ସାପ କାମୁଡ଼ାରେ ମୃତ୍ଯୁ ପରେ ୧୨ ବର୍ଷ ପୁଅର ଆଖି ଦାନ କଲେ ବାପା

News18 Odia Digital

ଭୁବନେଶ୍ୱର: ୧୨ ବର୍ଷୀୟ ଶୁଭମ ମଲ୍ଲିକଙ୍କ ସାପ କାମୁଡ଼ାରେ ମୃତ୍ୟୁ ହୋଇଛି। ମୃତ୍ୟୁ ପରେ ପରିବାର ଲୋକ ତାଙ୍କ ଆଖି ଦାନ କରିଛନ୍ତି।

ପିପିଲିର ଦାଣ୍ଡମୁକୁନ୍ଦପୁର ଗାଁର ଶୁଭମ୍ ମଲ୍ଲିକଙ୍କୁ ଏକ ବିଷାକ୍ତ ସାପ କାମୁଡ଼ିଥିଲା। ଏହା ପରେ ତାଙ୍କୁ ପ୍ରଥମେ ପିପିଲି ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କ ଅବସ୍ଥାରେ କୌଣସି ଉନ୍ନତି ଆସି ନଥିବା ବେଳେ ତାଙ୍କୁ ଭୁବନେଶ୍ୱରର କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା, କିନ୍ତୁ ରାସ୍ତାରେ ତାଙ୍କର ମୃତ୍ୟୁ ହୋଇଥିଲା।

ଶୁଭମର ମୃତ୍ୟୁ ପରେ ତାଙ୍କ ପିତା ତାଙ୍କ ଆଖି ଦାନ କରିବାକୁ ନିଷ୍ପତ୍ତି ନେଇଥିଲେ।  ତାଙ୍କ କହିବାନୁସାରେ, ଶୁଭମ ଆଖିରେ ଆଉ କେହି ଦୁନିଆ ଦେଖିପାରିବ।

ଏ ବିଷୟରେ ଶୁଣିବା ପରେ ପିପିଲି ବିଧାୟକ ରୁଦ୍ର ପ୍ରତାପ ମହାରଥୀ ଡାକ୍ତରଖାନାରେ ପହଞ୍ଚିଥିଲେ। ସେ ମୃତକଙ୍କ ପରିବାର ସଦସ୍ୟଙ୍କୁ ଭେଟି ସମବେଦନା ଜଣାଇଥିଲେ।