ରାଜ୍ୟର ସବୁ ସ୍କୁଲ୍ ଛାତ୍ରଛାତ୍ରୀମାନଙ୍କର ଚକ୍ଷୁ ପରୀକ୍ଷା ମାଗଣାରେ ହେବ, ଚଷମା ବି ମିଳିବ ମାଗଣାରେ

ଓଡିଶା ସରକାର ରାଜ୍ୟର ସମସ୍ତ ଜନସାଧାରଣଙ୍କୁ ୨୦୨୩ ସୁଦ୍ଧା ଉତ୍ତମ ଏବଂ ଉନ୍ନତ ମାନର ଚକ୍ଷୁ ସ୍ୱାସ୍ଥ୍ୟ ସେବା ଯୋଗାଇ ଦେବାକୁ ଲକ୍ଷ୍ୟ ରଖିଛନ୍ତି

ଓଡିଶା ସରକାର ରାଜ୍ୟର ସମସ୍ତ ଜନସାଧାରଣଙ୍କୁ ୨୦୨୩ ସୁଦ୍ଧା ଉତ୍ତମ ଏବଂ ଉନ୍ନତ ମାନର ଚକ୍ଷୁ ସ୍ୱାସ୍ଥ୍ୟ ସେବା ଯୋଗାଇ ଦେବାକୁ ଲକ୍ଷ୍ୟ ରଖିଛନ୍ତି

ଓଡିଶା ସରକାର ରାଜ୍ୟର ସମସ୍ତ ଜନସାଧାରଣଙ୍କୁ ୨୦୨୩ ସୁଦ୍ଧା ଉତ୍ତମ ଏବଂ ଉନ୍ନତ ମାନର ଚକ୍ଷୁ ସ୍ୱାସ୍ଥ୍ୟ ସେବା ଯୋଗାଇ ଦେବାକୁ ଲକ୍ଷ୍ୟ ରଖିଛନ୍ତି

  • Share this:
ଭୁବନେଶ୍ୱର: ଓଡ଼ିଶାରେ ଲାଗୁ ହୋଇଥିବା ସୁନେତ୍ର ଯୋଜନାରେ ସମସ୍ତ ସ୍କୁଲ୍‌ ଛାତ୍ରଛାତ୍ରୀମାନଙ୍କର ପ୍ରତି ବର୍ଷ ମାଗଣାରେ ଚକ୍ଷୁ ପରୀକ୍ଷା ହେବ। ଏଥି ସହିତ ଦୃଷ୍ଟିଗତ ସମସ୍ୟା ଥିବା ପିଲାମାନଙ୍କୁ ସରକାର ମାଗଣାରେ ଚ଼ଷମା ବି ଯୋଗାଇ ଦେବେ ।

ଏଇ ଯୋଜନାରେ ଯେ କୌଣସି ପ୍ରକାରର ଜଟିଳ ଚକ୍ଷୁ ରୋଗର ଆବଶ୍ୟକ ଚି଼କିତ୍ସା ଡାକ୍ତରଖାନାରେ ହେଇପାରିବ । ମିଳୁଥିବା ସୁବିଧାଗୁଡ଼ିକୁ ପାଇବାକୁ କୌଣସି କାଗଜପତ୍ର ଦରକାର ହୁଏ ନାହିଁ ।

 

ତା ଛଡ଼ା ପ୍ରତି ବର୍ଷ ବୟସ୍କ ଲୋକମାନଙ୍କ ପାଇଁ ମାଗଣାରେ ଆଖି ପରୀକ୍ଷା ଓ ଆବଶ୍ୟକ ଚା଼ଳିଶିଆ ଚଷମା ପାଇଁ  ମଧ୍ୟ ବ୍ୟବସ୍ଥା କରାଯାଇଛି । ଏହି ଯୋଜନାରେ ବୟସ୍କ ଲୋକଙ୍କ ମୋତିଆ ବିନ୍ଦୁ ଅସ୍ତ୍ରୋପଚାର ବି ମାଗଣାରେ ହେବ।  ଏହି ସବୁ ସୁବିଧା ନିକଟସ୍ଥ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ଉପଖଣ୍ଡସ୍ତରୀୟ ଡାକ୍ତରଖାନା, ଜିଲ୍ଲା ଡାକ୍ତରଖାନା ଓ ମେଡିକାଲ କଲେଜଗୁଡିକରେ ମିଳିବ ।

