ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ପତ୍ନୀଙ୍କ ପାଇଁ ଜହ୍ନରେ ଜାଗା କିଣିଲେ ଢେଙ୍କାନାଳର ଯୁବ ଇଞ୍ଜିନିୟର୍ ମହମ୍ମଦ୍‌ ସାଜନ୍

ପତ୍ନୀଙ୍କ ପାଇଁ ଜହ୍ନରେ ଜାଗା କିଣିଲେ ଢେଙ୍କାନାଳର ଯୁବ ଇଞ୍ଜିନିୟର୍ ମହମ୍ମଦ୍‌ ସାଜନ୍

ନାଜିଆଙ୍କ ଜନ୍ମ ଦିନ ଜୁନ୍ ୨୯ରେ ପଡ଼ୁଥିବାରୁ ଚାରି ମାସ ପୁର୍ବରୁ ମହମ୍ମଦ ସାଜନ୍ ତାଙ୍କ ପାଇଁ ଜହ୍ନରେ ଜାଗା କିଣିବା ପାଇଁ ଆବେଦନ କରିଥିଲେ । ହେଲେ ଲକଡାଉନ୍ ଯୋଗୁଁ ଜାଗାର ପ୍ରମାଣପତ୍ର ଆସିବାରେ ବିଳମ୍ବ ହୋଇଥିଲା । ଏବେ ତାହା ଆସିଛି ।

ପତ୍ନୀଙ୍କ ପାଇଁ ଜହ୍ନରେ ଜାଗା କିଣିଲେ ଢେଙ୍କାନାଳର ଯୁବ ଇଞ୍ଜିନିୟର୍ ମହମ୍ମଦ୍‌ ସାଜନ୍
ପତ୍ନୀ ନାଜିଆଙ୍କ ସହ ମହମ୍ମଦ ସାଜନ୍
  • News18 Odia
  • Last Updated: April 18, 2021, 11:47 PM IST
  • Share this:
  • Byline Facebook
  • Byline Twitter
  • Byline Linkedin
ଆଶିଷ ରଞ୍ଜନ ଶତପଥୀ | News18 Odia Digital

ଢେଙ୍କାନାଳ: ଢେଙ୍କାନାଳ ସହରର କାରିଗର ସାହିର ଯୁବ ସଫ୍ଟୱେୟାର୍‌ ଇଞ୍ଜିଜିନିୟର ମହମ୍ମଦ ସାଜନ୍‌ ନିଜ ଧର୍ମପତ୍ନୀ ନାଜିଆ ଇପ୍ତେଫାରଙ୍କୁ ଏମିତି ଏକ ଅପୂର୍ବ ଉପହାର ଦେଇଛନ୍ତି ଯାହା ଏବେ ସାରା ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି । ସାଜନ୍‌ ନିଜ ପତ୍ନୀଙ୍କୁ ଜହ୍ନରେ ପାଞ୍ଚ ଏକର ଜାଗା କିଣି ଉପହାର ଦେଇଛନ୍ତି ।

ଜହ୍ନରେ ଜାଗା କିଣିବା ପାଇଁ ଗତ ବର୍ଷ ଜୁନ୍‌ ମାସରେ ମହମ୍ମଦ ସାଜନ୍‌ ଲୁନା ସୋସାଇଟି ଇଣ୍ଟରନ୍ୟାସନାଲ୍‌ ନିକଟରେ ଅନଲାଇନରେ ଏକ ଆବେଦନ କରିଥିଲେ । ବିବାହ ପରେ ପତ୍ନୀ ନାଜିଆଙ୍କ ପ୍ରଥମ ଜନ୍ମ ଦିନରେ ତାଙ୍କୁ ଏକ ସରପ୍ରାଇଜ୍‌ ଗିଫ୍ଟ ଦେବା ପାଇଁ ଏମିତି ଚିନ୍ତାଧାରା ତାଙ୍କ ମନକୁ ଆସିଥିଲା ।

ଏହା ବି ପଢ଼ନ୍ତୁ | ସାବଧାନ! Corona ଭୂତାଣୁ ମୁଖ୍ୟତଃ ବାୟୁ ମାଧ୍ୟମରେ ହିଁ ବ୍ୟାପୁଛି ବୋଲି ଦୃଢ଼ ପ୍ରମାଣ ମିଳିଲା

ଏହି ଜାଗା କିଣିବାକୁ ମହମ୍ମଦ ସାଜନ୍‌ ମୋଟ ୫୧୯ ଆମେରିକୀୟ ଡଲାର୍‌ ଖର୍ଚ୍ଚ କରିଥିଲେ । ଗତ ବର୍ଷ ଜୁନ ମାସ ବେଳକୁ ପ୍ରତି ଡଲାର ତୁଳନାରେ ଭାରତୀୟ ଟଙ୍କାର ମୂଲ୍ୟ ୭୨ ଟଙ୍କା ଥିଲା । ତେଣୁ ତାଙ୍କୁ ଏଥି ପାଇଁ ୩୭,୩୬୮ ଟଙ୍କା ଖର୍ଚ୍ଚ କରିବାକୁ ପଡ଼ିଥିଲା । ମାତ୍ର ୨୦୨୫ ପରେ ପୁଣି ଏହି ଚୁକ୍ତିକୁ ତାଙ୍କୁ ନବୀକରଣ କରିବାକୁ ହେବ । ତାଙ୍କର ଏହି ଟଙ୍କା ନାସା ମାଧ୍ୟମରେ ଶିଶୁଙ୍କ ମଙ୍ଗଳ କାମରେ ଲାଗୁଥିବାରୁ ନିଜକୁ ଧନ୍ୟ ମନେ କରିଛନ୍ତି ସାଜନ୍‌ ।

