- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- କଟକ କୁତାଖାଇ ଗଳି ବାସିନ୍ଦା ବି.ଗୁଣବତୀଙ୍କୁ ଗଳାକାଟି ହତ୍ୟା
କଟକ କୁତାଖାଇ ଗଳି ବାସିନ୍ଦା ବି.ଗୁଣବତୀଙ୍କୁ ଗଳାକାଟି ହତ୍ୟା
କଟକ କୁତାଖାଇ ଗଳି ବାସିନ୍ଦା ବି.ଗୁଣବତୀଙ୍କୁ ନିର୍ମମ ଭାବେ ଗଳାକାଟି ହତ୍ୟା ଘଟଣାକୁ ନେଇ ସ୍ଥାନୀୟ ଅଞ୍ଚଳରେ କୋକୁଆ ଭୟ ସୃଷ୍ଟି ହୋଇଛି । ହତ୍ୟାକାଣ୍ଡ କିଏ ଘଟାଇଥାଇ ପାରେ ସନ୍ଦେହରେ ତନାଘନା ଆରମ୍ଭ କରିଛି କମିଶନରେଟ ପୋଲିସ ।
ମୃତ ବି.ଗୁଣବତୀ (ଫାଇଲ ଫଟୋ)
News 18 Odia Digital
କଟକ: କଟକ କୁତାଖାଇ ଗଳି ବାସିନ୍ଦା ବି.ଗୁଣବତୀଙ୍କୁ ନିର୍ମମ ଭାବେ ଗଳାକାଟି ହତ୍ୟା ଘଟଣାକୁ ନେଇ ସ୍ଥାନୀୟ ଅଞ୍ଚଳରେ କୋକୁଆ ଭୟ ସୃଷ୍ଟି ହୋଇଛି । ନିଜ ସ୍ବାମୀ ଓ ପୁଅ ସହ ନିଜ ଘରେ ରହୁଥିବା ବି.ଗୁଣବତୀ ଜଣେ ଗୃହିଣୀ ହୋଇଥିବା ବେଳେ କେଉଁ କାରଣ ଯୋଗୁଁ ସେ ହତ୍ୟାର ଶିକାର ହେଲେ ଏହି ପ୍ରଶ୍ନ ଏବେ ତାଙ୍କ ପରିବାର ଏପରି କି ସ୍ଥାନୀୟ ବାସିନ୍ଦାଙ୍କୁ ଘାରୁଛି ।
ବି.ଗୁଣବତୀଙ୍କୁ କାହିଁକି ହତ୍ୟା କରାଗଲା ଓ ଏହି ହତ୍ୟାକାଣ୍ଡ କିଏ ଘଟାଇଥାଇ ପରେ ଏହି ଦୁଇଟି ପ୍ରସଙ୍ଗଙ୍କୁ ନେଇ ତନାଘନା ଆରମ୍ଭ କରିଛି କମିଶନରେଟ ପୋଲିସ । ପୋଲିସ ପ୍ରଥମେ କାହିଁକି ହତ୍ୟା କରାଯାଇ ପାରେ ପ୍ରଶ୍ନର ଉତ୍ତର ଖୋଜିବା ଆରମ୍ଭ କରିଛି । ଏହି କ୍ରମରେ ବି.ଗୁଣବତୀଙ୍କ ପରିବାର ଲୋକ ଓ ନିକଟ ସମ୍ପର୍କିୟଙ୍କୁ ପଚରା ଉଚାରା ଆରମ୍ଭ ହୋଇଛି । ଏହା ସହ ଶନିବାର ଦିନ ଘଟଣା ସ୍ଥଳକୁ ଯାଇ ସ୍ଥିତିର ଅନୁସୁନ୍ଧାନ କରିଛନ୍ତି କମିଶସନରେଟ ପୋଲିସର ସ୍ପେସାଲ ସ୍ବାର୍ଡ କ୍ରାଇମ ଡିସିପି ପ୍ରମୋଦ ରଥ ।
ବି.ଗୁଣବତୀ ପିନ୍ଧିଥିବା ସମସ୍ତ ସୁନା ଅଳଙ୍କାର ସୁରକ୍ଷିତ ରହିବା, ଘରୁ କିଛି ଜିନିଷ ଚୋରି ନ ହେବା ଇତ୍ୟାଦିକୁ ଦେଖି ଓ ପ୍ରାଥମିକ ଅନୁସନ୍ଧାନକୁ ଆଧାର କରି ଲୁଟ ଉଦ୍ଦେଶ୍ଯ ନେଇ ଏହି ହତ୍ୟାକାଣ୍ଡ ଘଟି ନ ଥାଇ ପାରେ ଅନୁମାନ କରାଯାଉଛି । ତେବେ ଏହି ମାମଲାକୁ ଅତି ଗୁରୁତର ସହ ନେଇ ଜୋନ ଓ ଏସସିପିଙ୍କୁ ଏହାର ତଦନ୍ତ ଦିଆଯାଇଛି । "ତଦନ୍ତ ଏବେ ପ୍ରାଥମିକ ସ୍ତରର ଅଛି । ଏଣୁ କେଉଁ ପରିସ୍ଥିତିରେ ହତ୍ୟାକାଣ୍ଡ ଘଟିଲା ସେ ସମ୍ପର୍କ ଏବେ କିଛି କହି ହେବ ନାହିଁ । କିନ୍ତୁ କିଛି ଦିନ ମଧ୍ୟରେ ଆମେ ଏକ ନିର୍ଯ୍ଯାସରେ ପହଁଚିପାରିବୁ ବୋଲି ଆଶା କରାଯାଉଛି," କହିଛନ୍ତି କଟକ ଡିସିପି ପିନାକ ମିଶ୍ର ।
"ମୁଁ ନିର୍ଦ୍ଦିଷ୍ଟ ଭାବେ କହି ପାରୁ ନାହିଁ ଯେ କାହିଁକି ମୋ ପତ୍ନୀଙ୍କୁ ହତ୍ୟା କରାଗଲା କିନ୍ତୁ କେହି ଜଣେ ବାହାର ଲୋକ ଏହି କାମ କରିଛି । ମୋର କାହା ସହିତ ଶତୃ୍ତା ନଥିଲା କିମ୍ବା କୌଣସି ପ୍ରକାର ବିବାଦ ମଧ୍ୟ ନଥିଲା," କହିଛନ୍ତି ବି.ଗୁଣବତୀ ରାଓଙ୍କ ସ୍ବାମୀ ବି.ଆପା ରାଓ ।
କଟକ: କଟକ କୁତାଖାଇ ଗଳି ବାସିନ୍ଦା ବି.ଗୁଣବତୀଙ୍କୁ ନିର୍ମମ ଭାବେ ଗଳାକାଟି ହତ୍ୟା ଘଟଣାକୁ ନେଇ ସ୍ଥାନୀୟ ଅଞ୍ଚଳରେ କୋକୁଆ ଭୟ ସୃଷ୍ଟି ହୋଇଛି । ନିଜ ସ୍ବାମୀ ଓ ପୁଅ ସହ ନିଜ ଘରେ ରହୁଥିବା ବି.ଗୁଣବତୀ ଜଣେ ଗୃହିଣୀ ହୋଇଥିବା ବେଳେ କେଉଁ କାରଣ ଯୋଗୁଁ ସେ ହତ୍ୟାର ଶିକାର ହେଲେ ଏହି ପ୍ରଶ୍ନ ଏବେ ତାଙ୍କ ପରିବାର ଏପରି କି ସ୍ଥାନୀୟ ବାସିନ୍ଦାଙ୍କୁ ଘାରୁଛି ।
