ଧଳାଜହର ବଳୟରେ ଶ୍ରୀକ୍ଷେତ୍ର; ୫ ଲକ୍ଷ ଟଙ୍କାର ବ୍ରାଉନସୁଗାର ଜବତ

News 18 Odia Digital

ପୁରୀ: ଶ୍ରୀକ୍ଷେତ୍ରରୁ ପୁଣି ଧଳାଜହର ଜବତ ।‌ ଏସଟିଏଫ ଓ ବଳିଆ ପଣ୍ଡା ଥାନା ପୋଲିସର ମିଳିତ ପ୍ରୟାସରେ ୫ ଲକ୍ଷ ଟଙ୍କାର ବ୍ରାଉନ ସୁଗାର ଜବତ କରାଯାଇଛି । ଏଥିସହ ପାଞ୍ଚଜଣ ଆନ୍ତଃ ଜିଲ୍ଲା ବ୍ରାଉନସୁଗାର ବେପାରୀକୁ ଗିରଫ କରିଛି ପୋଲିସ ।

ଗିରଫ ଅଭିଯୁକ୍ତ ମାନେ ହେଉଛନ୍ତି କାକଟପୁର ଖଣ୍ଡା ସାହିର ଅବିନାଶ ପରିଡା, ପୁରୀ ବାଲି ନୋଳିଆ ସାହିର ପି. କାଳିଆ, ଗୋପାଳପୁର ଭୋଇ ସାହିର ତୋଫାନ ଭୋଇ, ମଙ୍ଗଳା ସାହିର ଶଙ୍କର ମଲ୍ଲିକ, ଖୋର୍ଦ୍ଧା ଗାନ୍ଧୀ ପଡ଼ିଆର ରାମଚନ୍ଦ୍ର ଦାସ । ଏହି ଅଭିଯୁକ୍ତ ମାନେ ଷ୍ଟର୍ଲିଙ୍ଗ ଛକଠାରେ ବ୍ରାଉନ ସୁଗାର ଚାଲାଣ କରୁଥିବା ବେଳେ ପୋଲିସ ଏମାନଙ୍କୁ ମାଡ଼ି ବସିଥିଲା । ଅଭିଯୁକ୍ତଙ୍କ ଠାରୁ ୫୫ ଗ୍ରାମ ବ୍ରାଉନ ସୁଗାର, ଚାରୋଟି ବାଇକ୍ ଓ ମୋବାଇଲ ଫୋନ ସହ ନଗଦ ୧୦୮୦ ଟଙ୍କା ଜବତ କରିଛି ପୋଲିସ । ଗିରଫ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଥିବା ଏକ ପ୍ରେସ୍ ବିଜ୍ଞପ୍ତି ମାଧ୍ୟମରେ ସୂଚନା ଦେଇଛି ପୁରୀ ପୋଲିସ । ତେବେ ଏଯାବତ ପୁରୀ ପୋଲିସ ୮ କେଜି ୭୫ ଗ୍ରାମ ଅର୍ଥାତ ୮ କୋଟି ଟଙ୍କାର ବ୍ରାଉନସୁଗାର ଜବତ କଲେଣି ।