ପରିବାର ଲୋକଙ୍କ ସହ ନାଜିଆ ଓ ମହମ୍ମଦ ସାଜନ୍


‘‘ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତ ଜହ୍ନରେ ଜାଗା କିଣିଥିବା ଶୁଣିବା ପରେ ମୁଁ ନାଜିଆଙ୍କ ପାଇଁ ତାଙ୍କ ନାଁରେ ଜହ୍ନରେ ଜାଗା ଖଣ୍ଡେ କିଣିବା ପାଇଁ ମନ ବଳାଇଥିଲି । ତାଙ୍କ ଜନ୍ମ ଦିନ ଅବସରରେ ଏଭଳି ନିଆରା ଉପହାର ତାଙ୍କୁ ଦେବାର ଝୁଙ୍କ ମୋ’ ନିଦ ହଜାଇ ଦେଇଥିଲା । ଆଉ ତାହା ସତ ହେବା ପରେ ମୋ’ ମନରେ ଯେତିକି ଖୁସି ଆସିଥିଲା ତା’ଠୁ ଢେର୍‌ ଅଧିକ ଖୁସି ହୋଇଥିଲେ ନାଜିଆ,’’ କହିଛନ୍ତି ଢେଙ୍କାନାଳ ସହରର ଚନ୍ଦନ ବଜାର ନିବାସୀ ମହମ୍ମଦ ସାଜନ୍‌ ।

ଏହା ବି ପଢ଼ନ୍ତୁ | ଥର CBI ଉପରେ ଭାରି ପଡ଼ିଲେ କପିଳ ସିବଲ୍, HCରୁ ଲାଲୁ ଯାଦବଙ୍କ ଜାମିନ୍ କରାଇଲେ

ସାଜନ୍‌ ପ୍ରେମ ବିବାହ କରିଥିବା ନାଜିଆ ଇପ୍ତେଫାର ହେଉଛନ୍ତି କାରିଗର ସାହିର କଲିମ ଖାନ ଓ ଗୁଲଜନ ବିବିଙ୍କ ଏକ ମାତ୍ର ଝିଅ । ଉଭୟଙ୍କ ମଧ୍ୟରେ ଦୀର୍ଘ ପାଞ୍ଚ ବର୍ଷ ହେବ ପ୍ରେମ ସମ୍ପର୍କ ଥିଲା । ଗତ ବର୍ଷ ଫେବୃଆରୀ ୧୬ ତାରିଖରେ ଉଭୟ ବିବାହ କରିଥିଲେ । ନାଜିଆଙ୍କ ଜନ୍ମ ଦିନ ଜୁନ୍‌ ୨୯ ତାରିଖରେ ଥିବାରୁ ଚାରି ମାସ ପୁର୍ବରୁ ମହମ୍ମଦ ସାଜନ୍‌ ଜହ୍ନରେ ଜାଗା କିଣିବା ପାଇଁ ଆବେଦନ କରିଥିଲେ । ମାତ୍ର କରୋନା ସଂକ୍ରମଣ ଜନିତ ସର୍ବବ୍ୟାପୀ ଅବ୍ୟବସ୍ଥା ଯୋଗୁଁ ଅନଲାଇନରେ ଜାଗାର ପ୍ରମାଣପତ୍ର ଆସିବାରେ ବିଳମ୍ବ ହୋଇଥିଲା । ଏବେ ତାହା ଆସିଛି ।

ଏହା ବି ପଢ଼ନ୍ତୁ ଦେଖନ୍ତୁ VIDEO | କୁକୁର ଛୁଆମାନେ ମାଲିକାଣିଙ୍କ ସହ ମିଶି ଯୋଗ କଲେ; VIDEO ଭାଇରାଲ୍ ହେଉଛି; ଦେଖନ୍ତୁ

ମହମ୍ମଦ ସାଜନ୍ ଜହ୍ନରେ ଜାଗା କିଣିଥିବାର ପ୍ରମାଣପତ୍ର


ମହମ୍ମଦ ସାଜନ୍‌ ପାଞ୍ଚ ବର୍ଷ ହେବ ସାଉଦି ଆରବର କୁଏତ ସହରରେ ଆଲଖୋମାସି ସଫ୍ଟୱେୟାର ସଲ୍ୟୁସନ ପ୍ରାଇଭେଟ ଲିମିଟେଡ କମ୍ପାନୀରେ ଇଞ୍ଜିଜିନିୟର ଭାବରେ କାମ କରନ୍ତି । କରୋନା ସଂକ୍ରମଣ ଯୋଗୁଁ ବର୍ଷେ ହେବ ସେ ଘରେ ରହି ୱର୍କ୍‌ ଫ୍ରମ୍‌ ହୋମ୍‌ କରୁଛନ୍ତି ।



‘‘ଜହ୍ନରେ ଜାଗା କିଣିବା କଥା ମୁଁ କେବଳ ଟିଭି ସିରିଆଲ୍‌ ଓ ଫିଲ୍ମରୁ ଶୁଣିଥିଲା । କିନ୍ତୁ ମୋ୩ ସ୍ୱାମୀ ମୋ’ ଜନ୍ମ ଦିନରେ ଏଭଳି ଗିଫ୍ଟ ଦେବେ ବୋଲି ମୁଁ ସତରେ କେବେ ବିଶ୍ୱାସ କରିପାରୁ ନ ଥିଲି । ଏଭଳି ଜଣେ ସ୍ୱାମୀ ପାଇ ମୁଁ ନିଜକୁ ବହୁତ ଭାଗ୍ୟବାନ ମନେ କରୁଛି,’’ କହିଛନ୍ତି ନାଜିଆ ଇପ୍ତେଫାର ।
Published by: Anand ST Das
First published: April 18, 2021, 11:47 PM IST