ବିବାହିତଙ୍କ ପାଇଁ ଖୁସି ଖବର ! ସରକାର ଦେବେ ପେନସନ୍, କରନ୍ତୁ ଏହି କାମ

News 18 Odia Digital

ନୂଆଦିଲ୍ଲୀ; ବିବାହିତ ଲୋକଙ୍କ ଜୀବନରେ ଉନ୍ନତି ଆଣିବା ପାଇଁ କେନ୍ଦ୍ର ସରକାର ପ୍ରଧାନମନ୍ତ୍ରୀ ଭାୟା ବନ୍ଦନା ଯୋଜନା (PMVVY) ଚଳାଇଛନ୍ତି । ବରିଷ୍ଠ ନାଗରିକଙ୍କ ଆବଶ୍ୟକତାକୁ ଦୃଷ୍ଟିରେ ରଖି ଏହି ଯୋଜନା ପ୍ରସ୍ତୁତ କରାଯାଇଛି । ଉଭୟ ସ୍ୱାମୀ ଓ ସ୍ତ୍ରୀ ଏକାଠି ଏହି ଯୋଜନାରେ ବିନିଯୋଗ କରିପାରିବେ । ଅବସର ପରେ ୧୮,୫୦୦ ଟଙ୍କା ପେନସନ ମିଳିବ ।

ସ୍ୱାମୀ - ସ୍ତ୍ରୀ ପାଇବେ ୧୮,୫୦୦ ଟଙ୍କା

ବରିଷ୍ଠ ନାଗରିକଙ୍କ ଆବଶ୍ୟକତାକୁ ଦୃଷ୍ଟିରେ ରଖି କେନ୍ଦ୍ର ସରକାର ଏହି ଯୋଜନା ୪ ମେ ରେ ଆରମ୍ଭ କରିଥିଲେ । ବରିଷ୍ଠ ନାଗରିକମାନଙ୍କୁ ସାମାଜିକ ସୁରକ୍ଷା ଯୋଗାଇବା ପାଇଁ ଏହି ଯୋଜନା ଆରମ୍ଭ ହୋଇଥିଲେ । LIC ସରକାରଙ୍କ ପାଇଁ ଏହି ଯୋଜନା ଚଳାଉଛି । ପୂର୍ବରୁ ଏଥିରେ ବିନିଯୋଗ କରିବାର ସୀମା ୭.୫୦ ଲକ୍ଷ ଟଙ୍କା ଥିଲା କିନ୍ତୁ ବର୍ତ୍ତମାନ ଏହାକୁ ୧୫ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି ।

ବାର୍ଷିକ ସୁଧ ମିଳିବ ୭.୪ ପ୍ରତିଶତ

ପ୍ରଧାନମନ୍ତ୍ରୀ ଭାୟା ବନ୍ଦନା ଯୋଜନାରେ ବାର୍ଷିକ ୭.୪ ପ୍ରତିଶତ ସୁଧ ଉପଲବ୍ଧ । ବର୍ତ୍ତମାନ ୬୦ ବର୍ଷରୁ ଅଧିକ ବୟସ୍କ ଲୋକମାନେ ଏଥିରେ ୧୫ ଲକ୍ଷ ଟଙ୍କା ବିନିଯୋଗ କରିପାରିବେ । ଉଭୟ ସ୍ୱାମୀ ଓ ସ୍ତ୍ରୀ ଏହି ଯୋଜନାରେ ବିନିଯୋଗ କରିପାରିବେ । ଯଦି ୬୦ ବର୍ଷ ବୟସରେ ଉଭୟ ଏହି ଯୋଜନାରେ ପ୍ରତ୍ୟେକ ୧୫ ଲକ୍ଷ ଟଙ୍କା ବିନିଯୋଗ କରନ୍ତି, ତେବେ ଉଭୟଙ୍କୁ ୧୮,୩୦୦ ଟଙ୍କା ପେନ୍ସନ୍ ମିଳିବ । ଯଦି ସ୍ୱାମୀ-ସ୍ତ୍ରୀ ମଧ୍ୟରୁ ଜଣେ ୧୫ ଲକ୍ଷ ଟଙ୍କା ବିନିଯୋଗ କରନ୍ତି, ତେବେ ସେମାନେ ୯,୨୫୦ ଟଙ୍କା ପାଇବେ ।