ସୁନେତ୍ର ଯୋଜନାରେ 4ଟି ଭ୍ରାମ୍ୟମାଣ ଚକ୍ଷୁ ଯତ୍ନ କେନ୍ଦ୍ରର ଶୁଭାରମ୍ଭ କରାଯାଇଛି । ରାଜ୍ୟ ଓୗଷଧ ନିଗମ ପରିସରରରୁ ମନ୍ତ୍ରୀ ଏହି ଗାଡ଼ିର ଶୁଭାରମ୍ଭ କରିଛନ୍ତି ସ୍ୱାସ୍ଥ୍ୟ ମନ୍ତ୍ରୀ ନବକଶୋର ଦାସ ।

 

ଏହା ଖୋର୍ଧା, ଗଞ୍ଜାମ, ଝାରସୁଗୁଡ଼ା ଓ ସୁନ୍ଦରଗଡ଼ ଜିଲ୍ଲାରେ କାର୍ଯ୍ୟକ୍ଷମ ହେବ । 2018-19 ବର୍ଷରେ 10ଟି ଜିଲ୍ଲାରେ ଭ୍ରାମ୍ୟମାଣ ଚକ୍ଷୁ କେନ୍ଦ୍ର କାର୍ଯ୍ୟକ୍ଷମ ହୋଇଥିବା ବେଳେ 2019-20 ବର୍ଷରେ 10ଟି ଜିଲ୍ଲାପାଇଁ 10ଟି ଭ୍ରାମ୍ୟମାଣ ଚକ୍ଷୁ କେନ୍ଦ୍ର କାର୍ଯ୍ୟକ୍ଷମର ବ୍ୟବସ୍ଥା କରାଯାଇଛି । ତେବେ ଉତ୍ତମ ଓ ଉନ୍ନତ ମାନର ଚକ୍ଷୁ ସେବା 2018-19 ବର୍ଷରେ 50ଟି ସ୍ୱାସ୍ଥ୍ୟକେନ୍ଦ୍ରକୁ ଆଧୁନିକ ଉପକରଣ ଯୋଗାଇ ଦିଆଯାଇଥିବା ବେଳେ 2019-20 ବର୍ଷରେ 50ଟି ସ୍ୱାସ୍ଥ୍ୟକେନ୍ଦ୍ରକୁ ଆଧୁନିକ ଉପକରଣ ଯୋଗାଇଦିଆଯିବାକୁ ବ୍ୟବସ୍ଥା କରାଯାଇଛି ।

 

ସେହି ପରି 3ଟି ଭ୍ରାମ୍ୟମାଣ ରକ୍ତ ସଂଗ୍ରହ ଯାନର ମଧ୍ୟ ଶୁଭାରମ୍ଭ କରାଯାଇଛି । ଯେଉଁ ଅଞ୍ଚଳରେ ଭିତ୍ତିଭୂମିର ଅଭାବ ପାଇଁ ସ୍ୱେଚ୍ଛାକୃତ ରକ୍ତଦାନ ଶିବିରର ଆୟୋଜନ କରାଯାଇପାରୁନି ସେହି ସ୍ଥାନରେ ନିରାପଦ ରକ୍ତ ସଂଗ୍ରହ, ସଂଗୃହିତ ରକ୍ତର ସ୍ଥାନାନ୍ତରୀକରଣ ଏବଂ ଦୁର୍ଗମ ଅଞ୍ଚଳରେ ସ୍ୱେଚ୍ଛାକୃତ ରକ୍ତଦାନକୁ ପ୍ରୋତ୍ସାହିତ କରିବା ଲକ୍ଷରେ ଏଭଳି ପଦକ୍ଷେପ ନିଆଯାଉଛି ।

ଓଡିଶା ସରକାର ରାଜ୍ୟର ସମସ୍ତ ଜନସାଧାରଣଙ୍କୁ ୨୦୨୩ ସୁଦ୍ଧା ଉତ୍ତମ ଏବଂ ଉନ୍ନତ ମାନର ଚକ୍ଷୁ ସ୍ୱାସ୍ଥ୍ୟ ସେବା ଯୋଗାଇ ଦେବାକୁ ଲକ୍ଷ୍ୟ ରଖିଛନ୍ତି ।
First published: