- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- ହାତୀ ଛଡାଇନେଲା ୨ପୁଅଙ୍କୁ; ଦମ୍ପତିଙ୍କ ସାମ୍ନାରେ ନିଜ ପିଲାଙ୍କୁ କଚାଡି ମାରିଲା
ହାତୀ ଛଡାଇନେଲା ୨ପୁଅଙ୍କୁ; ଦମ୍ପତିଙ୍କ ସାମ୍ନାରେ ନିଜ ପିଲାଙ୍କୁ କଚାଡି ମାରିଲା
ଇଟା କାମ କରି ପେଟ ପାଇଁ ଦାନା ଯୋଗାଡ କରିବାକୁ ଛତିଶଗଡରୁ ଓଡ଼ିଶା ଆସିଥିଲେ ଦମ୍ପତି । କିନ୍ତୁ ଭାଗ୍ୟରେ ଥିଲା ପେଟଠୁ ବଳି ଯନ୍ତ୍ରଣା । ନିଜ ଆଖି ସାମ୍ନାରେ ୨ପୁଅଙ୍କୁ କଚାଡି ମାରିଲା ହାତୀ ।
ହାତୀ ଛଡେଇନେଲା ୨ପୁଅଙ୍କୁ; ଦମ୍ପତିଙ୍କ ସାମ୍ନାରେ ନିଜ ପିଲାଙ୍କୁ କଚାଡି ମାରିଲା
News 18 Odia Digital
ଝାରସୁଗୁଡା; କୋଳ ଖାଲି କରିଦେଲା ହାତୀ । ଶୋଇଥିବା ଅବସ୍ଥାରେ ୨ ଭାଈଙ୍କୁ ଟେକିନେଇ କଚାଡି ମାରିଦେଲା ଏକ ଜଙ୍ଗଲି ହାତୀ । ଏ ହୃଦୟ ବିଦାରକ ଘଟଣାଟି ଜନ୍ମକଲା ବାପା, ମାଆଙ୍କ ଆଖି ସାମ୍ନାରେ ଘଟିଛି । ଉଭୟ ବାପା, ମାଆ ନିଜ ଛୁଆଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ ମଧ୍ୟ ଅସଫଳ ହୋଇ ନିଜେ ଆଘାତ ପାଇଛନ୍ତି । ଏବେ କେବଳ ନିଜ ପିଲାଙ୍କ କଥା ଭାବି ଆଖିରୁ ଲୁହ ଗଡାଉଛନ୍ତି । ବାଗଡିହି ଫରେଷ୍ଟ ରେଞ୍ଜ୍ ଭଉଁରା ଅଞ୍ଚଳରେ ଏପରି ଏକ ଦୁଃଖଦ ଘଟଣା ଘଟିଛି ।
ଇଟାକାମ କରିବାକୁ ଉମେଶ ରାମ ସତନମୀ ଓ ତାଙ୍କ ପତ୍ନୀ ଲେହେରାବାଈ ସତନମୀ ନିଜ ଦୁଇ ପୁଅ ଧନଞ୍ଜୟ ଓ ଅଭୟଙ୍କୁ ନେଇ ଓଡ଼ିଶା ଆସିଥିଲେ । କିନ୍ତୁ ପେଟର ଯନ୍ତ୍ରଣା ଠାରୁ ବଳିଗଲା ତାଙ୍କ ଜୀବନ ସହ ଘଟିଯାଇଥିବା ଏପରି ଏକ ଘଟଣା । ଗତକାଲି ରାତିରେ ଉଭୟ ଦମ୍ପତି ନିଜ ଦୁଇ ପିଲାଙ୍କ ସହ ଏକ ପାଳତଳେ ଶୋଇଥିଲେ । ଉକ୍ତ ସମୟରେ ଏକ ଜଙ୍ଗଲି ହାତୀ ସେ ଅଞ୍ଚଳରେ ପହଞ୍ଚି ପ୍ରଥମେ ଜରିପାଲକୁ ଟାଣିନେଇଥିଲା । ଆଖି ପିଛୁଳାକେ ଦୁଇ ପିଲାଙ୍କ ଉପରେ ଆକ୍ରମଣ କରିଥିଲା ହାତୀ । ଫଳରେ କିଛି ଉପାୟ ପାଇନଥିଲେ ଦମ୍ପତି । ପରେ ଦୁଇ ପିଲାଙ୍କ ମୃତଦେହ ମିଳିଥିଲା ଏକ ଜରିପାଲ ତଳୁ । ଘଟଣାରେ ଲେହେରାବାଈଙ୍କ ହାତ ଭାଙ୍ଗିଛି ଏବଂ ତାଙ୍କ ସ୍ୱାମୀ ଧନଜ୍ଞୟ ମଧ୍ୟ ଆହତ ହୋଇଛନ୍ତି । ଉଭୟଙ୍କୁ ଝାରସୁଗୁଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ କରାଯାଉଛି ।
