ଭିନ୍ନକ୍ଷମ ଦାଦା-ପୁତୁରା ଯୋଡ଼ି ସାଇକେଲ ମରାମତି ଦୋକାନ ଖୋଲି ପେଟ ପୋଷୁଛନ୍ତି, ସରକାର ଶୁଣୁନାହାନ୍ତି

ସାଇକେଲ ଦୋକାନଟିର ଦୃଶ୍ୟ ଆଖପାଖର ଲୋକଙ୍କୁ ପ୍ରେରଣା ଦେଉଛି ଯେ ଭିନ୍ନକ୍ଷମ ହୋଇ ମଧ୍ୟ ନିଜେ ରୋଜଗାର କରି ପେଟ ପାଳିବା ସମ୍ଭବ

ସାଇକେଲ ଦୋକାନଟିର ଦୃଶ୍ୟ ଆଖପାଖର ଲୋକଙ୍କୁ ପ୍ରେରଣା ଦେଉଛି ଯେ ଭିନ୍ନକ୍ଷମ ହୋଇ ମଧ୍ୟ ନିଜେ ରୋଜଗାର କରି ପେଟ ପାଳିବା ସମ୍ଭବ

ସାଇକେଲ ଦୋକାନଟିର ଦୃଶ୍ୟ ଆଖପାଖର ଲୋକଙ୍କୁ ପ୍ରେରଣା ଦେଉଛି ଯେ ଭିନ୍ନକ୍ଷମ ହୋଇ ମଧ୍ୟ ନିଜେ ରୋଜଗାର କରି ପେଟ ପାଳିବା ସମ୍ଭବ

  • Share this:
କୋରାପୁଟ: ରାଜ୍ୟ ସରକାରଙ୍କ ତରଫରୁ ଅସହାୟ, ଗରିବ ଓ  ଭିନ୍ନକ୍ଷମଙ୍କ ପାଇଁ ଅନେକ ଜନହିତାଧିକାରୀ ଯୋଜନା ରହିଥିବା ବେଳେ କିଛି ପ୍ରଶାସନିକ ଅଧିକାରୀଙ୍କ ଆନ୍ତରିକତାର ଅଭାବ ଯୋଗୁଁ ଯୋଗ୍ୟ ଅନେକ ଯୋଗ୍ୟ ହିତାଧିକାରୀ ସରକାରୀ ଯୋଜନାରୁ ବଞ୍ଚିତ ରହୁଛନ୍ତି l

କିନ୍ତୁ ଏପରି କିଛି ଭିନ୍ନକ୍ଷମ ଅଛନ୍ତି ଯେଉଁମାନେ ସରକାରୀ ସହାୟତାକୁ ଅପେକ୍ଷା ନ କରି ନିଜ ଚେଷ୍ଟାରେ କିଛି ଟଙ୍କା ସଂଗ୍ରହ କରି ନିଜେ ବଞ୍ଚୁଛନ୍ତି l ଏହିପରି ଏକ ବାସ୍ତବ ଚିତ୍ର ଦେଖିବାକୁ ମିଳିଛି ବୈପାରୀଗୁଡା ବ୍ଲକ୍‌ର ଦଶମନ୍ତପୁର ପଞ୍ଚାୟତ ଅନ୍ତର୍ଗତ ଗିର୍ଳିପୁଟ ଗ୍ରାମରେ I

ଏଇ ଗାଁର ବନସିଙ୍ଗ ଜାନି ଜନ୍ମରୁ ଦିବ୍ୟାଙ୍ଗ । ତାଙ୍କ ଭାଇଙ୍କ ପୁଅ (ପୁତୁରା) ଡମୁ ଜାନି ମଧ୍ୟ ଜନ୍ମରୁ ଭିନ୍ନକ୍ଷମ | ତଥାପି ହାରି ଯାଇନାହାନ୍ତି ଏହି ଦାଦା ପୁତୁରା ଦ୍ୱୟ । ଦୃଢ ମନୋବଳ ଓ ଆତ୍ମବିଶ୍ୱାସ ସହିତ ସେମାନେ ଏକ ସାଇକେଲ ମରାମତି ଦୋକାନ ଖୋଲିଛନ୍ତି l

