• ହୋମ୍
  • »
  • ଓଡ଼ିଶା ନ୍ୟୁଜ୍
  • »
  • ଓଡ଼ିଶା
  • »
  • ଅଭିଭାବକଙ୍କୁ ବିଶିଷ୍ଟ ମନୋବିଜ୍ଞାନୀ ଡ଼ଃ ସଞ୍ଜୀବ ପି ସାହାଣୀଙ୍କ ମନ୍ତ୍ର; ଅପୁରଣୀୟ ଇଚ୍ଛାକୁ ପିଲାଙ୍କ ଉପରେ ଲଦନି

ଅଭିଭାବକଙ୍କୁ ବିଶିଷ୍ଟ ମନୋବିଜ୍ଞାନୀ ଡ଼ଃ ସଞ୍ଜୀବ ପି ସାହାଣୀଙ୍କ ମନ୍ତ୍ର; ଅପୁରଣୀୟ ଇଚ୍ଛାକୁ ପିଲାଙ୍କ ଉପରେ ଲଦନି

"  ଅଧିକାଂଶ ବାପା ମାଆ ନିଜର ଅପୁରଣୀୟ ଇଛା କୁ ପିଲାଙ୍କ ଉପରେ ଲଦି ଦିଅନ୍ତି। ଅର୍ଥାତ କୌଣସି କାରଣରୁ ନିଜ ଜୀବନରେ ବା କ୍ୟାରିଅରରେ ହୋଇପାରିନଥିବା ଦିଗଟି ନିଜ ପିଲାମାନେ କରନ୍ତୁ ବୋଲି ସେମାନେ ପିଲାଙ୍କ ଉପରେ ଚାପ ପକାନ୍ତି। ଏହାଦ୍ୱାରା ପିଲାଙ୍କ ଉପରେ ଚାପ ବଢେ।"

ଅପୁରଣୀୟ ଇଚ୍ଛାକୁ ପିଲାଙ୍କ ଉପରେ ଲଦିବା ଠିକ୍ ନୁହେଁ ।

ଅପୁରଣୀୟ ଇଚ୍ଛାକୁ ପିଲାଙ୍କ ଉପରେ ଲଦିବା ଠିକ୍ ନୁହେଁ ।

  • Share this:
News 18 Odia Digital

ଭୁବନେଶ୍ୱର; ପିଲାଙ୍କ ଉପରେ ଅଭିଭାବକ ଅଯଥା ଚାପ ପକାଇବା ଉଚିତ ନୁହେଁ । ଅନ୍ୟ ପିଲାଙ୍କ ସହ ନିଜ ପିଲାଙ୍କୁ  ତୁଳନା କରିବା ଅନୁଚିତ । କାରଣ ଏହା ପିଲାଙ୍କୁ ଖୁବ କଷ୍ଟଦେବା ସହ ମାନସିକ ସ୍ଥିତିକୁ ବିଗାଡ଼ିଥାଏ । ଫଳସ୍ୱରୂପ ଏଭଳି ଚାପ ପାଇଁ  ଅନେକ ସମୟରେ ଛୋଟ ପିଲାମାନେ ଆତ୍ମହତ୍ୟା କରୁଥିବା ଦେଖାଯାଉଛି । ଏପରି କିଛି ସୂଚନା ଦେଇଛନ୍ତି ବିଶିଷ୍ଟ ମନୋବିଜ୍ଞାନୀ ତଥା ଜିନ୍ଦଲ ଇନଷ୍ଟିଚ୍ୟୁଟ ଅଫ ବିହେଭିଏରାଲ ସାଇନ୍ସର ମୁଖ୍ୟ ନିର୍ଦେଶକ ଡ. ସଂଜୀବ ପି. ସାହାଣୀ ।

ଭୁବନେଶ୍ୱରର ଏକ ଘରୋଇ ହୋଟେଲରେ ଆୟୋଜିତ  'ଭାବନାତ୍ମକ ସୁସ୍ଥତା ଓ ମାନସିକ ଚାପ ପରିଚାଳନା ' ଶୀର୍ଷକ କାର୍ଯ୍ୟକ୍ରମରେ  ଡ଼ଃ ସାହାଣୀ କହିଛନ୍ତି ଯେ, ଅନେକ ସମୟରେ ଦେଖାଯାଏ ଯେ, ଅଧିକାଂଶ ବାପା ମାଆ ନିଜର ଅପୁରଣୀୟ ଇଛାକୁ ପିଲାଙ୍କ ଉପରେ ଲଦି ଦିଅନ୍ତି । ଅର୍ଥାତ କୌଣସି କାରଣରୁ ନିଜ ଜୀବନରେ ବା କ୍ୟାରିଅରରେ ହୋଇପାରିନଥିବା ଦିଗଟି ନିଜ ପିଲାମାନେ କରନ୍ତୁ ବୋଲି ସେମାନେ ପିଲାଙ୍କ ଉପରେ ଚାପ ପକାନ୍ତି । ଏହାଦ୍ୱାରା ପିଲାଙ୍କ ଉପରେ ଚାପ ବଢେ । ଏପରି କରିବା ଅନୁଚିତ । ଏ ବିଷୟରେ ସବୁ ଅଭିଭାବକ ଟିକେ ଗୁରୁତର ସହ ଚିନ୍ତା କରିବା ଉଚିତ ।

