- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- ପୋଲିସକୁ ନିଶା ଖୁଆଇ କଟକ SCB ହସପିଟାଲରୁ ଫେରାର୍ ହେଲା କୁଖ୍ୟାତ ଗ୍ୟାଙ୍ଗଷ୍ଟର୍ ହାଇଦର୍
ପୋଲିସକୁ ନିଶା ଖୁଆଇ କଟକ SCB ହସପିଟାଲରୁ ଫେରାର୍ ହେଲା କୁଖ୍ୟାତ ଗ୍ୟାଙ୍ଗଷ୍ଟର୍ ହାଇଦର୍
ହତ୍ୟା ପାଇଁ ସମ୍ବଲପୁର ଜେଲରେ ଆଜୀବନ କାରାବାସ ସଜା କାଟୁଥିବା କୁଖ୍ୟାତ ଗ୍ୟାଙ୍ଗଷ୍ଟର୍ ଶେଖ୍ ହାଇଦରକୁ ୧୨ ଦିନ ତଳେ ବୁର୍ଲା ହସ୍ପିଟାଲରୁ ଆଣି SCB ହସ୍ପିଟାଲର ସର୍ଜରୀ ୱାର୍ଡ଼ରେ ଭର୍ତ୍ତି କରାଯାଇଥିଲା ।
ହାଇଦରର ଫାଇଲ୍ ଫଟୋ; (ଡାହାଣ) କଟକର ଏକ ରାସ୍ତାରେ ପୋଲିସର ସର୍ଚ୍ଚ ଅପରେସନର ଦୃଶ୍ୟ
News18 Odia Digital
କଟକ: ହତ୍ୟା ଓ ଅନ୍ୟାନ୍ୟ ସଙ୍ଗୀନ ଅପରାଧ କାରଣରୁ ଆଜୀବନ କାରାଦଣ୍ଡ ଭୋଗୁଥିବା କୁଖ୍ୟାତ ଗ୍ୟାଙ୍ଗଷ୍ଟର୍ ଶେଖ୍ ହାଇଦର କଟକର ଏସ୍.ସି.ବି. ହସପିଟାଲରେ ଚିକିତ୍ସିତ ହେଉଥିବା ସମୟରେ ତା’ ଉପରେ ନଜର ରଖିଥିବା ପୋଲିସ କର୍ମୀମାନଙ୍କୁ କୌଣସି ନିଶା ଦ୍ରବ୍ୟ ଖୁଆଇ ଫେରାର୍ ହୋଇଯାଇଛି ।
ଏସ୍.ସି.ବି. ହସପିଟାଲରେ ଗ୍ୟାଙ୍ଗଷ୍ଟର ହାଇଦରକୁ ଚିକିତ୍ସା ପାଇଁ ୧୨ ଦିନ ତଳେ ଭର୍ତ୍ତି କରାଯାଇଥିଲା । ତାକୁ ପରେ ସେଠାକାର ସର୍ଜରୀ ବିଭାଗରେ ଭର୍ତ୍ତି କରାଯାଇଥିଲା । ଶନିବାର ସନ୍ଧ୍ୟାରେ ଦେଖାଗଲା ଯେ ସେ ସର୍ଜରୀ ବିଭାଗରେ ନାହାନ୍ତି । ତାଙ୍କ ସୁରକ୍ଷା ଦାୟିତ୍ୱରେ ଥିବା ଦୁଇ ଜଣ ପୋଲିସ କର୍ମୀ ନିଶାରେ ସେଠାରେ ପଡ଼ିଥିବା ଦେଖାଯାଇଥିଲା । ବୁଝିବା ଆଉ ବାକି ନ ଥିଲା ଯେ ପୋଲିସ ଆଖିରେ ଧୂଳି ଦେଇ ହାଇଦର୍ ଚମ୍ପଟ ମାରିଛି ।