ଆଖପାଖ ଦଶ ବାରଖଣ୍ଡ ଗାଁର ଲୋକଙ୍କ ସାଇକେଲ ମରାମତି କରି ଉଚ୍ଚକୋଟୀର ସେବା ଯୋଗାଇବା ସହ  ନିଜର ତେଲ ଲୁଣ ପାଇଁ କିଛି ଟଙ୍କା ମଧ୍ୟ ସଞ୍ଚୟ କରିପାରୁଛନ୍ତି ସେମାନେ l ସାଇକେଲ ଦୋକାନଟିର ଦୃଶ୍ୟ ଆଖପାଖର ଲୋକଙ୍କୁ ପ୍ରେରଣା ଦେଉଛି ଯେ ଭିନ୍ନକ୍ଷମ ହୋଇ ମଧ୍ୟ ନିଜେ ରୋଜଗାର କରି ପେଟ ପାଳିବା ସମ୍ଭବ । ଆଖପାଖ ତିନିଟି ପଞ୍ଚାୟତର ଲୋକେ ଦାଦା ପୁତୁରାଙ୍କ ସାଇକୋଲ ମରାମତି ଦୋକାନ ଉପରେ ନିର୍ଭର କରନ୍ତି ।

ହେଲେ ସରକାରଙ୍କ ପକ୍ଷରୁ ନା ଏଇ ଭିନ୍ନକ୍ଷମ ଦାଦାପୁତୁରାଙ୍କୁ ଏ ପର୍ଯ୍ୟନ୍ତ ଗୋଟେ ଦୋକାନ ଗୃହ ମିଳିଛି ନା ବ୍ୟାଙ୍କ୍‌ ଲୋନ୍‌ଟିଏ ମିଳିଛି । ଅନ୍ୟ କୌଣସି ସହାୟତା ବି ସେମାନଙ୍କୁ ମିଳିନାହିଁ ।

ସରକାରୀ ସାହାଯ୍ୟ କହିଲେ ଦୁହିଁଙ୍କୁ କେବଳ ସାତ ଶହ ଟଙ୍କା ମାସିକ ଭତ୍ତା ଓ ମାସିକ ଦଶ କେଜି ଚାଉଳ ମିଳୁଛି । ତାଛଡ଼ା ଦୁଇ ଜଣଙ୍କୁ ମିଳିଥିବା ଗୋଟିଏ ଟ୍ରାଇସାଇକେଲରେ ସୀମିତ ହୋଇଛି ସରକାରୀ ଯୋଜନା ।

ମୁଣ୍ଡ ଗୁଞ୍ଜିବା ପାଇଁ ଏକ ଛୋଟ ଝାଟିମାଟିର ଛପର ଘରେ ବହୁ କଷ୍ଟରେ ରହୁଛନ୍ତି ସେମାନେ l ଏଇ ନଡା଼ଛପର ଦୋକାନ ଘରଟି ବର୍ଷା ଦିନେ ସେମାନଙ୍କ କଷ୍ଟକୁ ଦ୍ବିଗୁଣିତ କରି ଦିଏ । ତଥାପି ନିଜ କର୍ମରେ ଅବହେଳା ନାହିଁ ସେମାନଙ୍କର  ।

ବୈପାରିଗୁଡା଼ ଗୋଷ୍ଠି ଉନୟନ ଅଧିକାରୀଙ୍କ ସହ ଯୋଗାଯୋଗ କରିବାରୁ ସେ କହିଲେ ଅତି ଶୀଘ୍ର ସେ ଦୁଇ ଦିବ୍ୟଙ୍ଗଙ୍କ ସମସ୍ୟାର ସମାଧାନ କରିବା ପାଇଁ ଉଦ୍ୟମ କରିବେ।
First published: