୨୨ ଲକ୍ଷ ଟଙ୍କାର ଧଳା ଜହର ସହ ଜଣେ ମହିଳାଙ୍କୁ ଗିରଫ କଲା ଅବକାରୀ ବିଭାଗ

News 18 Odia Digital

ଭୁବନେଶ୍ୱର : ରାଜଧାନୀରେ ଦିନକୁ ଦିନ ବଢ଼ିବାରେ ଲାଗିଛି ନିଶା କାରବାର । ଏଥିରେ ବହୁଳ ପରିମାଣରେ ମହିଳା ମାନେ ସଂପୃକ୍ତ ରହୁଛନ୍ତି । ଶୁକ୍ରବାର ଦିନ ଅବକାରୀ ବିଭାଗ ରାଜଧାନୀରୁ ୨୨ ଲକ୍ଷ ଟଙ୍କାର ବ୍ରାଉନସୁଗାର ଜବତ କରିଛି । ରାଜଧାନୀରେ ଧଳାଜହର କାରବାର ପଛରେ ନିଶା ମାଫିଆମାନେ ବେଶ ସକ୍ରିୟ ହୋଇ ବେଧଡକ ଭାବେରେ ବ୍ୟବସାୟୀ କରୁଥିବାର ଦେଖିବାକୁ ମିଳୁଛି ।

ଅବକାରୀ ବିଭାଗର ଫ୍ଲାଇଂ ସ୍କ୍ବାର୍ଡ କ୍ୟାପିଟାଲ ଥାନା ଅନ୍ତର୍ଗତ ପିଏଚଡି କଲୋନିର କେଦାରପଲ୍ଲୀ ବସ୍ତିରୁ ଏହାକୁ ଜବତ କରିଛି । ଜବତ ବ୍ରାଉନସୁଗର ପରିମାଣ ପାଖାପାଖି ୨୨୪ ଗ୍ରା.ମ ହେବ । ଏହି ଘଟଣାରେ ସମ୍ପୃକ୍ତ ମହିଳା ଡ୍ରଗ୍ସ ମାଫିଆକୁ ମଧ୍ୟ ଗିରଫ କରିଛି ଅବକାରୀ ବିଭାଗ । ଅଭିଯୁକ୍ତ ମହିଳା ହେଉଛନ୍ତି କେଦାରପଲ୍ଲୀ ବସ୍ତିର ସୁଷମା ନାୟକ । ସେ ଦୀର୍ଘଦିନ ଧରି ବ୍ରାଉନସୁଗାର କାରାବର କରୁଥିବା ଜଣାପଡିଛି । ଜବତ ବ୍ରାଉନସୁଗାରକୁ ଖୋର୍ଦ୍ଧାରୁ ଆଣି ଜଣେ ଯୁବକ ଦେଉଥିବାର ପ୍ରାଥମିକ ତଦନ୍ତ ବେଳେ ଜଣା ପଡ଼ିଛି।

ମହିଳା ଜଣଙ୍କ ପ୍ରତି ପୁଡ଼ିଆ ପିଛା ୧୦୦ ଟଙ୍କା କମିଶନ ନେଇ ବେପାର କରୁଥିଲେ । ମହିଳା ଜଣଙ୍କ କହିଛନ୍ତି ସେ ଦୁଇ ମାସ ହେବ ବ୍ରାଉନସୁଗାର କାରବାର କରୁଛନ୍ତି । ପୂର୍ବରୁ ସେ ବିଏମସିର ଠିକା ସଫେଇ କର୍ମଚାରୀ ଭାବେ କାମ କରୁଥିଲେ । ହେଲେ ଚାକିରି ଯିବା କିଛି ଉପାୟ ନପାଇ ଏହି ବେପାର କରୁଛନ୍ତି ବୋଲି ସେ କହିଛନ୍ତି ।