ମା'ଙ୍କ ଷଷ୍ଠୀ ପୂଜା ଦେଖିବାକୁ ମଣ୍ଡପରେ ଶ୍ରଦ୍ଧାଳୁଙ୍କ ଭିଡ଼; ମନ ମୋହୁଛି ରସୁଲଗଡ଼ ପୂଜା ପେଣ୍ଡାଲ

ଚଳିତ ବର୍ଷ ସବୁ ପୂଜା ମଣ୍ଡପ ଶ୍ରଦ୍ଧାଳୁଙ୍କୁ ଆକୃଷ୍ଟ କରିବା ପାଇଁ ଭିନ୍ନ ଭିନ୍ନ ଡିଜାଇନରେ ମା'ଙ୍କ ପେଣ୍ଡାଲକୁ ସଜାଇବା ସାଙ୍ଗକୁ ମନୋରମ ତୋରଣ କରିଛନ୍ତି। ଏହାରି ମଧ୍ୟରେ ରସୁଲଗଡ଼ ପୂଜା ମଣ୍ଡପ ମଧ୍ୟ କିଛି ଭିନ୍ନ କରିବାକୁ ଚେଷ୍ଟା କରିଛି ।

ମା'ଙ୍କ ଷଷ୍ଠୀ ପୂଜା ଦେଖିବାକୁ ମଣ୍ଡପରେ ଶ୍ରଦ୍ଧାଳୁଙ୍କ ଭିଡ଼; ମନ ମୋହୁଛି ରସୁଲଗଡ଼ ପୂଜା ପେଣ୍ଡାଲ

ମା'ଙ୍କ ଷଷ୍ଠୀ ପୂଜା ଦେଖିବାକୁ ମଣ୍ଡପରେ ଶ୍ରଦ୍ଧାଳୁଙ୍କ ଭିଡ଼; ମନ ମୋହୁଛି ରସୁଲଗଡ଼ ପୂଜା ପେଣ୍ଡାଲ

  • News18 Odia
  • Last Updated :
  • Bhubaneswar, India
  • Share this:
News 18 Odia Digital

ଭୁବନେଶ୍ୱର; ଆଜିଠାରୁ ରାଜଧାନୀର ପୂଜା ପେଣ୍ଡାଲରେ ମାଆଙ୍କ ଷଷ୍ଠୀ ପୂଜା ଦର୍ଶନ କରିଛନ୍ତି ଶ୍ରଦ୍ଧାଳୁ । କୋଭିଡ୍ କଟକଣା ଯୋଗୁଁ ଗତ ଦୁଇବର୍ଷ ହେଲା ପୂଜା ଜାକଜମକରେ ପାଳିତ ହୋଇପାରିନଥିଲା । ଚଳିତ ବର୍ଷ ସବୁ ପୂଜା ମଣ୍ଡପ ଶ୍ରଦ୍ଧାଳୁଙ୍କୁ ଆକୃଷ୍ଟ କରିବା ପାଇଁ ଭିନ୍ନ ଭିନ୍ନ ଡିଜାଇନରେ ମା'ଙ୍କ ପେଣ୍ଡାଲକୁ ସଜାଇବା ସାଙ୍ଗକୁ ମନୋରମ ତୋରଣ କରିଛନ୍ତି। ଏହାରି ମଧ୍ୟରେ ରସୁଲଗଡ଼ ପୂଜା ମଣ୍ଡପ ମଧ୍ୟ କିଛି ଭିନ୍ନ କରିବାକୁ ଚେଷ୍ଟା କରିଛି ।

ଦିଲ୍ଲୀ ଅକ୍ଷରଧାମ ମନ୍ଦିରର ପ୍ରତିକୃତି ତିଆରି କରିବା ପାଇଁ ରସୁଲଗଡ଼ ଭୂବନେଶ୍ୱରରେ ୧ମାସରୁ ଅଧିକ ସମୟ ଧରି କାମରେ ଲାଗିଥିଲେ । ଦୁଇ ବର୍ଷର କୋଭିଡ୍ ବ୍ୟବଧାନ ପରେ ରସୁଲଗଡ ଦୁର୍ଗା ପୂଜା କମିଟି ଅକ୍ଷରରାମ ମନ୍ଦିର ସହିତ ଦେବୀ ଦୁର୍ଗାଙ୍କୁ ସ୍ୱାଗତ କରିବାକୁ ପ୍ରସ୍ତୁତି ଚଳାଇଛନ୍ତି । କୋଲକାତାର ୬୦ ଜଣ କାରିଗର ଏହି ପେଣ୍ଡାଲ ସ୍ଥାପନ ପାଇଁ ଏକ ମାସରୁ ଅଧିକ ସମୟ ଧରି କାର୍ଯ୍ୟ କରିଛନ୍ତି ।