ଏହା ବି ପଢ଼ନ୍ତୁ | IPL 2021: ରୋହିତ ଶର୍ମା ଖୋଲିଲେ ନିଜ ଜୋତାର ରହସ୍ୟ; ଜାଣି 'ହିଟମ୍ୟାନ୍'ଙ୍କୁ ନମସ୍କାର କରିବେ ଆପଣ
ପୋଲିସ ସୂତ୍ରରୁ ସୂଚନା ମିଳିଛି ଯେ ବୁର୍ଲା ମେଡିକାଲ କଲେଜ୍ ଓ ହସ୍ପିଟାଲରୁ ରେଫର୍ ହୋଇ କଟକ ଏସ୍.ସି.ବି. ହସପିଟାଲକୁ ଆସିଥିଲା ହାଇଦର୍ । ସେ ସୁଲେମାନ୍ ହତ୍ୟାକାଣ୍ଡରେ ଦୋଷୀ ସାବ୍ୟସ୍ତ ହେବା ପରେ ସଜା କାଟୁଛି । କଡ଼ା ସୁରକ୍ଷା ବଳୟ ଭିତରେ ବୁର୍ଲାରୁ ଆସିଥିବା ହାଇଦର କେମିତି ଖସି ପଳାଇଲା ତାକୁ ନେଇ ଉଠିଛି ପ୍ରଶ୍ନ । ପୋଲିସର ପାରିବାପଣିଆ ଉପରକୁ ସାଧାରଣରେ ଉଠିଛି ଅଙ୍ଗୁଳି । ହାଇଦର ସୁରକ୍ଷାରେ ଥିବା ସୁରକ୍ଷା କର୍ମୀଙ୍କୁ କିଭଳି ନିଶା ଦେଲା ହାଇଦର ଓ ତା’ ଫେରାର୍ ହେବା ପଛରେ ଆଉ କିଛି ରହସ୍ୟ ଲୁଚିଛି କି ବୋଲି ପ୍ରଶ୍ନ ଉଠୁଛି ।
ହସପିଟାଲ ସୂତ୍ରଙ୍କ ଅନୁସାରେ ହାଇଦର୍ ସର୍ଜରୀ ୱାର୍ଡ଼ରୁ ବାହାରକୁ ଆସିବା ପରେ ଏକ କାରରେ ବସିଥିବା ଦେଖାଯାଇଥିଲା । ଏଥିରୁ ସନ୍ଦେହ କରାଯାଉଛି ଯେ ସେ ହସପିଟାଲରୁ ଖସି ବାହାରକୁ ଚାଲିଯାଇଛି । ଏହି ଖବର ଜଣା ପଡ଼ିବା ପରେ କଟକ ପୋଲିସ ସର୍ଚ୍ଚ ଅପରେସନ୍ ଆରମ୍ଭ କରିଛି ।
ଏହା ବି ପଢ଼ନ୍ତୁ | Jio ଆଣିଲା IPL 2021 ଉପଭୋଗ କରିବା ପାଇଁ ୧୦୦% ଲାଭପ୍ରଦ ଯୋଜନା; ପ୍ରତି ଦିନ ପୁରସ୍କାର ଜିତନ୍ତୁ
ଏସ୍.ସି.ବି. ହସପିଟାଲର ସିସିଟିଭି ଫୁଟେଜ୍ ସହ ମଙ୍ଗଳାବାଗ ଓ ରାଣିହାଟରେ ଲାଗିଥିବା ସିସିଟିଭି କ୍ୟାମେରାର ଫୁଟେଜ୍ ଦେଖିବା ଆରମ୍ଭ କରିଛି ପୋଲିସ । ସନ୍ଦେହ କରାଯାଉଛି ଯେ ହାଇଦର୍ ତା’ ମୂଳ ଘର କେନ୍ଦ୍ରାପଡ଼ାକୁ ଯାଇ ନ ଥିବ । ସେ ଓଡ଼ିଶା ବାହାରକୁ ଯିବାକୁ ଚେଷ୍ଟା କରୁଥିବା ସନ୍ଦେହ କରି ପୋଲିସ ରାଜ୍ୟର ସୀମାରେ ଥିବା ରାସ୍ତା ଉପରେ କଡ଼ା ନଜର ରଖିବା ଆରମ୍ଭ କରିଛି ।
