ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ଗଞ୍ଜାମରେ ବାତ୍ୟା ‘ୟସ୍’କୁ ନେଇ ସମୁଦ୍ରକୂଳିଆ ଗାଁଗୁଡ଼ିକରେ ଲୋକଙ୍କୁ ସତର୍କ କଲା ପ୍ରଶାସନ

ଗଞ୍ଜାମରେ ବାତ୍ୟା ‘ୟସ୍’କୁ ନେଇ ସମୁଦ୍ରକୂଳିଆ ଗାଁଗୁଡ଼ିକରେ ଲୋକଙ୍କୁ ସତର୍କ କଲା ପ୍ରଶାସନ

ସମୁଦ୍ରକୁ ଲାଗି ରହିଥିବା ଗାଁଗୁଡ଼ିକର ଲୋକେ ସମୁଦ୍ର ଅଶାନ୍ତ ହେବା ଦେଖି ଚିନ୍ତାରେ ପଡ଼ିଯାଉଛନ୍ତି । ଗଞ୍ଜାମ ଜିଲ୍ଲାରେ ବାତ୍ୟାର ପ୍ରଭାବ ସେତେ ଅଧିକ ହେବାର ଆଶଙ୍କା ନ ଥିଲେ ମଧ୍ୟ ଆଶ୍ରୟ ସ୍ଥଳୀ ପ୍ରସ୍ତୁତ ରଖାଯାଉଛି ।

ଗଞ୍ଜାମରେ ବାତ୍ୟା ‘ୟସ୍’କୁ ନେଇ ସମୁଦ୍ରକୂଳିଆ ଗାଁଗୁଡ଼ିକରେ ଲୋକଙ୍କୁ ସତର୍କ କଲା ପ୍ରଶାସନ
ମତ୍ସ୍ୟଜୀବୀମାନେ ନିଜ ନୌକାକୁ ସୁରକ୍ଷିତ ସ୍ଥାନକୁ ଆଣୁଛନ୍ତି ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ବ୍ରହ୍ମପୁର: ସମ୍ଭାବ୍ୟ ବାତ୍ୟା ‘ୟସ୍‌’କୁ ନେଇ ସଜାଗ ହୋଇଛି ଗଞ୍ଜାମ ଜିଲ୍ଲା ପ୍ରଶାସନ । ଜିଲ୍ଳାରେ ଏହି ବାତ୍ୟାର ପ୍ରଭାବ ଅଧିକ ହେବ ବୋଲି ଆଶଙ୍କା ନ ଥିଲେ ସୁଦ୍ଧା ସମୁଦ୍ରକୂଳିଆ ଓ ତଳିଆ ଅଞ୍ଚଳର ଲୋକଙ୍କୁ ସତର୍କ ରହିବା ପାଇଁ ଅନୁରୋଧ କରିଛନ୍ତି ଜିଲ୍ଲାପାଳ । ଗାଁ ଗାଁ ବୁଲି ଲୋକଙ୍କୁ ମାଇକ୍‌ ଯୋଗେ ସତର୍କ କରାଯାଉଛି ଓ ଆଶ୍ରୟ ସ୍ଥଳୀ ପ୍ରସ୍ତୁତ ରଖାଯାଉଛି ।

ଗୋପାଳପୁରରୁ ମାତ୍ର ଦୁଇ କିଲୋମିଟର ଦୂରରେ ଅବସ୍ଥିତ ନାରାୟଣପୁର ପଞ୍ଚାୟତରେ ସାମ୍ଭାବ୍ୟ ବାତ୍ୟାର ପ୍ରଭାବକୁ ନେଇ ରବିବାର ଦିନ ପଞ୍ଚାୟତର ବୁଦ୍ଧିଜୀବୀ ଓ ବରିଷ୍ଠ ଲୋକଙ୍କର ଏକ ବୈଠକ ହେବା ପରେ ପଞ୍ଚାୟତର ସରପଞ୍ଚ ଓ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଗାଁ ଗାଁ ବୁଲି ମାଇକ୍‌ ଯୋଗେ ଗ୍ରାମବାସୀମାନଙ୍କୁ ସଚେତନ କରିବା ଆରମ୍ଭ କରିଛନ୍ତି ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ବାତ୍ୟା ପରେ ମୁମ୍ବାଇ କାନ୍ଦୁଛି, ହେଲେ ଏହି ଅଭିନେତ୍ରୀ ବର୍ଷାରେ ନାଚୁଛନ୍ତି! VIDEO ଦେଖି ଲୋକେ ଖପା

