ଶ୍ରୀମନ୍ଦିର ମେଘନାଦ ପାଚେରୀ ନିକଟରେ ନିଆଁ; ସୁରକ୍ଷା ଉପରେ ପ୍ରଶ୍ନବାଚୀ

News 18 Odia Digital

ପୁରୀ; ଶ୍ରୀମନ୍ଦିର ପେଜନଳା ନିକଟରେ ମେଘନାଦ ପାଚେରୀ ପାଖରେ ଅଳିଆ ଗଦାରେ ନିଆଁ । ଶ୍ରୀମନ୍ଦିର ଭିତରୁ କୁଡୁଆ ଓ ରୋଷଘରୁ ବାହାରିଥିବା ଅଙ୍ଗାର ଏବଂ ଅଳିଆ ଆବର୍ଜନା ମନ୍ଦିର ଭିତରୁ ସେହି ଜାଗାରେ ଫିଙ୍ଗାଯାଏ । ସେହି ଆବର୍ଜନାରେ ଥିବା ଦୀପ ବଳିତାରୁ ନିଆଁ କୁହୁଳି ଖୁବ ଜୋରରେ ଜଳିଥିଲା ।

ନିଆଁ ଲିଭାଇବା ପାଇଁ ସେବାୟତମାନେ ପୋଲିସ ଓ ଅଗ୍ନିଶମକୁ ଖବର ଦେଲେଥିଲେ କିନ୍ତୁ ଦୁଇଘଣ୍ଟା ପର୍ଯ୍ୟନ୍ତ କେହି ଆସିନଥିଲେ । ତେଣୁ ବାଧ୍ୟ ହୋଇ ସେବାୟତ ଓ ସ୍ଥାନୀୟ ଦୋକାନୀ ଲିଭାଇବା ପାଇଁ ଅଣ୍ଟାଭିଡିଥିଲେ । ବହୁ ବିଳମ୍ୱରେ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ । ତେବେ ଶ୍ରୀମନ୍ଦିର ପାଖରେ ଏଭଳି ନିଆଁ ଲାଗିଥିବା ଘଟଣାକୁ ନେଇ ମନ୍ଦିର ସୁରକ୍ଷା ଉପରେ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି ।