ଆଜି ପବିତ୍ର ଅଁଳା ନବମୀ; ରାଧା ପାଦ ଦର୍ଶନ ପାଇଁ ଶ୍ରୀକ୍ଷେତ୍ରର ସାକ୍ଷୀ ଗୋପାଳରେ ଲୋକଙ୍କ ଭିଡ଼

ଆଜି ପବିତ୍ର ଅଁଳା ନବମୀ । କାର୍ତ୍ତିକ ମାସ ଶୁକ୍ଳ ପକ୍ଷ ନବମୀ ତିଥିକୁ ଅଁଳା ନବମୀ ଭାବରେ ପାଳନ କରାଯାଏ ।

ପବିତ୍ର ଅଁଳା ନବମୀ

ପବିତ୍ର ଅଁଳା ନବମୀ

  • News18 Odia
  • Last Updated :
  • New Delhi, India
  • Share this:
News 18 Odia Digital

 ପୁରୀ: ଆଜି ପବିତ୍ର ଅଁଳା ନବମୀ । କାର୍ତ୍ତିକ ମାସ ଶୁକ୍ଳ ପକ୍ଷ ନବମୀ ତିଥିକୁ ଅଁଳା ନବମୀ ଭାବରେ ପାଳନ କରାଯାଏ । ଏହାକୁ ଅକ୍ଷୟ ନବମୀ ବୋଲି ମଧ୍ୟ କୁହାଯାଏ । ଆଜି ଶ୍ରଦ୍ଧାଳୁମାନେ ରାଧାପାଦ ମଧ୍ୟ ଦର୍ଶନ କରିବାର ସୌଭାଗ୍ୟ ପାଇଥାନ୍ତି। କୋରୋନା ମହାମାରୀ ପାଇଁ ୨ ବର୍ଷ ପରେ ରାଧାପାଦ ଦର୍ଶନ ପାଇଁ ସୁଯୋଗ ପାଇଛନ୍ତି। ହିନ୍ଦୁ ଧର୍ମରେ ଅଁଳା ନବମୀର ବିଶେଷ ମହତ୍ତ୍ବ ରହିଛି । ବିଶ୍ୱାସ କରାଯାଏ ଯେ ଏହି ଦିନ ଦାନ କରିବା ଦ୍ୱାରା ଜଣେ ବ୍ୟକ୍ତି ବର୍ତ୍ତମାନ ତଥା ପରବର୍ତ୍ତୀ ଜୀବନରେ ସୁଖ ପ୍ରାପ୍ତ ହୋଇଥାଏ। ଶାସ୍ତ୍ର ଅନୁଯାୟୀ ଏହି ଦିନ ଅଁଳା ଗଛକୁ ପୂଜା କରାଯାଏ।

ଅଁଳା ନବମୀ ଦିନ, ଅଁଳା ଗଛ ତଳେ ଖାଦ୍ୟ ପ୍ରସ୍ତୁତ ଏବଂ ଖାଇବାର ଏକ ବିଶେଷ ମହତ୍ତ୍ ରହିଛି। ଏହି ଦିନ ଭଗବାନ ବିଷ୍ଣୁ କୁଶମଣ୍ଡାକା ଭୂତକୁ ହତ୍ୟା କରିଥିଲେ। ଏହି ଦିନ ଭଗବାନ କୃଷ୍ଣ କଂସଙ୍କୁ ହତ୍ୟା କରିବା ପୂର୍ବରୁ ତିନୋଟି ଜଙ୍ଗଲକୁ ଘେରି ରହିଥିଲେ। ଅଁଳା ନବମୀରେ ପରିବାରର ମଙ୍ଗଳ କାମନା କରି ବୃକ୍ଷ ମୂଳେ ହଳଦୀ, ସିନ୍ଦୁର ଓ କ୍ଷୀର ଅର୍ପଣ କରିଛନ୍ତି । ଗଛରେ ନାଲି ସୂତା ଗୁଡାଇ ପୂଜା କରିବାର ପରମ୍ପରା ମଧ୍ୟ ରହିଛି।

ଗୋପିନାଥ ଦେବ ମନ୍ଦିରରେ ପବିତ୍ର ରାଧାପାଦ ଦର୍ଶନ ମିଳିଥାଏ । ମାଆଙ୍କ ଓଡିଆଣି ବେଶ ଦେଖିବାକୁ ମିଳିଛି। ଆଜିର ଦିନରେ ମାଆ ରାଧା ସମ୍ବଲପୁରୀ ଶାଢୀ ପରିଧାନ କରି ଖାଣ୍ଟି ଓଡିଆଣି ବେଶରେ ଦର୍ଶନ ଦେଇଛନ୍ତି। ଏହି ପବିତ୍ର ତିଥିରେ ସାକ୍ଷୀଗୋପାଳ ମନ୍ଦିରରେ ଲକ୍ଷାଧିକ ଭକ୍ତଙ୍କ ସମାଗମ ହୋଇଛି । କୋରୋନା ମହାମାରୀ ଯୋଗୁଁ ରାଧାପାଦ ଦର୍ଶନରୁ ବଞ୍ଚିତ ଥିବା ଶ୍ରଦ୍ଧାଳୁ ଚଳିତ ବର୍ଷ ରାଧାପାଦ ଦର୍ଶନର ସୁଯୋଗ ପାଇଛନ୍ତି । ବିଭିନ୍ନ ସ୍ଥାନରୁ ଏଠାରେ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ହୋଇଛି । ସୂଚନା ଅନୁଯାୟୀ ସକାଳ ୬ଟା ପରଠାରୁ ସାହାଣମେଲା ଦର୍ଶନ ଚାଲିଛି। ଧାଡ଼ିରେ ଆସି ଦର୍ଶନ କରୁଛନ୍ତି ସାଧାରଣ ଭକ୍ତ। ଏହି ଦର୍ଶନ ସଂଧ୍ୟା ୫ଟା ପର୍ଯ୍ୟନ୍ତ ଚାଲିବ। ଏହାପରେ ପାଳିଆ ପରିବର୍ତ୍ତନ ଲାଗି ଅପରାହ୍ନ ୫ଟାରୁ ଅପରାହ୍ନ ୬ଟା ପର୍ଯ୍ୟନ୍ତ ସାଧାରଣ ଦର୍ଶନ ବନ୍ଦ ରହିବ। ପୁଣିଥରେ ସଂଧ୍ୟା ୬ଟାରୁ ରାତି ସାଢେ ୧୧ଟା ପର୍ଯ୍ୟନ୍ତ ଚାଲିବ ସାହାଣମେଲା ଦର୍ଶନ।
Published by:Soumyashree Mishra
First published: