Happy Birthday PM Modi; ବାଲୁକା କଳା ମାଧ୍ୟମରେ ସୁଦର୍ଶନ ପଟ୍ଟନାୟକଙ୍କ ଶୁଭେଚ୍ଛା ବାର୍ତ୍ତା

News 18 Odia Digital

ପୁରୀ; ଆଜି ହେଉଛି ପ୍ରଧାନମନ୍ତ୍ରୀ ମୋଦିଙ୍କ ୭୨ ତମ ଜନ୍ମଦିବସ । ଏହି ଉପଲକ୍ଷେ ପୁରୀ ବେଳାଭୂମିରେ ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ବାଲୁକା କଳାକୃତିରେ ମୋଦିଙ୍କୁ ଶୁଭେଚ୍ଛା ଜଣାଇଛନ୍ତି । ବାଲୁକା ଶିଳ୍ପୀ ସୁଦର୍ଶନ ବାଲିର କଳାକୃତିରେ ୧୨୧୩ଟି ମାଟିର ଚା କପକୁ ସଜାଇ ସେଥିରେ କରିଛନ୍ତି ବାଲୁକା କଳା । ଏଥିସହ Happy Birthday Modi ଲେଖିବା ସହ ଜନ୍ମଦିନରେ ନିଆରା ଶୁଭେଚ୍ଛା ଜଣାଇଛନ୍ତି ।

ସୁଦର୍ଶନ ପଟ୍ଟନାୟକ ଏହି କଳାକୃତି ନିର୍ମାଣ ପାଇଁ ୫ ଟନ ବାଲି ବ୍ୟବହାର କରିଛନ୍ତି । ମାଟିର ଚା କପ ବ୍ୟବହାର କରି କିଭଳି ଭାରତର ପ୍ରଧାନମନ୍ତ୍ରୀ ମୋଦି ଚା ବିକାଳିରୁ ପ୍ରଧାନସେବକ ହୋଇ କୋଟି କୋଟି ଲୋକଙ୍କ ଆଶୀର୍ବାଦ ପାଇପାରିଛନ୍ତି ସେ ସମ୍ପର୍କରେ ଦୃଷ୍ଟି ଆକର୍ଷଣ କରିଛନ୍ତି । ତେଣୁ ୭୨ ତମ ଜନ୍ମଦିବସରେ ଏହା ଏକ ନିଆରା ଭେଟି ବୋଲି କହିଛନ୍ତି ବାଲୁକା ଶିଳ୍ପୀ ସୁଦର୍ଶନ ।