SCB ହସପିଟାଲରୁ ଖସିଯିବା ପୂର୍ବରୁ ଗ୍ୟାଙ୍ଗଷ୍ଟର୍ ହାଇଦର୍ ପୋଲିସ କର୍ମୀଙ୍କୁ ଖୁଆଇଥିଲା ବିରିୟାନୀ
ହାଇଦର୍ ଓଡ଼ିଶା ସୀମା ପାର୍ କରିପାରି ନ ଥିବା ପୋଲିସ ସନ୍ଦେହ କରୁଛି । ହେଲେ ତା’ର ବାଙ୍ଗ୍ଲାଦେଶ ଲିଙ୍କ୍ ବେଶ୍ ସକ୍ରିୟ ଥିବାରୁ ସେ ବାଲେଶ୍ବର ଦେଇ ପଶ୍ଚିମ ବଙ୍ଗ ଓ ସେଠାରୁ ବାଙ୍ଗ୍ଲାଦେଶ ଯିବା ପାଇଁ ଉଦ୍ୟମ କରୁଥାଇ ପାରେ ବୋଲି ଅନୁମାନ କରାଯାଉଛି ।
ଗ୍ୟାଙ୍ଗଷ୍ଟର୍ ଶେଖ୍ ହାଇଦର୍ (ଫାଇଲ୍ ଫଟୋ)
କଟକ: ଏସ୍.ସି.ବି. ହସପିଟାଲରୁ ଶନିବାର ଦିନ ଫେରାର ହୋଇଯାଇଥିବା କୁଖ୍ୟାତ ଗ୍ୟାଙ୍ଗଷ୍ଟର୍ ହାଇଦର୍ ଫେରାର୍ ହେବା ପୂର୍ବରୁ ତାକୁ ଦେଖାକରିବାକୁ ଆସିଥିବା ଦୁଇ ତିନି ଜଣ ଲୋକଙ୍କ ସହ ବିରିୟାନୀ ଖାଇଥିଲା । ହୁଏତ ସେହି ବିରିୟାନୀରେ ନିଶା ଦ୍ରବ୍ୟ ମିଶାଇ ସେ ତାକୁ ଜଗିଥିବା ପୋଲିସ କର୍ମୀଙ୍କୁ ଦେଇଥିଲା । ହସପିଟାଲରୁ ଖସିଯିବା ପୂର୍ବରୁ ହାଇଦରର ଶେଷ ମୁହୂର୍ତ୍ତଗୁଡ଼ିକ ବିଷୟରେ ଜଣେ ନର୍ସଙ୍କ ଠାରୁ ଅନେକ ତଥ୍ୟ ମିଳିଛି ।
‘‘ମୁଁ ତାଙ୍କ ପାଖକୁ ଶେଷ ଥର ପାଇଁ ଅପରାହ୍ଣ ସାଢେ ୩ଟା ବେଳେ ଯାଇଥିଲି । ସେତେବେଳେ ତାଙ୍କ ପାଖରେ ଦୁଇ ତିନି ଜଣ ଲୋକ ଥିଲେ । ସମସ୍ତେ ବିରୟାନି ଖାଉଥିଲେ । ଯେତେବେଳେ ମୁଁ ପୁଣି ସାଢେ ୫ଟା ବେଳେ ତାଙ୍କ କ୍ୟାବିନକୁ ଇଞ୍ଜେକ୍ସନ୍ ଦେବା ପାଇଁ ଗଲି, ସେତେବେଳେ କ୍ୟାବିନ୍ ବାହାରେ ସୁରକ୍ଷା ଦାୟିତ୍ବରେ ଥିବା ପୋଲିସ କର୍ମୀଙ୍କୁ ଅଚେତ ହୋଇ ପଡ଼ିଥିବା ଦେଖିଲି । ଆଉ କ୍ୟାବିନରେ କେହି ନ ଥିଲେ,’’ କହିଛନ୍ତି ଏସ୍.ସି.ବି. ହସପିଟାଲର ସର୍ଜରୀ ୱାର୍ଡର ନର୍ସ ମାନସୀରାଣୀ ପାଣି ।
ଏହା ବି ପଢ଼ନ୍ତୁ | Jio ଆଣିଲା IPL 2021 ଉପଭୋଗ କରିବା ପାଇଁ ୧୦୦% ଲାଭପ୍ରଦ ଯୋଜନା; ପ୍ରତି ଦିନ ପୁରସ୍କାର ଜିତନ୍ତୁ
ସର୍ଜରୀ ୱାର୍ଡର ନର୍ସ ମାନସୀରାଣୀ ପାଣି
ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ଶନିବାର ବିଳମ୍ବିତ ରାତି ପର୍ଯ୍ୟନ୍ତ କଟକ ଡିସିପିଙ୍କ କାର୍ଯ୍ୟାଳୟରେ ଏକ ରୁଦ୍ଧଦ୍ବାର ବୈଠକ କରିଥିଲେ । ଏହି ବୈଠକରେ କଟକ ଡିସିପି ପ୍ରତୀକ ସିଂଙ୍କ ସହ ଅନେକ ବରିଷ୍ଠ ପୋଲିସ ଅଧିକାରୀ ଓ ସ୍ପେସାଲ୍ ସ୍ବାର୍ଡ ଇନ୍ସପେକ୍ଟର ମଧ୍ୟ ଉପସ୍ଥିତ ଥିଲେ । କିନ୍ତୁ ବିଳମ୍ବିତ ରାତି ପର୍ଯ୍ୟନ୍ତ ହାଇଦର ସମ୍ପର୍କରେ କୌଣସି ସୂଚନା ପୋଲିସକୁ ମିଳିପାରି ନଥିଲା ।
ଏହା ବି ପଢ଼ନ୍ତୁ | IPL 2021: ରୋହିତ ଶର୍ମା ଖୋଲିଲେ ନିଜ ଜୋତାର ରହସ୍ୟ; ଜାଣି 'ହିଟମ୍ୟାନ୍'ଙ୍କୁ ନମସ୍କାର କରିବେ ଆପଣ
‘‘ହାଇଦରର ସନ୍ଧାନ ପାଇଁ ଏକ ବଡ଼ ଅପରେସନ ଆରମ୍ଭ କରାଯାଇଛି । ବିଭିନ୍ନ ସ୍ଥାନରେ ସର୍ଚ୍ଚ ଅପରେସନ୍ ଜାରି ରହିଛି । ସେ କେଉଁ ପରିସ୍ଥିତି ଫେରାର୍ ହେଲା ତା’ର ଅନୁସନ୍ଧାନ ଚାଲିଛି,’’ କହିଥିଲେ ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।
ଏହା ବି ପଢ଼ନ୍ତୁ | ୬୦ ବର୍ଷୀୟ ଶିକ୍ଷକ ୧୯ ବର୍ଷୀୟା ଛାତ୍ରୀଙ୍କୁ ୫ ବର୍ଷ ଧରି ରେପ୍ କରୁଥିଲେ, ଗିରଫ ହେଲେ
ପୋଲିସର ପ୍ରାଥମିକ ତଦନ୍ତ ଅନୁଯାୟୀ ମାର୍ଚ୍ଚ ୨୮ ତାରିଖରେ ସମ୍ବଲପୁର ଜେଲରେ ସଜା ଭୋଗୁଥିବା ହାଇଦରକୁ ଚିକିତ୍ସା ପାଇଁ ଏସ୍.ସି.ବି. ହସପିଟାଲକୁ ଅଣାଯାଇଥିଲା । ଏଠାରେ ସେ ସର୍ଜରୀ ୱାର୍ଡରେ ଭର୍ତ୍ତି ହୋଇଥିବା ବେଳେ ଶନିବାର ଦିନ ମଧ୍ୟାନ୍ନରେ ତା’ର କିଛି କଥିତ ସମ୍ପର୍କୀୟ ତାକୁ ଭେଟିବା ପାଇଁ ସେ ରହୁଥିବା ୱାର୍ଡକୁ ଆସିଥିଲେ । ସେମାନେ ନିଜ ସାଙ୍ଗରେ ଆଣିଥିବା ବିରିୟାନୀ ଖାଇବା ସହିତ ହାଇଦରକୁ ଜଗୁଥିବା ସୁରକ୍ଷାକର୍ମୀଙ୍କୁ ନିଶାଯୁକ୍ତ ବିରିୟାନୀ ଖାଇବାକୁ ଦେଇଥିଲେ ବୋଲି କୁହାଯାଉଛି । ସୁରକ୍ଷାକର୍ମୀ ଜଣକ ବେହୋସ ହୋଇଯିବା ପରେ ସେମାନେ ଆସିଥିବା ଏକ ଧଳା ରଙ୍ଗର କାରରେ ହାଇଦରକୁ ସାଙ୍ଗରେ ନେଇ uସପିଟାଲରୁ ଫେରାର ହୋଇଯାଇଥିଲେ ବୋଲି ପୋଲିସକୁ ସୂଚନା ମିଳିଛି ।
ହାଇଦରକୁ ଜଗିବାରେ ନିଯୁକ୍ତ ପୋଲିସ କନଷ୍ଟେବଲ୍