ଏଥିସହ ସେ ଏକଥା ମଧ୍ୟ କହିଛନ୍ତି ଯେ, ୭ବର୍ଷ ବୟସ ପର୍ଯ୍ୟନ୍ତ ପିଲାଙ୍କ ମାନସିକ ବିକାଶ ପ୍ରାୟ ୮୦ ପ୍ରତିଶତ ହୋଇଥାଏ । ତେଣୁ ଏହି ସମୟରେ ପରିବାର ଭିତରେ ଯାହା ଘଟେ ତାହା ପିଲାର ବ୍ୟବହାରରେ ପ୍ରତିଫଳିତ ହୁଏ । ଧିରେ ଧିରେ ସେହି ଭାବନା ପିଲାଙ୍କ ଚରିତ୍ର ଓ ନିତିତିନିଆ ଭାବନାରେ ପରିପ୍ରକାଶ କରେ । ତେଣୁ ଘର ହେଉଛି ପିଲାଙ୍କ ପ୍ରଥମ ସ୍କୁଲ ।

ପିଲା ରାତିରେ ଶୋଇ ବଡ଼ି ଭୋରରୁ ଯଦି ଉଠିକି ପାଠ ପଢ଼ନ୍ତି ତେବେ  ସେ ସମୟରେ ୮୩% ମନେ ରହେ । ତେଣୁସବୁ ସମୟରେ ପିଲାଙ୍କୁ ପାଠ ପଢିବା ପାଇଁ ବାଧ୍ୟ କରିବା  ଶରୀରର ଏ ବାଇଓଲଜିକାଲ କ୍ଳକରେ ବାଧା ସଦୃଶ । ତେଣୁ ପିଲାଙ୍କୁ ଏନେଇ ବାଧ୍ୟ କରନ୍ତୁନି । ଆଜିକାଲିର ବ୍ୟସ୍ତତା ସମୟ ମଧ୍ୟରେ ଯେତେବେଳେ କିଛି ବାପା ଓ ମାଆ ଉଭୟେ ଚାକିରି କରୁଛନ୍ତି, ଉକ୍ତ ସମୟରେ ପିଲାଙ୍କୁ କ୍ରେଚରେ ଛାଡ଼ୁଛନ୍ତି, ତାହା ଏକ ନକାରାତ୍ମକ ଦିଗକୁ ଆମନ୍ତ୍ରଣ କରୁଛି । ପିଲାମାନେ ନିଜ ବାପା ଓ ମାଆଙ୍କ ପାଖରୁ ଗୁଣାତ୍ମକ ଭାବନା ପାଇବାରୁ ବଞ୍ଚିତ ହେଉଛନ୍ତି । ତେଣୁ ଏ ଦିଗରେ ଉଭୟ ପିତାମାତା ଚିନ୍ତା କରିବାର ସମୟ ଆସିଛି । 

ଏହି କାର୍ଯ୍ୟକ୍ରମରେ ୩୦ଟି ବିଦ୍ୟାଳୟର ୨୫୦ରୁ ଉର୍ଦ୍ଧ ଶିକ୍ଷକଙ୍କୁ ତାଲିମ ଦେଇ ଶୈକ୍ଷିକ ପରିବେଶ ସୃଷ୍ଟି କରିବାରେ ସେମାନଙ୍କ ଭୂମିକା କଣ ତାହା ଉପରେ ଆଲୋକପାତ କରାଯାଇଥିଲା । ସୂଚନା ଅନୁସାରେ  ଡ଼ ସାହାଣୀ ଓ ତାଙ୍କ ଟିମ ଏହିପରି ଭାବରେ ବିଶ୍ୱର ୮ ହଜାର ବିଦ୍ୟାଳୟର ୧ ଲକ୍ଷରୁ ଅଧିକ ଶିକ୍ଷକ ଓ ବିଦ୍ୟାଳୟ କର୍ମଚାରୀଙ୍କୁ ତାଲିମ ଦେଇଛନ୍ତି । ଏ ଦିଗରେ ସମସ୍ତେ ମିଳିମିଶି ଉଦ୍ୟମ କଲେ ନିହାତି ଏକ ନୂଆ ଭାବନାର ଶୁଭାରମ୍ଭ ହୋଇ ପାରିବ ବୋଲି ସେ ଆଶା କରିଛନ୍ତି ।
Published by:Soubhagya Mishra
First published: