ଶ୍ରୀମନ୍ଦିର ଚୁଡାରେ ଷ୍ଟଣ୍ଟ୍ ଦେଖିଲେ ଲୋମ ଟାଙ୍କୁରି ଉଠେ; ଜଗାର ଷ୍ଟଣ୍ଟ୍ ମାଷ୍ଟର ଚୁନାରା ସେବାୟତ

ଚୁନାରା ସେବାୟତ ନୃସିଂହ କହିଛନ୍ତି ଯେ, ଥରେ ବାନା ବାନ୍ଧିବା ବେଳେ ମହୁମାଛି ଆକ୍ରମଣ କରିଥିଲା । ଏତେ କଷ୍ଟ ହେଲା ଭାବିଲି ଡେଇଁ ପଡିବି । ମାତ୍ର ମହାପ୍ରଭୁ ତଳକୁ ଆଣି ମୋ ଜୀବନ ବଞ୍ଚାଇଦେଲେ ।

ଶ୍ରୀମନ୍ଦିର ଚୁଡାରେ ଷ୍ଟଣ୍ଟ୍ ଦେଖିଲେ ଲୋମ ଟାଙ୍କୁରି ଉଠେ; ଜଗାର ଷ୍ଟଣ୍ଟ୍ ମାଷ୍ଟର ଚୁନାରା ସେବାୟତ

ଶ୍ରୀମନ୍ଦିର ଚୁଡାରେ ଷ୍ଟଣ୍ଟ୍ ଦେଖିଲେ ଲୋମ ଟାଙ୍କୁରି ଉଠେ; ଜଗାର ଷ୍ଟଣ୍ଟ୍ ମାଷ୍ଟର ଚୁନାରା ସେବାୟତ

  • News18 Odia
  • Last Updated :
  • Puri, India
  • Share this:
News 18 Odia Digital

ପୁରୀ; ଚୁନାରା ସେବା ଏକ ନିଆରା ସେବା । ୨୧୩ ଫୁଟ ସୁଉଚ୍ଚ ଶ୍ରୀମନ୍ଦିର ଚୁଡାରେ ବାନା ବାନ୍ଧିବାର ଗୁରୁ ଦାୟୀତ୍ୱ ଏମାନଙ୍କ ଉପରେ ନ୍ୟସ୍ତ । ଟିକେ ଅସାବଧାନ ହେଲେ ଜୀବନ ପ୍ରତି ରହିଥାଏ ବିପଦ । ଖୁବ କୌଶଳରେ ଚଢି ବାନା ବାନ୍ଧିଥାନ୍ତି ଏହି ସେବାୟତ ।

ତେବେ ଚୁନାରା ସେବାୟତ ନୃସିଂହ ମହାପାତ୍ରଙ୍କ ଅନ୍ଦାଜ ଟିକେ ନିଆରା । ଅନ୍ୟମାନଙ୍କ ଭଳି ସେ କୌଶଳରେ ଚଢ଼ନ୍ତି ସତ । ହେଲେ ଶ୍ରୀମନ୍ଦିର ଚୁଡାରେ ଦେଖାନ୍ତି ଆଶ୍ଚର୍ଯ୍ୟଜନକ ଷ୍ଟଣ୍ଟ । ଯାହା ଏବେ ସୋସିଆଲ ମିଡିଆରେ ସବୁବେଳେ ଚର୍ଚ୍ଚାରେ । ଶ୍ରୀମନ୍ଦିର ଚୁଡାରେ ଅଣ ଓସାରିଆ ନୀଳଚକ୍ର ଉପରେ ଛିଡ଼ାହୋଇ ଦୁଇ ହାତ ଛାଡିଦିଅନ୍ତି ନୃସିଂହ । ଭଗବାନଙ୍କୁ ସ୍ମରଣ କରି ଅନେକ ପ୍ରକାରର ଷ୍ଟଣ୍ଟ ଦେଖାନ୍ତି ନୃସିଂହ । ଷ୍ଟଣ୍ଟ୍ ସମ୍ପର୍କରେ ପଚାରାଗଲେ ନୃସିଂହ କୁହନ୍ତି ପତିତପାବନ ଏବଂ ନୀଳଚକ୍ରରେ ତାଙ୍କୁ କେବଳ କଳାଠାକୁର ଦେଖାଯାଆନ୍ତି । ତାଙ୍କୁ ହିଁ ସ୍ମରଣ କରି ସେ ସବୁକିଛି କରିପାରନ୍ତି ।