ଏହା ବି ପଢ଼ନ୍ତୁ | ‘ସୈନ୍ୟମାନେ ତ ଦରମା ନେଉଛନ୍ତି; ଲଢ଼େଇରେ ତାଙ୍କର ମୃତ୍ୟୁ ହେଲେ ସହିଦ କୁହାଯାଇପାରିବ ନାହିଁ’
‘‘ଆମ ତରଫରୁ ଏକ ବଡ଼ ସର୍ଚ୍ଚ ଅପରେସନ୍ ଆରମ୍ଭ କରାଯାଇଛି । ଆମେ ବିଭିନ୍ନ ସ୍ଥାନରେ ଖୋଜିବା ଆରମ୍ଭ କରିଛୁ । ନିଶ୍ଚୟ ତାକୁ ଆମେ ଶୀଘ୍ର ଧରିନେବୁ,’’ କହିଛନ୍ତି କଟକ ଡିସିପି ପ୍ରତୀକ ସିଂ । ହାଇଦରକୁ ଧରିବା ପାଇଁ କଟକ ଜିଲ୍ଲା ପୋଲିସ ସହ ଯାଜପୁର ଓ କେନ୍ଦ୍ରାପଡ଼ା ପୋଲିସର ଅଫିସରମାନଙ୍କୁ ନେଇ ଏକ ସର୍ଚ୍ଚ ଟିମ୍ ଗଠିତ ହୋଇଥିବା ଜଣାପଡ଼ିଛି ।
ମେ ୨୦୧୭ରେ ହାଇଦରକୁ ଭୁବନେଶ୍ୱର ଝାରପଡ଼ାରେ ଥିବା ସ୍ୱତନ୍ତ୍ର ଜେଲରୁ ସମ୍ବଲପୁର ଜେଲକୁ ସ୍ଥାନାନ୍ତରିତ କରାଯାଇଥିଲା । ଝାରପଡ଼ା ଜେଲରେ ହାଇଦର ଓ ଧଳସାମନ୍ତ ଭାଇମାନଙ୍କ ମଧ୍ୟରେ ଗ୍ୟାଙ୍ଗ୍ ୱାର୍ ହେବା ଆଶଙ୍କା ବଢ଼ିବାରୁ ଏହି ନିଷ୍ପତ୍ତି ନିଆଯାଇଥିଲା ।
କଟକ: ହତ୍ୟା ଓ ଅନ୍ୟାନ୍ୟ ସଙ୍ଗୀନ ଅପରାଧ କାରଣରୁ ଆଜୀବନ କାରାଦଣ୍ଡ ଭୋଗୁଥିବା କୁଖ୍ୟାତ ଗ୍ୟାଙ୍ଗଷ୍ଟର୍ ଶେଖ୍ ହାଇଦର କଟକର ଏସ୍.ସି.ବି. ହସପିଟାଲରେ ଚିକିତ୍ସିତ ହେଉଥିବା ସମୟରେ ତା’ ଉପରେ ନଜର ରଖିଥିବା ପୋଲିସ କର୍ମୀମାନଙ୍କୁ କୌଣସି ନିଶା ଦ୍ରବ୍ୟ ଖୁଆଇ ଫେରାର୍ ହୋଇଯାଇଛି ।
