ବାଲେଶ୍ୱର: ସାଇବର୍ ଲୁଟେରାଙ୍କ ନୂଆ ପ୍ଲାନ୍; ଫେସବୁକ ହ୍ୟାକ୍ କରି ବନ୍ଧୁମାନଙ୍କୁ ଟଙ୍କା ମାଗିଲେ

ସୋର ଅଞ୍ଚଳର ପ୍ରମୋଦ ଦାସ ନାମକ ବ୍ୟକ୍ତି ଏମିତି ଠକେଇର ଶିକାର ହେବା ପରେ ସାଇବର୍ ଲୁଟେରାଙ୍କ ଏହି ନୂଆ ପ୍ଲାନ ସାମ୍ନାକୁ ଆସିଛି । ତାଙ୍କ ଫେସବୁକ ଆକାଉଣ୍ଟ ହ୍ୟାକ କରି ଲୁଟେରା ତାଙ୍କର କିଛି ବନ୍ଧୁଙ୍କ ନିକଟରୁ ଟଙ୍କା ମାଗିଥିଲା ।

ହ୍ୟାକିଂର ଶିକାର ହୋଇଥିବା ପ୍ରମୋଦ ଦାସ; (ଡାହାଣ) ତାଙ୍କ ଆକାଉଣ୍ଟରୁ ଯାଇଥିବା ଚାଟ୍

ହ୍ୟାକିଂର ଶିକାର ହୋଇଥିବା ପ୍ରମୋଦ ଦାସ; (ଡାହାଣ) ତାଙ୍କ ଆକାଉଣ୍ଟରୁ ଯାଇଥିବା ଚାଟ୍

  • News18 Odia
  • Last Updated :
  • Share this:
News18 Odia Digital

ବାଲେଶ୍ୱର: ଆପଣଙ୍କ ବନ୍ଧୁଙ୍କର ହଠାତ ଦରକାର ପଡ଼ିବ କିଛି ଟଙ୍କା । ଟଙ୍କା ଦେବାକୁ ଅନୁରୋଧ କରିବେ ବନ୍ଧୁ ଜଣକ, ଆଉ ନିଜ ବନ୍ଧୁଙ୍କ ଅସୁବିଧାରେ ସାହାଯ୍ୟ କରିବା ପାଇଁ ଆପଣ ମଧ୍ୟ ଆଗେଇ ଆସିବେ । ମାଗୁଥିବା ଟଙ୍କା ଦେଇ ତାଙ୍କୁ ସାହାଯ୍ୟ କରିବେ । ଆଉ ଆପଣ ଭାବିବେ ଆବଶ୍ୟକ ବେଳେ ବନ୍ଧୁଙ୍କୁ ସହଯୋଗ କଲେ । ମାତ୍ର ବାସ୍ତବତା ହେଉଛି ଏହା ଯେ ଏ ସମ୍ପର୍କରେ ଆପଣଙ୍କ ବନ୍ଧୁ ତିଳେ ବି ଜାଣି ପାରିବେ ନାହିଁ । ଆପଣ ଦେଇଥିବା ଟଙ୍କା ବନ୍ଧୁଙ୍କ ପାଖକୁ ଯିବ ହିଁ ନାହିଁ । ବରଂ ସେହି ଟଙ୍କା ସିଧା ସଳଖ ସାଇବର ଲୁଟେରା ହାତେଇ ନେବେ । ଆଶ୍ଚର୍ଯ୍ୟ ଲାଗିଲେ ବି ଏହା ସତ । ଏଭଳି ଘଟଣା ଏବେ ବାଲେଶ୍ୱର ଜିଲ୍ଲାରେ ଚର୍ଚ୍ଚା ଓ ଭୟ ସୃଷ୍ଟି କରିଛି ।

ଗତ କାଲି ସୋର ଅଞ୍ଚଳର ପ୍ରମୋଦ ଦାସ ନାମକ ଜଣେ ବ୍ୟକ୍ତି ଏଭଳି ଭାବରେ ଠକେଇର ଶିକାର ହେବା ପରେ ସାଇବର୍‌ ଲୁଟେରାଙ୍କ ଏହି ନୂଆ ପ୍ଲାନ ସାମ୍ନାକୁ ଆସିଛି । ପ୍ରମୋଦଙ୍କ ଫେସବୁକ ଆକାଉଣ୍ଟକୁ ଜଣେ ସାଇବର ହ୍ୟାକର ହ୍ୟାକ କରିବା ପରେ ତାଙ୍କର କିଛି ବନ୍ଧୁଙ୍କ ନିକଟରୁ ଟଙ୍କା ମାଗିଥିଲା ସେ । ମେସେଞ୍ଜର ମାଧ୍ୟମରେ ଟଙ୍କା ମାଗି ନିଜେ ବହୁତ ଅସୁବିଧାରେ ଥିବା କହିଥିଲା । ଏପରିକି ନିହାତି ଟଙ୍କା ଦରକାର ଏଣୁ ତାଙ୍କୁ ସାହାଯ୍ୟ ପାଇଁ ଗୁହାରି କରିଥିଲା ।

ଟଙ୍କା ପଠାଇବାକୁ ଫୋନ ପେର ଏକ ନମ୍ବର ଦେଇଥିଲା ସାଇବର ଲୁଟେରା । ଏହି ଫୋନ ପେରେ ଶୀଘ୍ର ଟଙ୍କା ଦେବାକୁ ଅନୁରୋଧ କରିଥିଲା ଓ ଶୀଘ୍ର ଟଙ୍କା ଫେରାଇ ଦେବ ବୋଲି ବି ପ୍ରତିଶୃତି ଦେଇଥିଲା ସେ । ସବୁ ଠାରୁ ବଡ଼ କଥା ହେଲା ଯେ ଏ ସବୁ ଘଟଣା ସମ୍ପର୍କରେ ପ୍ରମୋଦଙ୍କୁ କିଛି ବି ଜଣା ନ ଥିଲା ।

ଏହି ଫୋନ୍ ପେ ଆକାଉଣ୍ଟକୁ ଟଙ୍କା ପଠାଇବାକୁ କହିଥିଲା ଲୁଟେରା


ପ୍ରମୋଦଙ୍କ ଅଜାଣତରେ ହ୍ୟାକର ତାଙ୍କ ଫେସବୁକ ବନ୍ଧୁମାନଙ୍କ ସହିତ ଚାଟ କରି ଟଙ୍କା ମାଗୁଥିଲା । ଗତ କାଲି ଏମିତି ପ୍ରାୟ ୭୦ ଜଣ ବନ୍ଧୁଙ୍କୁ ଏଭଳି ମେସେଜ କରି ଟଙ୍କା ମାଗିବା ପରେ ଜଣେ ବନ୍ଧୁ ଏ କଥା ପ୍ରମୋଦଙ୍କୁ ଫୋନ୍‌ କରି ଜଣାଇଥିଲେ । ଏହା ପରେ ପ୍ରମୋଦ ଘଟଣା ସମ୍ପର୍କରେ ଜାଣିବାକୁ ପାଇଥିଲେ । ଏହି ଘଟଣାକୁ ନେଇ ପ୍ରମୋଦ ଏକ ମାମଲାରେ ଜିଲ୍ଲା ସାଇବର ସେଲରେ ଦାୟର କରିଛନ୍ତି ।