ଗାଁଗୁଡ଼ିକରେ ଥିବା ଉଚ୍ଚ ବିଦ୍ୟାଳୟକୁ ଅସ୍ଥାୟୀ ବାତ୍ୟା ଆଶ୍ରୟସ୍ଥଳୀ ଭାବେ ବ୍ୟବହାର କରିବା ପାଇଁ ସବୁ ପ୍ରକାରର ବ୍ୟବସ୍ଥା କରାଯାଇଛି । ସମୁଦ୍ରକୁ ଲାଗି ରହିଥିବା ନୂଆ ବକ୍ସିପଲ୍ଲୀ ଗାଁରେ ମଧ୍ୟ ସାମ୍ଭାବ୍ୟ ବାତ୍ୟାକୁ ନେଇ ଗ୍ରାମବାସୀଙ୍କୁ ସଚେତନ କରାଯିବା ସହ ବାତ୍ୟା ଆଶ୍ରୟ ସ୍ଥଳୀ ପ୍ରସ୍ତୁତ କରି ରଖାଯାଇଥିବା ଦେଖିବାକୁ ମିଳିଛି ।

ଏହା ବି ପଢ଼ନ୍ତୁ ଦେଖନ୍ତୁ VIDEO | କରୋନା ୱାର୍ଡ଼ରେ ଫିଲ୍ମ ଗୀତ ଶୁଣୁଥିବା ଭାଇରାଲ୍‌ VIDEO ସେହି ଯୁବତୀଙ୍କ ମୃତ୍ୟୁ ହେଲା; ସୋନୁ ସୁଦ୍ ଦୁଃଖିତ

‘‘ଗଞ୍ଜାମ ଜିଲ୍ଲାବାସୀ ପ୍ରତିବର୍ଷ କୌଣସି ନା କୌଣସି ବାତ୍ୟାର ସମ୍ମଖୀନ ହୋଇଥାନ୍ତି । ବାତ୍ୟା ୟସ୍‌ ୨୬ ତାରିଖରେ ଉପକୂଳ ଓଡ଼ିଶା ଅତିକ୍ରମ କରିବା ସମ୍ଭାବନା ରହିଛି । ଗଞ୍ଜାମ ଜିଲ୍ଲାରେ ବାତ୍ୟାର ପ୍ରଭାବ ସେତେ ଅଧିକ ହେବାର ଆଶଙ୍କା ନ ଥିଲେ ମଧ୍ୟ ପ୍ରବଳ ବର୍ଷା ହେବା ସମ୍ଭାବନା ରହିଛି । ଏହାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ସଜାଗ ହୋଇଛି । ନାରାୟଣପୁର ପଞ୍ଚାୟତର ୧୨ଟି ୱାର୍ଡ଼ରେ ପ୍ରାୟ ୪,୦୦୦ ଲୋକ ରହନ୍ତି । ସାମ୍ଭାବ୍ୟ ବାତ୍ୟାର ମୁକାବିଲା ସହ ଧନଜୀବନ ସୁରକ୍ଷିତ ରଖିବା ନେଇ ବ୍ୟବସ୍ଥା କରାଯାଉଛି,’’ କହିଛନ୍ତି ନାରାୟଣପୁର କାର୍ଯ୍ୟନିର୍ବାହୀ ଅଧିକାରୀ କମଳକାନ୍ତ ପଣ୍ଡା ।

ଏହା ବି ପଢ଼ନ୍ତୁ | କରୋନା ଟିକାର ୨ଟି ଡୋଜ୍ ନେବା ପରେ ବି କାହିଁକି ମୃତ୍ୟୁ ହେଉଛି? ଜାଣନ୍ତୁ କହୁଛନ୍ତି ବିଶେଷଜ୍ଞମାନେ

ଗାଁମାନଙ୍କରେ ଲୋକଙ୍କୁ ସଚେତନ କରିବା କାର୍ଯ୍ୟକ୍ରମ ଚାଲିଛି ।


ଯେଉଁ ଲୋକଙ୍କର କଚ୍ଚା ଘର ଅଛି ସେମାନଙ୍କୁ ବାତ୍ୟାର ସୂଚନା ପାଇବା ପରେ ପକ୍କା ଘରକୁ ଚାଲିଯିବାକୁ ବା ଗାଁରେ ଥିବା ଉଚ୍ଚ ବିଦ୍ୟାଳୟକୁ ଚାଲିଯିବା ପାଇଁ କୁହାଯାଇଛି ବୋଲି କହିଛନ୍ତି ନାରାୟଣପୁର ସରପଞ୍ଚ ଆର୍‌. ହିମାଂଶୁ ପ୍ରସାଦ ରାଓ । ନାରାୟଣପୁର ଗାଁରେ ବାତ୍ୟା ଆଶ୍ରୟସ୍ଥଳୀ ନ ଥିବା ବେଳେ ଗାଁର ଉଚ୍ଚ ବିଦ୍ୟାଳୟକୁ ଅସ୍ଥାୟୀ ବାତ୍ୟା ଆଶ୍ରୟ ସ୍ଥଳୀ କରାଯାଇଛି । ସେଠାରେ ଲୋକଙ୍କୁ ସୁରକ୍ଷିତ ଭାବେ ରଖିବା ସହିତ ଖାଦ୍ୟ ଓ ପାନୀୟର ମଧ୍ୟ ସମସ୍ତ ପ୍ରକାରର ବ୍ୟବସ୍ଥା କରାଯାଇଥିବା କହିଛନ୍ତି ରାଓ ।