ଏସ୍.ସି.ବି. ହସପିଟାଲରେ ଗ୍ୟାଙ୍ଗଷ୍ଟର ହାଇଦରକୁ ଚିକିତ୍ସା ପାଇଁ ୧୨ ଦିନ ତଳେ ଭର୍ତ୍ତି କରାଯାଇଥିଲା । ତାକୁ ପରେ ସେଠାକାର ସର୍ଜରୀ ବିଭାଗରେ ଭର୍ତ୍ତି କରାଯାଇଥିଲା । ଶନିବାର ସନ୍ଧ୍ୟାରେ ଦେଖାଗଲା ଯେ ସେ ସର୍ଜରୀ ବିଭାଗରେ ନାହାନ୍ତି । ତାଙ୍କ ସୁରକ୍ଷା ଦାୟିତ୍ୱରେ ଥିବା ଦୁଇ ଜଣ ପୋଲିସ କର୍ମୀ ନିଶାରେ ସେଠାରେ ପଡ଼ିଥିବା ଦେଖାଯାଇଥିଲା । ବୁଝିବା ଆଉ ବାକି ନ ଥିଲା ଯେ ପୋଲିସ ଆଖିରେ ଧୂଳି ଦେଇ ହାଇଦର୍ ଚମ୍ପଟ ମାରିଛି ।
ଏହା ବି ପଢ଼ନ୍ତୁ | IPL 2021: ରୋହିତ ଶର୍ମା ଖୋଲିଲେ ନିଜ ଜୋତାର ରହସ୍ୟ; ଜାଣି 'ହିଟମ୍ୟାନ୍'ଙ୍କୁ ନମସ୍କାର କରିବେ ଆପଣ
ପୋଲିସ ସୂତ୍ରରୁ ସୂଚନା ମିଳିଛି ଯେ ବୁର୍ଲା ମେଡିକାଲ କଲେଜ୍ ଓ ହସ୍ପିଟାଲରୁ ରେଫର୍ ହୋଇ କଟକ ଏସ୍.ସି.ବି. ହସପିଟାଲକୁ ଆସିଥିଲା ହାଇଦର୍ । ସେ ସୁଲେମାନ୍ ହତ୍ୟାକାଣ୍ଡରେ ଦୋଷୀ ସାବ୍ୟସ୍ତ ହେବା ପରେ ସଜା କାଟୁଛି । କଡ଼ା ସୁରକ୍ଷା ବଳୟ ଭିତରେ ବୁର୍ଲାରୁ ଆସିଥିବା ହାଇଦର କେମିତି ଖସି ପଳାଇଲା ତାକୁ ନେଇ ଉଠିଛି ପ୍ରଶ୍ନ । ପୋଲିସର ପାରିବାପଣିଆ ଉପରକୁ ସାଧାରଣରେ ଉଠିଛି ଅଙ୍ଗୁଳି । ହାଇଦର ସୁରକ୍ଷାରେ ଥିବା ସୁରକ୍ଷା କର୍ମୀଙ୍କୁ କିଭଳି ନିଶା ଦେଲା ହାଇଦର ଓ ତା’ ଫେରାର୍ ହେବା ପଛରେ ଆଉ କିଛି ରହସ୍ୟ ଲୁଚିଛି କି ବୋଲି ପ୍ରଶ୍ନ ଉଠୁଛି ।
କଟକ ଡିସିପି ପ୍ରତୀକ ସିଂ
ହସପିଟାଲ ସୂତ୍ରଙ୍କ ଅନୁସାରେ ହାଇଦର୍ ସର୍ଜରୀ ୱାର୍ଡ଼ରୁ ବାହାରକୁ ଆସିବା ପରେ ଏକ କାରରେ ବସିଥିବା ଦେଖାଯାଇଥିଲା । ଏଥିରୁ ସନ୍ଦେହ କରାଯାଉଛି ଯେ ସେ ହସପିଟାଲରୁ ଖସି ବାହାରକୁ ଚାଲିଯାଇଛି । ଏହି ଖବର ଜଣା ପଡ଼ିବା ପରେ କଟକ ପୋଲିସ ସର୍ଚ୍ଚ ଅପରେସନ୍ ଆରମ୍ଭ କରିଛି ।