‘‘ମୋ’ର ଜଣେ ବନ୍ଧୁଙ୍କ ନିକଟରୁ ଫୋନ ଆସି ନ ଥିଲେ ମୋ’ ଫେସବୁକ୍‌ ଆକାଉଣ୍ଟ ଆଉ କିଏ ବ୍ୟବହାର କରୁଛି ବୋଲି ମୁଁ ଜାଣି ପାରିନଥାନ୍ତି । ହ୍ୟାକରମାନେ ମୋ’ ବିଷୟରେ ସମସ୍ତ ତଥ୍ୟ ହାସଲ କରିଛନ୍ତି । ସେମାନେ ମୋ’ ବନ୍ଧୁମାନଙ୍କ ସହିତ ଯେଭଳି ଭାବରେ କଥା ହେଉଛନ୍ତି କେବେ ବି କାହାରି ମନରେ ସନ୍ଦେହ ଉପୁଜିବ ନାହିଁ । ଏଭଳି ବାରମ୍ବାର ଅନେକ ସ୍ଥାନରେ ହେଉଛି । ତେଣୁ ଏଭଳି ଘଟଣାକୁ ପୋଲିସ ଗୁରୁତର ସହକାରେ ନେଇ ତଦନ୍ତ କରିବା ଦରକାର,’’ କହିଛନ୍ତି ପ୍ରମୋଦ ।

ଏହା ବି ପଢ଼ନ୍ତୁ | Viral: ଏହି ବ୍ୟକ୍ତି ମାଛିକୁ ମାରିବାକୁ ଯାଇ ନିଜ ଘରକୁ ବି ପୋଡ଼ି ଦେଲେ

ଏହା ବି ପଢ଼ନ୍ତୁ ବଡ଼ ଧକ୍କା ! ଜଣେ ବ୍ୟକ୍ତି ଅସୁସ୍ଥ ହେବା ପରେ ଅକ୍ସଫୋର୍ଡ କରୋନା ଟିକାର ପରୀକ୍ଷଣ ବନ୍ଦ କଲା

ଏଭଳି ଘଟଣା ବାଲେଶ୍ୱର ଜିଲ୍ଲାରେ ଏବେ ବଢ଼ିବାରେ ଲାଗିଛି । କିଛି ଦିନ ତଳେ ସୋରର ଜିଲ୍ଲା ପରିଷଦ ସଦସ୍ୟ କମଳାକାନ୍ତ ଘଡ଼େଇ ମଧ୍ୟ ସମାନ ଦଶା ଭୋଗିଥିଲେ । ତାଙ୍କ ଫେସବୁକ୍‌ ଆକାଉଣ୍ଟକୁ ସମାନ ଢଙ୍ଗରେ କେହି ଜଣେ ହ୍ୟାକର ହ୍ୟାକ୍‌ କରି ତାଙ୍କର କିଛି ବନ୍ଧୁଙ୍କ ନିକଟରୁ ଟଙ୍କା ମାଗିଥିଲେ । ତେବେ ସେହି ସମୟରେ କିଛି ବନ୍ଧୁ ହ୍ୟାକରମାନଙ୍କ ଜାଲରେ ପଡ଼ି ଲୁଟର ଶିକାର ହୋଇଥିବା କମଳାକାନ୍ତ କହିଛନ୍ତି ।



‘‘ଏଭଳି ଲୁଟ୍‌ ଅତି ସହଜରେ ହୋଇପାରୁଛି । ଫେସବୁକ ଓ ଟ୍ୱିଟର ଆକାଉଣ୍ଟ ହ୍ୟାକ କରିବା କିଛି ବଡ଼ କଥା ନୁହେଁ । ପ୍ରଥମେ ହ୍ୟାକର କିଛି ଦିନ ଏକାଉଣ୍ଟ ହ୍ୟାକ୍‌ କରି ୟୁଜରର ଗତିବିଧି ଓ କଥାବାର୍ତ୍ତା ଉପରେ ନଜର ରଖେ । ତା’ ପରେ ସାଇବର ଆଟାକ କରେ ଲୁଟେରା,’’ କହିଛନ୍ତି ସାଇବର ଏକ୍ସପୋର୍ଟ ରଘୁନାଥ ଗଙ୍ଗେଇ ।
Published by:Anand Shankar Thankur Das
First published:
)}