ଗଞ୍ଜାମରେ ସ୍କୁଲ୍ ଅଟୋରୁ ଖସି ୫ ବର୍ଷର ଛାତ୍ରର ଘଟଣା ସ୍ଥଳରେ ମୃତ୍ୟୁ ହେଲା
ଅଟୋ ଡ୍ରାଇଭର ହଠାତ୍ ବ୍ରେକ୍ ମାରିବାରୁ ଏହି ଦୁର୍ଘଟଣା ଘଟିଥିଲା ବୋଲି କୁହାଯାଉଛି । ତେବେ ଅଟୋରେ କେତେ ଜଣ ପିଲା ବସିଥିଲେ, ଘଟଣା ସମୟରେ ଅଟୋ କେତେ ବେଗରେ ଯାଉଥିଲା, ଅଟୋର ଫିଟନେସ୍ କେମିତି ଥିଲା ଓ ଡ୍ରାଇଭର୍ ଗାଡ଼ି ଚ଼ଳେଇବା ପାଇଁ ପ୍ରଶିକ୍ଷିତ ଥିଲେ କି ନାହିଁ ଏ ସବୁ ପୋଲିସ ତଦନ୍ତରୁ ଜଣା ପଡ଼ିବ ।
ହସ୍ପିଟାଲରେ ମୃତ ଶିଶୁର ମାଆ ଓ ପରିଜନ ବ୍ୟାକୁଳ କ୍ରନ୍ଦନ କରୁଛନ୍ତି ।
- News18 Odia
- Last Updated: February 19, 2020, 2:32 PM IST
- Share this:
ବ୍ରହ୍ମପୁର: ଆଜି ସକାଳେ ଗଞ୍ଜାମ ଜିଲ୍ଲାର ଦିଗପହଣ୍ଡିରେ ଘଟିଛି ଏକ ଦୁଃଖଦ ଓ ଅଭାବନୀୟ ଘଟଣା । ଗୋଟେ ସ୍କୁଲର ଅଟୋରିକ୍ସାରୁ ଖସି ପଡ଼ି ଜଣେ ପାଞ୍ଚ ବର୍ଷର ଛାତ୍ରର ଆକାଳ ମୃତ୍ୟୁ ଘଟିଛି ।
ଘଟଣା ଘଟିଛି ଦିଗପହଣ୍ଡି ଥାନା ଅନ୍ତର୍ଗତ ତିଳେଶ୍ବର ନିକଟରେ । ଆଜି ସକାଳେ ଏକ ଅଟୋରିକ୍ସାରେ ପିଲାମାନେ ସ୍ଥାନୀୟ ଶିଶୁମନ୍ଦିର ବିଦ୍ୟାଳୟକୁ ଯାଉଥିବାବେଳେ ପାଞ୍ଚ ବର୍ଷର ଛାତ୍ର ଅଜୟ ପ୍ରଧାନ ଅଟୋରୁ ଖସିପଡ଼ିଥିଲା । ସଙ୍ଗେ ସଙ୍ଗେ ତାକୁ ନିକଟସ୍ଥ ହସ୍ପିଟାଲକୁ ନିଆଯାଇଥିଲା, ହେଲେ ଘଟଣା ସ୍ଥଳରେ ହିଁ ତା’ର ମୃତ୍ୟୁ ହୋଇସାରିଥିଲା ।
ଅଟୋ ଡ୍ରାଇଭର ଜଣକ ହଠାତ୍ ବ୍ରେକ୍ ମାରିବାରୁ ଏହି ଦୁର୍ଘଟଣା ଘଟିଥିଲା ବୋଲି କୁହାଯାଉଛି । ତେବେ ଅଟୋରେ କେତେ ଜଣ ପିଲା ବସିଥିଲେ, ଅଟୋଟି ଘଟଣା ସମୟରେ କେତେ ବେଗରେ ଯାଉଥିଲା, ଅଟୋଟିର ଫିଟନେସ୍ କେମିତି ଥିଲା ଓ ଡ୍ରାଇଭର୍ ଗାଡ଼ି ଚ଼ଳେଇବା ପାଇଁ ପ୍ରଶିକ୍ଷିତ ଥିଲେ କି ନାହିଁ ଏ ସବୁ ବିଷୟ ପୋଲିସ ତଦନ୍ତରୁ ଜଣା ପଡ଼ିବ । ଦିଗପହଣ୍ଡି ଥାନାରେ ଏ ସମ୍ପର୍କରେ ଏକ ମାମଲା ରୁଜୁ ହୋଇ ତଦନ୍ତ ଆରମ୍ଭ ହୋଇଛି । ଅଟୋର ଡ୍ରାଇଭରକୁ ପୋଲିସ୍ ଅଟକ ରଖିଛି ।