ଏହା ବି ପଢ଼ନ୍ତୁ | Jio ଆଣିଲା IPL 2021 ଉପଭୋଗ କରିବା ପାଇଁ ୧୦୦% ଲାଭପ୍ରଦ ଯୋଜନା; ପ୍ରତି ଦିନ ପୁରସ୍କାର ଜିତନ୍ତୁ
ଏସ୍.ସି.ବି. ହସପିଟାଲର ସିସିଟିଭି ଫୁଟେଜ୍ ସହ ମଙ୍ଗଳାବାଗ ଓ ରାଣିହାଟରେ ଲାଗିଥିବା ସିସିଟିଭି କ୍ୟାମେରାର ଫୁଟେଜ୍ ଦେଖିବା ଆରମ୍ଭ କରିଛି ପୋଲିସ । ସନ୍ଦେହ କରାଯାଉଛି ଯେ ହାଇଦର୍ ତା’ ମୂଳ ଘର କେନ୍ଦ୍ରାପଡ଼ାକୁ ଯାଇ ନ ଥିବ । ସେ ଓଡ଼ିଶା ବାହାରକୁ ଯିବାକୁ ଚେଷ୍ଟା କରୁଥିବା ସନ୍ଦେହ କରି ପୋଲିସ ରାଜ୍ୟର ସୀମାରେ ଥିବା ରାସ୍ତା ଉପରେ କଡ଼ା ନଜର ରଖିବା ଆରମ୍ଭ କରିଛି ।
ଏହା ବି ପଢ଼ନ୍ତୁ | ‘ସୈନ୍ୟମାନେ ତ ଦରମା ନେଉଛନ୍ତି; ଲଢ଼େଇରେ ତାଙ୍କର ମୃତ୍ୟୁ ହେଲେ ସହିଦ କୁହାଯାଇପାରିବ ନାହିଁ’
‘‘ଆମ ତରଫରୁ ଏକ ବଡ଼ ସର୍ଚ୍ଚ ଅପରେସନ୍ ଆରମ୍ଭ କରାଯାଇଛି । ଆମେ ବିଭିନ୍ନ ସ୍ଥାନରେ ଖୋଜିବା ଆରମ୍ଭ କରିଛୁ । ନିଶ୍ଚୟ ତାକୁ ଆମେ ଶୀଘ୍ର ଧରିନେବୁ,’’ କହିଛନ୍ତି କଟକ ଡିସିପି ପ୍ରତୀକ ସିଂ । ହାଇଦରକୁ ଧରିବା ପାଇଁ କଟକ ଜିଲ୍ଲା ପୋଲିସ ସହ ଯାଜପୁର ଓ କେନ୍ଦ୍ରାପଡ଼ା ପୋଲିସର ଅଫିସରମାନଙ୍କୁ ନେଇ ଏକ ସର୍ଚ୍ଚ ଟିମ୍ ଗଠିତ ହୋଇଥିବା ଜଣାପଡ଼ିଛି ।
ମେ ୨୦୧୭ରେ ହାଇଦରକୁ ଭୁବନେଶ୍ୱର ଝାରପଡ଼ାରେ ଥିବା ସ୍ୱତନ୍ତ୍ର ଜେଲରୁ ସମ୍ବଲପୁର ଜେଲକୁ ସ୍ଥାନାନ୍ତରିତ କରାଯାଇଥିଲା । ଝାରପଡ଼ା ଜେଲରେ ହାଇଦର ଓ ଧଳସାମନ୍ତ ଭାଇମାନଙ୍କ ମଧ୍ୟରେ ଗ୍ୟାଙ୍ଗ୍ ୱାର୍ ହେବା ଆଶଙ୍କା ବଢ଼ିବାରୁ ଏହି ନିଷ୍ପତ୍ତି ନିଆଯାଇଥିଲା ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
