ପାଇଁ ରାଜ୍ୟ ବାହାରର ଜଣେ ବିଶିଷ୍ଟ ମନୋବିଜ୍ଞାନୀଙ୍କୁ କଟକ ମୁଖ୍ୟାଳୟକୁ ଡକାଯିବା ଉପରେ ମଧ୍ୟ କ୍ରାଇମବ୍ରାଞ୍ଚ ବିଚାର କରୁଥିବା ଜଣାପଡିଛି ।