ଏହା ବି ପଢ଼ନ୍ତୁ | ମୋଦୀଙ୍କ ବୈଠକରେ ମୁଖ୍ୟ ମନ୍ତ୍ରୀମାନଙ୍କୁ କହିବାକୁ ଦିଆଗଲାନି, କଣ୍ଢେଇ ପରି ବସି ରହିଲେ: ମମତା

ନାରାୟଣପୁର ଭଳି ସମୁଦ୍ରକୁ ଲାଗି ରହିଥିବା ବକ୍ସିପଲ୍ଲୀ ପଞ୍ଚାୟତର ଗ୍ରାମବାସୀମାନଙ୍କୁ ମଧ୍ୟ ସାମ୍ଭାବ୍ୟ ବାତ୍ୟାକୁ ନେଇ ସଜାଗ କରାଯାଇଛି । ନୂଆ ବକ୍ସିପଳ୍ଲୀରେ ରହୁଥିବା ମତ୍ସ୍ୟଜୀବୀଙ୍କୁ ସମୁଦ୍ରର ସ୍ଥିତି ଦେଖି ମାଛ ମାରିବାକୁ ସମୁଦ୍ରକୁ ନ ଯିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଜିଲ୍ଲା ପ୍ରଶାସନର ନିର୍ଦ୍ଦେଶ କ୍ରମେ ମତ୍ସ୍ୟଜୀବୀମାନେ କାର୍ଯ୍ୟ କରୁଛନ୍ତି ।

ଏହା ବି ପଢ଼ନ୍ତୁ |ତେହେଲ୍କାସମ୍ପାଦକ ତରୁଣ ତେଜପାଲ ବର୍ଷ ତଳର ରେପ୍ ମାମଲାରେ ଦୋଷମୁକ୍ତ ହେଲେ

‘‘ରବିବାର ଦିନ ସମୁଦ୍ର ଶାନ୍ତ ରହିଥିବା ଯୋଗୁଁ ଗାଁର ମତ୍ସ୍ୟଜୀବୀମାନେ ମାଛ ମାରିବାକୁ ସମୁଦ୍ରକୁ ଯାଇଥିଲେ । ସେମାନେ ନିଜେ ସତର୍କ ରହନ୍ତି ଓ ସମୁଦ୍ରର ସ୍ଥିତିକୁ ଦେଖି ସେମାନେ ବାତ୍ୟା ସମ୍ପର୍କରେ ଜାଣିପାରନ୍ତି । ଏବେ ବାତ୍ୟା ଆସି ଚାଲିଯିବା ଯାଏଁ ସେମାନେ ଆଉ ସମୁଦ୍ରକୁ ମାଛ ମାରିବାକୁ ଯିବେ ନାହିଁ,’’ କହିଛନ୍ତି ନୂଆ ବକ୍ସିପଲ୍ଲୀର ମତ୍ସ୍ୟଜୀବୀ ଆଦିୟା ।



ସମୁଦ୍ରକୁ ଲାଗି ରହିଥିବା ଗାଁଗୁଡ଼ିକର ଲୋକେ ସମୁଦ୍ର ଅଶାନ୍ତ ହେଲେ ଚିନ୍ତାରେ ପଡ଼ିଯାଉଛନ୍ତି । ଗ୍ରାମ୍ୟ କମିଟି ପକ୍ଷରୁ ଗ୍ରାମବାସୀମାନଙ୍କୁ ଚିନ୍ତିତ ନ ହେବାକୁ କୁହାଯିବା ସହ ଗାଁରେ ଥିବା ବାତ୍ୟା ଆଶ୍ରୟ ସ୍ଥଳୀକୁ ପ୍ରସ୍ତୁତ ରଖାଯାଇଛି । ବାତ୍ୟା ଆଶ୍ରୟ ସ୍ଥଳୀରେ ଲାଇଟ୍‌ ଓ ଜେନେରେଟର୍ ସମେତ ଆନୁସଙ୍ଗିକ ବ୍ୟବସ୍ଥା କରାଯାଇଛି ବୋଲି କହିଛନ୍ତି ଗାଁର ପୂବର୍ତନ ସମିତି ସଭ୍ୟ ଜୟସେନ ସାହୁ ।
Published by: Anand ST Das
First published: May 23, 2021, 11:33 PM IST