ଘଟଣା ସମ୍ପର୍କରେ ତଦନ୍ତ କରୁଛି ବନ ବିଭାଗ ଓ ପୋଲିସ । ଝାରସୁଗୁଡା ଡିଏଫଓ କହିଛନ୍ତି ଯେ, ତଦନ୍ତ ପରେ ସରକାରୀ ନିୟମ ଅନୁସାରେ ଦମ୍ପତିଙ୍କୁ କ୍ଷତିପୂରଣ ଯୋଗାଇଦିଆଯିବ ।
ଝାରସୁଗୁଡା; କୋଳ ଖାଲି କରିଦେଲା ହାତୀ । ଶୋଇଥିବା ଅବସ୍ଥାରେ ୨ ଭାଈଙ୍କୁ ଟେକିନେଇ କଚାଡି ମାରିଦେଲା ଏକ ଜଙ୍ଗଲି ହାତୀ । ଏ ହୃଦୟ ବିଦାରକ ଘଟଣାଟି ଜନ୍ମକଲା ବାପା, ମାଆଙ୍କ ଆଖି ସାମ୍ନାରେ ଘଟିଛି । ଉଭୟ ବାପା, ମାଆ ନିଜ ଛୁଆଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ ମଧ୍ୟ ଅସଫଳ ହୋଇ ନିଜେ ଆଘାତ ପାଇଛନ୍ତି । ଏବେ କେବଳ ନିଜ ପିଲାଙ୍କ କଥା ଭାବି ଆଖିରୁ ଲୁହ ଗଡାଉଛନ୍ତି । ବାଗଡିହି ଫରେଷ୍ଟ ରେଞ୍ଜ୍ ଭଉଁରା ଅଞ୍ଚଳରେ ଏପରି ଏକ ଦୁଃଖଦ ଘଟଣା ଘଟିଛି ।
ଇଟାକାମ କରିବାକୁ ଉମେଶ ରାମ ସତନମୀ ଓ ତାଙ୍କ ପତ୍ନୀ ଲେହେରାବାଈ ସତନମୀ ନିଜ ଦୁଇ ପୁଅ ଧନଞ୍ଜୟ ଓ ଅଭୟଙ୍କୁ ନେଇ ଓଡ଼ିଶା ଆସିଥିଲେ । କିନ୍ତୁ ପେଟର ଯନ୍ତ୍ରଣା ଠାରୁ ବଳିଗଲା ତାଙ୍କ ଜୀବନ ସହ ଘଟିଯାଇଥିବା ଏପରି ଏକ ଘଟଣା । ଗତକାଲି ରାତିରେ ଉଭୟ ଦମ୍ପତି ନିଜ ଦୁଇ ପିଲାଙ୍କ ସହ ଏକ ପାଳତଳେ ଶୋଇଥିଲେ । ଉକ୍ତ ସମୟରେ ଏକ ଜଙ୍ଗଲି ହାତୀ ସେ ଅଞ୍ଚଳରେ ପହଞ୍ଚି ପ୍ରଥମେ ଜରିପାଲକୁ ଟାଣିନେଇଥିଲା । ଆଖି ପିଛୁଳାକେ ଦୁଇ ପିଲାଙ୍କ ଉପରେ ଆକ୍ରମଣ କରିଥିଲା ହାତୀ । ଫଳରେ କିଛି ଉପାୟ ପାଇନଥିଲେ ଦମ୍ପତି । ପରେ ଦୁଇ ପିଲାଙ୍କ ମୃତଦେହ ମିଳିଥିଲା ଏକ ଜରିପାଲ ତଳୁ । ଘଟଣାରେ ଲେହେରାବାଈଙ୍କ ହାତ ଭାଙ୍ଗିଛି ଏବଂ ତାଙ୍କ ସ୍ୱାମୀ ଧନଜ୍ଞୟ ମଧ୍ୟ ଆହତ ହୋଇଛନ୍ତି । ଉଭୟଙ୍କୁ ଝାରସୁଗୁଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ କରାଯାଉଛି ।
ଘଟଣା ସମ୍ପର୍କରେ ତଦନ୍ତ କରୁଛି ବନ ବିଭାଗ ଓ ପୋଲିସ । ଝାରସୁଗୁଡା ଡିଏଫଓ କହିଛନ୍ତି ଯେ, ତଦନ୍ତ ପରେ ସରକାରୀ ନିୟମ ଅନୁସାରେ ଦମ୍ପତିଙ୍କୁ କ୍ଷତିପୂରଣ ଯୋଗାଇଦିଆଯିବ ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