କାରିଗରମାନେ କହିଛନ୍ତି ଯେ ଇକୋ - ଫ୍ରେଣ୍ଡଲି ସାମଗ୍ରୀ, ମୁଖ୍ୟତଃ ବାଉଁଶ ଓ ମ୍ୟାଟ୍ (ଚଟାଇ) ଏବଂ ଉଡେନ ଆଇସ-କ୍ରିମ୍ ଷ୍ଟିକ୍ ସହିତ ସମ୍ପୂର୍ଣ୍ଣ ଢାଞ୍ଚା ତିଆରି ହୋଇଛି । ଏହାର ଉଚ୍ଚତା ୮୦ ଫୁଟ ଏବଂ ପ୍ରସ୍ଥ ୧୨୦ ଫୁଟ ହେବ । ପୂଜା ଆରମ୍ଭ ହୋଇସାରିଥିବା ବେଳେ କାରିଗରମାନେ ପେଣ୍ଡାଲ କାମ ମଧ୍ୟ ସଂପୂର୍ଣ୍ଣ କରିସାରିଛନ୍ତି । ପୂଜା ପେଣ୍ଡାଲକୁ ଦେଖିଲେ ଅବିକଳ ଦିଲ୍ଲୀ ଅକ୍ଷରଧାମ ମନ୍ଦିର ପରି ଦେଖାଯାଉଛି। ଏହା ସହିତ କାରିଗରଙ୍କର ନିଖୁଣ କଳା ମଧ୍ୟ ଏହି ପେଣ୍ଡାଲରେ ଦେଖିବାକୁ ପାଇବେ ।

କମିଟି ସଭାପତି ମାଲାୟ କୁମାର ରାଉତ କହିଛନ୍ତି, "ଆମେ ଗତ ତିନି ଦଶନ୍ଧି ଧରି ରସୁଲଗଡରେ ପୂଜା ପାଳନ କରୁଛୁ । ଆମର ପେଣ୍ଡାଲ ପ୍ରତିବର୍ଷ ବହୁ ସଂଖ୍ୟାରେ ଲୋକଙ୍କୁ ଆକର୍ଷିତ କରିଥାଏ । ଲୋକମାନେ ଆମର ସୃଜନଶୀଳତା ଓ ଚିନ୍ତାଧାରାକୁ ପ୍ରଶଂସା କରନ୍ତି।"

ଆୟୋଜକମାନେ ଏହା ମଧ୍ୟ କହିଛନ୍ତି ଯେ ଅକ୍ଷରଧାମ - ଷ୍ଟାଇଲ୍ ପେଣ୍ଡାଲ୍ କେବଳ ଚିତ୍ରଣ ହେବ ନାହିଁ, ବରଂ ମା'ଙ୍କ ଶୃଙ୍ଖଳିତ ଦର୍ଶନ ପାଇଁ ମଧ୍ୟ ସମସ୍ତ ପ୍ରକାର ଉଦ୍ୟମ କରାଯାଇଛି । ପେଣ୍ଡାଲ ନିକଟରେ ଏକ ମିନି ବଜାର ପଡ଼ିବ, ଆୟୋଜକମାନେ ସନ୍ଧ୍ୟା ସମୟରେ ସାଂସ୍କୃତିକ କାର୍ଯ୍ୟକ୍ରମ ପାଇଁ ମଧ୍ୟ ଯୋଜନା କରିଛନ୍ତି ।

ଅକ୍ଟୋବର ୧ରୁ ଷଷ୍ଠୀରୁ ଅର୍ଥାତ୍ ଆଜି ଠାରୁ ସର୍ବସାଧାରଣ ଦର୍ଶନ ଆରମ୍ଭ ହୋଇଛି , ସାଂସ୍କୃତିକ କାର୍ଯ୍ୟକ୍ରମ ଅକ୍ଟୋବର ୨ ରେ ସପ୍ତମୀଠାରୁ ଆରମ୍ଭ ହେବ । ଚଳିତ ବର୍ଷ ମୂର୍ତ୍ତିର ଉଚ୍ଚତା ୨୨ ଫୁଟ ରହିଛି । କମିଟି ମଧ୍ୟ ଅକ୍ଟୋବର ୨ ରୁ ୫ ପେଣ୍ଡାଲରେ ମାଗଣା ପ୍ରସାଦ ବଣ୍ଟନ କରିବାକୁ ନିଷ୍ପତ୍ତି ନେଇଛି ।
Published by:Soubhagya Mishra
First published: