ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ମହାନଦୀରେ ଆସୁଛି ବନ୍ୟା: ନଦୀ କୂଳିଆ ଲୋକଙ୍କ ଆଖିରୁ ହଜିଲାଣି ନିଦ; ପ୍ରଶାସନ ଵେଫିକର ଥିବା ଅଭିଯୋଗ

ମହାନଦୀରେ ଆସୁଛି ବନ୍ୟା: ନଦୀ କୂଳିଆ ଲୋକଙ୍କ ଆଖିରୁ ହଜିଲାଣି ନିଦ; ପ୍ରଶାସନ ଵେଫିକର ଥିବା ଅଭିଯୋଗ

୧୯୮୨ ମସିହାରେ ଆସିଥିଲା ରାଜ୍ୟରେ ବଡ଼ ବନ୍ୟା । ଘର ଦ୍ୱାର ଭୁଶୁଡି ପଡ଼ିଥିଲା । ବାଧ୍ୟ ହୋଇ ନଦୀକୂଳରେ ବନ୍ଧ ଉପରେ ଆଶ୍ରୟ ନେଇଥିଲୁ ରାଜ୍ୟବାସୀ । ଏବେ ସେ କଥା ମନେ ପଡିଲେ ଖୁଵ ଡର ଲାଗୁଛି ବୋଲି କହୁଛନ୍ତି ସମସ୍ତେ ।

ମହାନଦୀରେ ଆସୁଛି ବନ୍ୟା: ନଦୀ କୂଳିଆ ଲୋକଙ୍କ ଆଖିରୁ ହଜିଲାଣି ନିଦ; ପ୍ରଶାସନ ଵେଫିକର ଥିବା ଅଭିଯୋଗ
ବନ୍ୟାକୁ ନେଇ ଆତଙ୍କିତ ନଦୀ କୂଳିଆ ବାସିନ୍ଦା
  • News18 Odia
  • Last Updated: September 17, 2021, 5:00 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ଶନିବାର ମହାନଦୀରେ ଆସୁଛି ବନ୍ୟା । ସ୍ୱତନ୍ତ୍ର ରିଲିଫ କମିଶନରଙ୍କ ସୂଚନା ଆଧାରରେ ମଧ୍ୟମ ଧରଣର ହେବ ଏହି ବନ୍ୟାର ଆକାର। ସେଥି ପାଇଁ ସରକାର ପ୍ରସ୍ତୁତ ଥିବା ମଧ୍ୟ ସ୍ପଷ୍ଟ କରିଛନ୍ତି । ହେଲେ ନଦୀକୂଳ ବାସିନ୍ଦାଙ୍କ ଭୟକୁ ଏହି ଆଶ୍ଵାସନା ଦୂର କରିପାରିନାହିଁ । ବନ୍ୟା ଆଶଙ୍କାରେ ଏବେ ଭୁବନେଶ୍ୱର ଉପକଣ୍ଠ ହରିଦାସପୁର ଓ ଆଖପାଖ ଗାଁ ଲୋକେ ଆତଙ୍କିତ ହୋଇପଡ଼ିଛନ୍ତି ।

ଭୁବନେଶ୍ୱର ଉପକଣ୍ଠ ହରିଦାସପୁର ଓ ଏହାର୍ ଆଖପାଖ ଅଞ୍ଚଳରେ ଥିବା ଚାରି ସାହି ବାସିନ୍ଦାଙ୍କ ଆଖିରୁ ଏବେ ହଜି ଯାଇଛି ନିଦ । ପ୍ରଥମେ ବର୍ଷା ଓ ଏବେ କୁଆଖାଇରେ ବଢୁଥିବା ଜଳସ୍ତରକୁ ନେଇ ସେମାନେ ବେଶ ଚିନ୍ତିତ । ସେଥି ପାଇଁ ରାତି ନପାଉଣୁ ଏଠାକାର ବାସିନ୍ଦାମାନେ ଚାଲି ଆସୁଛନ୍ତି ନଦୀକୂଳ ବନ୍ଧକୁ । ପ୍ରଶାସନର ଆଶ୍ଵାସନା ଉପରେ ସେମାନଙ୍କର ଭରସା ନାହିଁ ।

ହରିଦାସପୁର ବନ୍ଧସାହି ବାସିନ୍ଦା କଣ୍ଡୁରୀ ନାଏକ ବୟସ ୮୦ ଟପିଲାଣି । କୁଆଖାଇ ନଈ କୂଳରେ ତାଙ୍କ ପୂରା ଜୀବନ କଟିଛି । ହେଲେ ନଈ ଫୁଲିବା ଦେଖିଲେ ତାଙ୍କୁ ଖୁଵ ଡର ଲାଗେ ବୋଲି କହନ୍ତି କଣ୍ଡୁରୀ।