ବି.ଗୁଣବତୀଙ୍କୁ କାହିଁକି ହତ୍ୟା କରାଗଲା ଓ ଏହି ହତ୍ୟାକାଣ୍ଡ କିଏ ଘଟାଇଥାଇ ପରେ ଏହି ଦୁଇଟି ପ୍ରସଙ୍ଗଙ୍କୁ ନେଇ ତନାଘନା ଆରମ୍ଭ କରିଛି କମିଶନରେଟ ପୋଲିସ । ପୋଲିସ ପ୍ରଥମେ କାହିଁକି ହତ୍ୟା କରାଯାଇ ପାରେ ପ୍ରଶ୍ନର ଉତ୍ତର ଖୋଜିବା ଆରମ୍ଭ କରିଛି । ଏହି କ୍ରମରେ ବି.ଗୁଣବତୀଙ୍କ ପରିବାର ଲୋକ ଓ ନିକଟ ସମ୍ପର୍କିୟଙ୍କୁ ପଚରା ଉଚାରା ଆରମ୍ଭ ହୋଇଛି । ଏହା ସହ ଶନିବାର ଦିନ ଘଟଣା ସ୍ଥଳକୁ ଯାଇ ସ୍ଥିତିର ଅନୁସୁନ୍ଧାନ କରିଛନ୍ତି କମିଶସନରେଟ ପୋଲିସର ସ୍ପେସାଲ ସ୍ବାର୍ଡ କ୍ରାଇମ ଡିସିପି ପ୍ରମୋଦ ରଥ ।
ବି.ଗୁଣବତୀ ପିନ୍ଧିଥିବା ସମସ୍ତ ସୁନା ଅଳଙ୍କାର ସୁରକ୍ଷିତ ରହିବା, ଘରୁ କିଛି ଜିନିଷ ଚୋରି ନ ହେବା ଇତ୍ୟାଦିକୁ ଦେଖି ଓ ପ୍ରାଥମିକ ଅନୁସନ୍ଧାନକୁ ଆଧାର କରି ଲୁଟ ଉଦ୍ଦେଶ୍ଯ ନେଇ ଏହି ହତ୍ୟାକାଣ୍ଡ ଘଟି ନ ଥାଇ ପାରେ ଅନୁମାନ କରାଯାଉଛି । ତେବେ ଏହି ମାମଲାକୁ ଅତି ଗୁରୁତର ସହ ନେଇ ଜୋନ ଓ ଏସସିପିଙ୍କୁ ଏହାର ତଦନ୍ତ ଦିଆଯାଇଛି । "ତଦନ୍ତ ଏବେ ପ୍ରାଥମିକ ସ୍ତରର ଅଛି । ଏଣୁ କେଉଁ ପରିସ୍ଥିତିରେ ହତ୍ୟାକାଣ୍ଡ ଘଟିଲା ସେ ସମ୍ପର୍କ ଏବେ କିଛି କହି ହେବ ନାହିଁ । କିନ୍ତୁ କିଛି ଦିନ ମଧ୍ୟରେ ଆମେ ଏକ ନିର୍ଯ୍ଯାସରେ ପହଁଚିପାରିବୁ ବୋଲି ଆଶା କରାଯାଉଛି," କହିଛନ୍ତି କଟକ ଡିସିପି ପିନାକ ମିଶ୍ର ।
"ମୁଁ ନିର୍ଦ୍ଦିଷ୍ଟ ଭାବେ କହି ପାରୁ ନାହିଁ ଯେ କାହିଁକି ମୋ ପତ୍ନୀଙ୍କୁ ହତ୍ୟା କରାଗଲା କିନ୍ତୁ କେହି ଜଣେ ବାହାର ଲୋକ ଏହି କାମ କରିଛି । ମୋର କାହା ସହିତ ଶତୃ୍ତା ନଥିଲା କିମ୍ବା କୌଣସି ପ୍ରକାର ବିବାଦ ମଧ୍ୟ ନଥିଲା," କହିଛନ୍ତି ବି.ଗୁଣବତୀ ରାଓଙ୍କ ସ୍ବାମୀ ବି.ଆପା ରାଓ ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