ଏହା ବି ପଢ଼ନ୍ତୁ | ଦେଶରେ ପୁଣି ଥରେ ସବୁ ଟ୍ରେନ୍ ଚଳାଚଳ ବନ୍ଦ ହେବ କି? ରେଲ୍ୱେ କହିଲା ଏହି କଥା
ଏସ୍.ସି.ବି. ହସପିଟାଲରୁ ଶନିବାର ଦିନ ଫେରାର ହୋଇଯାଇଥିବା କୁଖ୍ୟାତ ଗ୍ୟାଙ୍ଗଷ୍ଟର୍ ହାଇଦରକୁ ଧରିବା ପାଇଁ ଏକ ସ୍ବତନ୍ତ୍ର ଅପରେସନ ଚଳାଇଛି ଓଡ଼ିଶା ପୋଲିସ । ହାଇଦର ଫେରାର୍ ହୋଇଯିବା ଖବର ପାଇବା ପରେ କମିଶନରେଟ ପୋଲିସ ପୋଲସ ମୁଖ୍ୟାଳୟକୁ ସୂଚନା ଦେଇଥିଲା । ଏହା ପରେ ହାଇଦର ଆତ୍ମଗୋପନ କରିଥିବା ସମ୍ଭାବ୍ୟ ସ୍ଥାନଗୁଡ଼ିକରେ ରାତି ତମାମ ପୋଲିସର ରେଡ଼ ଜାରି ରହିଥିଲା ।
ଏହା ବି ପଢ଼ନ୍ତୁ | ବିବାହ ପରେ ସେକ୍ସ ପ୍ରତି ଆଗ୍ରହ କମ୍ ହୋଇଯାଏ କାହିଁକି? ଏହି ପ୍ରଶ୍ନର ଉତ୍ତର ଏଇଠି ଅଛି
କଟକ କମିଶନରେଟ ପୋଲିସ ସହରର ବିଭିନ୍ନ ସ୍ଥାନରେ ରେଡ଼ ଜାରି ରଖିଥିବା ବେଳେ ସହରକୁ ସଂଯୋଗ କରୁଥିବା ସମସ୍ତ ରାସ୍ତାରେ ଗାଡ଼ିମଟର ଯାଞ୍ଚ କରୁଛି । ଏହା ସହିତ ଏସ୍.ସି.ବି. ହସପିଟାଲର ଉଭୟ ପଟ ଗେଟ୍ ବାହାରେ ଥିବା ଦୋକାନଗୁଡ଼ିକର ସିସିଟିଭି ଫୁଟେଜ୍ ମଧ୍ୟ ଜାଞ୍ଚ କରାଯାଇଛି । କଟକ ତଥା ଉପକୂଳବର୍ତ୍ତୀ ଜିଲ୍ଲାଗୁଡ଼ିକର ଅପରାଧୀଙ୍କ ଉପରେ ନଜର ରଖିଥିବା ଦକ୍ଷ ପୋଲିସ ଅଧିକାରୀମାନେ ନିଜ ନିଜର ସୁତ୍ରଙ୍କ ଠାରୁ ହାଇଦର୍ ସମ୍ପର୍କରେ ତଥ୍ୟ ସଂଗ୍ରହ କରିବା ଆରମ୍ଭ କରିଛନ୍ତି ।
ଓଡ଼ିଶା ପୋଲିସ ମୁଖ୍ୟାଳୟର ନିର୍ଦ୍ଦେଶ କ୍ରମେ କଟକର ମଙ୍ଗୁଳି ଟୋଲ୍ ଗେଟ ସହିତ ପିପିଲି ଓ ଜଟଣି ଟୋଲଗେଟର ସିସିଟିଭି ଫୁଟେଜକୁ ମଧ୍ୟ ଜାଞ୍ଚ କରାଯାଉଛି । ଏହା ସହିତ କଟକରୁ ଲାଗି କରିଥିବା ଜିଲ୍ଲାଗୁଡ଼ିକୁ ମଧ୍ୟ ଆର୍ଲଟ କରିଛି ପୋଲିସ ମୁଖ୍ୟାଳୟ । ବିଶେଷ କରି ପୋଲିସ ମୁଖ୍ୟାଳୟର ନିର୍ଦ୍ଦେଶ କ୍ରମେ ହାଇଦରର ନିଜ ଜିଲ୍ଲା କେନ୍ଦ୍ରାପଡ଼ା ସହିତ ପଡ଼ୋଶୀ ଜଗତସିଂପୁର, ଯାଜପୁର, ଢେଙ୍କାନାଳ ଜିଲ୍ଲାର ଏସ୍.ପି.ମାନଙ୍କୁ ଆର୍ଲଟରେ ରହିବାକୁ କୁହାଯାଇଛି । ସେମାନେ ନିଜ ନିଜ ଅଞ୍ଚଳରେ ସର୍ଚ୍ଚ ଅପରେସନ୍ ଆରମ୍ଭ କରିଛନ୍ତି ।