ଓଡ଼ିଶାରେ ବନ୍ୟା ବିପଦ


ସେହିପରି ସେ ଆହୁରି କହିଛନ୍ତି, ‘‘ମୋର ମାନେ ଅଛି, ୧୯୮୨ ମସିହାରେ ଆସିଥିଲା ବଡ଼ ବନ୍ୟା । ଘର ଦ୍ୱାର ଭୁଶୁଡି ପଡ଼ିଥିଲା । ବାଧ୍ୟ ହୋଇ ନଦୀକୂଳରେ ବନ୍ଧ ଉପରେ ଆଶ୍ରୟ ନେଇଥିଲୁ । ଏବେ ସେ କଥା ମନେ ପଡ଼ିଲେ ଖୁଵ ଡର ଲାଗୁଛି । ଏବେ ଟିଭିରୁ ଶୁଣିଲି ପୁଣି ମହାମଦୀ ଓ କାଠଯୋଡ଼ିରେ ପାଣି ଆସୁଛି । ଭୟ ଲାଗୁଛି ଭାଙ୍ଗିଯିବନି ତ ବନ୍ଧ ।"

ବନ୍ୟାକୁ ନେଇ ଆତଙ୍କିତ ଥିବା ହରିଦାସପୁର ମଝିସାହି ବାସିନ୍ଦା ପ୍ରସନ୍ନ ନାଏକ କହିଛନ୍ତି, ‘‘ନଦୀ ପୋତି ହୋଇପଡ଼ିଛି । ବନ୍ୟା ପାଣି ଯିବ କୁଆଡ଼େ। ସେଥି ପାଇଁ ନଦୀ ବନ୍ଧ ଭାଙ୍ଗୁଛି। ହଜାର ହଜାର ଏକର ଚାଷ ଜମି ନଷ୍ଟ ହେଉଛି । ଗତ କିଛି ବର୍ଷ ହେଲା ବନ୍ୟା ଆସୁନଥିବା କାରଣରୁ ଆମେ ଶାନ୍ତିରେ ଥିଲୁ। ହେଲେ ଏବେ ବନ୍ୟା ଆସୁଥିବା ଜାଣି ଆମକୁ ଡର ଲାଗୁଛି ।’’

ହରିଦାସପୁର ବନ୍ଧସାହି ବାସିନ୍ଦା ଲୋଚନା ନାଏକ । ବନ୍ୟା ଆସୁଥିବା କଥା ଶୁଣି ସେ ବି ଆତଙ୍କିତ । ଲୋଚନା କୁହିଛନ୍ତି, ‘‘ନଈ କୂଳିଆ ଏହି ବନ୍ଧ ଦେଖିଲେ ଡର ଲାଗୁଛି । ବହୁ ବର୍ଷ ହେଲା ନଈ ପୋତି ହୋଇ ପଡ଼ିଲାଣି। ଏବେ ସାମାନ୍ୟ ପାଣି ହେଲେ ନଈ କୂଳ ଲଙ୍ଘୁଛି । ବନ୍ଧର କି ଭରସା । କେତେବେଳେ ଫୁସ କରି ଢଳି ପଡ଼ିବ । ସମସ୍ତେ ଜାଣନ୍ତି ଏଠି ନଦୀ ବନ୍ଧରେ ଘୋଳ ପଡୁଛି । ହେଲେ କେହି କିଛି କରୁନାହାଁନ୍ତି । ଆମର ଭାଗ୍ୟ ଖରାପ।"

ମହାନଦୀରେ ଆସୁଛି ବନ୍ୟା


ତେବେ ଏତିକି ଲୋକ ନୁହନ୍ତି, ଏଠି ବସବାସ କରୁଥିବା ୨,୦୦୦ରୁ ଅଧିକ ପରିବାର ଏମିତି ଆତଙ୍କିତ ଅଛନ୍ତି । ତେବେ ଏହି ସ୍ଥିତି ଉପରେ ବିଭାଗୀୟ ଅଧିକାରୀ ମୁହଁ ଖୋଲି ନଥିଲା ବେଳେ ଏକ୍ସପର୍ଟଙ୍କ ମତରେ, ବଢୁଥିବା ଲୋକଙ୍କ ଆବଶ୍ୟକତା କାରଣରୁ ଏବେ ନଦୀର ଶଯ୍ୟା ପୋତି ହୋଇ ପଡ଼ିଲାଣି । ତେଣୁ ସାମାନ୍ୟ ବର୍ଷାରେ ନଦୀ ଗୁଡିକରେ ଆସି ଯାଉଛି ଅକସ୍ମାତ ବନ୍ୟା। ଏଥି ପାଇଁ ଦରକାର ସ୍ଥାୟୀ ପ୍ରତିକାର। ମୁଖ୍ୟ କଥା ହେଲା ଯେ ଲୋକେ ବି ଏଥିରେ ସହଯୋଗ କରିବା ଦରକାର।
Published by: Lipina Das
First published: September 17, 2021, 4:56 PM IST