ଚୁନାରା ସେବା ଏକ ନିଆରା ସେଵା । ଶ୍ରୀମନ୍ଦିର ନୀଳଚକ୍ରରେ ବାନା ବନ୍ଧା ବେଳେ ଦୁଇହାତ ଖୋଲି
ମହାପ୍ରଭୁଙ୍କ ପ୍ରତି ସମର୍ପିତ ହୋଇ ମାଆ ବିମଳାଙ୍କୁ ଆବାହନ କରି ଧ୍ୱଜା ବାନ୍ଧିଥାନ୍ତି ।  ସେବାଟି ବିପଦପୂର୍ଣ୍ଣ ହେଲେ ମଧ୍ୟ ମହାପ୍ରଭୁଙ୍କ ପାଇଁ କେବେ ବି ବିପଦ ଆସିନି । ତେବେ ୨୧୩ ଫୁଟ ବା ୭୩ରୁ ୭୫ ମିଟର ସୁଉଚ୍ଚ ଶ୍ରୀମନ୍ଦିର ଚୁଡାରେ ବାନା ବାନ୍ଧିବାର ଗୁରୁ ଦାୟୀତ୍ୱ କେବଳ ଚୁନରା ସେବାୟତଙ୍କ ଉପରେ ନ୍ୟସ୍ତ । ଟିକେ ଅସାବଧାନ ହେଲେ ଜୀବନ ପ୍ରତି ବିପଦ । ଝଡ଼ ହେଉ କି ବର୍ଷା ,ବାତ୍ୟା ହେଉ କି କୋଭିଡ ମହାମାରୀ, କେବେବି ବନ୍ଦ ହୋଇନି ମହାପ୍ରଭୁଙ୍କ ସେବା । ନୃସିଂହ କହିଛନ୍ତି ଯେ, ଥରେ ବାନା ବାନ୍ଧିବା ବେଳେ ମହୁମାଛି ଆକ୍ରମଣ କରିଥିଲା । ଏତେ କଷ୍ଟ ହେଲା ଭାବିଲି ଡେଇଁ ପଡିବି । ମାତ୍ର ମୋତେ ମହାପ୍ରଭୁ ତଳକୁ ଆଣି ମୋ ଜୀବନ ବଞ୍ଚାଇଦେଲେ । ଆଉ ଏସବୁ କେବଳ ସମର୍ପଣ ବୋଲି କହିଛନ୍ତି ଚୁନରା ସେବାୟତ ନୃସିଂହ ମହାପାତ୍ର ।

ପ୍ରକୃତରେ କାଳିଆର ଳିଳା ବଡ଼ ବିଚିତ୍ର । ସେଥିପାଇଁ ତ ତାକୁ ଳିଳାମୟ ବୋଲି କୁହାଯାଏ । ତା ପ୍ରେମରେ ଯିଏ ନିଜକୁ ସମର୍ପିଦିଏ ସେ ସର୍ବସିଦ୍ଧି ଲାଭ କରିଥାଏ । ପ୍ରଭୁ ଭକ୍ତର ସମର୍ପଣ ଭାବ ଦେଖି ଦାସିଆ ବାଉରିଙ୍କ ନଡିଆ ଗ୍ରହଣ କରିଛନ୍ତି । ପ୍ରଭୁ ଶବରୀର ଅଇଁଠା କୋଳି ଖାଇଛନ୍ତି । ମାଣିକ ଗଉଡୁଣୀଙ୍କ ହାତରୁ ଦହି ପିଇଛନ୍ତି । ଭକ୍ତ ସାଲବେଗ ହୁଅନ୍ତୁ କି ଦେବଦାସୀ ସଭିଏଁ ପ୍ରଭୁଙ୍କ ପ୍ରେମରେ ନିଜକୁ ହଜାଇଦେଇଥିଲେ । ଏପରି ଅନେକ କଥା ପୁରାଣରେ ବର୍ଣ୍ଣିତ ହୋଇ ରହିଛି । ତେଣୁ ପ୍ରଭୁଙ୍କ କରୁଣା ଯାହା ଉପରେ ଥାଏ ତାର କୌଣସି ଅନିଷ୍ଟ ହୁଏନାହିଁ । ସେ ସର୍ବସିଦ୍ଧି ଲାଭ କରେ ବୋଲି ପଣ୍ଡିତମାନେ କୁହନ୍ତି ।
Published by:Soubhagya Mishra
First published: